ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² சதுர்த³ஶாதி⁴கஶததமஸ்ஸர்க:³ ।
ஸ்னிக்³த⁴க³ம்பீ⁴ரகோ⁴ஷேண ஸ்யந்த³னேனோபயான்ப்ரபு⁴: ।
அயோத்⁴யாம் ப⁴ரத: க்ஷிப்ரம் ப்ரவிவேஶ மஹாயஶா: ॥ 1 ॥
பி³டா³லோலூகசரிதாமாலீனநரவாரணாம் ।
திமிராப்⁴யாஹதாம் காலீமப்ரகாஶாம் நிஶாமிவ ॥ 2 ॥
ராஹுஶத்ரோ: ப்ரியாம் பத்னீம் ஶ்ரியா ப்ரஜ்வலிதப்ரபா⁴ம் ।
க்³ரஹேணாப்⁴யுத்தி²தேனைகாம் ரோஹிணீமிவ பீடி³தாம் ॥ 3 ॥
அல்போஷ்ணக்ஷுப்³த⁴ஸலிலாம் க⁴ர்மோத்தப்தவிஹங்க³மாம் ।
லீனமீனஜ²ஷக்³ராஹாம் க்ருஶாம் கி³ரினதீ³மிவ ॥ 4 ॥
விதூ⁴மாமிவ ஹேமாபா⁴மத்⁴வராக்³னே ஸ்ஸமுத்தி²தாம் ।
ஹவிரப்⁴யுக்ஷிதாம் பஶ்சாச்சி²கா²ம் விப்ரலயம் க³தாம் ॥ 5 ॥
வித்⁴வஸ்தகவசாம் ருக்³ணகஜ³வாஜிரத²த்⁴வஜாம் ।
ஹதப்ரவீராமாபன்னாம் சமூமிவ மஹாஹவே ॥ 6 ॥
ஸபே²னாம் ஸஸ்வனாம் பூ⁴த்வா ஸாக³ரஸ்ய ஸமுத்தி²தாம் ।
ப்ரஶாந்தமாருதோத்³தூ⁴தாம் ஜலோர்மிமிவ நிஸ்ஸ்வனாம் ॥ 7 ॥
த்யக்தாம் யஜ்ஞாயுதை⁴: ஸர்வைரபி⁴ரூபைஶ்ச யாஜகை: ।
ஸுத்யாகாலே ஸுனிர்வ்ருத்தே வேதி³ம் க³தரவாமிவ ॥ 8 ॥
கோ³ஷ்ட²மத்⁴யே ஸ்தி²தாமார்தாமசரந்தீம் த்ருணம் நவம் ।
கோ³வ்ருஷேண பரித்யக்தாம் க³வாம் பக்திமிவோத்ஸுகாம் ॥ 9 ॥
ப்ரபா⁴கராத்³யை ஸ்ஸுஸ்னிக்³தை⁴: ப்ரஜ்வலத்³பி⁴ரிவோத்தமை: ।
வியுக்தாம் மணிபி⁴ர்ஜாத்யைர்னவாம் முக்தாவலீமிவ ॥ 1௦ ॥
ஸஹஸா சலிதாம் ஸ்தா²னான்மஹீம் புண்யக்ஷயாத்³க³தாம் ।
ஸம்வ்ருதத்³யுதிவிஸ்தாராம் தாராமிவ தி³வஶ்ச்யுதாம் ॥ 11 ॥
புஷ்பனத்³தா⁴ம் வஸந்தாந்தே மத்தப்⁴ரமரனாதி³தாம் ।
த்³ருததா³வாக்³னி விப்லுஷ்டாம் க்லாந்தாம் வனலதாமிவ ॥ 12 ॥
ஸம்மூட⁴னிக³மாம்ஸ்தப்³தா⁴ம் ஸங்க்ஷிப்தவிபணாபணாம் ।
ப்ரச்ச²ன்னஶஶினக்ஷத்ராம் த்³யாமிவாம்பு³த⁴ரைர்வ்ருதாம் ॥ 13 ॥
க்ஷீணபானோத்தமைர்ப⁴க்³னை: ஶராவைரபி⁴ஸம்வ்ருதாம் ।
ஹதஶௌண்டா³மிவ த்⁴வஸ்தாம்ம் பானபூ⁴மிமஸம்ஸ்க்ருதாம் ॥ 14 ॥
வ்ருக்ணபூ⁴மிதலாம் நிம்னாம் வ்ருக்ணபாத்ரைஸ்ஸமாவ்ருதாம் ।
உபயுக்தோத³காம் ப⁴க்³னாம் ப்ரபாம் நிபதிதாமிவ ॥ 15 ॥
விபுலாம் விததாம் சைவ யுக்தபாஶாம் தரஸ்வினாம் ।
பூ⁴மௌ பா³ணைர்வினிஷ்க்ருத்தாம் பதிதாம் ஜ்யாமிவாயுதா⁴த் ॥ 16 ॥
ஸஹஸா யுத்³த⁴ஶௌண்டே³ன ஹயாரோஹேண வாஹிதாம் ।
நிஹதாம் ப்ரதிஸைன்யேன வட³வாமிவ பாதிதாம் ॥ 17 ॥
ஶுஷ்கதோயாம் மஹாமத்ஸ்யை: கூர்மைஶ்ச ப³ஹுபி⁴ர்வ்ருதாம் ।
ப்ரபி⁴ன்னதடவிஸ்தீர்ணாம் வாபீமிவ ஹ்ருதோத்பலாம் ॥ 18 ॥
புருஷஸ்யாப்ரஹ்ருஷ்டஸ்ய ப்ரதிஷித்³தா⁴னுலேபனாம் ।
ஸந்தப்தாமிவ ஶோகேன கா³த்ரயஷ்டிமபூ⁴ஷணாம் ॥ 19 ॥
ப்ராவ்ருஷி ப்ரவிகா³டா⁴யாம் ப்ரவிஷ்டஸ்யாப்⁴ரமண்ட³லம் ।
ப்ரச்ச²ன்னாம் நீலஜீமூதைர்பா⁴ஸ்கரஸ்ய ப்ரபா⁴மிவ ॥ 2௦ ॥
ப⁴ரதஸ்து ரத²ஸ்த² ஸ்ஸன் ஶ்ரீமாந்த³ஶரதா²த்மஜ: ।
வாஹயந்தம் ரத²ஶ்ரேஷ்ட²ம் ஸாரதி²ம் வாக்யமப்³ரவீத் ॥ 21 ॥
கிம் நு க²ல்வத்³ய க³ம்பீ⁴ரோ மூர்சி²தோ ந நிஶம்யதே ।
யதா²புரமயோத்⁴யாயாம் கீ³தவாதி³த்ரனிஸ்வன: ॥ 22 ॥
வாருணீமத³க³ந்த⁴ஶ்ச மால்யக³ந்த⁴ஶ்ச மூர்சி²த: ।
தூ⁴பிதாகு³ருக³ந்த⁴ஶ்ச ந ப்ரவாதி ஸமந்தத: ॥ 23 ॥
யானப்ரவரகோ⁴ஷஶ்ச ஸ்னிக்³த⁴ஶ்ச ஹயனிஸ்வன: ।
ப்ரமத்தகஜ³னாத³ஶ்ச மஹாம்ஶ்ச ரத²னிஸ்வன: ॥ 24 ॥
நேதா³னீம் ஶ்ரூயதே புர்யாமஸ்யாம் ராமே விவாஸிதே ।
சந்த³னாக³ருக³ந்தா⁴ம்ஶ்ச மஹார்ஹாஶ்ச நவஸ்ரஜ: ।
க³தே ஹி ராமே தருணா ஸ்ஸந்தப்தா நோபபு⁴ஞ்ஜதே ॥ 25 ॥
ப³ஹிர்யாத்ராம் ந க³ச்ச²ந்தி சித்ரமால்யத⁴ரா நரா: ।
நோத்ஸவா ஸ்ஸம்ப்ரவர்தந்தே ராமஶோகார்தி³தே புரே ॥ 26 ॥
ஸஹ நூனம் மம ப்⁴ராத்ரா புரஸ்யாஸ்ய த்³யுதிர்க³தா ।
ந ஹி ராஜத்யயோத்⁴யேயம் ஸாஸாரேவார்ஜுனீ க்ஷபா ॥ 27 ॥
கதா³ நு க²லு மே ப்⁴ராதா மஹோத்ஸவ இவாக³த: ।
ஜனயிஷ்யத்யயோத்⁴யாயாம் ஹர்ஷம் க்³ரீஷ்ம இவாம்பு³த:³ ॥ 28 ॥
தருணைஶ்சாருவேஷைஶ்ச நரைருன்னதகா³மிபி⁴: ।
ஸம்பதத்³பி⁴ரயோத்⁴யாயாம் நாபி⁴பா⁴ந்தி மஹாபதா²: ॥ 29 ॥
ஏவம் ப³ஹுவித⁴ம் ஜல்பன்விவேஶ வஸதிம் பிது: ।
தேன ஹீனாம் நரேந்த்³ரேண ஸிம்ஹஹீனாம் கு³ஹாமிவ ॥ 3௦ ॥
ததா³ தத³ந்த: புரமுஞ்ஜி²தப்ரப⁴ம் ஸுரைரிவோத்ஸ்ருஷ்டமபா⁴ஸ்கரம் தி³னம் ।
நிரீக்ஷ்ய ஸர்வம் து விவிக்தமாத்மவான்முமோச பா³ஷ்பம் ப⁴ரத: ஸுது³:கி²த: ॥ 31 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ சதுர்த³ஶாதி⁴கஶததமஸ்ஸர்க:³ ॥
