ஶ்ரீமத்³வால்மீகீய ராமாயணே அரண்யகாண்ட³ம் ।
அத² ஷோட³ஶஸ்ஸர்க:³ ।
வஸதஸ்தஸ்ய து ஸுக²ம் ராக⁴வஸ்ய மஹாத்மன: ।
ஶரத்³வ்யபாயே ஹேமந்தருதுரிஷ்ட: ப்ரவர்தத ॥ 1 ॥
ஸ கதா³சித்ப்ரபா⁴தாயாம் ஶர்வர்யாம் ரகு⁴னந்த³ன: ।
ப்ரயயாவபி⁴ஷேகார்த²ம் ரம்யாம் கோ³தா³வரீம் நதீ³ம் ॥ 2 ॥
ப்ரஹ்வ: கலஶஹஸ்தஸ்தம் ஸீதயா ஸஹ வீர்யவான் ।
ப்ருஷ்ட²தோனுவ்ரஜன்ப்⁴ராதா ஸௌமித்ரிரித³மப்³ரவீத் ॥ 3 ॥
அயம் ஸ கால: ஸம்ப்ராப்த: ப்ரியோ யஸ்தே ப்ரியம்வத³ ।
அலங்க்ருத இவாபா⁴தி யேன ஸம்வத்ஸர: ஶுப:⁴ ॥ 4 ॥
நீஹாரபருஷோ லோக: ப்ருதி²வீ ஸஸ்யஶாலினீ ।
ஜலான்யனுபபோ⁴க்³யானி ஸுப⁴கோ³ ஹவ்யவாஹன: ॥ 5 ॥
நவாக்³ரயணபூஜாபி⁴ரப்⁴யர்ச்ய பித்ருதே³வதா: ।
க்ருதாக்³ரயணகா: காலே ஸந்தோ விக³தகல்மஷா: ॥ 6 ॥
ப்ராஜ்யகாமா ஜனபதா³ஸ்ஸம்பன்னதரகோ³ரஸா: ।
விசரந்தி மஹீபாலா யாத்ராஸ்தா² விஜிகீ³ஷவ: ॥ 7 ॥
ஸேவமானே த்³ருட⁴ம் ஸூர்யே தி³ஶமந்தக ஸேவிதாம் ।
விஹீனதிலகேவ ஸ்த்ரீ நோத்தரா தி³க்ப்ரகாஶதே ॥ 8 ॥
ப்ரக்ருத்யா ஹிமகோஶாட்⁴யோ தூ³ரஸூர்யஶ்ச ஸாம்ப்ரதம் ।
யதா²ர்த²னாமா ஸுவ்யக்தம் ஹிமவான்ஹிமவான்கி³ரி: ॥ 9 ॥
அத்யந்தஸுக²ஸஞ்சாரா மத்⁴யாஹ்னே ஸ்பர்ஶதஸ்ஸுகா²: ।
தி³வஸாஸ்ஸுப⁴கா³தி³த்யாஶ்சாயாஸலிலது³ர்ப⁴கா³: ॥ 1௦ ॥
ம்ருது³ஸூர்யாஸ்ஸனீஹாரா: படுஶீதாஸ்ஸமாருதா: ।
ஶூன்யாரண்யா ஹிமத்⁴வஸ்தா தி³வஸா பா⁴ந்திஸாம்ப்ரதம் ॥ 11 ॥
நிவ்ருத்தாகாஶஶயனா: புஷ்யனீதா ஹிமாருணா: ।
ஶீதா வ்ருத்³த⁴தராயாமாஸ்த்ரியாமா யாந்தி ஸாம்ப்ரதம் ॥ 12 ॥
ரவிஸங்க்ராந்தஸௌபா⁴க்³ய ஸ்துஷாராருணமண்ட³ல: ।
நிஶ்ஶ்வாஸாந்த⁴ இவாத³ர்ஶன்ச²ந்த்³ரமா ந ப்ரகாஶதே ॥ 13 ॥
ஜ்யோத்ஸ்ன துஷாரமலினா பௌர்ணமாஸ்யாம் ந ராஜதே ।
ஸீதேவ சாதபஶ்யாமா லக்ஷ்யதே ந து ஶோப⁴தே ॥ 14 ॥
ப்ரக்ருத்யா ஶீதலஸ்பர்ஶோ ஹிமவித்³த⁴ஶ்ச ஸாம்ப்ரதம் ।
ப்ரவாதி பஶ்சிமோ வாயு: காலே த்³விகு³ணஶீதல: ॥ 15 ॥
பா³ஷ்பச்ச²ன்னான்யரண்யானி யவகோ³தூ⁴மவந்தி ச ।
ஶோப⁴ந்தேப்⁴யுதி³தே ஸூர்யே நத்³பி⁴ க்ரௌஞ்சஸாரஸை: ॥ 16 ॥
க²ர்ஜூரபுஷ்பாக்ருதிபி⁴ஶ்ஶிரோபி⁴: பூர்ணதண்டு³லை: ।
ஶோப⁴ந்தே கிஞ்சிதா³னம்ராஶ்ஶாலய: கனகப்ரபா⁴: ॥ 17 ॥
மயூகை²ருபஸர்பத்³பி⁴ர்ஹிமனீஹாரஸம்வ்ருதை: ।
தூ³ரமப்⁴யுதி³தஸ்ஸூர்யஶ்ஶஶாங்க இவ லக்ஷ்யதே ॥ 18 ॥
அக்³ராஹ்யவீர்ய: பூர்வாஹ்ணே மத்⁴யாஹ்னே ஸ்பர்ஶதஸ்ஸுக:² ।
ஸம்ரக்த: கிஞ்சிதா³பாண்டு³ராதபஶ்ஶோப⁴தே க்ஷிதௌ ॥ 19 ॥
அவஶ்யாயனிபாதேன கிஞ்சித்ப்ரக்லின்னஶாத்³வலா ।
வனானாம் ஶோப⁴தே பூ⁴மிர்னிவிஷ்டதருணாதபா ॥ 2௦ ॥
ஸ்ப்ருஶம்ஸ்து விமலம் ஶீதமுத³கம் த்³விரத³ஸ்ஸுக²ம் ।
அத்யந்தத்ருஷிதோ வன்ய: ப்ரதிஸம்ஹரதே கரம் ॥ 21 ॥
ஏதே ஹி ஸமுபாஸீனா விஹகா³ ஜலசாரிண: ।
நாவகா³ஹந்தி ஸலிலமப்ரக³ல்பா⁴ இவாஹவம் ॥ 22 ॥
அவஶ்யாயதமோனத்³தா⁴ நீஹாரதமஸாவ்ருதா: ।
ப்ரஸுப்தா இவ லக்ஷ்யந்தே விபுஷ்பா வனராஜய: ॥ 23 ॥
பா³ஷ்பஸஞ்ச²ன்னஸலிலா ருதவிஜ்ஞேயஸாரஸா: ।
ஹிமார்த்³ரவாலுகைஸ்தீரைஸ்ஸரிதோ பா⁴ந்தி ஸாம்ப்ரதம் ॥ 24 ॥
துஷாரபதனாச்சைவ ம்ருது³த்வாத்³பா⁴ஸ்கரஸ்ய ச ।
ஶைத்யாத³கா³க்³ரஸ்த²மபி ப்ராயேண ரஸவஜ்ஜலம் ॥ 25 ॥
ஜராஜர்ஜரிதை: பத்³மைஶஶீர்ணகேஸரகர்ணிகை: ।
நாலஷேர்ஹிமத்⁴வஸ்ஸைர்ன ப⁴ந்தி கமலாகரா: ॥ 26 ॥
அஸ்மிம்ஸ்து புருஷவ்யாக்⁴ர: காலே து³:க²ஸமன்வித: ।
தபஶ்சரதி த⁴ர்மாத்மா த்வத்³ப⁴க்த்யா ப⁴ரத: புரே ॥ 27 ॥
த்யக்த்வா ராஜ்யம் ச மானம் ச போ⁴கா³ம்ஶ்ச விவிதா⁴ன்ப³ஹூன் ।
தபஸ்ஸ்வீ நியதாஹாரஶ்ஶேதே ஶீதே மஹீதலே ॥ 28 ॥
ஸோபி வேலாமிமாம் நூனமபி⁴ஷேகார்த²முத்³யத: ।
வ்ருத: ப்ரக்ருதிபி⁴ர்னித்யம் ப்ரயாதி ஸரயூம் நதீ³ம் ॥ 29 ॥
அத்யந்தஸுக²ஸம்வ்ருத்³த⁴ஸ்ஸுகுமாரஸ்ஸுகோ²சித: ।
கத²ம் ந்வபரராத்ரேஷு ஸரயூமவகா³ஹதே ॥ 3௦ ॥
பத்³மபத்ரேக்ஷணோ வீரஶ்ஶ்யாமோ நிருத³ரோ மஹான் ।
த⁴ர்மஜ்ஞ ஸ்ஸத்யவாதீ³ ச ஹ்ரீனிஷேதோ⁴ ஜிதேந்த்³ரிய: ॥ 31 ॥
ப்ரியாபி⁴பா⁴ஷீ மது⁴ரோ தீ³ர்க⁴பா³ஹுரரிந்த³ம: ।
ஸந்த்யஜ்ய விவிதா⁴ன்போ⁴கா³னார்யம் ஸர்வாத்மனா ஶ்ரித: ॥ 32 ॥
ஜிதஸ்ஸ்வர்க³ஸ்தவ ப்⁴ராத்ரா ப⁴ரதேன மஹாத்மனா ।
வனஸ்த²மபி தாபஸ்யே யஸ்த்வாமனுவிதீ⁴யதே ॥ 33 ॥
ந பித்ர்யமனுவர்தந்தே மாத்ருகம் த்³விபதா³ இதி ।
க்²யாதோ லோகப்ரவாதோ³யம் ப⁴ரதேனான்யதா² க்ருத: ॥ 34 ॥
ப⁴ர்தா த³ஶரதோ² யஸ்யாஸ்ஸாது⁴ஶ்ச ப⁴ரதஸ்ஸுத: ।
கத²ம் நு ஸாம்பா³ கைகேயீ தாத்³ருஶீ க்ரூரஶீலினீ ॥ 35 ॥
இத்யேவம் லக்ஷ்மணே வாக்யம் ஸ்னேஹாத்³ப்³ருவதி தா⁴ர்மிகே ।
பரிவாத³ம் ஜனந்யாஸ்தமஸஹன்ராக⁴வோப்³ரவீத் ॥ 36 ॥
ஸ தேம்பா³ மத்⁴யமா தாத க³ர்ஹிதவ்யா கத²ஞ்சன ।
தாமேவேக்ஷ்வாகுனாத²ஸ்ய ப⁴ரதஸ்ய கதா²ம் குரு ॥ 37 ॥
நிஶ்சிதாபி ஹி மே பு³த்³தி⁴ர்வனவாஸே த்³ருட⁴வ்ரதா ।
ப⁴ரதஸ்னேஹஸந்தப்தா பா³லிஶீக்ரியதே புன: ॥ 38 ॥
ஸம்ஸ்மராம்யஸ்ய வாக்யானி ப்ரியாணி மது⁴ராணி ச ।
ஹ்ருத்³யான்யம்ருதகல்பானி மன:ப்ரஹ்லாத³னானி ச ॥ 39 ॥
கதா³ன்வஹம் ஸமேஷ்யாமி ப⁴ரதேன மஹாத்மனா ।
ஶத்ருக்⁴னேன ச வீரேண த்வயா ச ரகு⁴னந்த³ன ॥ 4௦ ॥
இத்யேவம் விலபம்ஸ்தத்ர ப்ராப்ய கோ³தா³வரீம் நதீ³ம் ।
சக்ரேபி⁴ஷேகம் காகுத்ஸ்த²ஸ்ஸானுஜஸ்ஸஹ ஸீதயா ॥ 41 ॥
தர்பயித்வாத² ஸலிலைஸ்தே பித்ருந்தை³வதானி ச ।
ஸ்துவந்தி ஸ்மோதி³தம் ஸூர்யம் தே³வதாஶ்ச ஸமாஹிதா: ॥ 42 ॥
க்ருதாபி⁴ஷேகஸ்ஸரராஜ ராம: ஸீதாத்³விதீயஸ்ஸஹ லக்ஷ்மணேன ।
க்ருதாபி⁴ஷேகோ கி³ரிராஜபுத்ர்யா ருத்³ரஸ்ஸனந்தீ³ ப⁴க³வானிவேஶ: ॥ 43 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ ஷோட³ஶஸ்ஸர்க:³ ॥
