ஶ்ரீமத்³வால்மீகீய ராமாயணே பா³லகாண்ட³ம் ।
அத² அஷ்டசத்வாரிம்ஶஸ்ஸர்க:³ ।
ப்ருஷ்ட்வா து குஶலம் தத்ர பரஸ்பரஸமாக³மே ।
கதா²ந்தே ஸுமதிர்வாக்யம் வ்யாஜஹார மஹாமுனிம் ॥ 1 ॥
இமௌ குமாரௌ ப⁴த்³ரம் தே தே³வதுல்யபராக்ரமௌ ।
கஜ³ஸிம்ஹக³தீ வீரௌ ஶார்தூ³லவ்ருஷபோ⁴பமௌ ॥ 2 ॥
பத்³மபத்ரவிஶாலாக்ஷௌ க²ட்³க³தூணீ த⁴னுர்த⁴ரௌ ।
அஶ்வினாவிவ ரூபேண ஸமுபஸ்தி²தயௌவனௌ ॥ 3 ॥
யத்³ருச்ச²யைவ கா³ம் ப்ராப்தௌ தே³வலோகாதி³வாமரௌ ।
கத²ம் பத்³ப்⁴யாமிஹ ப்ராப்தௌ கிமர்த²ம் கஸ்ய வா முனே ॥ 4 ॥
பூ⁴ஷயந்தாவிமம் தே³ஶம் சந்த்³ரஸூர்யாவிவாம்ப³ரம் ।
பரஸ்பரஸ்ய ஸத்³ருஶௌ ப்ரமாணேங்கி³தசேஷ்டிதை: ॥ 5 ॥
கிமர்த²ம் ச முனிஶ்ரேஷ்ட² ஸம்ப்ராப்தௌ து³ர்க³மே பதி² ।
வராயுத⁴த⁴ரௌ வீரௌ ஶ்ரோதுமிச்சா²மி தத்த்வத: ॥ 6 ॥
தஸ்ய தத்³வசனம் ஶ்ருத்வா யதா²வ்ருத்தம் ந்யவேத³யத் ।
ஸித்³தா⁴ஶ்ரமனிவாஸம் ச ராக்ஷஸானாம் வத⁴ம் ததா² ॥ 7 ॥
விஶ்வாமித்ரவசஶ்ஶ்ருத்வா ராஜா பரமஹர்ஷித: ।
அதிதீ² பரமௌ ப்ராப்தௌ புத்ரௌ த³ஶரத²ஸ்ய தௌ ॥ 8 ॥
பூஜயாமாஸ விதி⁴வத்ஸத்காரார்ஹௌ மஹாப³லௌ ।
தத: பரமஸத்காரம் ஸுமதே: ப்ராப்ய ராக⁴வௌ ॥ 9 ॥
உஷ்ய தத்ர நிஶாமேகாம் ஜக்³மதுர்மிதி²லாம் தத: ।
தான் த்³ருஷ்ட்வா முனயஸ்ஸர்வே ஜனகஸ்ய புரீம் ஶுபா⁴ம் ॥ 1௦ ॥
ஸாது⁴ ஸாத்⁴விதி ஶம்ஸந்தோ மிதி²லாம் ஸமபூஜயன் ।
மிதி²லோபவனே ஶூன்யமாஶ்ரமம் த்³ருஶ்ய ராக⁴வ: ॥ 11 ॥
புராணம் நிர்ஜனம் ரம்யம் பப்ரச்ச² முனிபுங்க³வம் ।
ஶ்ரீமதா³ஶ்ரமஸங்காஶம் கின்ன்வித³ம் முனிவர்ஜிதம் ॥ 12 ॥
ஜ்ஞாதுமிச்சா²மி ப⁴க³வன் கஸ்யாயம் பூர்வமாஶ்ரம: ।
தச்ச்²ருத்வா ராக⁴வேணோக்தம் வாக்யம் வாக்யவிஶாரத:³ ॥ 13 ॥
ப்ரத்யுவாச மஹாதேஜா விஶ்வாமித்ரோ மஹாமுனி: ।
ஹந்த தே கத²யிஷ்யாமி ஶ்ருணு தத்த்வேன ராக⁴வ ॥ 14 ॥
யஸ்யேத³மாஶ்ரமபத³ம் ஶப்தம் கோபான்மஹாத்மனா ।
கௌ³தமஸ்ய நரஶ்ரேஷ்ட² பூர்வமாஸீன்மஹாத்மன: ॥ 15 ॥
ஆஶ்ரமோ தி³வ்யஸங்காஶஸ்ஸுரைரபி ஸுபூஜித: ।
ஸ சேஹ தப ஆதிஷ்ட²த³ஹல்யாஸஹித: புரா ॥ 16 ॥
வர்ஷபூகா³னநேகாம்ஶ்ச ராஜபுத்ர மஹாயஶ: ।
தஸ்யாந்தரம் விதி³த்வா து ஸஹஸ்ராக்ஷஶ்ஶசீபதி: ॥ 17 ॥
முனிவேஷத⁴ரோஹல்யாமித³ம் வசனமப்³ரவீத் ।
ருதுகாலம் ப்ரதீக்ஷந்தே நார்தி²னஸ்ஸுஸமாஹிதே ॥ 18 ॥
ஸங்க³மம் த்வஹமிச்சா²மி த்வயா ஸஹ ஸுமத்⁴யமே ।
முனிவேஷம் ஸஹஸ்ராக்ஷம் விஜ்ஞாய ரகு⁴னந்த³ன ॥ 19 ॥
மதிம் சகார து³ர்மேதா⁴ தே³வராஜகுதூஹலாத் ।
அதா²ப்³ரவீத் நரஶ்ரேஷ்ட² க்ருதார்தே²னாந்தராத்மனா ॥ 2௦ ॥
க்ருதார்தா²ஸ்மி ஸுரஶ்ரேஷ்ட² க³ச்ச² ஶீக்⁴ரமித: ப்ரபோ⁴ ।
ஆத்மானம் மாம் ச தே³வேஶ ஸர்வதா³ ரக்ஷ கௌ³தமாத் ॥ 21 ॥
இந்த்³ரஸ்து ப்ரஹஸன் வாக்யமஹல்யாமித³மப்³ரவீத் ।
ஸுஶ்ரோணி பரிதுஷ்டோஸ்மி க³மிஷ்யாமி யதா²க³தம் ॥ 22 ॥
ஏவம் ஸங்க³ம்ய து தயா நிஶ்சக்ராமோடஜாத்தத: ।
ஸ ஸம்ப்⁴ரமாத்த்வரன் ராம ஶங்கிதோ கௌ³தமம் ப்ரதி ॥ 23 ॥
கௌ³தமம் தம் த³த³ர்ஶாத² ப்ரவிஶந்தம் மஹாமுனிம் ।
தே³வதா³னவது³ர்த⁴ர்ஷம் தபோப³லஸமன்விதம் ॥ 24 ॥
தீர்தே²ந்த³கபரிக்லின்னம் தீ³ப்யமானமிவானலம் ।
க்³ருஹீதஸமித⁴ம் தத்ர ஸகுஶம் முனிபுங்க³வம் ॥ 25 ॥
த்³ருஷ்ட்வா ஸுரபதிஸ்த்ரஸ்தோ விவர்ணவத³னோப⁴வத் ।
அத² த்³ருஷ்ட்வா ஸஹஸ்ராக்ஷம் முனிவேஷத⁴ரம் முனி: ॥ 26 ॥
து³ர்வ்ருத்தம் வ்ருத்தஸம்பன்னோ ரோஷாத்³வசனமப்³ரவீத் ।
மம ரூபம் ஸமாஸ்தா²ய க்ருதவானஸி து³ர்மதே ॥ 27 ॥
அகர்தவ்யமித³ம் தஸ்மாத்³விப²லஸ்த்வம் ப⁴விஷ்யஸி ।
கௌ³தமேனைவமுக்தஸ்ய ஸரோஷேண மஹாத்மனா ॥ 28 ॥
பேததுர்வ்ருஷணை பூ⁴மௌ ஸஹஸ்ராக்ஷஸ்ய தத்க்ஷணாத் ।
ததா² ஶப்த்வா ஸ வை ஶக்ரமஹல்யாமபி ஶப்தவான் ॥ 29 ॥
இஹ வர்ஷஸஹஸ்ராணி ப³ஹூனி த்வம் நிவத்ஸ்யஸி ।
வாயுப⁴க்ஷா நிராஹாரா தப்யந்தீ ப⁴ஸ்மஶாயினீ ॥ 3௦ ॥
அத்³ருஶ்யா ஸர்வபூ⁴தானாம் ஆஶ்ரமேஸ்மின்னிவத்ஸ்யஸி ।
யதா³ சைதத்³வனம் கோ⁴ரம் ராமோ த³ஶரதா²த்மஜ: ॥ 31 ॥
ஆக³மிஷ்யதி து³ர்த⁴ர்ஷஸ்ததா³ பூதா ப⁴விஷ்யஸி ।
தஸ்யாதித்²யேன து³ர்வுத்தே லோப⁴மோஹவிவர்ஜிதா ॥ 32 ॥
மத்ஸகாஶே முதா³ யுக்தா ஸ்வம் வபுர்தா⁴ரயிஷ்யஸி ।
ஏவமுக்த்வா மஹாதேஜா கௌ³தமோ து³ஷ்டசாரிணீம் ॥ 33 ॥
இமமாஶ்ரமமுத்ஸ்ருஜ்ய ஸித்³த⁴சாரணஸேவிதே ।
ஹிமவச்சி²க²ரே புண்யே தபஸ்தேபே மஹாதபா: ॥ 34 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ அஷ்டசத்வாரிம்ஶஸ்ஸர்க:³ ॥
