ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² சதுர்த²ஸ்ஸர்க:³ ।
தத: ப்ரஹ்ருஷ்டௌ ஹனுமான்க்ருத்யவானிதி தத்³வச: ।
ஶ்ருத்வா மது⁴ரஸம்பா⁴ஷம் ஸுக்³ரீவம் மனஸா க³த: ॥ 1 ॥
ப⁴வ்யோ ராஜ்யாக³மஸ்தஸ்ய ஸுக்³ரீவஸ்ய மஹாத்மன: ।
யத³யம் க்ருத்யவான்ப்ராப்த: க்ருத்யம் சைதது³பாக³தம் ॥ 2 ॥
தத: பரமஸம்ஹ்ருஷ்டோ ஹனுமான் ப்லவக³ர்ஷப:⁴ ।
ப்ரத்யுவாச ததோ வாக்யம் ராமம் வாக்யவிஶாரத:³ ॥ 3 ॥
கிம் அர்த²ம் த்வம் வனம் கோ⁴ரம் பம்பா கானந மண்டி³தம் ।
ஆக³த: ஸானுஜோ து³ர்க³ம் நானா வ்யால ம்ருக³ ஆயுதம் ॥ 4 ॥
தஸ்ய தத்³வசனம் ஶ்ருத்வா லக்ஷ்மணோ ராமசோதி³த: ।
ஆசசக்ஷே மஹாத்மானம் ராமம் த³ஶரதா²த்மஜம் ॥ 5 ॥
ராஜா த³ஶரதோ² நாம த்³யுதிமாந்த⁴ர்மவத்ஸல: ।
சாதுர்வர்ண்யம் ஸ்வத⁴ர்மேண நித்யமேவாப்⁴யபாலயத் ॥ 6 ॥
ந த்³வேஷ்டா வித்³யதே தஸ்ய ந ச ஸ த்³வேஷ்டி கஞ்சன ।
ஸ ச ஸர்வேஷு பூ⁴தேஷு பிதாமஹ இவாபர: ॥ 7 ॥
அக்³னிஷ்டோமாதி³பி⁴ர்யஜ்ஞைரிஷ்டவானாப்தத³க்ஷிணை: ।
தஸ்யாயம் பூர்வஜ: புத்ரோ ராமோ நாம ஜனை: ஶ்ருத: ॥ 8 ॥
ஶரண்யஸ்ஸர்வபூ⁴தானாம் பிதுர்னிர்தே³ஶபாரக:³ ।
வீரோ த³ஶரத²ஸ்யாயம் புத்ராணாம் கு³ணவத்தம: ॥ 9 ॥
ராஜலக்ஷணஸம்பன்னஸ்ஸம்யுக்தோ ராஜஸம்பதா³ ।
ராஜ்யாத்³ப்⁴ரஷ்டோ வனே வஸ்தும் மயா ஸார்த⁴மிஹாக³த: ॥ 1௦ ॥
பா⁴ர்யயா ச மஹாதேஜாஸ்ஸீதயானுக³தோ வஶீ ।
தி³னக்ஷயே மஹாதேஜா: ப்ரப⁴யேவ தி³வாகர: ॥ 11 ॥
அஹமஸ்யாவரோ ப்⁴ராதா கு³ணைர்தா³ஸ்யமுபாக³த: ।
க்ருதஜ்ஞஸ்ய ப³ஹுஜ்ஞஸ்ய லக்ஷ்மணோ நாம நாமத: ॥ 12 ॥
ஸுகா²ர்ஹஸ்ய மஹார்ஹஸ்ய ஸர்வபூ⁴தஹிதாத்மன: ।
ஐஶ்வர்யேண ச ஹீனஸ்ய வனவாஸாஶ்ரிதஸ்ய ச ॥ 13 ॥
ரக்ஷஸாபஹ்ருதா பா⁴ர்யா ரஹிதே காமரூபிணா ।
தச்ச ந ஜ்ஞாயதே ரக்ஷ: பத்னீ யேனாஸ்ய ஸா ஹ்ருதா ॥ 14 ॥
த³னுர்னாம தி³தே: புத்ரஶ்ஶாபாத்³ராக்ஷஸதாம் க³த: ।
ஆக்²யாதஸ்தேன ஸுக்³ரீவஸ்ஸமர்தோ² வானரர்ஷப:⁴ ॥ 15 ॥
ஸ ஜ்ஞாஸ்யதி மஹாவீர்யஸ்தவ பா⁴ர்யாபஹாரிணம் ।
ஏவமுக்த்வா த³னுஸ்ஸ்வர்க³ம் ப்⁴ராஜமானோ க³தஸ்ஸுக²ம் ॥ 16 ॥
ஏதத்தே ஸர்வமாக்²யாதம் யதா² தத்²யேன ப்ருச்ச²த: ।
அஹம் சைவ ஹி ராமஶ்ச ஸுக்³ரீவம் ஶரணம் க³தௌ ॥ 17 ॥
ஏஷ த³த்த்வா ச வித்தானி ப்ராப்ய சானுத்தமம் யஶ: ।
லோகனாத:² புரா பூ⁴த்வா ஸுக்³ரீவம் நாத²மிச்ச²தி ॥ 18 ॥
பிதா யஸ்ய புரா ஹ்யாஸீச்ச²ரண்யோ த⁴ர்மவத்ஸல: ।
தஸ்ய புத்ரஶ்ஶரண்யஶ்ச ஸுக்³ரீவம் ஶரணம் க³த: ॥ 19 ॥
ஸர்வலோகஸ்ய த⁴ர்மாத்மா ஶரண்யஶ்ஶரணம் புரா ।
கு³ருர்மே ராக⁴வஸ்ஸோயம் ஸுக்³ரீவம் ஶரணம் க³த: ॥ 2௦ ॥
யஸ்ய ப்ரஸாதே³ ஸததம் ப்ரஸீதே³யுரிமா: ப்ரஜா: ।
ஸ ராமோ வானரேந்த்³ரஸ்ய ப்ரஸாத³மபி⁴காங்க்ஷதே ॥ 21 ॥
யேன ஸர்வகு³ணோபேதா: ப்ருதி²வ்யாம் ஸர்வபார்தி²வா: ।
மானிதாஸ்ஸததம் ராஜ்ஞா ஸதா³ த³ஶரதே²ன வை ॥ 22 ॥
தஸ்யாயம் பூர்வஜ: புத்ரஸ்த்ரிஷு லோகேஷு விஶ்ருத: ।
ஸுக்³ரீவம் வானரேந்த்³ரம் து ராமஶ்ஶரணமாக³த: ॥ 23 ॥
ஶோகாபி⁴பூ⁴தே ராமே து ஶோகார்தே ஶரணம் க³தே ।
கர்துமர்ஹதி ஸுக்³ரீவ: ப்ரஸாத³ம் ஹரியூத⁴ப: ॥ 24 ॥
ஏவம் ப்³ருவாணம் ஸௌமித்ரிம் கருணம் ஸாஶ்ருலோசனம் ।
ஹனுமான்ப்ரத்யுவாசேத³ம் வாக்யம் வாக்யவிஶாரத:³ ॥ 25 ॥
ஈத்³ருஶா பு³த்³தி⁴ஸம்பன்னா ஜிதக்ரோதா⁴ ஜிதேந்த்³ரியா: ।
த்³ரஷ்டவ்யா வானரேந்த்³ரேண தி³ஷ்ட்யா த³ர்ஶனமாக³தா: ॥ 26 ॥
ஸ ஹி ராஜ்யாத்பரிப்⁴ரஷ்ட: க்ருதவைரஶ்ச வாலினா ।
ஹ்ருததா³ரோ வனே த்யக்தோ ப்⁴ராத்ரா வினிக்ருதோ ப்⁴ருஶம் ॥ 27 ॥
கரிஷ்யதி ஸ ஸாஹாய்யம் யுவயோர்பா⁴ஸ்கராத்மஜ: ।
ஸுக்³ரீவஸ்ஸஹ சாஸ்மாபி⁴ ஸ்ஸீதாயா: பரிமார்க³ணே ॥ 28 ॥
இத்யேவமுக்த்வா ஹனுமான் ஶ்லக்ஷ்ணம் மது⁴ரயா கி³ரா ।
ப³பா⁴ஷே ஸோபி⁴க³ச்சே²ம ஸுக்³ரீவமிதி ராக⁴வம் ॥ 29 ॥
ஏவம் ப்³ருவாணம் த⁴ர்மாத்மா ஹனுமந்தம் ஸ லக்ஷ்மண: ।
ப்ரதிபூஜ்ய யதா²ன்யாயமித³ம் ப்ரோவாச ராக⁴வம் ॥ 3௦ ॥
கபி: கத²யதே ஹ்ருஷ்டோ யதா²யம் மாருதாத்மஜ: ।
க்ருத்யவாந்த்ஸோபி ஸம்ப்ராப்த: க்ருதக்ருத்யோஸி ராக⁴வ ॥ 31 ॥
ப்ரஸன்னமுக²வர்ணஶ்ச வ்யக்தம் ஹ்ருஷ்டஶ்ச பா⁴ஷதே ।
நான்ருதம் வக்ஷ்யதே வீரோ ஹனுமான்மாருதாத்மஜ: ॥ 32 ॥
ததஸ்ஸ து மஹாப்ராஜ்ஞோ ஹனுமான்மாருதாத்மஜ: ।
ஜகா³மாதா³ய தௌ வீரௌ ஹரிராஜாய ராக⁴வௌ ॥ 33 ॥
பி⁴க்ஷுரூபம் பரித்யஜ்ய வானரம் ரூபமாஸ்தி²த: ।
ப்ருஷ்ட²மாரோப்ய தௌ வீரௌ ஜகா³ம கபிகுஞ்ஜர: ॥ 34 ॥
ஸ து விபுலயஶா: கபிப்ரவீர: பவனஸுத: க்ருதக்ருத்யவத்ப்ரஹ்ருஷ்ட: ।
கி³ரிவரமுருவிக்ரம: ப்ரயாத ஸ்ஸ ஶுப⁴மதிஸ்ஸஹ ராமலக்ஷ்மணாப்⁴யாம் ॥ 35 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ சதுர்த²ஸ்ஸர்க:³ ॥
