ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² அஷ்டாத³ஶஸ்ஸர்க:³ ।
ஸ த³த³ர்ஶாஸனே ராமோ நிஷண்ணம் பிதரம் ஶுபே⁴ ।
கைகேயீஸஹிதம் தீ³னம் முகே²ன பரிஶுஷ்யதா ॥ 1 ॥
ஸ பிதுஶ்சரணௌ பூர்வமபி⁴வாத்³ய வினீதவத் ।
ததோ வவந்தே³ சரணௌ கைகேய்யா ஸ்ஸுஸமாஹித: ॥ 2 ॥
ராமேத்யுக்த்வா து வசனம் பா³ஷ்பபர்யாகுலேக்ஷண: ।
ஶஶாக ந்ருபதிர்தீ³னோ நேக்ஷிதும் நாபி⁴பா⁴ஷிதும் ॥ 3 ॥
தத³பூர்வம் நரபதேர்த்³ருஷ்ட்வா ரூபம் ப⁴யாவஹம் ।
ராமோபி ப⁴யமாபன்ன: பதா³ ஸ்ப்ருஷ்ட்வேவ பன்னக³ம் ॥ 4 ॥
இந்த்³ரியைரப்ரஹ்ருஷ்டைஸ்தம் ஶோகஸந்தாபகர்ஶிதம் ।
நிஶ்ஶ்வஸந்தம் மஹாராஜம் வ்யதி²தாகுலசேதஸம் ॥ 5 ॥
ஊர்மிமாலினமக்ஷோப்⁴யம் க்ஷுப்⁴யந்தமிவ ஸாக³ரம் ।
உபப்லுதமிவாதி³த்யமுக்தான்ருதம்ருஷிம் யதா² ॥ 6 ॥
அசிந்த்யகல்பம் ஹி பிதுஸ்தம் ஶோகமுபதா⁴ரயன் ।
ப³பூ⁴வ ஸம்ரப்³த⁴தர ஸ்ஸமுத்³ர இவ பர்வணி ॥ 7 ॥
சிந்தயாமாஸ ச ததா³ ராம: பித்ருஹிதே ரத: ।
கிம் ஸ்வித³த்³யைவ ந்ருபதிர்ன மாம் ப்ரத்யபி⁴னந்த³தி ॥ 8 ॥
அன்யதா³ மாம் பிதா த்³ருஷ்ட்வா குபிதோபி ப்ரஸீத³தி ।
தஸ்ய மாமத்³ய ஸம்ப்ரேக்ஷ்ய கிமாயாஸ: ப்ரவர்ததே ॥ 9 ॥
ஸ தீ³ன இவ ஶோகார்தோ விஷண்ணவத³னத்³யுதி: ।
கைகேயீமபி⁴வாத்³யைவ ராமோ வசனமப்³ரவீத் ॥ 1௦ ॥
கச்சின்மயா நாபராத்³த⁴மஜ்ஞானாத்³யேன மே பிதா ।
குபிதஸ்தன்மமாசக்ஷ்வ த்வம் சைவைனம் ப்ரஸாத³ய ॥ 11 ॥
அப்ரஸன்னமனா: கின்னு ஸதா³ மாம் ப்ரதி வத்ஸல: ।
விவர்ணவத³னோ தீ³னோ ந ஹி மாமபி⁴பா⁴ஷதே ॥ 12 ॥
ஶரீரோ மானஸோ வாபி கச்சிதே³னம் ந பா³த⁴தே ।
ஸந்தாபோவாபி⁴தாபோ வா து³ர்லப⁴ம் ஹி ஸதா³ ஸுக²ம் ॥ 13 ॥
கச்சின்ன கிஞ்சித்³ப⁴ரதே குமாரே ப்ரியத³ர்ஶனே ।
ஶத்ருக்⁴னே வா மஹாஸத்த்வே மாத்ரூணாம் வா மமாஶுப⁴ம் ॥ 14 ॥
அதோஷயன்மஹாராஜமகுர்வன்வா பிதுர்வச: ।
முஹூர்தமபி நேச்சே²யம் ஜீவிதும் குபிதே ந்ருபே ॥ 15 ॥
யதோமூலம் நர: பஶ்யேத்ப்ராது³ர்பா⁴வமிஹாத்மன: ।
கத²ம் தஸ்மின்னவர்தேத ப்ரத்யக்ஷே ஸதி தை³வதே ॥ 16 ॥
கச்சித்தே பருஷம் கிஞ்சித³பி⁴மானாத்பதிதா மம ।
உக்தோ ப⁴வத்யா கோபேன யத்ராஸ்ய லுலிதம் மன: ॥ 17 ॥
ஏததா³சக்ஷ்வ மே தே³வி தத்த்வேன பரிப்ருச்ச²த: ।
கிம் நிமித்தமபூர்வோயம் விகாரோ மனுஜாதி⁴பே ॥ 18 ॥
ஏவமுக்தா து கைகேயீ ராக⁴வேண மஹாத்மனா ।
உவாசேத³ம் ஸுனிர்லஜ்ஜா த்⁴ருஷ்டமாத்மஹிதம் வச: ॥ 19 ॥
ந ராஜா குபிதோ ராம வ்யஸனம் நாஸ்ய கிஞ்சன ।
கிஞ்சின்மனோக³தந்த்வஸ்ய த்வத்³ப⁴யான்னாபி⁴பா⁴ஷதே ॥ 2௦ ॥
ப்ரியம் த்வாமப்ரியம் வக்தும் வாணீ நாஸ்யோபவர்ததே ।
தத³வஶ்யம் த்வயா கார்யம் யத³னேனாஶ்ருதம் மம ॥ 21 ॥
ஏஷ மஹ்யம் வரம் த³த்த்வா புரா மாமபி⁴பூஜ்ய ச ।
ஸ பஶ்சாத்தப்யதே ராஜா யதா²ன்ய: ப்ராக்ருதஸ்ததா² ॥ 22 ॥
அதிஸ்ருஜ்ய த³தா³னீதி வரம் மம விஶாம்பதி: ।
ஸ நிரர்த²ம் க³தஜலே ஸேதும் ப³ந்தி⁴துமிச்ச²தி ॥ 23 ॥
த⁴ர்மமூலமித³ம் ராம விதி³தம் ச ஸதாமபி ।
தத்ஸத்யம் ந த்யஜேத்³ராஜா குபிதஸ்த்வத்க்ருதே யதா² ॥ 24 ॥
யதி³ தத்³வக்ஷ்யதே ராஜா ஶுப⁴ம் வா யதி³ வாஶுப⁴ம் ।
கரிஷ்யஸி ததஸ்ஸர்வமாக்²யாஸ்யாமி புனஸ்த்வஹம் ॥ 25 ॥
யதி³ த்வபி⁴ஹிதம் ராஜ்ஞா த்வயி தன்ன விபத்ஸ்யதே ।
ததோஹமபி⁴தா⁴ஸ்யாமி ந ஹ்யேஷ த்வயி வக்ஷ்யதி ॥ 26 ॥
ஏதத்து வசனம் ஶ்ருத்வா கைகேய்யா ஸமுதா³ஹ்ருதம் ।
உவாச வ்யதி²தோ ராமஸ்தாம் தே³வீம் ந்ருபஸன்னிதௌ⁴ ॥ 27 ॥
அஹோ தி⁴ங்னார்ஹஸே தே³வி வக்தும் மாமீத்³ருஶம் வச: ।
அஹம் ஹி வசனாத்³ராஜ்ஞ: பதேயமபி பாவகே ॥ 28 ॥
ப⁴க்ஷயேயம் விஷம் தீக்ஷ்ணம் மஜ்ஜேயமபி சார்ணவே ।
நியுக்தோ கு³ருணா பித்ரா ந்ருபேண ச ஹிதேன ச ॥ 29 ॥
தத்³ப்³ரூஹி வசனம் தே³வி ராஜ்ஞோ யத³பி⁴காங்க்ஷிதம் ।
கரிஷ்யே ப்ரதிஜானே ச ராமோ த்³விர்னாபி⁴பா⁴ஷதே ॥ 3௦ ॥
தமார்ஜவஸமாயுக்தமனார்யா ஸத்யவாதி³னம் ।
உவாச ராமம் கைகேயீ வசனம் ப்⁴ருஶதா³ருணம் ॥ 31 ॥
புரா தை³வாஸுரே யுத்³தே⁴ பித்ரா தே மம ராக⁴வ ।
ரக்ஷிதேன வரௌ த³த்தௌ ஸஶல்யேன மஹாரணே ॥ 32 ॥
தத்ர மே யாசிதோ ராஜா ப⁴ரதஸ்யாபி⁴ஷேசனம் ।
க³மனம் த³ண்ட³காரண்யே தவ சாத்³யைவ ராக⁴வ ॥ 33 ॥
யதி³ ஸத்யப்ரதிஜ்ஞம் த்வம் பிதரம் கர்துமிச்ச²ஸி ।
ஆத்மானம் ச நரஶ்ரேஷ்ட² மம வாக்யமித³ம் ஶ்ருணு ॥ 34 ॥
ஸன்னிதே³ஶே பிதுஸ்திஷ்ட² யதா² தேன ப்ரதிஶ்ருதம் ।
த்வயாரண்யம் ப்ரவேஷ்டவ்யம் நவ வர்ஷாணி பஞ்ச ச ॥ 35 ॥
ப⁴ரதஸ்த்வபி⁴ஷிச்யேத யதே³தத³பி⁴ஷேசனம் ।
த்வத³ர்தே² விஹிதம் ராஜ்ஞா தேன ஸர்வேண ராக⁴வ ॥ 36 ॥
ஸப்த ஸப்த ச வர்ஷாணி த³ண்ட³காரண்யமாஶ்ரித: ।
அபி⁴ஷேகமிமம் த்யக்த்வா ஜடாஜினத⁴ரோ வஸ ॥ 37 ॥
ப⁴ரத: கோஸலபுரே ப்ரஶாஸ்து வஸுதா⁴மிமாம் ।
நானாரத்ன ஸமாகீர்ணாம் ஸவாஜிரத²குஞ்ஜராம் ॥ 38 ॥
ஏதேன த்வாம் நரேந்த்³ரோயம் காருண்யேன ஸமாப்லுத: ।
ஶோகஸங்க்லிஷ்ட வத³னோ ந ஶக்னோதி நிரீக்ஷிதும் ॥ 39 ॥
ஏதத்குரு நரேந்த்³ரஸ்ய வசனம் ரகு⁴னந்த³ன ।
ஸத்யேன மஹதா ராம தாரயஸ்வ நரேஶ்வரம் ॥ 4௦ ॥
இதீவ தஸ்யாம் பருஷம் வத³ந்த்யாம் ந சைவ ராம: ப்ரவிவேஶ ஶோகம் ।
ப்ரவிவ்யதே² சாபி மஹானுபா⁴வோ ராஜா து புத்ரவ்யஸனாபி⁴தப்த: ॥ 41 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ அஷ்டாத³ஶஸ்ஸர்க:³ ॥
