ஶ்ரீமத்³வால்மீகீய ராமாயணே அரண்யகாண்ட³ம் ।
அத² ஸப்ததிதமஸ்ஸர்க:³ ।
தௌ து தத்ர ஸ்தி²தௌ த்³ருஷ்ட்வா ப்⁴ராதரௌ ராமலக்ஷ்மணௌ ।
பா³ஹுபாஶபரிக்ஷிப்தௌ கப³ந்தோ⁴ வாக்யமப்³ரவீத் ॥ 1 ॥
திஷ்ட²த: கிம் நு மாம் த்³ருஷ்ட்வா க்ஷுதா⁴ர்தம் க்ஷத்ரியர்ஷபௌ⁴ ।
ஆஹாரார்த²ம் து ஸந்தி³ஷ்டௌ தை³வேன க³தசேதஸௌ ॥ 2 ॥
தச்ச்²ருத்வா லக்ஷ்மணோ வாக்யம் ப்ராப்தகாலம் ஹிதம் ததா³ ।
உவாசார்திம் ஸமாபன்னோ விக்ரமே க்ருதலக்ஷண: ॥ 3 ॥
த்வாம் ச மாம் ச புரா தூர்ணமாத³த்தே ராக்ஷஸாத⁴ம: ।
தஸ்மாத³ஸிப்⁴யாமஸ்யாஶு பா³ஹூ சி²ந்தா³வஹை கு³ரூ ॥ 4 ॥
பீ⁴ஷணோயம் மஹாகாயோ ராக்ஷஸோ பு⁴ஜவிக்ரம: ।
லோகம் ஹ்யதிஜிதம் க்ருத்வா ஹ்யாவாம் ஹந்துமிஹேச்ச²தி ॥ 5 ॥
நிஶ்சேஷ்டானாம் வதோ⁴ ராஜன்குத்ஸிதோ ஜக³தீபதே: ।
க்ரதுமத்⁴யோபனீதானாம் பஶூனாமிவ ராக⁴வ ॥ 6 ॥
ஏதத்ஸஞ்ஜல்பிதம் ஶ்ருத்வா தயோ: க்ருத்³த⁴ஸ்து ராக்ஷஸ: ।
விதா³ர்யாஸ்யம் ததா³ ரௌத்³ரஸ்தௌ ப⁴க்ஷயிதுமாரப⁴த் ॥ 7 ॥
ததஸ்தௌ தே³ஶகாலஜ்ஞௌ க²ட்³கா³ப்⁴யாமேவ ராக⁴வௌ ।
அச்சி²ந்த³தாம் ஸுஸம்விக்³னௌ பா³ஹூ தஸ்யாம்ஸதே³ஶத: ॥ 8 ॥
த³க்ஷிணோ த³க்ஷிணம் பா³ஹுமஸக்தமஸினா தத: ।
சிச்சே²த³ ராமோ வேகே³ன ஸவ்யம் வீரஸ்து லக்ஷ்மண: ॥ 9 ॥
ஸ பபாத மஹாபா³ஹுஶ்சி²ன்னபா³ஹுர்மஹாஸ்வன: ।
க²ம் ச கா³ம் ச தி³ஶஶ்சைவ நாத³யஞ்ஜலதோ³ யதா² ॥ 1௦ ॥
ஸ நிக்ருத்தௌ பு⁴ஜௌ த்³ருஷ்ட்வா ஶோணிதௌக⁴பரிப்லுத: ।
தீ³ன: பப்ரச்ச² தௌ வீரௌ கௌ யுவாமிதி தா³னவ: ॥ 11 ॥
இதி தஸ்ய ப்³ருவாணஸ்ய லக்ஷ்மணஶ்ஶுப⁴லக்ஷண: ।
ஶஶம்ஸ ராக⁴வம் தஸ்ய கப³ந்த⁴ஸ்ய மஹாத்மன: ॥ 12 ॥
அயமிக்ஷ்வாகுதா³யாதோ³ ராமோ நாம ஜனைஶ்ஶ்ருத: ।
அஸ்யைவாவரஜம் வித்³தி³ ப்⁴ராதரம் மாம் ச லக்ஷ்மணம் ॥ 13 ॥
அஸ்ய தே³வப்ரபா⁴வஸ்ய வஸதோ விஜனே வனே ।
ரக்ஷஸாபஹ்ருதா பத்னீ யாமிச்ச²ந்தாவிஹாக³தௌ ॥ 14 ॥
த்வம் து கோ வா கிமர்த²ம் வா கப³ந்த⁴ஸத்³ருஶோ வனே ।
ஆஸ்யேனோரஸி தீ³ப்தேன ப⁴க்³னஜங்கோ⁴ விசேஷ்டஸே ॥ 15 ॥
ஏவமுக்த: கப³ந்த⁴ஸ்து லக்ஷ்மணேனோத்தரம் வச: ।
உவாச பரமப்ரீத ஸ்ததி³ந்த்³ரவசனம் ஸ்மரன் ॥ 16 ॥
ஸ்வாக³தம் வாம் நரவ்யாக்⁴ரௌ தி³ஷ்ட்யா பஶ்யாமி சாப்யஹம் ।
தி³ஷ்ட்யா சேமௌ நிக்ருத்தௌ மே யுவாப்⁴யாம் பா³ஹுப³ந்த⁴னௌ ॥ 17 ॥
விரூபம் யச்ச மே ரூபம் ப்ராப்தம் ஹ்யவினயாத்³யதா² ।
தன்மே ஶ்ருணு நரவ்யாக்⁴ர தத்த்வதஶ்ஶம்ஸதஸ்தவ ॥ 18 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ ஸப்ததிதமஸ்ஸர்க:³ ॥
