ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² ஷட்³விம்ஶஸ்ஸர்க:³ ।
ததஶ்ஶோகாபி⁴ஸந்தப்தம் ஸுக்³ரீவம் க்லின்னவாஸஸம் ।
ஶாகா²ம்ருக³மஹாமாத்ரா: பரிவார்யோபதஸ்தி²ரே ॥ 1 ॥
அபி⁴க³ம்ய மஹாபா³ஹும் ராமமக்லிஷ்டகாரிணம் ।
ஸ்தி²தா: ப்ராஞ்ஜலயஸ்ஸர்வே பிதாமஹமிவர்ஷய: ॥ 2 ॥
தத: காஞ்சனஶைலாப⁴ ஸ்தருணார்கனிபா⁴னந: ।
அப்³ரவீத்ப்ராஞ்ஜலிர்வாக்யம் ஹனூமான்மாருதாத்மஜ: ॥ 3 ॥
ப⁴வத்ப்ரஸாதா³த்ஸுக்³ரீவ: பித்ருபைதாமஹம் மஹத் ।
வானராணாம் ஸுது³ஷ்ப்ராபம் ப்ராப்தோ ராஜ்யமித³ம் ப்ரபோ⁴ ॥ 4 ॥
ப⁴வதா ஸமனுஜ்ஞாத: ப்ரவிஶ்ய நக³ரம் ஶுப⁴ம் ॥ 5 ॥
ஸம்விதா⁴ஸ்யதி கார்யாணி ஸர்வாணி ஸஸுஹ்ருஜ்ஜன: ।
ஸ்னாதோயம் விவிதை⁴ர்க³ந்தை⁴ரௌஷதை⁴ஶ்ச யதா²விதி⁴ ॥ 6 ॥
அர்சயிஷ்யதி ரத்னைஶ்ச மால்யைஶ்ச த்வாம் விஶேஷத: ।
இமாம் கி³ரிகு³ஹாம் ரம்யாமபி⁴க³ந்துமிதோர்ஹஸி ॥ 7 ॥
குருஷ்வ ஸ்வாமிஸம்ப³ந்த⁴ம் வானரான்ஸம்ப்ரஹர்ஷய ।
ஏவமுக்தோ ஹனுமதா ராக⁴வ: பரவீரஹா ॥ 8 ॥
ப்ரத்யுவாச ஹனூமந்தம் பு³த்³தி⁴மான்வாக்யகோவித:³ ।
சதுர்த³ஶ ஸமாஸ்ஸௌம்ய க்³ராமம் வா யதி³ வா புரம் ॥ 9 ॥
ந ப்ரவேக்ஷ்யாமி ஹனுமன்பிதுர்னிர்தே³ஶபாலக: ।
ஸுஸம்ருத்³தா⁴ம் கு³ஹாம் ரம்யாம் ஸுக்³ரீவோ வானரர்ஷப:⁴ ॥ 1௦ ॥
ப்ரவிஷ்டோ விதி⁴வத்³வீர: க்ஷிப்ரம் ராஜ்யேபி⁴ஷிச்யதாம் ।
ஏவமுக்த்வா ஹனூமந்தம் ராமஸ்ஸுக்³ரீவமப்³ரவீத் ॥ 11 ॥
வ்ருத்தஜ்ஞோ வ்ருத்தஸம்பன்னமுதா³ரப³லவிக்ரமம் ।
இமமப்யங்க³த³ம் வீர யௌவராஜ்யேபி⁴ஷேசய ॥ 12 ॥
ஜ்யேஷ்ட²ஸ்ய ஸ ஸுதோ ஜ்யேஷ்ட²ஸ்ஸத்³ருஶோ விக்ரமேண தே ।
அங்க³தோ³யமதீ³னாத்மா யௌவராஜ்யஸ்ய பா⁴ஜனம் ॥ 13 ॥
பூர்வோயம் வார்ஷிகோ மாஸ: ஶ்ராவணஸ்ஸலிலாக³ம: ।
ப்ரவ்ருத்தாஸ்ஸௌம்ய சத்வாரோ மாஸா வார்ஷிகஸஜ்ஞிகா: ॥ 14 ॥
நாயமுத்³யோக³ஸமய: ப்ரவிஶ த்வம் புரீம் ஶுபா⁴ம் ।
அஸ்மின்வத்ஸ்யாம்யஹம் ஸௌம்ய பர்வதே ஸஹ லக்ஷ்மண: ॥ 15 ॥
இயம் கி³ரிகு³ஹா ரம்யா விஶாலா யுக்தமாருதா ।
ப்ரபூ⁴தஸலிலா ஸௌம்ய ப்ரபூ⁴தகமலோத்பலா ॥ 16 ॥
கார்திகே ஸமனுப்ராப்தே த்வம் ராவணவதே⁴ யத ।
ஏஷ நஸ்ஸமயஸ்ஸௌம்ய ப்ரவிஶ த்வம் ஸ்வமாலயம் ॥ 17 ॥
அபி⁴ஷிக்தஸ்வ ராஜ்யே ச ஸுஹ்ருத³ஸ்ஸம்ப்ரஹர்ஷய ।
இதி ராமாப்⁴யனுஜ்ஞாதஸ்ஸுக்³ரீவோ வானராதி⁴ப: ॥ 18 ॥
ப்ரவிவேஶ புரீம் ரம்யாம் கிஷ்கிந்தா⁴ம் வாலிபாலிதாம் ।
தம் வானரஸஹஸ்ராணி ப்ரவிஷ்டம் வானரேஶ்வரம் ॥ 19 ॥
அபி⁴வாத்³ய ப்ரவிஷ்டானி ஸர்வத: பர்யவாரயன் ।
தத: ப்ரக்ருதயஸ்ஸர்வா த்³ருஷ்ட்வா ஹரிக³ணேஶ்வரம் ॥ 2௦ ॥
ப்ரணம்ய மூர்த்⁴னா பதிதா வஸுதா⁴யாம் ஸமாஹிதா: ।
ஸுக்³ரீவ: ப்ரக்ருதீஸ்ஸர்வாஸ்ஸம்பா⁴ஷ்யோத்தா²ப்ய வீர்யவான் ॥ 21 ॥
ப்⁴ராதுரந்த:புரம் ஸௌம்யம் ப்ரவிவேஶ மஹாப³ல: ।
ப்ரவிஶ்ய த்வபி⁴னிஷ்க்ராந்தம் ஸுக்³ரீவம் ப்லவகே³ஶ்வரம் ॥ 22 ॥
அப்⁴யஷிஞ்சந்த ஸுஹ்ருத³ஸ்ஸஹஸ்ராக்ஷமிவாமரா: ।
தஸ்ய பாண்டு³ரமாஜஹ்ருஶ்ச²த்ரம் ஹேமபரிஷ்க்ருதம் ॥ 23 ॥
ஶுக்லே ச வாலவ்யஜனே ஹேமத³ண்டே³ யஶஸ்கரே ।
ததா² ஸர்வாணி ரத்னானி ஸர்வபீ³ஜௌஷதீ⁴ரபி ॥ 24 ॥
ஸக்ஷீராணாம் ச வ்ருக்ஷாணாம் ப்ரரோஹான்குஸுமானி ச ।
ஶுக்லானி சைவ வஸ்த்ராணி ஶ்வேதம் சைவானுலேபனம் ॥ 25 ॥
ஸுக³ந்தீ⁴னி ச மால்யானி ஸ்த²லஜான்யம்பு³ஜானி ச ।
சந்த³னானி ச தி³வ்யானி க³ந்தா⁴ம்ஶ்ச விவிதா⁴ன்ப³ஹூன் ॥ 26 ॥
அக்ஷதம் ஜாதரூபம் ச ப்ரியங்கு³மது⁴ஸர்பிஷீ ।
த³தி⁴ சர்ம ச வையாக்⁴ரம் வாராஹீ சாப்யுபானஹௌ ॥ 27 ॥
ஸமாலம்ப⁴னமாதா³ய ரோசனாம் ஸமனஶ்ஶிலாம் ।
ஆக்³முஸ்தத்ர முதி³தா வரா: கன்யாஸ்து ஷோட³ஶ ॥ 28 ॥
ததஸ்தே வானரஶ்ரேஷ்ட²ம் யதா²காலம் யதா²விதி⁴ ।
ரத்னைர்வஸ்த்ரைஶ்ச ப⁴க்ஷ்யைஶ்ச தோஷயித்வா த்³விஜர்ஷபா⁴ன் ॥ 29 ॥
தத: குஶபரிஸ்தீர்ணம் ஸமித்³த⁴ம் ஜாதவேத³ஸம் ।
மந்த்ரபூதேன ஹவிஷா ஹுத்வா மந்த்ரவிதோ³ ஜனா: ॥ 3௦ ॥
ததோ ஹேமப்ரதிஷ்டா²னே வராஸ்தரணஸம்வ்ருதே ।
ப்ராஸாத³ஶிக²ரே ரம்யே சித்ரமால்யோபஶோபி⁴தே ॥ 31 ॥
ப்ராங்முக²ம் விவிதை⁴ர்மந்த்ரை: ஸ்தா²பயித்வா வராஸனே ।
நதீ³னதே³ப்⁴யஸ்ஸம்ஹ்ருத்ய தீர்தே²ப்⁴யஶ்ச ஸமந்தத: ॥ 32 ॥
ஆஹ்ருத்ய ச ஸமுத்³ரேப்⁴யஸ்ஸர்வேப்⁴யோ வானரர்ஷபா⁴: ।
அப: கனககும்பே⁴ஷு நிதா⁴ய விமலாஶ்ஶுபா⁴: ॥ 33 ॥
ஶுபை⁴ர்வ்ருஷப⁴ஶ்ருங்கை³ஶ்ச கலஶைஶ்சாபி காஞ்சனை: ।
ஶாஸ்த்ரத்³ருஷ்டேன விதி⁴னா மஹர்ஷிவிஹிதேன ச ॥ 34 ॥
கஜ³ோ க³வாக்ஷோ க³வயஶ்ஶரபோ⁴ க³ந்த⁴மாத³ன: ।
மைந்த³ஶ்ச த்³விவித³ஶ்சைவ ஹனுமான்ஜாம்ப³வான்னல: ॥ 35 ॥
அப்⁴யஷிஞ்சந்த ஸுக்³ரீவம் ப்ரஸன்னேன ஸுக³ந்தி⁴னா ।
ஸலிலேன ஸஹஸ்ராக்ஷம் வஸவோ வாஸவம் யதா² ॥ 36 ॥
அபி⁴ஷிக்தே து ஸுக்³ரீவே ஸர்வே வானரபுங்க³வா: ।
ப்ரசுக்ருஶுர்மஹாத்மானோ ஹ்ருஷ்டா ஸ்தத்ர ஸஹஸ்ரஶ: ॥ 37 ॥
ராமஸ்ய து வச: குர்வன்ஸுக்³ரீவோ ஹரிபுங்க³வ: ।
அங்க³த³ம் ஸம்பரிஷ்வஜ்ய யௌவராஜ்யேப்⁴யஷேசயத் ॥ 38 ॥
அங்க³தே³ சாபி⁴ஷிக்தே து ஸானுக்ரோஶா: ப்லவங்க³மா: ।
ஸாது⁴ ஸாத்⁴விதி ஸுக்³ரீவம் மஹாத்மானோப்⁴யபூஜயன் ॥ 39 ॥
ராமம் சைவ மஹாத்மானம் லக்ஷ்மணம் ச புன: புன: ।
ப்ரீதாஶ்ச துஷ்டுவுஸ்ஸர்வே தாத்³ருஶே தத்ர வர்திதே ॥ 4௦ ॥
ஹ்ருஷ்டபுஷ்டஜனாகீர்ணா பதாகாத்⁴வஜஶோபி⁴தா ।
ப³பூ⁴வ நக³ரீ ரம்யா கிஷ்கிந்தா⁴ கி³ரிக³ஹ்வரே ॥ 41 ॥
நிவேத்³ய ராமாய ததா³ மஹாத்மனே மஹாபி⁴ஷேகம் கபிவாஹினீபதி: ।
ருமாம் ச பா⁴ர்யம் ப்ரதிலப்⁴ய வீர்யவா நவாப ராஜ்யம் த்ரித³ஶாதி⁴போ யதா² ॥ 42 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ ஷட்³விம்ஶஸ்ஸர்க:³ ॥
