ஶ்ரீமத்³வால்மீகீய ராமாயணே அரண்யகாண்ட³ம் ।
அத² பஞ்சமஸ்ஸர்க:³ ।
ஹத்வா து தம் பீ⁴மப³லம் விராத⁴ம் ராக்ஷஸம் வனே ।
ததஸ்ஸீதாம் பரிஷ்வஜ்ய ஸமாஶ்வாஸ்ய ச வீர்யவான் ॥ 1 ॥
அப்³ரவீல்லக்ஷ்மணம் ராமோ ப்⁴ராதரம் தீ³ப்ததேஜஸம் ।
கஷ்டம் வனமித³ம் து³ர்க³ம் ந ச ஸ்ம வனகோ³சரா: ॥ 2 ॥
அபி⁴க³ச்சா²மஹே ஶீக்⁴ரம் ஶரப⁴ங்க³ம் தபோத⁴னம் ।
ஆஶ்ரமம் ஶரப⁴ங்க³ஸ்ய ராக⁴வோபி⁴ஜகா³ம ஹ ॥ 3 ॥
தஸ்ய தே³வப்ரபா⁴வஸ்ய தபஸா பா⁴விதாத்மன: ।
ஸமீபே ஶரப⁴ங்க³ஸ்ய த³த³ர்ஶ மஹத³த்³பு⁴தம் ॥ 4 ॥
விப்⁴ராஜமானம் வபுஷா ஸூர்யவைஶ்வானரோபமம் ।
அவருஹ்யரதோ²த்ஸங்கா³தா³காஶே விபு³தா⁴னுக³ம ॥ 5 ॥
அஸம்ஸ்ப்ருஶந்தம் வஸுதா⁴ம் த³த³ர்ஶ விபு³தே⁴ஶ்வரம் ।
ஸுப்ரபா⁴ப⁴ரணம் தே³வம் விரஜோம்ப³ரதா⁴ரிணம் ॥ 6 ॥
தத்³விதை⁴ரேவ ப³ஹுபி⁴: பூஜ்யமானம் மஹாத்மபி⁴: ।
ஹரிபி⁴ர்வாஜிபி⁴ர்யுக்தமந்தரிக்ஷக³தம் ரத²ம் ॥ 7 ॥
த³த³ர்ஶாதூ³ரதஸ்தஸ்ய தருணாதி³த்யஸன்னிப⁴ம் ।
பாண்டு³ராப்⁴ரக⁴னப்ரக்²யம் சந்த்³ரமண்ட³லஸன்னிப⁴ம் ॥ 8 ॥
அபஶ்யத்³விமலம் ச²த்ரம் சித்ரமால்யோபஶோபி⁴தம் ।
சாமரவ்யஜனே சாக்³ர்யே ருக்மத³ண்டே³ மஹாத⁴னே ॥ 9 ॥
க்³ருஹீதே வரனாரீப்⁴யாம் தூ⁴யமானே ச மூர்த⁴னி ।
க³ந்த⁴ர்வாமரஸித்³தா⁴ஶ்ச ப³ஹவ: பரமர்ஷய: ॥ 1௦ ॥
அந்தரிக்ஷக³தம் தே³வம் வாக்³பி⁴ரக்³ய்ராபி⁴ரீடி³ரே ।
ஸஹ ஸம்பா⁴ஷமாணே து ஶரப⁴ங்கே³ன வாஸவே ॥ 11 ॥
த்³ருஷ்ட்வா ஶதக்ரதும் தத்ர ராமோ லக்ஷ்மணமப்³ரவீத் ।
ராமோத² ரத²முத்³தி³ஶ்ய லக்ஷ்மணாயப்ரத³ர்ஶயன் ॥ 12 ॥
அர்சிஷ்மந்தம் ஶ்ரியா ஜுஷ்டமத்³பு⁴தம் பஶ்ய லக்ஷ்மண ।
ப்ரதபந்தமிவாதி³த்யமந்தரிக்ஷக³தம் ரத²ம் ॥ 13 ॥
யே ஹயா: புருஹூதஸ்ய புரா ஶக்ரஸ்ய நஶ்ஶ்ருதா: ।
அந்தரிக்ஷக³தா தி³வ்யாஸ்த இமே ஹரயோ த்⁴ருவம் ॥ 14 ॥
இமே ச புருஷவ்யாக்⁴ரா யே திஷ்ட்²ந்த்யபி⁴தோ ரத²ம் ।
ஶதம் ஶதம் குண்ட³லினோ யுவான: க²ங்க³பாணய: ॥ 15 ॥
விஸ்தீர்ணவிபுலோரஸ்கா: பரிகா⁴யதபா³ஹவ: ।
ஶோணாம்ஶுவஸனாஸ்ஸர்வே வ்யாத்⁴ரா இவ து³ராஸதா³: ॥ 16 ॥
உரோதே³ஶேஷு ஸர்வேஷாம் ஹாரா ஜ்வலனஸன்னிபா⁴: ।
ரூபம் பி³ப்⁴ரதி ஸௌமித்ரே பஞ்சவிம்ஶதிவார்ஷிகம் ॥ 17 ॥
ஏதத்³தி³ கில தே³வானாம் வயோ ப⁴வதி நித்யதா³ ।
யதே²மே புருஷவ்யாக்⁴ரா த்³ருஶ்யந்தே ப்ரியத³ர்ஶனா: ॥ 18 ॥
இஹைவ ஸஹ வைதே³ஹ்யா முஹூர்தம் திஷ்ட² லக்ஷ்மண ।
யாவஜ்ஜானாம்யஹம் வ்யக்தம் க ஏஷ த்³யுதிமான்ரதே² ॥ 19 ॥
தமேவமுக்த்வா ஸௌமித்ரிமிஹைவ ஸ்தீ²யதாமிதி ।
அபி⁴சக்ராம காகுத்ஸ்த² ஶ்ஶரப⁴ங்கா³ஶ்ரமம் ப்ரதி ॥ 2௦ ॥
ததஸ்ஸமபி⁴க³ச்ச²ந்தம் ப்ரேக்ஷ்ய ராமம் ஶசீபதி: ।
ஶரப⁴ங்க³மனுப்ராப்ய விவிக்த இத³மப்³ரவீத் ॥ 21 ॥
இஹோபயாத்யஸௌ ராமோ யாவன்மாம் நாபி⁴பா⁴ஷதே ।
நிஷ்டா²ம் நயது தாவத்து ததோ மா த்³ரஷ்டுமர்ஹதி ॥ 22 ॥
ஜிதவந்தம் க்ருதார்த²ம் ஹி ததா³ஹமசிராதி³மம் ।
கர்ம ஹ்யனேன கர்தவ்யம் மஹத³ன்யைஸ்ஸுது³ஷ்கரம் ॥ 23 ॥
இதி வஜ்ரீ தமாமந்த்ர்ய மானயித்வா ச தாபஸம் ।
ரதே²ன ஹயயுக்தேன யயௌ தி³வமரிந்த³ம: ॥ 24 ॥
ப்ரயாதே து ஸஹஸ்ராக்ஷே ராக⁴வஸ்ஸபரிச்ச²த:³ ।
அக்³னிஹோத்ரமுபாஸீனம் ஶரப⁴ங்க³முபாக³மத் ॥ 25 ॥
தஸ்ய பாதௌ³ ச ஸங்க்³ருஹ்ய ராமஸ்ஸீதா ச லக்ஷ்மண: ।
நிஷேது³ஸ்ஸமனுஜ்ஞாதா லப்³த⁴வாஸா நிமந்த்ரிதா: ॥ 26 ॥
ததஶ்ஶக்ரோபயானம் து பர்யப்ருச்ச²த்ஸ ராக⁴வ: ।
ஶரப⁴ங்க³ஶ்ச தத்ஸர்யம் ராக⁴வாய ந்யவேத³யத் ॥ 27 ॥
மாமேஷ வரதோ³ ராம ப்³ரஹ்மலோகம் நினீஷதி ।
ஜிதமுக்³ரேண தபஸா து³ஷ்ப்ராபமக்ருதாத்மபி⁴: ॥ 28 ॥
அஹம் ஜ்ஞாத்வா நரவ்யாக்⁴ர வர்தமானமதூ³ரத: ।
ப்³ரஹ்மலோகம் ந க³ச்சா²மி த்வாமத்³ருஷ்ட்வா ப்ரியாதிதி²ம் ॥ 29 ॥
த்வயாஹம் புருஷவ்யாக்⁴ர தா⁴ர்மிகேண மஹாத்மனா ।
ஸமாக³ம்ய க³மிஷ்யாமி த்ரிதி³வம் தே³வஸேவிதம் ॥ 3௦ ॥
அக்ஷயா நரஶார்தூ³ல மயா லோகா ஜிதாஶ்ஶுபா⁴ ।
ப்³ராஹ்ம்யாஶ்ச நாகப்ருஷ்ட்²யாஶ்ச ப்ரதிக்³ருஹ்ணீஷ்வ மாமகான் ॥ 31 ॥
ஏவமுக்தோ நரவ்யாக்⁴ரஸ்ஸர்வஶாஸ்த்ர விஶாரத:³ ।
ருஷிணா ஶரப⁴ங்கே³ண ராக⁴வோ வாக்யமப்³ரவீத் ॥ 32 ॥
அஹமேவாஹரிஷ்யாமி ஸர்வாம்ல்லோகான்மஹாமுனே ।
ஆவாஸம் த்வஹமிச்சா²மி ப்ரதி³ஷ்டமிஹ கானநே ॥ 33 ॥
ராக⁴வேணைவமுக்தஸ்து ஶக்ரதுல்யப³லேன வை ।
ஶரப⁴ங்கோ³ மஹாப்ராஜ்ஞ: புனரேவாப்³ரவீத்³வச: ॥ 34 ॥
இஹ ராம மஹாதேஜாஸ்ஸுதீக்ஷ்ணோ நாம தா⁴ர்மிக: ।
வஸத்யரண்யே த⁴ர்மாத்மா ஸ தே ஶ்ரேயோ விதா⁴ஸ்யதி ॥ 35 ॥
ஸுதீக்ஷ்ணமபி⁴க³ச்ச² த்வம் ஶுசௌ தே³ஶே தபஸ்வினம் ।
ரமணீயே வனோத்³தே³ஶே ஸ தே வாஸம் விதா⁴ஸ்யதி ॥ 36 ॥
இமாம் மந்தா³கினீம் ராம ப்ரதிஸ்ரோதாமனுவ்ரஜ ।
நதீ³ம் புஷ்போடு³பவஹாம் ததஸ்தத்ர க³மிஷ்யஸி ॥ 37 ॥
ஏஷ பந்தா² நரவ்யாக்⁴ர முஹூர்தம் பஶ்ய தாத மாம் ।
யாவஜ்ஜஹாமி கா³த்ராணி ஜீர்ணாம் த்வசமிவோரக:³ ॥ 38 ॥
ததோக்³னிம் ஸ ஸமாதா⁴ய ஹுத்வா சாஜ்யேன மந்த்ரவித் ।
ஶரப⁴ங்கோ³ மஹாதேஜா: ப்ரவிவேஶ ஹுதாஶனம் ॥ 39 ॥
தஸ்ய ரோமாணி கேஶாம்ஶ்ச ததா³ வஹ்னிர்மஹாத்மன: ।
ஜீர்ணாம் த்வசம் ததா²ஸ்தீ²னி யச்ச மாம்ஸம் ஸஶோணிதம் ॥ 4௦ ॥
ஸ ச பாவகஸங்காஶ: குமாரஸ்ஸமபத்³யத ।
உத்தா²யாக்³னிசயாத்தஸ்மாச்ச²ரப⁴ங்கோ³ வ்யரோசத ॥ 41 ॥
ஸ லோகானாஹிதாக்³னீனாம்ருஷீணாம் ச மஹாத்மனாம் ।
தே³வானாம் ச வ்யதிக்ரம்ய ப்³ரஹ்மலோகம் வ்யரோஹத ॥ 42 ॥
ஸ புண்யகர்மா பு⁴வனே த்³விஜர்ஷப:⁴ பிதாமஹம் ஸானுசரம் த³த³ர்ஶ ஹ ।
பிதாமஹஶ்சாபி ஸமீக்ஷ்ய தம் த்³விஜம் நனந்த³ ஸுஸ்வாக³தமித்யுவாச ஹ ॥ 43 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ பஞ்சமஸ்ஸர்க:³ ॥
