ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஏகோனஸப்ததிதமஸ்ஸர்க:³ ।
யாமேவ ராத்ரிம் தே தூ³தா: ப்ரவிஶந்தி ஸ்ம தாம் புரீம் ।
ப⁴ரதேனாபி தாம் ராத்ரிம் ஸ்வப்னோ த்³ருஷ்டோயமப்ரிய: ॥ 1 ॥
வ்யுஷ்டாமேவ து தாம் ராத்ரிம் த்³ருஷ்ட்வா தம் ஸ்வப்னமப்ரியம் ।
புத்ரோ ராஜாதி⁴ராஜஸ்ய ஸுப்⁴ருஶம் பர்யதப்யத ॥ 2 ॥
தப்யமானம் ஸமாஜ்ஞாய வயஸ்யா: ப்ரியவாதி³ன: ।
ஆயாஸம் ஹி வினேஷ்யந்த ஸ்ஸபா⁴யாம் சக்ரிரே கதா²: ॥ 3 ॥
வாத³யந்தி ததா² ஶாந்திம் லாஸ யந்த்யபி சாபரே ।
நாடகான்யபரே ப்ராஹுர்ஹாஸ்யானி விவிதா⁴னி ச ॥ 4 ॥
ஸ தைர்மஹாத்மா ப⁴ரதஸ்ஸகி²பி⁴: ப்ரியவாதி³பி⁴: ।
கோ³ஷ்டீ²ஹாஸ்யானி குர்வத்³பி⁴ர்ன ப்ராஹ்ருஷ்யத ராக⁴வ: ॥ 5 ॥
தமப்³ரவீத்ப்ரியஸகோ² ப⁴ரதம் ஸகி²பி⁴ர்வ்ருதம் ।
ஸுஹ்ருத்³பி⁴: பர்யுபாஸீன: கிம் ஸகே² நானுமோத³ஸே ॥ 6 ॥
ஏவம் ப்³ருவாணம் ஸுஹ்ருத³ம் ப⁴ரத: ப்ரத்யுவாச ஹ ।
ஶ்ருணு த்வம் யன்னிமித்தம் மே தை³ன்யமேதது³பாக³தம் ॥ 7 ॥
ஸ்வப்னே பிதரமத்³ராக்ஷம் மலினம் முக்த மூர்தஜ⁴ம் ।
பதந்தமத்³ரிஶிக²ராத்கலுஷே கோ³மயஹ்ரதே³ ॥ 8 ॥
ப்லவமானஶ்ச மே த்³ருஷ்டஸ்ஸ தஸ்மின்கோ³மயஹ்ரதே³ ।
பிப³ன்னஞ்ஜலினா தைலம் ஹஸன்னபி முஹுர்முஹு: ॥ 9 ॥
ததஸ்திலௌத³னம் பு⁴க்த்வா புன: புனரத⁴ஶ்ஶிரா: ।
தைலேனாப்⁴யக்தஸர்வாங்க:³ தைலமேவான்வகா³ஹத ॥ 1௦ ॥
ஸ்வப்னேபி ஸாக³ரம் ஶுஷ்கம் சந்த்³ரம் ச பதிதம் ப⁴வி ।
உபருத்³தா⁴ம் ச ஜக³தீம் தமஸேவ ஸமாவ்ருதாம் ॥ 11 ॥
ஔபவாஹ்யஸ்ய நாக³ஸ்ய விஷாணம் ஶகலீக்ருதம் ।
ஸஹஸாசாபி ஸம்ஶாந்தம் ஜ்வலிதம் ஜாதவேத³ஸம் ॥ 12 ॥
அவதீர்ணாம் ச ப்ருதி²வீம் ஶுஷ்காம் ஶ்ச விவிதா⁴ன் த்³ருமான் ।
அஹம் பஶ்யாமி வித்⁴வஸ்தான் ஸதூ⁴மாம்ஶ்சாபி பர்வதான் ॥ 13 ॥
பீடே² கார்ஷ்ணாயஸே சைனம் நிஷண்ணம் க்ருஷ்ணவாஸஸம் ।
ப்ரஹஸந்தி ஸ்ம ராஜானம் ப்ரமதா³: க்ருஷ்ணபிங்க³லா: ॥ 14 ॥
த்வரமாணஶ்ச த⁴ர்மாத்மா ரக்தமால்யானுலேபன: ।
ரதே²ன க²ரயுக்தேன ப்ரயாதோ த³க்ஷிணாமுக:² ॥ 15 ॥
ப்ரஹஸந்தீவ ராஜானம் ப்ரமதா³ ரக்தவாஸினீ ।
ப்ரகர்ஷந்தீ மயா த்³ருஷ்டா ராக்ஷஸீ விக்ருதானநா ॥ 16 ॥
ஏவமேதன்மயா த்³ருஷ்டமிமாம் ராத்ரிம் ப⁴யாவஹம் ।
அஹம் ராமோத²வா ராஜா லக்ஷ்மணோ வா மரிஷ்யதி ॥ 17 ॥
நரோ யானேன ய ஸ்ஸ்வப்னே ஸ்வரயுக்தேன யாதி ஹி ।
அசிராத்தஸ்ய தூ⁴மாக்³ரம் சிதாயாம் ஸம்ப்ரத்³ருஶ்யதே ॥ 18 ॥
ஏதன்னிமித்தம் தீ³னோஹம் தன்னவ: ப்ரதிபூஜயே ।
ஶுஷ்யதீவ ச மே கண்ட:² ந ஸ்வஸ்த²மிவ மே மன: ॥ 19 ॥
ந பஶ்யாமி ப⁴யஸ்தா²னம் ப⁴யம் சைவோபதா⁴ரயே ப்⁴ரஷ்டஶ்ச ஸ்வரயோகோ³ மே சா²யா சோபஹதா மம ।
ஜுகு³ப்ஸன்னிவ சாத்மானம் ந பஶ்யமி ச காரணம் ॥ 2௦ ॥
இமாம் ச து³ஸ்ஸ்வப்னக³திம் நிஶாம்யதாமனேகரூபாமவிதர்கிதாம் புரா ।
ப⁴யம் மஹத்தத்³த்⁴ருத³யான்னயாதி மே விசிந்த்ய ராஜானமசிந்தத³ர்ஶனம் ॥ 21 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஏகோனஸப்ததிதமஸ்ஸர்க:³ ॥
