ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² ஷட்சத்வாரிம்ஶஸ்ஸர்க:³ ।
ஹதான்மந்த்ரிஸுதான் பு³த்³த்⁴வா வானரேண மஹாத்மனா ।
ராவணஸ்ஸம்வ்ருதாகாரஶ்சகார மதிமுத்தமாம் ॥ 1 ॥
ஸ விரூபாக்ஷயூபாக்ஷௌ து³ர்த⁴ரம் சைவ ராக்ஷஸம் ।
ப்ரக⁴ஸம் பா⁴ஸகர்ணம் ச பஞ்சஸேனாக்³ரனாயகான் ॥ 2 ॥
ஸந்தி³தே³ஶ த³ஶக்³ரீவோ வீரான்னயவிஶாரதா³ன் ।
ஹனுமத்³க்³ரஹணவ்யக்³ரான்வாயுவேக³ஸமான்யுதி⁴ ॥ 3 ॥
யாத ஸேனாக்³ரகா³ஸ்ஸர்வே மஹாப³லபரிக்³ரஹா: ।
ஸவாஜிரத²மாதங்கா³ஸ்ஸ கபிஶ்ஶாஸ்யதாமிதி ॥ 4 ॥
யத்னைஶ்ச க²லு பா⁴வ்யம் ஸ்யாத்தமாஸாத்³ய வனாலயம் ।
கர்ம சாபி ஸமாதே⁴யம் தே³ஶகாலாவிரோதி⁴னம் ॥ 5 ॥
ந ஹ்யஹம் தம் கபிம் மன்யே கர்மணா ப்ரதிதர்கயன் ।
ஸர்வதா² தன்மஹத்³பூ⁴தம் மஹாப³லபரிக்³ரஹம் ॥ 6 ॥
ப⁴வேதி³ந்த்³ரேண வா ஸ்ருஷ்டமஸ்மத³ர்த²ம் தபோப³லாத் ।
ஸனாக³யக்ஷக³ந்த⁴ர்வா தே³வாஸுரமஹர்ஷய: ॥ 7 ॥
யுஷ்மாபி⁴ஸ்ஸஹிதைஸ்ஸர்வைர்மயா ஸஹ வினிர்ஜிதா: ।
தைரவஶ்யம் விதா⁴தவ்யம் வ்யலீகம் கிஞ்சிதே³வ ந: ॥ 8 ॥
ததே³வ நாத்ர ஸந்தே³ஹ: ப்ரஸஹ்ய பரிக்³ருஹ்யதாம் ।
நாவமான்யோ ப⁴வத்³பி⁴ஶ்ச ஹரிர்தீ⁴ரபராக்ரம: ॥ 9 ॥
த்³ருஷ்டா ஹி ஹரய: பூர்வம் மயா விபுலவிக்ரமா: ।
வாலீ ச ஸஹஸுக்³ரீவோ ஜாம்ப³வாம்ஶ்ச மஹாப³ல: ॥ 1௦ ॥
நீலஸ்ஸேனாபதிஶ்சைவ யே சான்யே த்³விவிதா³த³ய: ।
நைவம் தேஷாம் க³திர்பீ⁴மா ந தேஜோ ந பராக்ரம: ॥ 11 ॥
ந மதிர்ன ப³லோத்ஸாஹௌ ந ரூபபரிகல்பனம் ।
மஹத்ஸத்த்வமித³ம் ஜ்ஞேயம் கபிரூபம் வ்யவஸ்தி²தம் ॥ 12 ॥
ப்ரயத்னம் மஹதா³ஸ்தா²ய க்ரியதாமஸ்ய நிக்³ரஹ: ।
காமம் லோகாஸ்த்ரயஸ்ஸேந்த்³ராஸ்ஸஸுராஸுரமானவா: ॥ 13 ॥
ப⁴வதாமக்³ரத: ஸ்தா²தும் ந பர்யாப்தா ரணாஜிரே ।
ததா²பி து நயஜ்ஞேன ஜயமாகாங்க்ஷதா ரணே ॥ 14 ॥
ஆத்மா ரக்ஷ்ய: ப்ரயத்னேன யுத்³த⁴ஸித்³தி⁴ர்ஹி சஞ்சலா ।
தே ஸ்வாமிவசனம் ஸர்வே ப்ரதிக்³ருஹ்ய மஹௌஜஸ: ॥ 15 ॥
ஸமுத்பேதுர்மஹாவேகா³ ஹுதாஶஸமதேஜஸ: ।
ரதை²ர்மத்தைஶ்ச மாதங்கை³ர்வாஜிபி⁴ஶ்ச மஹாஜவை: ॥ 16 ॥
ஶஸ்த்ரைஶ்ச விவிதை⁴ஸ்தீக்ஷ்ணைஸ்ஸர்வைஶ்சோபசிதா ப³லை: ।
ததஸ்தம் த³த்³ருஶுர்வீரா தீ³ப்யமானம் மஹாகபிம் ॥ 17 ॥
ரஶ்மிமந்தமிவோத்³யந்தம் ஸ்வதேஜோரஶ்மிமாலினம் ।
தோரணஸ்த²ம் மஹோத்ஸாஹம் மஹாஸத்த்வம் மஹாப³லம் ॥ 18 ॥
மஹாமதிம் மஹாவேக³ம் மஹாகாயம் மஹாப³லம் ।
தம் ஸமீக்ஷ்யைவ தே ஸர்வே தி³க்ஷு ஸர்வாஸ்வவஸ்தி²தா: ॥ 19 ॥
தை ஸ்தை: ப்ரஹரணைர்பீ⁴மைரபி⁴பேதுஸ்ததஸ்தத: ।
தஸ்ய பஞ்சாயஸாஸ்தீக்ஷ்ணாஶ்ஶிதா: பீதமுகா²ஶ்ஶரா: ॥ 2௦ ॥
ஶிரஸ்யுத்பலபத்ராபா⁴ து³ர்த⁴ரேண நிபாதிதா: ।
ஸ தை: பஞ்சபி⁴ராவித்³த⁴ஶ்ஶரைஶ்ஶிரஸி வானர: ॥ 21 ॥
உத்பபாத நத³ன் வ்யோம்னி தி³ஶோ த³ஶ வினாத³யன் ।
ததஸ்து து³ர்த⁴ரோ வீரஸ்ஸரத²ஸ்ஸஜ்யகார்முக: ॥ 22 ॥
கிரன் ஶரஶதைஸ்தீக்ஷ்ணைரபி⁴பேதே³ மஹாப³ல: ।
ஸ கபிர்வாரயாமாஸ தம் வ்யோம்னி ஶரவர்ஷிணம் ॥ 23 ॥
வ்ருஷ்டிமந்தம் பயோதா³ந்தே பயோத³மிவ மாருத: ।
அர்த்⁴யமானஸ்ததஸ்தேன து³ர்த⁴ரேணானிலாத்மஜ: ॥ 24 ॥
சகார கத³னம் பூ⁴யோ வ்யவர்த⁴த ச வேக³வான் ।
ஸ தூ³ரம் ஸஹஸோத்பத்ய து³ர்த⁴ரஸ்ய ரதே² ஹரி: ॥ 25 ॥
நிபபாத மஹாவேகோ³ வித்³யுத்³ராஶிர்கி³ராவிவ ।
ததஸ்ஸ மதி²தாஷ்டாஶ்வம் ரத²ம் ப⁴க்³னாக்ஷகூப³ரம் ॥ 26 ॥
விஹாய ந்யபதத்³பூ⁴மௌ து³ர்த⁴ரஸ்த்யக்தஜீவித: ।
தம் விரூபாக்ஷயூபாக்ஷௌ த்³ருஷ்ட்வா நிபதிதம் பு⁴வி ॥ 27 ॥
ஸஞ்ஜாதரோஷௌ து³ர்த⁴ர்ஷாவுத்பேதுரரிந்த³மௌ ।
ஸ தாப்⁴யாம் ஸஹஸோத்பத்ய விஷ்டி²தோ விமலேம்ப³ரே ॥ 28 ॥
முத்³க³ராப்⁴யாம் மஹாபா³ஹுர்வக்ஷஸ்யபி⁴ஹத: கபி: ।
தயோர்வேக³வதோர்வேக³ம் வினிஹத்ய மஹாப³ல: ॥ 29 ॥
நிபபாத புனர்பூ⁴மௌ ஸுபர்ணஸமவிக்ரம: ।
ஸ ஸாலவ்ருக்ஷமாஸாத்³ய தமுத்பாட்ய ச வானர: ॥ 3௦ ॥
தாவுபௌ⁴ ராக்ஷஸௌ வீரௌ ஜகா⁴ன பவனாத்மஜ: ।
ததஸ்தாம்ஸ்த்ரீன்ஹதான்ஜ்ஞாத்வா வானரேண தரஸ்வினா ॥ 31 ॥
அபி⁴பேதே³ மஹாவேக:³ ப்ரஸஹ்ய ப்ரக⁴ஸோ ஹரிம் ।
பா⁴ஸகர்ணஶ்ச ஸங்க்ருத்³த⁴ஶ்ஶூலமாதா³ய வீர்யவான் ॥ 32 ॥
ஏகத: கபிஶார்தூ³லம் யஶஸ்வினமவஸ்தி²தம் ।
பட்டிஸேன ஶிதாக்³ரேண ப்ரக⁴ஸ: ப்ரத்யயோத⁴யத் ॥ 33 ॥
பா⁴ஸகர்ணஶ்ச ஶூலேன ராக்ஷஸ: கபிஸத்தமம் ।
ஸ தாப்⁴யாம் விக்ஷதைர்கா³த்ரைரஸ்ருக்³தி³க்³த⁴தனூருஹ: ॥ 34 ॥
அப⁴வத்³வானர: க்ருத்³தோ⁴ பா³லஸூர்யஸமப்ரப:⁴ ।
ஸமுத்பாட்ய கி³ரேஶ்ஶ்ருங்க³ம் ஸம்ருக³வ்யாலபாத³பம் ॥ 35 ॥
ஜகா⁴ன ஹனுமான் வீரோ ராக்ஷஸௌ கபிகுஞ்ஜர: ।
ததஸ்தேஷ்வவஸன்னேஷு ஸேனாபதிஷு பஞ்சஸு ॥ 36 ॥
ப³லம் தத³வஶேஷம் ச நாஶயாமாஸ வானர: ।
அஶ்வைரஶ்வான் கஜ³ைர்னாகா³ன் யோதை⁴ர்யோதா⁴ன் ரதை²ரதா²ன் ॥ 37 ॥
ஸ கபிர்னாஶயாமாஸ ஸஹஸ்ராக்ஷ இவாஸுரான் ।
ஹதைர்னாகை³ஶ்ச துரகை³ர்ப⁴க்³னாக்ஷைஶ்ச மஹாரதை²: ॥ 38 ॥
ஹதைஶ்ச ராக்ஷஸைர்பூ⁴மீ ருத்³த⁴மார்கா³ ஸமந்தத: ।
தத: கபிஸ்தாந்த்⁴வஜினீபதீன் ரணே நிஹத்ய வீரான்ஸப³லான்ஸவாஹனான் ।
ஸமீக்ஷ்ய வீர: பரிக்³ருஹ்ய தோரணம் க்ருதக்ஷண: கால இவ ப்ரஜாக்ஷயே ॥ 39 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ ஷட்சத்வாரிம்ஶஸ்ஸர்க:³ ॥
