ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² சது:ஷஷ்டிதமஸ்ஸர்க:³ ।
ஆக்²யாதா க்³ருத்⁴ரராஜேன ஸமுத்ப்லுத்ய ப்லவங்க³மா: ।
ஸங்க³தா: ப்ரீதிஸம்யுக்தா வினேது³ர்பீ⁴மவிக்ரமா: ॥ 1 ॥
ஸம்பாதேர்வசனம் ஶ்ருத்வா ஹரயோ ராவணக்ஷயம் ।
ஹ்ருஷ்டாஸ்ஸாக³ரமாஜக்³முஸ்ஸீதாத³ர்ஶனகாங்க்ஷிண: ॥ 2 ॥
அபி⁴க்ரம்ய து தம் தே³ஶம் த³த்³ருஶுர்பீ⁴மவிக்ரமா: ।
க்ருத்ஸ்னம் லோகஸ்ய மஹத: ப்ரதிபி³ம்ப³மிவ ஸ்தி²தம் ॥ 3 ॥
த³க்ஷிணஸ்ய ஸமுத்³ரஸ்ய ஸமாஸாத்³யோத்தராம் தி³ஶம் ।
ஸன்னிவேஶம் ததஶ்சக்ருர்ஹரிவீரா மஹாப³லா: ॥ 4 ॥
ஸத்த்வைர்மஹத்³பி⁴ர்விக்ருதை: க்ரீட³த்³பி⁴ர்விவிதை⁴ர்ஜலே ।
வ்யாத்தாஸ்யைஸ்ஸுமஹாகாயைரூர்மிபி⁴ஶ்ச ஸமாகுலம் ॥ 5 ॥
ப்ரஸுப்தமிவ சான்யத்ர க்ரீட³ந்தமிவ சான்யத: ।
க்வசித்பர்வதமாத்ரைஶ்ச ஜலராஶிபி⁴ராவ்ருதம் ॥ 6 ॥
ஸங்குலம் தா³னவேந்த்³ரைஶ்ச பாதாலதலவாஸிபி⁴: ।
ரோமஹர்ஷகரம் த்³ருஷ்ட்வா விஷேது³: கபிகுஞ்ஜரா: ॥ 7 ॥
ஆகாஶமிவ து³ஷ்பாரம் ஸாக³ரம் ப்ரேக்ஷய வானரா: ।
விஷேது³ ஸ்ஸஹஸாஸர்வே கத²ம் கார்யமிதி ப்³ருவன் ॥ 8 ॥
விஷண்ணாம் வாஹினீம் த்³ருஷ்ட்வா ஸாக³ரஸ்ய நிரீக்ஷணாத் ।
ஆஶ்வாஸயாமாஸ ஹரீன்ப⁴யார்தான் ஹரிஸத்தம: ॥ 9 ॥
தான்விஷாதே³ன மஹதா விஷண்ணான்வானரர்ஷபா⁴ன் ।
உவாச மதிமான்காலே வாலிஸூனுர்மஹாப³ல: ॥ 1௦ ॥
ந விஷாதே³ மன: கார்யம் விஷாதோ³ தோ³ஷவத்தம: ।
விஷாதோ³ ஹந்தி புருஷம் பா³லம் க்ருத்³த⁴ இவோரக:³ ॥ 11 ॥
யோ விஷாத³ம் ப்ரஸஹதே விக்ரமே பர்யுபஸ்தி²தே ।
தேஜஸா தஸ்ய ஹீனஸ்ய புருஷார்தோ² ந ஸித்⁴யதி ॥ 12 ॥
தஸ்யாம் ராத்ர்யாம் வ்யதீதாயாமங்க³தோ³ வானரைஸ்ஸஹ ।
ஹரிவ்ருத்³தை⁴ஸ்ஸமாக³ம்ய புனர்மந்த்ரமமந்த்ரயத் ॥ 13 ॥
ஸா வானராணாம் த்⁴வஜினீ பரிவார்யாங்க³த³ம் ப³பௌ⁴ ।
வாஸவம் பரிவார்யேவ மருதாம் வாஹினீ ஸ்தி²தா ॥ 14 ॥
கோன்யஸ்தாம் வானரீம் ஸேனாம் ஶக்த:ஸ்தம்ப⁴யிதும் ப⁴வேத் ।
அன்யத்ர வாலிதனயாத³ன்யத்ர ச ஹனூமத: ॥ 15 ॥
ததஸ்தான்ஹரிவ்ருத்³தா⁴ம்ஶ்ச தச்ச ஸைன்யமரிந்த³ம: ।
அனுமான்யாங்க³த³ஶ்ஶ்ரீமான்வாக்யமர்த²வத³ப்³ரவீத் ॥ 16 ॥
க இதா³னீம் மஹாதேஜா லங்க⁴யிஷ்யதி ஸாக³ரம் ।
க: கரிஷ்யதி ஸுக்³ரீவம் ஸத்யஸந்த⁴மரிந்த³மம் ॥ 17 ॥
கோ வீரோ யோஜனஶதம் லங்க⁴யேத ப்லவங்க³மா: ।
இமாம்ஶ்ச யூத²பான் ஸர்வான்மோக்ஷயேத்கோ மஹாப⁴யாத் ॥ 18 ॥
கஸ்ய ப்ரபா⁴வாத்³தா⁴ராம்ஶ்ச புத்ராம்ஶ்சைவ க்³ருஹாணி ச ।
இதோ நிவ்ருத்தா: பஶ்யேம ஸித்³தா⁴ர்தா²ஸ்ஸுகி²னோ வயம் ॥ 19 ॥
கஸ்ய ப்ரஸாதா³த்³ராமம் ச லக்ஷ்மணம் ச மஹாப³லம் ।
அபி⁴க³ச்சே²ம ஸம்ஹ்ருஷ்டாஸ்ஸுக்³ரீவம் ச வனௌகஸம் ॥ 2௦ ॥
யதி³ கஶ்சித்ஸமர்தோ² வஸ்ஸாக³ரப்லவனே ஹரி: ।
ஸ த³தா³ த்விஹ ந ஶஶீக்⁴ரம் புண்யாமப⁴யத³க்ஷிணாம் ॥ 21 ॥
அங்க³த³ஸ்ய வச ஶ்ஶ்ருத்வா ந கஶ்சித் கிஞ்சித³ப்³ரவீத் ।
ஸ்திமிதே வா ப⁴வத்ஸர்வா ஸா தத்ர ஹரிவாஹினீ ॥ 22 ॥
புனரேவாங்க³த:³ ப்ராஹ தான்ஹரீன்ஹரிஸத்தம: ।
ஸர்வே ப³லவதாம் ஶ்ரேஷ்டா² ப⁴வந்தோ த்³ருட⁴விக்ரமா: ॥ 23 ॥
வ்யபதே³ஶ்ய குலே ஜாதா: பூஜிதாஶ்சாப்யபீ⁴க்ஷ்ணஶ: ।
ந ஹி வோ க³மனே ஸங்க:³ கதா³சித்கஸ்யசித்க்வசித் ।
ப்³ருவத்⁴வம் யஸ்ய யா ஶக்தி: ப்லவனே ப்லவக³ர்ஷபா⁴: ॥ 24 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ சது:ஷஷ்டிதமஸ்ஸர்க:³ ॥
