ஶ்ரீமத்³வால்மீகீய ராமாயணே அரண்யகாண்ட³ம் ।
அத² அஷ்டாவிம்ஶஸ்ஸர்க:³ ।
நிஹதம் தூ³ஷணம் த்³ருஷ்ட்வா ரணே த்ரிஶிரஸா ஸஹ ।
க²ரஸ்யாப்யப⁴வத்த்ராஸோ த்³ருஷ்ட்வா ராமஸ்ய விக்ரமம் ॥ 1 ॥
ஸ த்³ருஷ்ட்வா ராக்ஷஸம் ஸைன்யமவிஸஹ்யம் மஹாப³ல: ।
ஹதமேகேன ராமேண த்ரிஶிரோதூ³ஷணாவபி ॥ 2 ॥
தத்³ப³லம் ஹதபூ⁴யிஷ்ட²ம் விமனா: ப்ரேக்ஷ்ய ராக்ஷஸ: ।
ஆஸஸாத³ க²ரோ ராமம் நமுசிர்வாஸவம் யதா² ॥ 3 ॥
விக்ருஷ்ய ப³லவச்சாபம் நாராசான்ரக்தபோ⁴ஜனான் ।
க²ரஶ்சிக்ஷேப ராமாய க்ருத்³தா⁴னாஶீவிஷானிவ ॥ 4 ॥
ஜ்யாம் விதூ⁴ன்வம்ஸுப³ஹுஶஶ்ஶிக்ஷயாஸ்த்ராணி த³ர்ஶயன் ।
சசார ஸமரே மார்கா³ஞ்ச²ரை ரத²க³த: க²ர: ॥ 5 ॥
ஸ ஸர்வாஶ்ச தி³ஶோ பா³ணை: ப்ரதி³ஶஶ்ச மஹாரத:² ।
பூரயாமாஸ தம் த்³ருஷ்ட்வா ராமோபி ஸுமஹத்³த⁴னு: ॥ 6 ॥
ஸ ஸாயகைர்து³ர்விஸஹைஸ்ஸஸ்பு²லிங்கை³ரிவாக்³னிபி⁴: ।
நப⁴ஶ்சகாராவிவரம் பர்ஜன்ய இவ வ்ருஷ்டிபி⁴: ॥ 7 ॥
தத்³ப³பூ⁴வ ஶிதைர்பா³ணை: க²ரராமவிஸர்ஜிதை: ।
பர்யாகாஶமனாகாஶம் ஸர்வதஶ்ஶரஸங்குலம் ॥ 8 ॥
ஶரஜாலாவ்ருதஸ்ஸூர்யோ ந ததா³ ஸ்ம ப்ரகாஶதே ।
அன்யோன்யவத⁴ஸம்ரம்பா⁴து³ப⁴யோஸ்ஸம்ப்ரயுத்⁴யதோ: ॥ 9 ॥
ததோ நாலீகனாராசைஸ்தீக்ஷ்ணாக்³ரைஶ்ச விகர்ணிபி⁴: ।
ஆஜகா⁴ன க²ரோ ராமம் தோத்ரைரிவ மஹாத்³விபம் ॥ 1௦ ॥
தம் ரத²ஸ்த²ம் த⁴னுஷ்பாணிம் ராக்ஷஸம் பர்யவஸ்தி²தம் ।
த³த்³ருஶுஸ்ஸர்வபூ⁴தானி பாஶஹஸ்தமிவாந்தகம் ॥ 11 ॥
ஹந்தாரம் ஸர்வஸைன்யஸ்ய பௌருஷே பர்யவஸ்தி²தம் ।
பரிஶ்ராந்தம் மஹாஸத்வம் மேனே ராமம் க²ரஸ்ததா³ ॥ 12 ॥
தம் ஸிம்ஹமிவ விக்ராந்தம் ஸிம்ஹவிக்ராந்தகா³மினம் ।
த்³ருஷ்ட்வா நோத்³விஜதே ராம: ஸிம்ஹ: க்ஷுத்³ரம்ருக³ம் யதா² ॥ 13 ॥
தத: ஸூர்யனிகாஶேன ரதே²ன மஹதா க²ர: ।
ஆஸஸாத³ ரணே ராமம் பதங்க³ இவ பாவகம் ॥ 14 ॥
ததோஸ்ய ஸஶரம் சாபம் முஷ்டிதே³ஶே மஹாத்மன: ।
க²ரஶ்சிச்சே²த³ ராமஸ்ய த³ர்ஶயன்பாணிலாக⁴வம் ॥ 15 ॥
ஸ புனஸ்த்வபரான்ஸப்த ஶரானாதா³ய வர்மணி ।
நிஜகா⁴ன க²ர: க்ருத்³த⁴ஶ்ஶக்ராஶனிஸமப்ரபா⁴ன் ॥ 16 ॥
ததஸ்தத்ப்ரஹதம் பா³ணை: க²ரமுக்தைஸ்ஸுபர்வபி⁴: ।
பபாத கவசம் பூ⁴மௌ ராமஸ்யாதி³த்யவர்சஸ: ॥ 17 ॥
ததஶ்ஶரஸஹஸ்ரேண ராமமப்ரதிமௌஜஸம் ।
அர்த³யித்வா மஹானாத³ம் நனாத³ ஸமரே க²ர: ॥ 18 ॥
ஸ ஶரைரர்தி³த: க்ருத்³த⁴ஸ்ஸர்வகா³த்ரேஷு ராக⁴வ: ।
ரராஜ ஸமரே ராமோ விதூ⁴மோக்³னிரிவ ஜ்வலன் ॥ 19 ॥
ததோ க³ம்பீ⁴ரனிர்ஹ்ராத³ம் ராமஶ்ஶத்ருனிப³ர்ஹண: ।
சகாராந்தாய ஸ ரிபோஸ்ஸஜ்யமன்யன்மஹத்³த⁴னு: ॥ 2௦ ॥
ஸுமஹத்³வைஷ்ணவம் யத்தத³திஸ்ருஷ்டம் மஹர்ஷிணா ।
வரம் தத்³த⁴னுருத்³யம்ய க²ரம் ஸமபி⁴தா⁴வத ॥ 21 ॥
தத: கனகபுங்கை²ஸ்து ஶரைஸ்ஸன்னதபர்வபி⁴: ।
பி³பே⁴த³ ராமஸ்ஸங்க்ருத்³த:⁴ க²ரஸ்ய ஸமரே த்⁴வஜம் ॥ 22 ॥
ஸ த³ர்ஶனீயோ ப³ஹுதா⁴ விகீர்ண: காஞ்சனத்⁴வஜ: ।
ஜகா³ம த⁴ரணீம் ஸூர்யோ தே³வதானாமிவாஜ்ஞயா ॥ 23 ॥
தம் சதுர்பி⁴: க²ர: க்ருத்³தோ⁴ ராமம் கா³த்ரேஷு மார்க³ணை: ।
விவ்யாத⁴ யுதி⁴ மர்மஜ்ஞோ மாதங்க³மிவ தோமரை: ॥ 24 ॥
ஸ ராமோ ப³ஹுபி⁴ர்பா³ணை: க²ரகார்முகனிஸ்ஸ்ருதை: ।
வித்³தோ⁴ ருதி⁴ரஸிக்தாங்கோ³ ப³பூ⁴வ ருஷிதோ ப்⁴ருஶம் ॥ 25 ॥
ஸ த⁴னுர்த⁴ன்வினாம் ஶ்ரேஷ்ட:² ப்ரக்³ருஹ்ய பரமாஹவே ।
முமோச பரமேஷ்வாஸஷ்ஷட்ச²ரானபி⁴லக்ஷிதான் ॥ 26 ॥
ஶிரஸ்யேகேன பா³ணேன த்³வாப்⁴யாம் ப³ஹ்வோரதா²ர்த³யத் ।
த்ரிபி⁴ஶ்சந்த்³ரார்த⁴வக்த்ரைஶ்ச வக்ஷஸ்யபி⁴ஜகா⁴ன ஹ ॥ 27 ॥
தத: பஶ்சான்மஹாதேஜா நாராசான்பா⁴ஸ்கரோபமான் ।
ஜிகா⁴ம்ஸூ ராக்ஷஸங்க்ருத்³த⁴ஸ்த்ரயோத³ஶ ஸமாத³தே³ ॥ 28 ॥
ததோஸ்ய யுக³மேகேன சதுர்பி⁴ஶ்சதுரோ ஹயான் ।
ஷஷ்டே²ன து ஶிரஸ்ஸங்க்²யே க²ரஸ்ய ரத²ஸாரதே²: ॥ 29 ॥
த்ரிபி⁴ஸ்த்ரிவேணும் ப³லவாந்த்³வாப்⁴யாமக்ஷம் மஹாப³ல: ।
த்³வாத³ஶேன து பா³ணேன க²ரஸ்ய ஸஶரம் த⁴னு: ॥ 3௦ ॥
சி²த்வா வஜ்ரனிகாஶேன ராக⁴வ: ப்ரஹஸன்னிவ ।
த்ரயோத³ஶேனேந்த்³ரஸமோ பி³பே⁴த³ ஸமரே க²ரம் ॥ 31 ॥
ப்ரப⁴க்³னத⁴ன்வா விரதோ² ஹதாஶ்வோ ஹதஸாரதி²: ।
க³தா³பாணிரவப்லுத்ய தஸ்தௌ² பூ⁴மௌ க²ரஸ்ததா³ ॥ 32 ॥
தத்கர்ம ராமஸ்ய மஹாரத²ஸ்ய ஸமேத்ய தே³வாஶ்ச மஹர்ஷயஶ்ச ।
அபூஜயன்ப்ராஞ்ஜலய: ப்ரஹ்ருஷ்டா: ததா³ விமானாக்³ரக³தாஸ்ஸமேதா: ॥ 33 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ அஷ்டாவிம்ஶஸ்ஸர்க:³ ॥
