ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² த்ரிபஞ்சாஶஸ்ஸர்க:³ ।
ஏவமுக்தஶ்ஶுப⁴ம் வாக்யம் தாபஸ்யா த⁴ர்மஸம்ஹிதம் ।
உவாச ஹனுமான்வாக்யம் தாமனிந்தி³தசேஷ்டிதாம் ॥ 1 ॥
ஶரணம் த்வாம் ப்ரபன்னா ஸ்ம ஸர்வே வை த⁴ர்மசாரிணீம் ।
ய: க்ருதஸ்ஸமயோஸ்மாகம் ஸுக்³ரீவேண மஹாத்மனா ॥ 2 ॥
ஸ ச காலோ ஹ்யதிக்ராந்தோ பி³லே ச பரிவர்ததாம் ।
ஸா த்வமஸ்மாத்³பி³லாத்³கோ⁴ராது³த்தாரயிதுமர்ஹஸி ॥ 3 ॥
தஸ்மாத்ஸுக்³ரீவவசனாத³திக்ராந்தான்க³தாயுஷ: ।
த்ராதுமர்ஹஸி நஸ்ஸர்வான்ஸுக்³ரீவப⁴யகர்ஶிதான் ॥ 4 ॥
மஹச்சகார்யமஸ்மாபி⁴: கர்தவ்யம் த⁴ர்மசாரிணி ।
தச்சாபி ந க்ருதம் கார்யமஸ்மாபி⁴ரிஹ வாஸிபி⁴: ॥ 5 ॥
ஏவமுக்தா ஹனுமதா தாபஸீ வாக்யமப்³ரவீத் ।
ஜீவதா து³ஷ்கரம் மன்யே ப்ரவிஷ்டேன நிவர்திதும் ॥ 6 ॥
தபஸஸ்து ப்ரபா⁴வேன நியமோபார்ஜிதேன ச ।
ஸர்வானேவ பி³லாத³ஸ்மாது³த்³த⁴ரிஷ்யாமி வானரான் ॥ 7 ॥
நிமீலயத சக்ஷூம்ஷி ஸர்வே வானரபுங்க³வா: ।
ந ஹி நிஷ்க்ரமிதும் ஶக்யமனிமீலிதலோசனை: ॥ 8 ॥
ததஸ்ஸம்மீலிதாஸ்ஸர்வே ஸுகுமாராங்கு³லை: கரை: ।
ஸஹஸாபித³து⁴ர்த்³ருஷ்டிம் ஹ்ருஷ்டா க³மனகாங்க்ஷயா ॥ 9 ॥
வானராஸ்து மஹாத்மானோ ஹஸ்தருத்³த⁴முகா²ஸ்ததா³ ।
நிமேஷாந்தரமாத்ரேண பி³லாது³த்தாரிதாஸ்தயா ॥ 1௦ ॥
ததஸ்தான்வானரான்ஸர்வாம்ஸ்தாபஸீ த⁴ர்மசாரிணீ ।
நிஸ்ஸ்ருதான்விஷமாத்தஸ்மாத்ஸமாஶ்வாஸ்யேத³மப்³ரவீத் ॥ 11 ॥
ஏஷ விந்த்⁴யோ கி³ரிஶ்ஶ்ரீமான்னானாத்³ருமலதாகுல: ।
ஏஷ ப்ரஸ்ரவணஶ்ஶைலஸ்ஸாக³ரோயம் மஹோத³தி⁴: ॥ 12 ॥
ஸ்வஸ்தி வோஸ்து க³மிஷ்யாமி ப⁴வனம் வானரர்ஷபா⁴: ।
இத்யுக்த்வா தத்³பி³லம் ஶ்ரீமத்ப்ரவிவேஶ ஸ்வயம்ப்ரபா⁴ ॥ 13 ॥
ததஸ்தே த³த்³ருஶுர்கோ⁴ரம் ஸாக³ரம் வருணாலயம் ।
அபாரமபி⁴க³ர்ஜந்தம் கோ⁴ரைரூர்மிபி⁴ராவ்ருதம் ॥ 14 ॥
மயஸ்ய மாயாவிஹிதம் கி³ரிது³ர்க³ம் விசின்வதாம் ।
தேஷாம் மாஸோ வ்யதிக்ராந்தோ யோ ராஜ்ஞா ஸமய: க்ருத: ॥ 15 ॥
விந்த்⁴யஸ்ய து கி³ரே: பாதே³ ஸம்ப்ரபுஷ்பிதபாத³பே ।
உபவிஶ்ய மஹாபா⁴கா³ஶ்சிந்தாமாபேதி³ரே ததா³ ॥ 16 ॥
தத: புஷ்பாதிபா⁴ராக்³ரான் லதாஶதஸமாவ்ருதான் ।
த்³ருமான்வாஸந்திகாந்த்³ருஷ்டவா ப³பூ⁴வுர்ப⁴யஶங்கிதா: ॥ 17 ॥
தே வஸந்தமனுப்ராப்தம் ப்ரதிபு³த்³த்⁴வா பரஸ்பரம் ।
நஷ்டஸந்தே³ஶகாலார்தா² நிபேதுர்த⁴ரணீதலே ॥ 18 ॥
ததஸ்தான்கபிவ்ருத்³தா⁴ம்ஸ்து ஶிஷ்டாம்ஶ்சைவ வனௌகஸ: ।
வாசா மது⁴ரயாபா⁴ஷ்ய யதா²வத³னுமான்ய ச ॥ 19 ॥
ஸ து ஸிம்ஹவ்ருஷஸ்கந்த:⁴ பீனாயதபு⁴ஜ: கபி: ।
யுவராஜோ மஹாப்ராஜ்ஞ: அங்க³தோ³ வாக்யமப்³ரவீத் ॥ 2௦ ॥
ஶாஸனாத்கபிராஜஸ்ய வயம் ஸர்வே வினிர்க³தா: ।
மாஸ: பூர்ணோ பி³லஸ்தா²னாம் ஹரய: கிம் ந பு³த்³த்⁴யதே ॥ 21 ॥
வயமாஶ்வயுஜே மாஸி காலஸங்க்²யாவ்யவஸ்தி²தா: ।
ப்ரஸ்தி²தாஸ்ஸோபி சாதீத: கிமத: கார்யமுத்தரம் ॥ 22 ॥
ப⁴வந்த: ப்ரத்யயம் ப்ராப்தா: நீதிமார்க³விஶாரதா³: ।
ஹிதேஷ்வபி⁴ரதா ப⁴ர்துர்னிஸ்ருஷ்டாஸ்ஸர்வகர்மஸு ॥ 23 ॥
கர்மஸ்வப்ரதிமாஸ்ஸர்வே தி³க்ஷு விஶ்ருதபௌருஷா: ।
மாம் புரஸ்க்ருத்ய நிர்யாதா: பிங்கா³க்ஷப்ரதிசோதி³தா: ॥ 24 ॥
இதா³னீமக்ருதார்தா²னாம் மர்தவ்யம் நாத்ர ஸம்ஶய: ।
ஹரிராஜஸ்ய ஸந்தே³ஶமக்ருத்வா கஸ்ஸுகீ² ப⁴வேத் ॥ 25 ॥
தஸ்மின்னதீதே காலே து ஸுக்³ரீவேண க்ருதே ஸ்வயம் ।
ப்ராயோபவேஶனம் யுக்தம் ஸர்வேஷாம் ச வனௌகஸாம் ॥ 26 ॥
தீக்ஷ்ண: ப்ரக்ருத்யா ஸுக்³ரீவஸ்ஸ்வாமிபா⁴வே வ்யவஸ்தி²த: ।
ந க்ஷமிஷ்யதி நஸ்ஸர்வானபராத⁴க்ருதோ க³தான் ॥ 27 ॥
அப்ரவ்ருத்தௌ ச ஸீதாயா: பாபமேவ கரிஷ்யதி ।
தஸ்மாத் க்ஷமமிஹாத்³யைவ க³ந்தும் ப்ராயோபவேஶனம் ஹி ந: ॥ 28 ॥
த்யக்த்வா புத்ராம்ஶ்ச தா³ராம்ஶ்ச த⁴னானி ச க்³ருஹாணி ச ।
த்⁴ருவம் நோ ஹிம்ஸிதா ராஜா ஸர்வான்ப்ரதிக³தானித: ॥ 29 ॥
வதே⁴னாப்ரதிரூபேண ஶ்ரேயான்ம்ருத்யுரிஹைவ ந: ।
ந சாஹம் யௌவராஜ்யேன ஸுக்³ரீவேணாபி⁴ஷேசித: ॥ 3௦ ॥
நரேந்த்³ரேணாபி⁴ஷிக்தோஸ்மி ராமேணாக்லிஷ்டகர்மணா ।
ஸ பூர்வம் ப³த்³த⁴வைரோ மாம் ராஜா த்³ருஷ்ட்வா வ்யதிக்ரமம் ॥ 31 ॥
கா⁴தயிஷ்யதி த³ண்டே³ன தீக்ஷ்ணேன க்ருதனிஶ்சய: ।
கிம் மே ஸுஹ்ருத³பி⁴ர்வ்யஸனம் பஶ்யத்³பி⁴ர்ஜீவிதாந்தரே ॥ 32 ॥
இஹைவ ப்ராயமாஸிஷ்யே புண்யே ஸாக³ரரோத⁴ஸி ।
ஏதச்ச்²ருத்வா குமாரேண யுவராஜேன பா⁴ஷிதம் ॥ 33 ॥
ஸர்வே தே வானரஶ்ரேஷ்டா²: கருணம் வாக்யமப்³ருவன் ।
தீக்ஷ்ண: ப்ரக்ருத்யா ஸுக்³ரீவ: ப்ரியாஸக்தஶ்ச ராக⁴வ: ॥ 34 ॥
அத்³ருஷ்டாயாம் து வைதே³ஹ்யாம் த்³ருஷ்ட்வாஸ்மாம்ஶ்த ஸமாக³தான் ।
ராக⁴வப்ரியகாமார்த²ம் கா⁴தயிஷ்யத்யஸம்ஶயம் ॥ 35 ॥
ந க்ஷமம் சாபராத்³தா⁴னாம் க³மனம் ஸ்வாமிபார்ஶ்வத: ।
இஹைவ ஸீதாமன்விஷ்ய ப்ரவ்ருத்திமுபலப்⁴ய வா ॥ 36 ॥
நோ சேத்³க³ச்சா²ம தம் வீரம் க³மிஷ்யாமோ யமக்ஷயம் ।
ப்லவங்க³மானாம் து ப⁴யார்தி³தானாம் ஶ்ருத்வா வசஸ்தார இத³ம் ப³பா⁴ஷே ।
அலம் விஷாதே³ன பி³லம் ப்ரவிஶ்ய வஸாம ஸர்வே யதி³ ரோசதே வ: ॥ 37 ॥
இத³ம் ஹி மாயாவிஹிதம் ஸுது³ர்க³மம் ப்ரபூ⁴தவ்ருக்ஷோத³கபோ⁴ஜ்யபேயகம் ।
இஹாஸ்தி நோ நைவ ப⁴யம் புரந்த³ரா ந்ன ராக⁴வாத்³வானரராஜதோபி வா ॥ 38 ॥
ஶ்ருத்வாங்க³த³ஸ்யாபி வசோனுகூல மூசுஶ்ச ஸர்வே ஹரய: ப்ரதீதா: ।
யதா² ந ஹிம்ஸ்யேம ததா² விதா⁴ன மஸக்தமத்³யைவ விதீ⁴யதாம் ந: ॥ 39 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ த்ரிபஞ்சாஶஸ்ஸர்க:³ ॥
