ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² ஏகோனசத்வாரிம்ஶஸ்ஸர்க:³ ।
மணிம் த³த்த்வா தத: ஸீதா ஹனூமந்தமதா²ப்³ரவீத் ।
அபி⁴ஜ்ஞானமபி⁴ஜ்ஞாதமேதத்³ராமஸ்ய தத்த்வத: ॥ 1 ॥
மணிம் து த்³ருஷ்ட்வா ராமோ வை த்ரயாணாம் ஸம்ஸ்மரிஷ்யதி ।
வீரோ ஜனந்யா மம ச ராஜ்ஞோ த³ஶரத²ஸ்ய ச ॥ 2 ॥
ஸ பூ⁴யஸ்த்வம் ஸமுத்ஸாஹே சோதி³தோ ஹரிஸத்தம ।
அஸ்மின்கார்யஸமாரம்பே⁴ ப்ரசிந்தய யது³த்தரம் ॥ 3 ॥
த்வமஸ்மின்கார்யனிர்யோகே³ ப்ரமாணம் ஹரிஸத்தம ।
ஹனுமன்யத்னமாஸ்தா²ய து³:க²க்ஷயகரோ ப⁴வ ॥ 4 ॥
தஸ்ய சிந்தயதோ யத்னோ து³:க²க்ஷயகரோ ப⁴வேத் ।
ஸ ததே²தி ப்ரதிஜ்ஞாய மாருதிர்பீ⁴மவிக்ரம: ॥ 5 ॥
ஶிரஸா வந்த்⁴ய வைதே³ஹீம் க³மனாயோபசக்ரமே ।
ஜ்ஞாத்வா ஸம்ப்ரஸ்தி²தம் தே³வீ வானரம் மாருதாத்மஜம் ॥ 6 ॥
பா³ஷ்பக³த்³க³த³யா வாசா மைதி²லீ வாக்யமப்³ரவீத் ।
குஶலம் ஹனுமன்ப்³ரூயா: ஸஹிதௌ ராமலக்ஷ்மணௌ ॥ 7 ॥
ஸுக்³ரீவம் ச ஸஹாமாத்யம் வ்ருத்³தா⁴ன் ஸர்வாம்ஶ்ச வானரான் ।
ப்³ரூயாஸ்த்வம் வானரஶ்ரேஷ்ட² குஶலம் த⁴ர்மஸம்ஹிதம் ॥ 8 ॥
யதா² ஸ ச மஹாபா³ஹுர்மாம் தாரயதி ராக⁴வ: ।
அஸ்மாத்³து⁴:கா²ம்பு³ஸம்ரோதா⁴த்த்வம் ஸமாதா⁴துமர்ஹஸி ॥ 9 ॥
ஜீவந்தீம் மாம் யதா² ராம: ஸம்பா⁴வயதி கீர்திமான் ।
தத்ததா² ஹனுமன்வாச்யம் வாசா த⁴ர்மமவாப்னுஹி ॥ 1௦ ॥
நித்யமுத்ஸாஹயுக்தாஶ்ச வாசஶ்ருத்வா த்வயேரிதா: ।
வர்தி⁴ஷ்யதே தா³ஶரதே²: பௌருஷம் மத³வாப்தயே ॥ 11 ॥
மத்ஸந்தே³ஶயுதா வாசஸ்த்வத்தஶ்ஶ்ருத்வா ச ராக⁴வ: ।
பராக்ரமவிதி⁴ம் வீரோ விதி⁴வத்ஸம்விதா⁴ஸ்யதி ॥ 12 ॥
ஸீதாயா வசனம் ஶ்ருத்வா ஹனுமான்மாருதாத்மஜ: ।
ஶிரஸ்யஞ்ஜலிமாதா⁴ய வாக்யமுத்தரமப்³ரவீத் ॥ 13 ॥
க்ஷிப்ரமேஷ்யதி காகுத்ஸ்தோ² ஹார்ய்ருக்ஷப்ரவரைர்வ்ருத: ।
யஸ்தே யுதி⁴ விஜித்யாரீன்ஶோகம் வ்யபனயிஷ்யதி ॥ 14 ॥
ந ஹி பஶ்யாமி மர்த்யேஷு நாஸுரேஷு ஸுரேஷு வா ।
யஸ்தஸ்ய க்ஷிபதோ பா³ணான்ஸ்தா²துமுத்ஸஹதேக்³ரத: ॥ 15 ॥
அப்யர்கமபி பர்ஜன்யமபி வைவஸ்வதம் யமம் ।
ஸ ஹி ஸோடு⁴ம் ரணே ஶக்தஸ்தவ ஹேதோர்விஶேஷத: ॥ 16 ॥
ஸ ஹி ஸாக³ரபர்யந்தாம் மஹீம் ஶாஸிதுமீஹதி ।
த்வன்னிமித்தோ ஹி ராமஸ்ய ஜயோ ஜனகனந்தி³னி ॥ 17 ॥
தஸ்ய தத்³வசனம் ஶ்ருத்வா ஸம்யக்ஸத்யம் ஸுபா⁴ஷிதம் ।
ஜானகீ ப³ஹுமேனேத² வசனம் சேத³மப்³ரவீத் ॥ 18 ॥
ததஸ்தம் ப்ரஸ்தி²தம் ஸீதா வீக்ஷமாணா புன: புன: ।
ப⁴ர்த்ருஸ்னேஹான்விதம் வாக்யம் ஸௌஹார்தா³த³னுமானயத் ॥ 19 ॥
யதி³ வா மன்யஸே வீர வஸைகாஹமரிந்த³ம ।
கஸ்மிம்ஶ்சித்ஸம்வ்ருதே தே³ஶே விஶ்ராந்த:ஶ்வோ க³மிஷ்யஸி ॥ 2௦ ॥
மம சேத³ல்பபா⁴க்³யாயா ஸான்னித்⁴யாத்தவ வானர ।
அஸ்ய ஶோகஸ்ய மஹதோ முஹூர்தம் மோக்ஷணம் ப⁴வேத் ॥ 21 ॥
க³தே ஹி ஹரிஶார்தூ³ல புனராக³மனாய து ।
ப்ராணானாமபி ஸந்தே³ஹோ மம ஸ்யான்னாத்ர ஸம்ஶய: ॥ 22 ॥
தவாத³ர்ஶனஜ: ஶோகோ பூ⁴யோ மாம் பரிதாபயேத் ।
து³:கா²த்³து⁴:க²பராம்ருஷ்டாம் தீ³பயன்னிவ வானர ॥ 23 ॥
அயம் ச வீர ஸந்தே³ஹஸ்திஷ்ட²தீவ மமாக்³ரத: ।
ஸுமஹாம்ஸ்த்வத்ஸஹாயேஷு ஹர்ய்ருக்ஷேஷு ஹரீஶ்வர: ॥ 24 ॥
கத²ம் நு க²லு து³ஷ்பாரம் தரிஷ்யந்தி மஹோத³தி⁴ம் ।
தானி ஹர்ய்ருக்ஷஸைன்யானி தௌ வா நரவராத்மஜௌ ॥ 25 ॥
த்ரயாணாமேவ பூ⁴தானாம் ஸாக³ரஸ்யாஸ்ய லங்க⁴னே ।
ஶக்திஸ்ஸ்யாத்³வைனதேயஸ்ய தவ வா மாருதஸ்ய வா ॥ 26 ॥
தத³ஸ்மின்கார்யனிர்யோகே³ வீரைவம் து³ரதிக்ரமே ।
கிம் பஶ்யஸி ஸமாதா⁴னம் த்வம் ஹி கார்யவிதா³ம் வர: ॥ 27 ॥
காமமஸ்ய த்வமேவைக: கார்யஸ்ய பரிஸாத⁴னே ।
பர்யாப்த: பரவீரக்⁴ன யஶஸ்யஸ்தே ப²லோத³ய: ॥ 28 ॥
ப³லைஸ்ஸமக்³ரைர்யதி³ மாம் ராவணம் ஜித்ய ஸம்யுகே³ ।
விஜயீ ஸ்வபுரம் யாயாத்தத்தஸ்ய ஸத்³ருஶம் ப⁴வேத் ॥ 29 ॥
ஶரைஸ்து ஸங்குலாம் க்ருத்வா லங்காம் பரப³லார்த³ன: ।
மாம் நயேத்³யதி³ காகுத்ஸ்த:² தத்தஸ்ய ஸத்³ருஶம் ப⁴வேத் ॥ 3௦ ॥
தத்³யதா² தஸ்ய விக்ராந்தமனுரூபம் மஹாத்மன: ।
ப⁴வேதா³ஹவஶூரஸ்ய ததா² த்வமுபபாத³ய ॥ 31 ॥
தத³ர்தோ²பஹிதம் வாக்யம் ப்ரஶ்ரிதம் ஹேதுஸம்ஹிதம் ।
நிஶம்ய ஹனுமான்ஶேஷம் வாக்யமுத்தரமப்³ரவீத் ॥ 32 ॥
தே³வி ஹர்ய்ருக்ஷஸைன்யானாமீஶ்வர: ப்லவதாம் வர: ।
ஸுக்³ரீவஸ்ஸத்த்வஸம்பன்னஸ்தவார்தே² க்ருதனிஶ்சய: ॥ 33 ॥
ஸ வானரஸஹஸ்ராணாம் கோடீபி⁴ரபி⁴ஸம்வ்ருத: ।
க்ஷிப்ரமேஷ்யதி வைதே³ஹி ராக்ஷஸானாம் நிப³ர்ஹண: ॥ 34 ॥
தஸ்ய விக்ரமஸம்பன்னாஸ்ஸத்த்வவந்தோ மஹாப³லா: ।
மனஸ்ஸங்கல்பஸம்பாதா நிதே³ஶே ஹரய: ஸ்தி²தா: ॥ 35 ॥
யேஷாம் நோபரி நாத⁴ஸ்தான்ன திர்யக்ஸஜ்ஜதே க³தி: ।
ந ச கர்மஸு ஸீத³ந்தி மஹத்ஸ்வமிததேஜஸ: ॥ 36 ॥
அஸக்ருத்தைர்மஹோத்ஸாஹைஸ்ஸஸாக³ரத⁴ராத⁴ரா ।
ப்ரத³க்ஷிணீக்ருதா பூ⁴மிர்வாயுமார்கா³னுஸாரிபி⁴: ॥ 37 ॥
மத்³விஶிஷ்டாஶ்ச துல்யாஶ்ச ஸந்தி தத்ர வனௌகஸ: ।
மத்த: ப்ரத்யவர: கஶ்சின்னாஸ்தி ஸுக்³ரீவஸன்னிதௌ⁴ ॥ 38 ॥
அஹம் தாவதி³ஹ ப்ராப்த: கிம் புனஸ்தே மஹாப³லா: ।
ந ஹி ப்ரக்ருஷ்டா: ப்ரேஷ்யந்தே ப்ரேஷ்யந்தே ஹீதரே ஜனா: ॥ 39 ॥
தத³லம் பரிதாபேன தே³வி ஶோகோ வ்யபைது தே ।
ஏகோத்பாதேன தே லங்காமேஷ்யந்தி ஹரியூத²பா: ॥ 4௦ ॥
மம ப்ருஷ்ட²க³தௌ தௌ ச சந்த்³ரஸூர்யாவிவோதி³தௌ ।
த்வத்ஸகாஶம் மஹாஸத்த்வௌ ந்ருஸிம்ஹாவாக³மிஷ்யத: ॥ 41 ॥
ததோ வீரௌ நரவரௌ ஸஹிதௌ ராமலக்ஷ்மணௌ ।
ஆக³ம்ய நக³ரீம் லங்காம் ஸாயகைர்வித⁴மிஷ்யத: ॥ 42 ॥
ஸக³ணம் ராவணம் ஹத்த்வா ராக⁴வோ ரகு⁴னந்த³ன: ।
த்வாமாதா³ய வராரோஹே ஸ்வபுரீம் ப்ரதியாஸ்யதி ॥ 43 ॥
ததா³ஶ்வஸிஹி ப⁴த்³ரம் தே ப⁴வ த்வம் காலகாங்க்ஷிணீ ।
நசிராத்³த்³ரக்ஷ்யஸே ராமம் ப்ரஜ்வலந்தமிவானலம் ॥ 44 ॥
நிஹதே ராக்ஷஸேந்த்³ரேஸ்மின்ஸபுத்ராமாத்யபா³ந்த⁴வே ।
த்வம் ஸமேஷ்வஸி ராமேண ஶஶாங்கேனேவ ரோஹிணீ ॥ 45 ॥
க்ஷிப்ரம் த்வம் தே³வி ஶோகஸ்ய பாரம் யாஸ்யஸி மைதி²லி ।
ராவணம் சைவ ராமேண நிஹதம் த்³ரக்ஷ்யஸேசிராத் ॥ 46 ॥
ஏவமாஶ்வாஸ்ய வைதே³ஹீம் ஹனுமான்மாருதாத்மஜ: ।
க³மனாய மதிம் க்ருத்வா வைதே³ஹீம் புனரப்³ரவீத் ॥ 47 ॥
தமரிக்⁴னம் க்ருதாத்மானம் க்ஷிப்ரம் த்³ரக்ஷ்யஸி ராக⁴வம் ।
லக்ஷ்மணம் ச த⁴னுஷ்பாணிம் லங்காத்³வாரமுபாக³தம் ॥ 48 ॥
நக²த³ம்ஷ்ட்ராயுதா⁴ன்வீரான்ஸிம்ஹஶார்தூ³லவிக்ரமான் ।
வானரான்வாரணேந்த்³ராபா⁴ன்க்ஷிப்ரம் த்³ரக்ஷ்யஸி ஸங்க³தான் ॥ 49 ॥
ஶைலாம்பு³த³னிகாஶானாம் லங்காமலயஸானுஷு ।
நர்த³தாம் கபிமுக்²யானாமார்யே யூதா⁴ன்யனேகஶ: ॥ 5௦ ॥
ஸ து மர்மணி கோ⁴ரேண தாடி³தோ மன்மதே²ஷுணா ।
ந ஶர்ம லப⁴தே ராமஸ்ஸிம்ஹார்தி⁴த இவ த்³விப: ॥ 51 ॥
மா ருதோ³ தே³வி ஶோகேன மாபூ⁴த்தே மனஸோப்ரியம் ।
ஶசீவ பத்யா ஶக்ரேண ப⁴ர்த்ரா நாத²வதீ ஹ்யஸி ॥ 52 ॥
ராமாத்³விஶிஷ்ட: கோன்யோஸ்தி கஶ்சித்ஸௌமித்ரிணா ஸம: ।
அக்³னிமாருதகல்பௌ தௌ ப்⁴ராதரௌ தவ ஸம்ஶ்ரயௌ ॥ 53 ॥
நாஸ்மிம்ஶ்சிரம் வத்ஸ்யஸி தே³வி தே³ஶே ரக்ஷோக³ணைரத்⁴யுஷிதேதிரௌத்³ரே ।
ந தே சிராதா³மக³மனம் ப்ரியஸ்ய க்ஷமஸ்வ மத்ஸங்க³மகாலமாத்ரம் ॥ 54 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ ஏகோனசத்வாரிம்ஶஸ்ஸர்க:³ ॥
