ஶ்ரீமத்³வால்மீகீய ராமாயணே பா³லகாண்ட³ம் ।
அத² த்ரயோத³ஶஸ்ஸர்க:³ ।
புன: ப்ராப்தே வஸந்தே து பூர்ணஸ்ஸம்வத்ஸரோப⁴வத் ।
ப்ரஸவார்த²ம் க³தோ யஷ்டும் ஹயமேதே⁴ன வீர்யவான் ॥ 1 ॥
அபி⁴வாத்³ய வஸிஷ்ட²ம் ச ந்யாயத: பரிபூஜ்ய ச ।
அப்³ரவீத்ப்ரஶ்ரிதம் வாக்யம் ப்ரஸவார்த²ம் த்³விஜோத்தமம் ॥ 2 ॥
யஜ்ஞோ மே க்ரியதாம் ப்³ரஹ்மன்யதோ²க்தம் முனிபுங்க³வ ।
யதா² ந விக்⁴ன: க்ரியதே யஜ்ஞாங்கே³ஷு விதீ⁴யதாம் ॥ 3 ॥
ப⁴வான் ஸ்னிக்³த⁴ஸ்ஸுஹ்ருன்மஹ்யம் கு³ருஶ்ச பரமோ மஹான் ।
ஓட⁴வ்யோ ப⁴வதா சைவ பா⁴ரோ யஜ்ஞஸ்ய சோத்³யத: ॥ 4 ॥
ததே²தி ச ஸ ராஜானமப்³ரவீத்³த்³விஜஸத்தம: ।
கரிஷ்யே ஸர்வமேவைதத்³ப⁴வதா யத்ஸமர்தி²தம் ॥ 5 ॥
ததோப்³ரவீத்³விஜான்வ்ருத்³தா⁴ன்யஜ்ஞகர்மஸு நிஷ்டி²தான் ।
ஸ்தா²பத்யே நிஷ்டி²தாம்ஶ்சைவ வ்ருத்³தா⁴ன்பரமதா⁴ர்மிகான் ॥ 6 ॥
கர்மாந்திகான் ஶில்பகரான்வர்த⁴கீன் க²னகானபி ।
க³ணகான்ஶில்பினஶ்சைவ ததை²வ நடனர்தகான் ॥ 7 ॥
ததா² ஶுசீன்ஶாஸ்த்ரவித:³ புருஷான் ஸுப³ஹுஶ்ருதான் ।
யஜ்ஞகர்ம ஸமீஹந்தாம் ப⁴வந்தோ ராஜஶாஸனாத் ॥ 8 ॥
இஷ்டகா ப³ஹு ஸாஹஸ்ராஶ்ஶீக்⁴ரமானீயதாமிதி ।
௦ உபகார்யா: க்ரியந்தாம் ச ராஜ்ஞாம் ப³ஹுகு³ணான்விதா: ॥ 9 ॥
ப்³ராஹ்மணாவஸதா²ஶ்சைவ கர்தவ்யாஶ்ஶதஶஶ்ஶுபா⁴: ।
ப⁴க்ஷ்யான்னபானைர்ப³ஹுபி⁴ஸ்ஸமுபேதாஸ்ஸுனிஷ்டி²தா: ॥ 1௦ ॥
ததா² பௌரஜனஸ்யாபி கர்தவ்யா ப³ஹுவிஸ்தரா: ।
ஆவாஸா ப³ஹுப⁴க்ஷ்யா வை ஸர்வகாமைருபஸ்தி²தா: ॥ 11 ॥
ததா² ஜானபத³ஸ்யாபி ஜனஸ்ய ப³ஹுஶோப⁴னம் ।
தா³தவ்யமன்னம் விதி⁴வத்ஸத்க்ருத்ய ந து லீலயா ॥ 12 ॥
ஸர்வே வர்ணா யதா² பூஜாம் ப்ராப்னுவந்தி ஸுஸத்க்ருதா: ।
ந சாவஜ்ஞா ப்ரயோக்தவ்யா காமக்ரோத⁴வஶாத³பி ॥ 13 ॥
யஜ்ஞகர்மஸு யே வ்யக்³ரா: புருஷாஶ்ஶில்பினஸ்ததா² ।
தேஷாமபி விஶேஷேண பூஜா கார்யா யதா²க்ரமம் ॥ 14 ॥
தே ச ஸ்யுஸ்ஸம்ப்⁴ருதாஸ்ஸர்வே வஸுபி⁴ர்போ⁴ஜனேன ச ।
யதா² ஸர்வம் ஸுவிஹிதம் ந கிஞ்சித்பரிஹீயதே ॥ 15 ॥
ததா² ப⁴வந்த: குர்வந்து ப்ரீதிஸ்னிக்³தே⁴ன சேதஸா ।
ததஸ்ஸர்வே ஸமாக³ம்ய வஸிஷ்ட²மித³மப்³ருவன் ॥ 16 ॥
யதோ²க்தம் தத்ஸுவிஹிதம் ந கிஞ்சித்பரிஹீயதே ।
யதோ²க்தம் தத்கரிஷ்யாமோ ந கிஞ்சித்பரிஹாஸ்யதே ॥ 17 ॥
ததஸ்ஸுமந்த்ரமானீய வஸிஷ்டோ² வாக்யமப்³ரவீத் ।
நிமந்த்ரயஸ்வ ந்ருபதீன்ப்ருதி²வ்யாம் யே ச தா⁴ர்மிகா: ॥ 18 ॥
ப்³ராஹ்மணான்க்ஷத்ரியான்வைஶ்யாஞ்சூ²த்³ராம்ஶ்சைவ ஸஹஸ்ரஶ: ।
ஸமானயஸ்வ ஸத்க்ருத்ய ஸர்வதே³ஶேஷு மானவான் ॥ 19 ॥
மிதி²லாதி⁴பதிம் ஶூரம் ஜனகம் ஸத்யவிக்ரமம் ।
நிஷ்டி²தம் ஸர்வஶாஸ்த்ரேஷு ததா² வேதே³ஷு நிஷ்டி²தம் ॥ 2௦ ॥
தமானய மஹாபா⁴க³ம் ஸ்வயமேவ ஸுஸத்க்ருதம் ।
பூர்வஸம்ப³ந்தி⁴னம் ஜ்ஞாத்வா தத: பூர்வம் ப்³ரவீமி தே ॥ 21 ॥
ததா² காஶீபதிம் ஸ்னிக்³த⁴ம் ஸததம் ப்ரியவாதி³னம் ।
வயஸ்யம் ராஜஸிம்ஹஸ்ய ஸ்வயமேவானயஸ்வ ஹ ॥ 22 ॥
ததா² கேகயராஜானம் வ்ருத்³த⁴ம் பரமதா⁴ர்மிகம் ।
ஶ்வஶுரம் ராஜஸிம்ஹஸ்ய ஸபுத்ரம் த்வமிஹானய ॥ 23 ॥
அங்கே³ஶ்வரம் மஹாபா⁴க³ம் ரோமபாத³ம் ஸுஸத்க்ருதம் ।
வயஸ்யம் ராஜஸிம்ஹஸ்ய ஸமானய யஶஸ்வினம் ॥ 24 ॥
ப்ராசீனான்ஸிந்து⁴ ஸௌவீரான்ஸௌராஷ்ட்ரேயாம்ஶ்ச பார்தி²வான் ।
தா³க்ஷிணாத்யான்னரேந்த்³ராம்ஶ்ச ஸமஸ்தானானயஸ்வ ஹ ॥ 25 ॥
ஸந்தி ஸ்னிக்³தா⁴ஶ்ச யே சான்யே ராஜான: ப்ருதி²வீதலே ।
தானானய யதா²க்ஷிப்ரம் ஸானுகா³ன்ஸஹ பா³ந்த⁴வான் ॥ 26 ॥
வஸிஷ்ட²வாக்யம் தச்ச்²ருத்வா ஸுமந்த்ரஸ்த்வரிதஸ்ததா³ ।
வ்யாதி³ஶத்புருஷாம்ஸ்தத்ர ராஜ்ஞாமானயனே ஶுபா⁴ன் ॥ 27 ॥
ஸ்வயமேவ ஹி த⁴ர்மாத்மா ப்ரயயௌ முனிஶாஸனாத் ।
ஸுமந்த்ரஸ்த்வரிதோ பூ⁴த்வா ஸமானேதும் மஹீக்ஷித: ॥ 28 ॥
தே ச கர்மாந்திகாஸ்ஸர்வே வஸிஷ்டா²ய ச தீ⁴மதே ।
ஸர்வம் நிவேத³யந்தி ஸ்ம யஜ்ஞே யது³பகல்பிதம் ॥ 29 ॥
தத:ப்ரீதோ த்³விஜஶ்ரேஷ்ட²ஸ்தான் ஸர்வானித³மப்³ரவீத் ।
அவஜ்ஞயா ந தா³தவ்யம் கஸ்யசில்லீலயாபி வா ॥ 3௦ ॥
அவஜ்ஞயா க்ருதம் ஹன்யாத்³தா³தாரம் நாத்ர ஸம்ஶய: ।
28 தத: கைஶ்சித³ஹோராத்ரைருபயாதா மஹீக்ஷித: ॥ 31 ॥
ப³ஹூனி ரத்னான்யாதா³ய ராஜ்ஞோ த³ஶரத²ஸ்ய வை ।
ததோ வஸிஷ்ட²ஸ்ஸுப்ரீதோ ராஜானமித³மப்³ரவீத் ॥ 32 ॥
உபயாதா நரவ்யாக்⁴ர ராஜானஸ்தவ ஶாஸனாத் ।
மயாபி ஸத்க்ருதா: ஸர்வே யதா²ர்ஹம் ராஜஸத்தமா: ॥ 33 ॥
யஜ்ஞீயம் ச க்ருதம் ராஜன் புருஷைஸ்ஸுஸமாஹிதை: ।
நிர்யாது ச ப⁴வான்யஷ்டும் யஜ்ஞாயதனமந்திகாத் ॥ 34 ॥
ஸர்வகாமைருபஹ்ருதைருபேதம் ச ஸமந்தத: ।
த்³ரஷ்டுமர்ஹஸி ராஜேந்த்³ர மனஸேவ வினிர்மிதம் ॥ 35 ॥
ததா² வஸிஷ்ட²வசனாத்³ருஶ்யஶ்ருங்க³ஸ்ய சோப⁴யோ: ।
ஶுபே⁴ தி³வஸனக்ஷத்ரே நிர்யாதோ ஜக³தீபதி: ॥ 36 ॥
ததோ வஸிஷ்ட²ப்ரமுகா²ஸ்ஸர்வ ஏவ த்³விஜோத்தமா: ।
ருஶ்யஶ்ருங்க³ம் புரஸ்க்ருத்ய யஜ்ஞகர்மாரப⁴ன் ததா³ ॥ 37 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ த்ரயோத³ஶஸ்ஸர்க:³ ॥
