ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² ஏகபஞ்சாஶஸ்ஸர்க:³ ।
தம் ஸமீக்ஷ்ய மஹாஸத்த்வம் ஸத்த்வவான்ஹரிஸத்தம: ।
வாக்யமர்த²வத³வ்யக்³ரஸ்தமுவாச த³ஶானநம் ॥ 1 ॥
அஹம் ஸுக்³ரீவஸந்தே³ஶாதி³ஹ ப்ராப்தஸ்தவாலயம் ।
ராக்ஷஸேந்த்³ர ஹரீஶஸ்த்வாம் ப்⁴ராதா குஶலமப்³ரவீத் ॥ 2 ॥
ப்⁴ராதுஶ்ஶ்ருணு ஸமாதே³ஶம் ஸுக்³ரீவஸ்ய மஹாத்மன: ।
த⁴ர்மார்தோ²பஹிதம் வாக்யமிஹ சாமுத்ர ச க்ஷமம் ॥ 3 ॥
ராஜா த³ஶரதோ² நாம ரத²குஞ்ஜரவாஜிமான் ।
பிதேவ ப³ந்து⁴ர்லோகஸ்ய ஸுரேஶ்வரஸமத்³யுதி: ॥ 4 ॥
ஜ்யேஷ்ட²ஸ்தஸ்ய மஹாபா³ஹு: புத்ர: ப்ரியகர: ப்ரபு⁴: ।
பிதுர்னிதே³ஶான்னிஷ்க்ராந்த: ப்ரவிஷ்டோ த³ண்ட³காவனம் ॥ 5 ॥
லக்ஷ்மணேன ஸஹ ப்⁴ராத்ரா ஸீதயா சாபி பா⁴ர்யயா ।
ராமோ நாம மஹாதேஜா த⁴ர்ம்யம் பந்தா²னமாஸ்தி²த: ॥ 6 ॥
தஸ்ய பா⁴ர்யா வனே நஷ்டா ஸீதா பதிமனுவ்ரதா ।
வைதே³ஹஸ்ய ஸுதா ராஜ்ஞோ ஜனகஸ்ய மஹாத்மன: ॥ 7 ॥
ஸ மார்க³மாணஸ்தாம் தே³வீம் ராஜபுத்ர: ஸஹானுஜ: ।
ருஶ்யமூகமனுப்ராப்த: ஸுக்³ரீவேண ஸமாக³த: ॥ 8 ॥
தஸ்ய தேன ப்ரதிஜ்ஞாதம் ஸீதாயா: பரிமார்க³ணம் ।
ஸுக்³ரீவஸ்யாபி ராமேண ஹரிராஜ்யம் நிவேதி³தம் ॥ 9 ॥
ததஸ்தேன ம்ருதே⁴ ஹத்வா ராஜபுத்ரேண வாலினம் ।
ஸுக்³ரீவ: ஸ்தா²பிதோ ராஜ்யே ஹர்ய்ருக்ஷாணாம் க³ணேஶ்வர: ॥ 1௦ ॥
த்வயா விஜ்ஞாதபூர்வஶ்ச வாலீ வானரபுங்க³வ: ।
ராமேண நிஹதஸ்ஸங்க்²யே ஶரேணைகேன வானர: ॥ 11 ॥
ஸ ஸீதாமார்க³ணே வ்யக்³ரஸ்ஸுக்³ரீவ: ஸத்யஸங்க³ர: ।
ஹரீன் ஸம்ப்ரேஷயாமாஸ தி³ஶஸ்ஸர்வா ஹரீஶ்வர: ॥ 12 ॥
தாம் ஹரீணாம் ஸஹஸ்ராணி ஶதானி நியுதானி ச ।
தி³க்ஷு ஸர்வாஸு மார்க³ந்தே ஹ்யத⁴ஶ்சோபரி சாம்ப³ரே ॥ 13 ॥
வைனதேயஸமா: கேசித்கேசித்தத்ரானிலோபமா: ।
அஸங்க³க³தயஶஶீக்⁴ரா ஹரிவீரா மஹாப³லா: ॥ 14 ॥
அஹம் து ஹனுமான்னாம மாருதஸ்யௌரஸஸ்ஸுத: ।
ஸீதாயாஸ்து க்ருதே தூர்ணம் ஶதயோஜனமாயதம் ॥ 15 ॥
ஸமுத்³ரம் லங்க⁴யித்வைவ தாம் தி³த்³ருக்ஷுரிஹாக³த: ।
ப்⁴ரமதா ச மயா த்³ருஷ்டா க்³ருஹே தே ஜனகாத்மஜா ॥ 16 ॥
தத்³ப⁴வான் த்³ருஷ்டத⁴ர்மார்த²ஸ்தப:க்ருதபரிக்³ரஹ: ।
பரதா³ரான் மஹாப்ராஜ்ஞ நோபரோத்³து⁴ம் த்வமர்ஹஸி ॥ 17 ॥
ந ஹி த⁴ர்மவிருத்³தே⁴ஷு ப³ஹ்வபாயேஷு கர்மஸு ।
மூலகா⁴திஷு ஸஜ்ஜந்தே பு³த்³தி⁴மந்தோ ப⁴வத்³விதா⁴: ॥ 18 ॥
கஶ்ச லக்ஷ்மணமுக்தானாம் ராமகோபானுவர்தினாம் ।
ஶராணாமக்³ரத: ஸ்தா²தும் ஶக்தோ தே³வாஸுரேஷ்வபி ॥ 19 ॥
ந சாபி த்ரிஷு லோகேஷு ராஜன்வித்³யேத கஶ்சன ।
ராக⁴வஸ்ய வ்யலீகம் ய: க்ருத்வா ஸுக²மவாப்னுயாத் ॥ 2௦ ॥
தத் த்ரிகாலஹிதம் வாக்யம் த⁴ர்ம்யமர்தா²னுப³ந்தி⁴ ச ।
மன்யஸ்வ நரதே³வாய ஜானகீ ப்ரதிதீ³யதாம் ॥ 21 ॥
த்³ருஷ்டா ஹீயம் மயா தே³வீ லப்³த⁴ம் யதி³ஹ து³ர்லப⁴ம் ।
உத்தரம் கர்ம யச்சே²ஷம் நிமித்தம் தத்ர ராக⁴வ: ॥ 22 ॥
லக்ஷிதேயம் மயா ஸீதா ததா² ஶோகபராயணா ।
க்³ருஹ்ய யாம் நாபி⁴ஜானாஸி பஞ்சாஸ்யாமிவ பன்னகீ³ம் ॥ 23 ॥
நேயம் ஜரயிதும் ஶக்யா ஸாஸுரைரமரைரபி ।
விஷஸம்ஸ்ருஷ்டமத்யர்த²ம் பு⁴க்தமன்னமிவௌஜஸா ॥ 24 ॥
தபஸ்ஸந்தாபலப்³த⁴ஸ்தே யோயம் த⁴ர்மபரிக்³ரஹ: ।
ந ஸ நாஶயிதும் ந்யாய்ய ஆத்மப்ராணபரிக்³ரஹ: ॥ 25 ॥
அவத்⁴யதாம் தபோபி⁴ர்யாம் ப⁴வான் ஸமனுபஶ்யதி ।
ஆத்மன: ஸாஸுரைர்தே³வைர்ஹேதுஸ்தத்ராப்யயம் மஹான் ॥ 26 ॥
ஸுக்³ரீவோ ந ஹி தே³வோயம் நாஸுரோ ந ச ராக்ஷஸ: ।
ந தா³னவோ ந க³ந்த⁴ர்வோ ந யக்ஷோ ந ச பன்னக:³ ॥ 27 ॥
தஸ்மாத்ப்ராணபரித்ராணம் கத²ம் ராஜன்கரிஷ்யஸி ।
ந து த⁴ர்மோபஸம்ஹாரமத⁴ர்மப²லஸம்ஹிதம் ॥ 28 ॥
ததே³வ ப²லமன்வேதி த⁴ர்மஶ்சாத⁴ர்மனாஶன: ।
ப்ராப்தம் த⁴ர்மப²லம் தாவத்³ப⁴வதா நாத்ர ஸம்ஶய: ।
ப²லமஸ்யாப்யத⁴ர்மஸ்ய க்ஷிப்ரமேவ ப்ரபத்ஸ்யஸே ॥ 29 ॥
ஜனஸ்தா²னவத⁴ம் பு³த்³த்⁴வா பு³த்³த்⁴வா வாலிவத⁴ம் ததா² ॥ 3௦ ॥
ராமஸுக்³ரீவஸக்²யம் ச பு³த்⁴யஸ்வ ஹிதமாத்மன: ।
காமம் க²ல்வஹமப்யேகஸ்ஸவாஜிரத²குஞ்ஜராம் ॥ 31 ॥
லங்காம் நாஶயிதும் ஶக்தஸ்தஸ்யைஷ து ந நிஶ்சய: ।
ராமேண ஹி ப்ரதிஜ்ஞாதம் ஹர்ய்ருக்ஷக³ணஸன்னிதௌ⁴ ॥ 32 ॥
உத்ஸாத³னமமித்ராணாம் ஸீதா யைஸ்து ப்ரத⁴ர்ஷிதா ।
அபகுர்வன் ஹி ராமஸ்ய ஸாக்ஷாத³பி புரந்த³ர: ॥ 33 ॥
ந ஸுக²ம் ப்ராப்னுயாத³ன்ய: கிம் புனஸ்த்வத்³விதோ⁴ ஜன: ।
யாம் ஸீதேத்யபி⁴ஜானாஸி யேயம் திஷ்ட²தி தே வஶே ॥ 34 ॥
காலராத்ரீதி தாம் வித்³தி⁴ ஸர்வலங்காவினாஶினீம் ।
தத³லம் காலபாஶேன ஸீதாவிக்³ரஹரூபிணா ॥ 35 ॥
ஸ்வயம் ஸ்கந்தா⁴வஸக்தேன க்ஷேமமாத்மனி சிந்த்யதாம் ।
ஸீதாயாஸ்தேஜஸா த³க்³தா⁴ம் ராமகோபப்ரபீடி³தாம் ॥ 36 ॥
த³ஹ்யமானாமிமாம் பஶ்ய புரீம் ஸாட்டப்ரதோலிகாம் ।
ஸ்வானி மித்ராணி மந்த்ரீம்ஶ்ச ஜ்ஞாதீன் ப்⁴ராத்ரூன் ஸுதான் ஹிதான் ॥ 37 ॥
போ⁴கா³ந்தா³ராம்ஶ்ச லங்காம் ச மா வினாஶமுபானய ।
ஸத்யம் ராக்ஷஸராஜேந்த்³ர ஶ்ருணுஷ்வ வசனம் மம ॥ 38 ॥
ராமதா³ஸஸ்ய தூ³தஸ்ய வானரஸ்ய விஶேஷத: ।
ஸர்வான் லோகான் ஸுஸம்ஹ்ருத்ய ஸபூ⁴தான் ஸசராசரான் ॥ 39 ॥
புனரேவ ததா² ஸ்ரஷ்டும் ஶக்தோ ராமோ மஹாயஶா: ।
தே³வாஸுரனரேந்த்³ரேஷு யக்ஷரக்ஷோக³ணேஷு ச ॥ 4௦ ॥
வித்³யாத⁴ரேஷு ஸர்வேஷு க³ந்த⁴ர்வேஷூரகே³ஷு ச ।
ஸித்³தே⁴ஷு கின்னரேந்த்³ரேஷு பதத்ரிஷு ச ஸர்வத: ॥ 41 ॥
ஸர்வபூ⁴தேஷு ஸர்வத்ர ஸர்வகாலேஷு நாஸ்தி ஸ: ।
யோ ராமம் ப்ரதியுத்⁴யேத விஷ்ணுதுல்யபராக்ரமம் ॥ 42 ॥
ஸர்வலோகேஶ்வரஸ்யைவம் க்ருத்வா விப்ரியமுத்தமம் ।
ராமஸ்ய ராஜஸிம்ஹஸ்ய து³ர்லப⁴ம் தவ ஜீவிதம் ॥ 43 ॥
தே³வாஶ்ச தை³த்யாஶ்ச நிஶாசரேந்த்³ர க³ந்த⁴ர்வவித்³யாத⁴ரனாக³யக்ஷா: ।
ராமஸ்ய லோகத்ரயனாயகஸ்ய ஸ்தா²தும் ந ஶக்தாஸ்ஸமரேஷு ஸர்வே ॥ 44 ॥
ப்³ரஹ்மா ஸ்வயம்பூ⁴ஶ்சதுரானநோ வா ருத்³ரஸ்த்ரிணேத்ரஸ்த்ரிபுராந்தகோ வா ।
இந்த்³ரோ மஹேந்த்³ரஸ்ஸுரனாயகோ வா த்ராதும் ந ஶக்தா யுதி⁴ ராமவத்⁴யம் ॥ 45 ॥
ஸ ஸௌஷ்ட²வோபேதமதீ³னவாதி³ன: கபேர்னிஶம்யாப்ரதிமோப்ரியம் வச: ।
த³ஶானந: கோபவிவ்ருத்தலோசன: ஸமாதி³ஶத்தஸ்ய வத⁴ம் மஹாகபே: ॥ 46 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ ஏகபஞ்சாஶஸ்ஸர்க:³ ॥
