ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² சத்வாரிம்ஶஸ்ஸர்க:³ ।
அத² ராமஶ்ச ஸீதா ச லக்ஷ்மணஶ்ச க்ருதாஞ்ஜலி: ।
உபஸங்க்³ருஹ்ய ராஜானம் சக்ருர்தீ³னா: ப்ரத³க்ஷிணம் ॥ 1 ॥
தம் சாபி ஸமனுஜ்ஞாப்ய த⁴ர்மஜ்ஞஸ்ஸீதயா ஸஹ ।
ராக⁴வ ஶ்ஶோகஸம்மூடோ⁴ ஜனநீமப்⁴யவாத³யத் ॥ 2 ॥
அன்வக்ஷம் லக்ஷ்மணோ ப்⁴ராது: கௌஸல்யாம் அப்⁴யவாத³யத் ।
அத² மாது: ஸுமித்ராயா ஜக்³ராஹ சரணௌ புன: ॥ 3 ॥
தம் வந்த³மானம் ருத³தீ மாதா ஸௌமித்ரிமப்³ரவீத் ।
ஹிதகாமா மஹாபா³ஹும் மூத்⁴னர்யுபாக்⁴ராய லக்ஷ்மணம் ॥ 4 ॥
ஸ்ருஷ்டஸ்த்வம் வனவாஸாய ஸ்வனுரக்தஸ்ஸுஹ்ருஜ்ஜனே ।
ராமே ப்ரமாத³ம் மா கார்ஷீ: புத்ர ப்⁴ராதரி க³ச்ச²தி ॥ 5 ॥
வ்யஸனீ வா ஸம்ருத்³தோ⁴ வா க³திரேஷ தவானக⁴ ।
ஏஷ லோகே ஸதாம் த⁴ர்மோ யஜ்ஜ்யேஷ்ட²வஶகோ³ ப⁴வேத் ॥ 6 ॥
இத³ம் ஹி வ்ருத்தமுசிதம் குலஸ்யாஸ்ய ஸனாதனம் ।
தா³னம் தீ³க்ஷா ச யஜ்ஞேஷு தனுத்யாகோ³ ம்ருதே⁴ஷு ச ॥ 7 ॥
லக்ஷ்மணம் த்வேவமுக்த்வா ஸா ஸம்ஸித்³த⁴ம் ப்ரியராக⁴வம் ।
ஸுமித்ரா க³ச்ச² க³ச்சே²தி புன: புனருவாச தம் ॥ 8 ॥
ராமம் த³ஶரத²ம் வித்³தி⁴ மாம் வித்³தி⁴ ஜனகாத்மஜாம் ।
அயோத்⁴யாமடவீம் வித்⁴தி³ க³ச்ச² தாத யதா²ஸுக²ம் ॥ 9 ॥
தத: ஸுமந்த்ர: காகுத்ஸ்த²ம் ப்ராஞ்ஜலிர்வாக்யமப்³ரவீத் ।
வினீதோ வினயஜ்ஞஶ்ச மாதலிர்வாஸவம் யதா² ॥ 1௦ ॥
ரரத²மாரோஹ ப⁴த்³ரம் தே ராஜபுத்ர மஹாயஶ: ।
க்ஷிப்ரம் த்வாம் ப்ராபயிஷ்யாமி யத்ர மாம் ராம வக்ஷ்யஸி ॥ 11 ॥
சதுர்த³ஶ ஹி வர்ஷாணி வஸ்தவ்யானி வனே த்வயா ।
தான்யுபக்ரமிதவ்யானி யானி தே³வ்யாஸி சோதி³த: ॥ 12 ॥
தம் ரத²ம் ஸூர்யஸங்காஶம் ஸீதா ஹ்ருஷ்டேன சேதஸா ।
ஆருரோஹ வராரோஹா க்ருத்வாலங்காரமாத்மன: ॥ 13 ॥
அதோ² ஜ்வலனஸங்காஶம் சாமீகரவிபூ⁴ஷிதம் ।
தமாருருஹதுஸ்தூர்ணம் ப்⁴ராதரௌ ராமலக்ஷ்மணௌ ॥ 14 ॥
வனவாஸம் ஹி ஸங்க்³யாய வாஸாம்ஸ்யாப⁴ரணானி ச ।
ப⁴ர்தாரமனுக³ச்ச²ந்த்யை ஸீதாயை ஶ்வஶுரோ த³தௌ³ ॥ 15 ॥
ததை²வாயுதஜ⁴ாலானி ப்⁴ராத்ருப்⁴யாம் கவசானி ச ।
ரதோ²பஸ்தே² ப்ரதின்யஸ்ய ஸசர்ம கடி²னம் ச தத் ॥ 16 ॥
ஸீதாத்ருதீயானாரூடா⁴ன் த்³ருஷ்ட்வா த்³ருஷ்டமசோத³யத் ।
ஸுமந்த்ரஸ்ஸம்மதானஶ்வான் வாயுவேக³ஸமான்ஜவே ॥ 17 ॥
ப்ரதியாதே மஹாரண்யம் சிரராத்ராய ராக⁴வே ।
ப³பூ⁴வ நக³ரே மூர்சா² ப³லமூர்சா² ஜனஸ்ய ச ॥ 18 ॥
தத்ஸமாகுலஸம்ப்⁴ராந்தம் மத்தஸங்குபிதத்³விபம் ।
ஹயஶிஞ்ஜிதனிர்கோ⁴ஷம் புரமாஸீன்மஹாஸ்வனம் ॥ 19 ॥
தத ஸ்ஸபா³லவ்ருத்³தா⁴ ஸா புரீ பரமபீடி³தா ।
ராமமேவாபி⁴து³த்³ராவ க⁴ர்மார்தா ஸலிலம் யதா² ॥ 2௦ ॥
பார்ஶ்வத: ப்ருஷ்ட²தஶ்சாபி லம்ப³மானாஸ்தது³ன்முகா²: ।
பா³ஷ்பபூர்ணமுகா²ஸ்ஸர்வே தமூசுர்ப்⁴ருஶனிஸ்வனா: ॥ 21 ॥
ஸம்யச்ச² வாஜினாம் ரஶ்மீன் ஸூத யாஹி ஶனைஶ்ஶனை: ।
முக²ம் த்³ரக்ஷ்யாம ராமஸ்ய து³ர்த³ர்ஶம் நோ ப⁴விஷ்யதி ॥ 22 ॥
ஆயஸம் ஹ்ருத³யம் நூனம் ராமமாதுரஸம்ஶயம் ।
யத்³தே³வக³ர்ப⁴ப்ரதிமே வனம் யாதி ந பி⁴த்³யதே ॥ 23 ॥
க்ருதக்ருத்யா ஹி வைதே³ஹீ சா²யேவானுக³தா பதிம் ।
ந ஜஹாதி ரதா த⁴ர்மே மேருமர்கப்ரபா⁴ யதா² ॥ 24 ॥
அஹோ லக்ஷ்மண ஸித்³தா⁴ர்த² ஸ்ஸததம் ப்ரியவாதி³னம் ।
ப்⁴ராதரம் தே³வஸங்காஶம் யஸ்த்வம் பரிசரிஷ்யஸி ॥ 25 ॥
மஹத்யேஷா ஹி தே ஸித்⁴தி³ரேஷ சாப்⁴யுத³யோ மஹான் ।
ஏஷ ஸ்வர்க³ஸ்ய மார்க³ஶ்ச யதே³னமனுக³ச்ச²ஸி ॥ 26 ॥
ஏவம் வத³ந்தஸ்தே ஸோடு⁴ம் ந ஶேகுர்பா³ஷ்பமாக³தம் ।
நராஸ்தமனுக³ச்ச²ந்த: ப்ரியமிக்ஷ்வாகுனந்த³னம் ॥ 27 ॥
அத² ராஜா வ்ருத ஸ்த்ரீபி⁴ர்தீ³னாபி⁴ர்தீ³னசேதன: ।
நிர்ஜகா³ம ப்ரியம் புத்ரம் த்³ரக்ஷ்யாமீதி ப்³ருவன் க்³ருஹாத் ॥ 28 ॥
ஶுஶ்ருவே சாக்³ரத: ஸ்த்ரீணாம் ருத³ந்தீனாம் மஹாஸ்வன: ।
யதா² நாத:³ கரேணூனாம் ப³த்³தே⁴ மஹதி குஞ்ஜரே ॥ 29 ॥
பிதா ஹி ராஜா காகுத்ஸ்த:² ஶ்ரீமான் ஸன்னஸ்ததா³ப⁴வத் ।
பரிபூர்ண: ஶஶீ காலே க்³ரஹேணோபப்லுதோ யதா² ॥ 3௦ ॥
ஸ ச ஶ்ரீமானசிந்த்யாத்மா ராமோ த³ஶரதா²த்மஜ: ।
ஸூதம் ஸஞ்சோத³யாமாஸ த்வரிதம் வாஹ்யதாமிதி ॥ 31 ॥
ராமோ யாஹீதி ஸூதம் தம் திஷ்டே²தி ஸ ஜனஸ்ததா³ ।
உப⁴யம் நாஶகத்ஸூத: கர்துமத்⁴வனி சோதி³த: ॥ 32 ॥
நிர்க³ச்ச²தி மஹாபா³ஹௌ ராமே பௌரஜனாஶ்ருபி⁴: ।
பதிதைரப்⁴யவஹிதம் ப்ரஶஶாம மஹீரஜ: ॥ 33 ॥
ருதி³தாஶ்ருபரித்³யூனம் ஹாஹாக்ருதமசேதனம் ।
ப்ரயாணே ராக⁴வஸ்யாஸீத்புரம் பரமபீடி³தம் ॥ 34 ॥
ஸுஸ்ராவ நயனை: ஸ்த்ரீணாமஸ்ரமாயாஸஸம்ப⁴வம் ।
மீனஸங்க்ஷோப⁴சலிதை ஸ்ஸலிலம் பங்கஜைரிவ ॥ 35 ॥
த்³ருஷ்ட்வா து ந்ருபதி ஶ்ஶ்ரீமானேகசித்தக³தம் புரம் ।
நிபபாதைவ து³:கே²ன ஹதமூல இவ த்³ரும: ॥ 36 ॥
ததோ ஹலஹலாஶப்³தோ³ ஜஜ்ஞே ராமஸ்ய ப்ருஷ்ட²த: ।
நராணாம் ப்ரேக்ஷ்ய ராஜானம் ஸீத³ந்தம் ப்⁴ருஶது³:கி²தம் ॥ 37 ॥
ஹா ராமேதி ஜனா: கேசித்³ராமமாதேதி சாபரே ।
அந்த:புரம் ஸம்ருத்³த⁴ம் ச க்ரோஶந்த: பர்யதே³வயன் ॥ 38 ॥
அன்வீக்ஷமாணோ ராமஸ்து விஷண்ணம் ப்⁴ராந்தசேதஸம் ।
ராஜானம் மாதரம் சைவ த³த³ர்ஶானுக³தௌ பதி² ॥ 39 ॥
ஸ ப³த்³த⁴ இவ பாஶேன கிஶோரோ மாதரம் யதா² ।
த⁴ர்மபாஶேன ஸங்க்ஷிப்த: ப்ரகாஶம் நாப்⁴யுதை³க்ஷத ॥ 4௦ ॥
பதா³தினௌ ச யானார்ஹாவது³:கா²ர்ஹௌ ஸுகோ²சிதௌ ।
த்³ருஷ்ட்வா ஸஞ்சோத³யாமாஸ ஶீக்⁴ரம் யாஹீதி ஸாரதி²ம் ॥ 41 ॥
ந ஹி தத்புருஷவ்யாக்⁴ரோ து³:க²த³ம் த³ர்ஶனம் பிது: ।
மாதுஶ்ச ஸஹிதும் ஶக்தஸ்தோத்ரார்தி³த இவ த்³விப: ॥ 42 ॥
ப்ரத்யகா³ரமிவாயாந்தீ வத்ஸலா வத்ஸகாரணாத் ।
ப³த்³த⁴வத்ஸா யதா² தே⁴னூ ராமமாதாப்⁴யதா⁴வத ॥ 43 ॥
ததா² ருத³ந்தீம் கௌஸல்யாம் ரத²ம் தமனுதா⁴வதீம் ।
க்ரோஶந்தீம் ராம ராமேதி ஹா ஸீதே லக்ஷ்மணேதி ச ॥ 44 ॥
ராமலக்ஷ்மணஸீதார்த²ம் ஸ்ரவந்தீம் வாரி நேத்ரஜம் ।
அஸக்ருத்ப்ரைக்ஷத ததா³ ந்ருத்யந்தீமிவ மாதரம் ॥ 45 ॥
திஷ்டே²தி ராஜா சுக்ரோஶ யாஹி யாஹீதி ராக⁴வ: ।
ஸுமந்த்ரஸ்ய ப³பூ⁴வாத்மா சக்ரயோரிவ சாந்தரா ॥ 46 ॥
நாஶ்ரௌஷமிதி ராஜானமுபாலப்³தோ⁴பி வக்ஷ்யஸி ।
சிரம் து³:க²ஸ்ய பாபிஷ்ட²மிதி ராமஸ்தமப்³ரவீத் ॥ 47 ॥
ராமஸ்ய ஸ வச: குர்வன்னநுஜ்ஞாப்ய ச தம் ஜனம் ।
வ்ரஜதோபி ஹயான் ஶீக்⁴ரம் சோத³யாமாஸ ஸாரதி²: ॥ 48 ॥
ந்யவர்தத ஜனோ ராஜ்ஞோ ராமம் க்ருத்வா ப்ரத³க்ஷிணம் ।
மனஸாப்யஶ்ருவேகை³ஶ்ச ந ந்யவர்தத மானுஷம் ॥ 49 ॥
யமிச்சே²த்புனராயாந்தம் நைனம் தூ³ரமனுவ்ரஜேத் ।
இத்யமாத்யா மஹாராஜமூசுர்த³ஶரத²ம் வச: ॥ 5௦ ॥
தேஷாம் வச: ஸர்வகு³ணோபபன்னம் ப்ரஸ்வின்னகா³த்ர: ப்ரவிஷண்ணரூப: ।
நிஶம்ய ராஜா க்ருபண: ஸபா⁴ர்யோ வ்யவஸ்தி²தஸ்தம் ஸுதமீக்ஷமாண: ॥ 51 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ சத்வாரிம்ஶஸ்ஸர்க:³ ॥
