ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² சது:ஸப்ததிதமஸ்ஸர்க:³ ।
தாம் ததா² க³ர்ஹயித்வா து மாதரம் ப⁴ரதஸ்ததா³ ।
ரோஷேண மஹதாவிஷ்ட: புனரேவாப்³ரவீத்³வச: ॥ 1 ॥
ராஜ்யாத்³ப்⁴ரம்ஶஸ்வ கைகேயி ந்ருஶம்ஸே து³ஷ்டசாரிணி ।
பரித்யக்தா ச த⁴ர்மேண மா ம்ருதம் ருத³தீ ப⁴வ ॥ 2 ॥
கின்னு தேதூ³ஷயத்³ராஜா ராமோ வா ப்⁴ருஶதா⁴ர்மிக: ।
யயோர்ம்ருத்யுர்விவாஸஶ்ச த்வத்க்ருதே துல்யமாக³தௌ ॥ 3 ॥
ப்⁴ரூணஹத்யாமஸி ப்ராப்தா குலஸ்யாஸ்ய வினாஶனாத் ।
கைகேயி நரகம் க³ச்ச² மா ச ப⁴ர்து ஸ்ஸலோகதாம் ॥ 4 ॥
யத்த்வயா ஹீத்³ருஶம் பாபம் க்ருதம் கோ⁴ரேண கர்மணா ।
ஸர்வலோகப்ரியம் ஹித்வா மமாப்யாபாதி³தம் ப⁴யம் ॥ 5 ॥
த்வத்க்ருதே மே பிதா வ்ருத்தோ ராமஶ்சாரண்யமாஶ்ரித: ।
அயஶோ ஜீவலோகே ச த்வயாஹம் ப்ரதிபாதி³த: ॥ 6 ॥
மாத்ருரூபே மமாமித்ரே ந்ருஶம்ஸே ராஜ்யகாமுகே ।
ந தேஹ மபி⁴பா⁴ஷ்யோஸ்மி து³ர்வ்ருத்தே பதிகா⁴தினி ॥ 7 ॥
கௌஸல்யா ச ஸுமித்ரா ச யாஶ்சான்யா மம மாதர: ।
து³:கே²ன மஹதாவிஷ்டாஸ்த்வாம் ப்ராப்ய குலதூ³ஷிணீம் ॥ 8 ॥
ந த்வமஶ்வபதே: கன்யா த⁴ர்மராஜஸ்ய தீ⁴மத: ।
ராக்ஷஸீ தத்ர ஜாதாஸி குலப்ரத்⁴வம்ஸினீ பிது: ॥ 9 ॥
யத்த்வயா தா⁴ர்மிகோ ராமோ நித்யம் ஸத்யபராயண: ।
வனம் ப்ரஸ்தா²பிதோ து³:கா²த்பிதா ச த்ரிதி³வம் க³த: ॥ 1௦ ॥
யத்ப்ரதா⁴னாஸி தத்பாபம் மயி பித்ரா வினாக்ருதே ।
ப்⁴ராத்ருப்⁴யாம் ச பரித்யக்தே ஸர்வலோகஸ்ய சாப்ரியே ॥ 11 ॥
கௌஸல்யாம் த⁴ர்மஸம்யுக்தாம் வியுக்தாம் பாபனிஶ்சயே ।
க்ருத்வா கம் ப்ராப்ஸ்யஸே த்வத்³ய லோகம் நிரயகா³மினி ॥ 12 ॥
கிம் நாவபு³த்⁴யஸே க்ரூரே நியதம் ப³ந்து⁴ஸம்ஶ்ரயம் ।
ஜ்யேஷ்ட²ம் பித்ருஸமம் ராமம் கௌஸல்யாயாத்மஸம்ப⁴வம் ॥ 13 ॥
அஙக³ப்ரத்யஙகஜ³: புத்ரோ ஹ்ருத³யாச்சாபி ஜாயதே ।
தஸ்மாத்ப்ரியதமோ மாது: ப்ரியா ஏவ து பா³ந்த⁴வா: ॥ 14 ॥
அன்யதா³ கில த⁴ர்மஜ்ஞா ஸுரபி⁴ ஸ்ஸுரஸம்மதா ।
வஹமானௌ த³த³ர்ஶோர்வ்யாம் புத்ரௌ விக³தசேதஸௌ ॥ 15 ॥
தாவர்த⁴தி³வஸே ஶ்ராந்தௌ த்³ருஷ்ட்வா புத்ரௌ மஹீதலே ।
ருரோத³ புத்ரஶோகேன பா³ஷ்பபர்யாகுலேக்ஷணா ॥ 16 ॥
அத⁴ஸ்தாத்³வ்ரஜதஸ்தஸ்யா: ஸுரராஜ்ஞோ மஹாத்மன: ।
பி³ந்த³வ: பதிதா கா³த்ரே ஸூக்ஷ்மா ஸ்ஸுரபி⁴க³ந்தி⁴ன: ॥ 17 ॥
இந்த்³ரோப்யஶ்ருனிபாதம் தம் ஸ்வகா³த்ரே புண்யக³ந்தி⁴னம் ।
ஸுரபி⁴ம் மன்யதே த்³ருஷ்ட்வா பூ⁴யஸீம் தாம் ஸுரேஶ்வர: ॥ 18 ॥
நிரீக்ஷமாண ஶ்ஶக்ரஸ்தாம் த³த³ர்ஶ ஸுரபி⁴ம் ஸ்தி²தாம் ।
ஆகாஶே விஷ்டி²தாம் தீ³னாம் ருத³ந்தீம் ப்⁴ருஶது³:கி²தாம் ॥ 19 ॥
தாம் த்³ருஷ்ட்வா ஶோகஸந்தப்தாம் வஜ்ரபாணிர்யஶஸ்வினீம் ।
இந்த்³ர: ப்ராஞ்ஜலிருத்³விக்³ன ஸ்ஸுரராஜோப்³ரவீத்³வச: ॥ 2௦ ॥
ப⁴யம் கச்சி²ன்ன சாஸ்மாஸு குதஶ்சித்³வித்³யதே மஹத் ।
குதோனிமத்தஶ்ஶோகஸ்தே ப்³ரூஹி ஸர்வஹிதைஷிணி ॥ 21 ॥
ஏவமுக்தா து ஸுரபி⁴ ஸ்ஸுரராஜேன தீ⁴மதா ।
ப்ரத்யுவாச ததோ தீ⁴ரா வாக்யம் வாக்யவிஶாரதா³ ॥ 22 ॥
ஶாந்தம் பாபம் ந வ: கிஞ்சித்குதஶ்சித³மராதி⁴ப: ।
அஹம் மக்³னௌ து ஶோசாமி ஸ்வபுத்ரௌ விஷமே ஸ்தி²தௌ ॥ 23 ॥
ஏதௌ த்³ருஷ்ட்வா க்ருஶௌ தீ³னௌ ஸூர்யரஶ்மிப்ரதாபிதௌ ।
பா³த்⁴யமானௌ ப³லீவர்தௌ⁴ கர்ஷகேண ஸுராதி⁴ப ॥ 24 ॥
மமகாயாத்ப்ரஸூதௌ ஹி து³:கி²தௌ பா⁴ரபீடி³தௌ ।
யௌ த்³ருஷ்ட்வா பரிதப்யேஹம் நாஸ்தி புத்ரஸம: ப்ரிய: ॥ 25 ॥
யஸ்யா: புத்ரஸஹஸ்ரைஸ்து க்ருத்ஸ்னம் வ்யாப்தமித³ம் ஜக³த் ।
தாம் த்³ருஷ்ட்வா ருத³தீம் ஶக்ரோ ந ஸுதான்மன்யதே பரம் ॥ 26 ॥
ஸதா³ப்ரதிமவ்ருத்தாயா: லோகதா⁴ரணகாம்யயா ।
ஶ்ரீமத்யா கு³ணனித்யாயா ஸ்ஸ்வபா⁴வபரிசேஷ்டயா ॥ 27 ॥
யஸ்யா: புத்ரஸஹஸ்ராணி ஸாபி ஶோசதி காமது⁴க் ।
கிம் புனர்யா வினா ராமம் கௌஸல்யா வர்தயிஷ்யதி ॥ 28 ॥
ஏகபுத்ரா ச ஸாத்⁴வீ ச விவத்ஸேயம் த்வயா க்ருதா ।
தஸ்மாத்த்வம் ஸததம் து³:க²ம் ப்ரேத்ய சேஹ ச லப்ஸ்யஸே ॥ 29 ॥
அஹம் ஹ்யபசிதிம் ப்⁴ராது: பிதுஶ்ச ஸகலாமிமாம் ।
வர்த⁴னம் யஶஸஶ்சாபி கரிஷ்யாமி ந ஸம்ஶய: ॥ 3௦ ॥
அனாயயித்வா தனயம் கௌஸல்யாயா மஹாப³லம் ।
ஸ்வயமேவ ப்ரவேக்ஷ்யாமி வனம் முனினிஷேவிதம் ॥ 31 ॥
ந ஹ்யஹம் பாபஸங்கல்பே பாபே பாபம் த்வயா க்ருதம் ।
ஶக்தோ தா⁴ரயிதும் பௌரைரஶ்ருகண்டை² ர்னிரீக்ஷித: ॥ 32 ॥
ஸா த்வமக்³னிம் ப்ரவிஶ வா ஸ்வயம் வா த³ண்ட³கான்விஶ ।
ரஜ்ஜும் ப³தா⁴ன வா கண்டே² ந ஹி தேன்யத்பராயணம் ॥ 33 ॥
அஹமப்யவனீம் ப்ராப்தே ராமே ஸத்யபராக்ரமே ।
க்ருதக்ருத்யோ ப⁴விஷ்யாமி விப்ரவாஸிதகல்மஷ: ॥ 34 ॥
இதி நாக³ இவாரண்யே தோமராங்குஶசோதி³த: ।
பபாத பு⁴வி ஸங்க்ருத்³தோ⁴ நிஶ்ஶ்வஸன்னிவ பன்னக:³ ॥ 35 ॥
ஸம்ரக்தனேத்ர ஶ்ஶிதி²லாம்ப⁴ரஸ்ததா³ விதூ⁴தஸர்வாப⁴ரண: பரந்தப: ।
ப³பூ⁴வ பூ⁴மௌ பதிதோ ந்ருபாத்மஜஶ்ஶசீபதே: கேதுரிவோத்ஸவக்ஷயே ॥ 36 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ சது:ஸப்ததிதமஸ்ஸர்க:³ ॥
