ஶ்ரீமத்³வால்மீகீய ராமாயணே அரண்யகாண்ட³ம் ।
அத² சத்வாரிம்ஶஸ்ஸர்க:³ ।
மாரீசேன து தத்³வாக்யம் க்ஷமம் யுக்தம் ச நிஶாசர: ।
உக்தோ ந ப்ரதிஜக்³ராஹ மர்துகாம இவௌஷத⁴ம் ॥ 1 ॥
தம் பத்²யஹிதவக்தாரம் மாரீசம் ராக்ஷஸாதி⁴ப: ।
அப்³ரவீத்பருஷம் வாக்யமயுக்தம் காலசோதி³த: ॥ 2 ॥
யத்கிலைதத³யுக்தார்த²ம் மாரீச மயி கத்²யதே ।
வாக்யம் நிஷ்ப²லமத்யர்த²முப்தம் பீ³ஜமிவோஷரே ॥ 3 ॥
த்வத்³வாக்யைர்ன து மாம் ஶக்யம் பே⁴த்தும் ராமஸ்ய ஸம்யுகே³ ।
பாபஶீலஸ்ய மூர்க²ஸ்ய மானுஷஸ்ய விஶேஷத: ॥ 4 ॥
யஸ்த்யக்த்வா ஸுஹ்ருதோ³ ராஜ்யம் மாதரம் பிதரம் ததா² ।
ஸ்த்ரீவாக்யம் ப்ராக்ருதம் ஶ்ருத்வா வனமேகபதே³ க³த: ॥ 5 ॥
அவஶ்யந்து மயா தஸ்ய ஸம்யுகே³ க²ரகா⁴தின: ।
ப்ராணை: ப்ரியதரா ஸீதா ஹர்தவ்யா தவ ஸன்னிதௌ⁴ ॥ 6 ॥
ஏவம் மே நிஶ்சிதா பு³த்³தி⁴ர்ஹ்ருதி³ மாரீச வர்ததே ।
ந வ்யாவர்தயிதும் ஶக்யா ஸேந்த்³ரைரபி ஸுராஸுரை: ॥ 7 ॥
தோ³ஷம் கு³ணம் வா ஸம்ப்ருஷ்டஸ்த்வமேவம் வக்துமர்ஹஸி ।
அபாயம் வாப்யுபாயம் வா கார்யஸ்யாஸ்ய வினிஶ்சயே ॥ 8 ॥
ஸம்ப்ருஷ்டேன து வக்தவ்யம் ஸசிவேன விபஶ்சிதா ।
உத்³யதாஞ்ஜலினா ராஜ்ஞே ய இச்சே²த்³பூ⁴திமாத்மன: ॥ 9 ॥
வாக்யமப்ரிதகூலம் து ம்ருது³பூர்வம் ஹிதம் ஶுப⁴ம் ।
உபசாரேண யுக்தம் ச வக்தவ்யோ வஸுதா⁴தி⁴ப: ॥ 1௦ ॥
ஸாவமர்த³ம் து யத்³வாக்யம் மாரீச ஹிதமுச்யதே ।
நாபி⁴னந்த³தி தத்³ராஜா மானார்ஹோ மானவர்ஜிதம் ॥ 11 ॥
பஞ்ச ரூபாணி ராஜானோ தா⁴ரயந்த்யமிதௌஜஸ: ।
அக்³னேரிந்த்³ரஸ்ய ஸோமஸ்ய வருணஸ்ய யமஸ்ய ச ॥ 12 ॥
ஔஷ்ண்யம் ததா² விக்ரமம் ச ஸௌம்யம் த³ண்ட³ம் ப்ரஸன்னதாம் ।
தா⁴ரயந்தி மஹாத்மானோ ராஜான: க்ஷணதா³சர ॥ 13 ॥
தஸ்மாத்ஸர்வாஸ்வவஸ்தா²ஸு மான்யா: பூஜ்யாஶ்ச பார்தி²வா: ।
த்வம் து த⁴ர்மமவிஜ்ஞாய கேவலம் மோஹமாஸ்தி²த: ।
அப்⁴யாக³தம் மாம் தௌ³ராத்ம்யாத்பருஷம் வக்துமிச்ச²ஸி ॥ 14 ॥
கு³ணதோ³ஷௌ ந ப்ருச்சா²மி க்ஷமம் சாத்மனி ராக்ஷஸ ।
மயோக்தம் தவ சைதாவத்ஸம்ப்ரத்யமிதவிக்ரம: ॥ 15 ॥
அஸ்மிம்ஸ்து த்வம் மஹாக்ருத்யே ஸாஹாய்யம் கர்துமர்ஹஸி ।
ஶ்ருணு தத்கர்ம ஸாஹாய்யே யத்கார்யம் வசனான்மம ॥ 16 ॥
ஸௌவர்ணஸ்த்வம் ம்ருகோ³ பூ⁴த்வா சித்ரோ ரஜதபி³ந்து³பி⁴: ।
ஆஶ்ரமே தஸ்ய ராமஸ்ய ஸீதாயா: ப்ரமுகே² சர ॥ 17 ॥
ஸௌவர்ணஸ்த்வம் ம்ருகோ³ பூ⁴த்வா சித்ரோ ரஜதபி³ந்து³பி⁴: ।
ஆஶ்ரமே தஸ்ய ராமஸ்ய ஸீதாயா: ப்ரமுகே² சர ।
ப்ரலோப⁴யித்வா வைதே³ஹீம் யதே²ஷ்டம் க³ந்துமர்ஹஸி ॥ 18 ॥
த்வாம் து மாயாம்ருக³ம் த்³ருஷ்ட்வா காஞ்சனம் ஜாதவிஸ்மயா ।
ஆனயைனமிதி க்ஷிப்ரம் ராமம் வக்ஷ்யதி மைதி²லீ ॥ 19 ॥
அபக்ராந்தே து காகுத்ஸ்தே² தூ³ரம் யாத்வாப்யுதா³ஹர ।
ஹா ஸீதே லக்ஷ்மணேத்யேவம் ராமவாக்யானுரூபகம் ॥ 2௦ ॥
தச்ச்²ருத்வா ராமபத³வீம் ஸீதயா ச ப்ரசோதி³த: ।
அனுக³ச்ச²தி ஸம்ப்⁴ராந்த: ஸௌமித்ரிரபி ஸௌஹ்ருதா³த் ॥ 21 ॥
அபக்ராந்தே ச காகுத்ஸ்தே² லக்ஷ்மணே ச யதா²ஸுக²ம் ।
ஆனயிஷ்யாமி வைதே³ஹீம் ஸஹஸ்ராக்ஷஶ்ஶசீமிவ ॥ 22 ॥
ஏவம் க்ருத்வா த்வித³ம் கார்யம் யதே²ஷ்டம் க³ச்ச² ராக்ஷஸ ।
ராஜ்யஸ்யார்த⁴ம் ப்ரயச்சா²மி மாரீச தவ ஸுவ்ரத ॥ 23 ॥
க³ச்ச² ஸௌம்ய ஶிவம் மார்க³ம் கார்யஸ்யாஸ்ய விவ்ருத்³த⁴யே ।
அஹம் த்வானுக³மிஷ்யாமி ஸரதோ² த³ண்ட³காவனம் ॥ 24 ॥
ப்ராப்ய ஸீதாமயுத்³தே⁴ன வஞ்சயித்வா து ராக⁴வம் ।
லங்காம் ப்ரதிக³மிஷ்யாமி க்ருதகார்யஸ்ஸஹ த்வயா ॥ 25 ॥
ந சேத்கரோஷி மாரீச ஹன்மி த்வாமஹமத்³ய வை ।
ஏதத்கார்யமவஶ்யம் மே ப³லாத³பி கரிஷ்யஸி ।
ராஜ்ஞோ ஹி ப்ரதிகூலஸ்தோ² ந ஜாது ஸுக²மேத⁴தே ॥ 26 ॥
ஆஸாத்³ய தம் ஜீவிதஸம்ஶயஸ்தே ம்ருத்யுர்த்⁴ருவோ ஹ்யத்³ய மயா விருத்⁴ய ।
ஏதத்³யதா²வத்ப்ரதிக்³ருஹ்ய பு³த்³த்⁴யா யத³த்ர பத்²யம் குரு தத்ததா² த்வம் ॥ 27 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ சத்வாரிம்ஶஸ்ஸர்க:³ ॥
