ஶ்ரீமத்³வால்மீகீய ராமாயணே பா³லகாண்ட³ம் ।
அத² ஷஷ்ட²ஸ்ஸர்க:³ ।
. தஸ்யாம் புர்யாமயோத்⁴யாயாம் வேத³வித்ஸர்வஸங்க்³ரஹ: ।
தீ³ர்க⁴த³ர்ஶீ மஹாதேஜா: பௌரஜானபத³ப்ரிய: ॥ 1 ॥
இக்ஷ்வாகூணாமதிரதோ² யஜ்வா த⁴ர்மரதோ வஶீ ।
மஹர்ஷிகல்போ ராஜர்ஷிஸ்த்ரிஷு லோகேஷு விஶ்ருத: ॥ 2 ॥
ப³லவான்னிஹதாமித்ரோ மித்ரவான்விஜிதேந்த்³ரிய: ।
த⁴னைஶ்ச ஸங்க்³ரஹைஶ்சான்யைஶ்ஶக்ரவைஶ்ரவணோபம: ॥ 3 ॥
யதா² மனுர்மஹாதேஜா லோகஸ்ய பரிரக்ஷிதா ।
ததா² த³ஶரதோ² ராஜா வஸஞ்ஜக³த³பாலயத் ॥ 4 ॥
தேன ஸத்யாபி⁴ஸந்தே⁴ன த்ரிவர்க³மனுதிஷ்ட²தா ।
பாலிதா ஸா புரீ ஶ்ரேஷ்டா² இந்த்³ரேணேவாமராவதீ ॥ 5 ॥
தஸ்மின்புரவரே ஹ்ருஷ்டா த⁴ர்மாத்மானோ ப³ஹுஶ்ருதா: ।
நராஸ்துஷ்டா த⁴னைஸ்ஸ்வைஸ்ஸ்வைரலுப்³தா⁴ஸ்ஸத்யவாதி³ன: ॥ 6 ॥
நால்பஸன்னிசய: கஶ்சிதா³ஸீத்தஸ்மின் புரோத்தமே ।
குடும்பீ³ யோ ஹ்யஸித்³தா⁴ர்தோ²க³வாஶ்வத⁴னதா⁴ன்யவான் ॥ 7 ॥
காமீ வா ந கத³ர்யோ வா ந்ருஶம்ஸ: புருஷ: க்வசித் ।
த்³ரஷ்டும் ஶக்யமயோத்⁴யாயான்னாவித்³வான்ன ச நாஸ்திக: ॥ 8 ॥
ஸர்வே நராஶ்ச நார்யஶ்ச த⁴ர்மஶீலாஸ்ஸுஸம்யதா: ।
உதி³தாஶ்ஶீலவ்ருத்தாப்⁴யாம் மஹர்ஷய இவாமலா: ॥ 9 ॥
நாகுண்ட³லீ நாமகுடீ நாஸ்ரக்³வீ நால்பபோ⁴க³வான் ।
நாம்ருஷ்டோ நானுலிப்தாங்கோ³ நாஸுக³ந்த⁴ஶ்ச வித்³யதே ॥ 1௦ ॥
நாம்ருஷ்டபோ⁴ஜீ நாதா³தா நாப்யனங்க³த³னிஷ்கத்⁴ருக் ।
நாஹஸ்தாப⁴ரணோ வாபி த்³ருஶ்யதே நாப்யனாத்மவான் ॥ 11 ॥
நானாஹிதாக்³னிர்னாயஜ்வா ந க்ஷுத்³ரோ வா ந தஸ்கர: ।
கஶ்சிதா³ஸீத³யோத்⁴யாயான்ன ச நிர்வ்ருத்தஸங்கர: ॥ 12 ॥
ஸ்வகர்மனிரதா நித்யம் ப்³ராஹ்மணா விஜிதேந்த்³ரியா: ।
தா³னாத்⁴யயனஶீலாஶ்ச ஸம்யதாஶ்ச பரிக்³ரஹே ॥ 13 ॥
ந நாஸ்திகோ நான்ருதகோ ந கஶ்சித³ப³ஹுஶ்ருத: ।
நாஸூயகோ ந சாஶக்தோ நாவித்³வான்வித்³யதே ததா³ ॥ 14 ॥
நாஷட³ங்க³வித³த்ராஸீன்னாவ்ரதோ நாஸஹஸ்ரத:³ ।
ந தீ³ன: க்ஷிப்தசித்தோ வா வ்யதி²தோ வாபி கஶ்சன ॥ 15 ॥
கஶ்சின்னரோ வா நாரீ வா நாஶ்ரீமான்னாப்யரூபவான் ।
த்³ரஷ்டும் ஶக்யமயோத்⁴யாயாம் நாபி ராஜன்யப⁴க்திமான் ॥ 16 ॥
வர்ணேஷ்வக்³ர்யசதுர்தே²ஷு தே³வதாதிதி²பூஜகா: ।
க்ருதஜ்ஞாஶ்ச வதா³ன்யாஶ்ச ஶூரா விக்ரமஸம்யுதா: ॥ 17 ॥
தீ³ர்கா⁴யுஷோ நராஸ்ஸர்வே த⁴ர்மம் ஸத்யம் ச ஸம்ஶ்ரிதா: ।
ஸஹிதா: புத்ரபௌத்ரைஶ்ச நித்யம் ஸ்த்ரீபி⁴: புரோத்தமே ॥ 18 ॥
க்ஷத்ரம் ப்³ரஹ்மமுக²ம் சாஸீத்³வைஶ்யா: க்ஷத்ரமனுவ்ரதா: ।
ஶூத்³ராஸ்ஸ்வத⁴ர்மனிரதாஸ்த்ரீன்வர்ணானுபசாரிண: ॥ 19 ॥
ஸா தேனேக்ஷ்வாகுனாதே²ன புரீ ஸுபரிரக்ஷிதா ।
யதா² புரஸ்தான்மனுனா மானவேந்த்³ரேண தீ⁴மதா ॥ 2௦ ॥
யோதா⁴னாமக்³னிகல்பானாம் பேஶலானாமமர்ஷிணாம் ।
ஸம்பூர்ணா க்ருதவித்³யானாம் கு³ஹா கேஸரிணாமிவ ॥ 21 ॥
காம்போ⁴ஜவிஷயே ஜாதைர்பா³ஹ்லீகைஶ்ச ஹயோத்தமை: ।
வனாயுஜைர்னதீ³ஜைஶ்ச பூர்ணா ஹரிஹயோத்தமை: ॥ 22 ॥
விந்த்⁴யபர்வதஜைர்மத்தை: பூர்ணா ஹைமவதைரபி ।
மதா³ன்விதைரதிப³லைர்மாதங்கை³: பர்வதோபமை: ॥ 23 ॥
ஐராவதகுலீனைஶ்ச மஹாபத்³மகுலைஸ்ததா² ।
அஞ்ஜனாத³பி நிஷ்பன்னைர்வாமனாத³பி ச த்³விபை: ॥ 24 ॥
ப⁴த்³ரைர்மந்த்³ரைர்ம்ருகை³ஶ்சைவ ப⁴த்³ரமந்த்³ரம்ருகை³ஸ்ததா² ।
ப⁴த்³ரமந்த்³ரைர்ப⁴த்³ரம்ருகை³ர்ம்ருக³மந்த்³ரைஶ்ச ஸா புரீ ।
நித்யமத்தைஸ்ஸதா³ பூர்ணா நாகை³ரசலஸன்னிபை⁴: ॥ 25 ॥
ஸா யோஜனே ச த்³வே பூ⁴ய: ஸத்யனாமா ப்ரகாஶதே ।
யஸ்யாம் த³ஶரதோ² ராஜா வஸன் ஜக³த³பாலயத் ॥ 26 ॥
தாம் புரீம் ஸ மஹாதேஜா ராஜா த³ஶரதோ² மஹான் ।
ஶஶாஸ ஶமிதாமித்ரோ நக்ஷத்ராணீவ சந்த்³ரமா: ॥ 27 ॥
தாம் ஸத்யனாமாம் த்³ருட⁴தோரணார்க³லாம் க்³ருஹைர்விசித்ரைருபஶோபி⁴தாம் ஶிவாம் ।
புரீமயோத்⁴யாம் ந்ருஸஹஸ்ரஸங்குலாம் ஶஶாஸ வை ஶக்ரஸமோ மஹீபதி: ॥ 28 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ ஷஷ்ட²ஸ்ஸர்க:³ ॥
