ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² ஷோட³ஶஸ்ஸர்க:³ ।
ப்ரஶஸ்ய து ப்ரஶஸ்தவ்யாம் ஸீதாம் தாம் ஹரிபுங்க³வ: ।
கு³ணாபி⁴ராமம் ராமம் ச புனஶ்சிந்தாபரோப⁴வத் ॥ 1 ॥
ஸ முஹூர்தமிவ த்⁴யாத்வா பா³ஷ்பபர்யாகுலேக்ஷண: ।
ஸீதாமாஶ்ரித்ய தேஜஸ்வீ ஹனூமான்விலலாப ஹ ॥ 2 ॥
மான்யா கு³ருவினீதஸ்ய லக்ஷ்மணஸ்ய கு³ருப்ரியா ।
யதி³ ஸீதாபி து³:கா²ர்தா காலோ ஹி து³ரதிக்ரம: ॥ 3 ॥
ராமஸ்ய வ்யவஸாயஜ்ஞா லக்ஷ்மணஸ்ய ச தீ⁴மத: ।
நாத்யர்த²ம் க்ஷுப்⁴யதே தே³வீ க³ங்கே³வ ஜலதா³க³மே ॥ 4 ॥
துல்யஶீலவயோவ்ருத்தாம் துல்யாபி⁴ஜனலக்ஷணாம் ।
ராக⁴வோர்ஹதி வைதே³ஹீம் தம் சேயமஸிதேக்ஷணா ॥ 5 ॥
தாம் த்³ருஷ்ட்வா நவஹேமாபா⁴ம் லோககாந்தாமிவ ஶ்ரியம் ।
ஜகா³ம மனஸா ராமம் வசனம் சேத³மப்³ரவீத் ॥ 6 ॥
அஸ்யா ஹேதோர்விஶாலாக்ஷ்யா ஹதோ வாலீ மஹாப³ல: ।
ராவணப்ரதிமோ வீர்யே கப³ந்த⁴ஶ்ச நிபாதித: ॥ 7 ॥
விராத⁴ஶ்ச ஹத: ஸங்க்²யே ராக்ஷஸோ பீ⁴மவிக்ரம: ।
வனே ராமேண விக்ரம்ய மஹேந்த்³ரேணேவ ஶம்ப³ர: ॥ 8 ॥
சதுர்த³ஶ ஸஹஸ்ராணி ரக்ஷஸாம் பீ⁴மகர்மணாம் ।
நிஹதானி ஜனஸ்தா²னே ஶரைரக்³னிஶிகோ²பமை: ॥ 9 ॥
க²ரஶ்ச நிஹதஸங்க்²யே த்ரிஶிராஶ்ச நிபாதித: ।
தூ³ஷணஶ்ச மஹாதேஜா ராமேண விதி³தாத்மனா ॥ 1௦ ॥
ஐஶ்வர்யம் வானராணாம் ச து³ர்லப⁴ம் வாலிபாலிதம் ।
அஸ்யா நிமித்தே ஸுக்³ரீவ: ப்ராப்தவான் லோகஸத்க்ருதம் ॥ 11 ॥
ஸாக³ரஶ்ச மயா க்ராந்தஶ்ஶ்ரீமான்னத³னதீ³பதி: ।
அஸ்யா ஹேதோர்விஶாலாக்ஷ்யா: புரீ சேயமவேக்ஷிதா ॥ 12 ॥
யதி³ ராம: ஸமுத்³ராந்தாம் மேதி³னீம் பரிவர்தயேத் ।
அஸ்யா: க்ருதே ஜக³ச்சாபி யுக்தமித்யேவ மே மதி: ॥ 13 ॥
ராஜ்யம் வா த்ரிஷு லோகேஷு ஸீதா வா ஜனகாத்மஜா ।
த்ரைலோக்யராஜ்யம் ஸகலம் ஸீதாயா நாப்னுயாத்கலாம் ॥ 14 ॥
இயம் ஸா த⁴ர்மஶீலஸ்ய மைதி²லஸ்ய மஹாத்மன: ।
ஸுதா ஜனகராஜஸ்ய ஸீதா ப⁴ர்த்ருத்³ருட⁴வ்ரதா ॥ 15 ॥
உத்தி²தா மேதி³னீம் பி⁴த்த்வா க்ஷேத்ரே ஹலமுக²க்ஷதே ।
பத்³மரேணுனிபை⁴: கீர்ணா ஶுபை⁴: கேதா³ரபாம்ஸுபி⁴: ॥ 16 ॥
விக்ராந்தஸ்யார்யஶீலஸ்ய ஸம்யுகே³ஷ்ன்விவர்தின: ।
ஸ்னுஷா த³ஶரத²ஸ்யைஷா ஜ்யேஷ்டா² ராஜ்ஞோ யஶஸ்வினீ ॥ 17 ॥
த⁴ர்மஜ்ஞஸ்ய க்ருதஜ்ஞஸ்ய ராமஸ்ய விதி³தாத்மன: ।
இயம் ஸா த³யிதா பா⁴ர்யா ராக்ஷஸீவஶமாக³தா ॥ 18 ॥
ஸர்வான் போ⁴கா³ன்பரித்யஜ்ய ப⁴ர்த்ருஸ்னேஹப³லாத்க்ருதா ।
அசிந்தயித்வா து³:கா²னி ப்ரவிஷ்டா நிர்ஜனம் வனம் ॥ 19 ॥
ஸந்துஷ்டா ப²லமூலேன ப⁴ர்த்ருஶுஶ்ரூஷணே ரதா ।
யா பராம் பஜ⁴தே ப்ரீதிம் வனேபி ப⁴வனே யதா² ॥ 2௦ ॥
ஸேயம் கனகவர்ணாங்கீ³ நித்யம் ஸுஸ்மிதபா⁴ஷிணீ ।
ஸஹதே யாதனாமேதாமனர்தா²னாமபா⁴கி³னீ ॥ 21 ॥
இமாம் து ஶீலஸம்பன்னாம் த்³ரஷ்டுமர்ஹதி ராக⁴வ: ।
ராவணேன ப்ரமதி²தாம் ப்ரபாமிவ பிபாஸித: ॥ 22 ॥
அஸ்யா நூனம் புனர்லாபா⁴த்³ராக⁴வ: ப்ரீதிமேஷ்யதி ।
ராஜா ராஜ்யபரிப்⁴ரஷ்ட: புன: ப்ராப்யேவ மேதி³னீம் ॥ 23 ॥
காமபோ⁴கை³: பரித்யக்தா ஹீனா ப³ந்து⁴ஜனேன ச ।
தா⁴ரயத்யாத்மனோ தே³ஹம் தத்ஸமாக³மகாங்க்ஷிணீ ॥ 24 ॥
நைஷா பஶ்யதி ராக்ஷஸ்யோ நேமான்புஷ்பப²லத்³ருமான் ।
ஏகஸ்த²ஹ்ருத³யா நூனம் ராமமேவானுபஶ்யதி ॥ 25 ॥
ப⁴ர்தா நாம பரம் நார்யா பூ⁴ஷணம் பூ⁴ஷணாத³பி ।
ஏஷா து ரஹிதா தேன பூ⁴ஷணார்ஹா ந ஶோப⁴தே ॥ 26 ॥
து³ஷ்கரம் குருதே ராமோ ஹீனோ யத³னயா ப்ரபு⁴: ।
தா⁴ரயத்யாத்மனோ தே³ஹம் ந து³:கே²னாவஸீத³தி ॥ 27 ॥
இமாமஸிதகேஶாந்தாம் ஶதபத்ரனிபே⁴க்ஷணாம் ।
ஸுகா²ர்ஹாம் து³:கி²தாம் த்³ருஷ்ட்வா மமாபி வ்யதி²தம் மன: ॥ 28 ॥
க்ஷதிக்ஷமா புஷ்கரஸன்னிபா⁴க்ஷீ யா ரக்ஷிதா ராக⁴வலக்ஷ்மணாப்⁴யாம் ।
ஸா ராக்ஷஸீபி⁴ர்விக்ருதேக்ஷணாபி⁴: ஸம்ரக்ஷ்யதே ஸம்ப்ரதி வ்ருக்ஷமூலே ॥ 29 ॥
ஹிமஹதனலினீவ நஷ்டஶோபா⁴ வ்யஸனபரம்பரயா நிபீட்³யமானா ।
ஸஹசரரஹிதேவ சக்ரவாகீ ஜனகஸுதா க்ருபணாம் த³ஶாம் ப்ரபன்னா ॥ 3௦ ॥
அஸ்யா ஹி புஷ்பாவனதாக்³ரஶாகா²: ஶோகம் த்³ருட⁴ம் வை ஜனயந்த்யஶோகா: ।
ஹிமவ்யபாயேன ச ஶீதரஶ்மி ரப்⁴யுத்தி²தோ நைகஸஹஸ்ரரஶ்மி: ॥ 31 ॥
இத்யேவமர்த²ம் கபிரன்வவேக்ஷ்ய ஸீதேயமித்யேவ நிவிஷ்டபு³த்³தி⁴: ।
ஸம்ஶ்ரித்ய தஸ்மின்னிஷஸாத³ வ்ருக்ஷே ப³லீ ஹரீணாம்ருஷப⁴ஸ்தரஸ்வீ ॥ 32 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ ஷோட³ஶஸ்ஸர்க:³ ॥
