ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² அஷ்டாத³ஶாதி⁴கஶததமஸ்ஸர்க:³ ।
ஸாத்வேவமுக்தா வைதே³ஹீ அனஸூயானஸூயயா ।
ப்ரதிபூஜ்ய வசோ மந்த³ம் ப்ரவக்துமுபசக்ரமே ॥ 1 ॥
நைததா³ஶ்சர்யமார்யாயா யன்மாம் த்வமபி⁴பா⁴ஷஸே ।
விதி³தந்து மமாப்யேதத்³யதா² நார்யா: பதிர்கு³ரு: ॥ 2 ॥
யத்³யப்யேஷ ப⁴வேத்³ப⁴ர்தா மமார்யே வ்ருத்தவர்ஜித: ।
அத்³வைத⁴முபசர்தவ்யஸ்ததா²ப்யேஷ மயா ப⁴வேத் ॥ 3 ॥
கிம் புனர்யோ கு³ணஶ்லாக்⁴ய ஸ்ஸானுக்ரோஶோ ஜிதேந்த்³ரிய: ।
ஸ்தி²ரானுராகோ³ த⁴ர்மாத்மா மாத்ருவத்பித்ருவத்ப்ரிய: ॥ 4 ॥
யாம் வ்ருத்திம் வர்ததே ராம: கௌஸல்யாயாம் மஹாப³ல: ।
தாமேவ ந்ருபனாரீணாமன்யாஸாமபி வர்ததே ॥ 5 ॥
ஸக்ருத்³த்³ருஷ்டாஸ்வபி ஸ்த்ரிஷு ந்ருபேண ந்ருபவத்ஸல: ।
மாத்ருவத்³வர்ததே வீரோ மானமுத்ஸ்ருஜ்ய த⁴ர்மவித் ॥ 6 ॥
ஆக³ச்ச²ந்த்யாஶ்ச விஜனம் வனமேவம் ப⁴யாவஹம் ।
ஸமாஹிதம் மே ஶ்வஶ்ர்வா ச ஹ்ருத³யே தத்³த்⁴ருதம் மஹத் ॥ 7 ॥
பாணிப்ரதா³னகாலே ச யத்புராத்வக்³னி ஸன்னிதௌ⁴ ।
அனுஶிஷ்டா ஜனந்யாஸ்மி வாக்யம் தத³பி மே த்⁴ருதம் ॥ 8 ॥
நவீக்ருதம் து தத்ஸர்வம் வாக்யைஸ்தே த⁴ர்மசாரிணி ।
பதிஶுஶ்ரூஷணான்னார்யாஸ்தபோ நான்யத்³விதீ⁴யதே ॥ 9 ॥
ஸாவித்ரீ பதிஶுஶ்ரூஷாம் க்ருத்வா ஸ்வர்கே³ மஹீயதே ।
ததா²வ்ருத்திஶ்ச யாதா த்வம் பதிஶுஶ்ரூஷயா தி³வம் ॥ 1௦ ॥
வரிஷ்டா² ஸர்வனாரீணாமேஷா ச தி³வி தே³வதா ।
ரோஹிணீ ந வினாசந்த்³ரம் முஹூர்தமபி த்³ருஶ்யதே ॥ 11 ॥
ஏவம்விதா⁴ஶ்ச ப்ரவரா: ஸ்த்ரியோ ப⁴ர்த்ருத்³ருட⁴வ்ரதா: ।
தே³வலோகே மஹீயந்தே புண்யேன ஸ்வேன கர்மணா ॥ 12 ॥
ததோனஸூயா ஸம்ஹ்ருஷ்டா ஶ்ருத்வோக்தம் ஸீதயா வச: ।
ஶிரஸ்யாக்⁴ராய சோவாச மைதி²லீம் ஹர்ஷயந்த்யுத ॥ 13 ॥
நியமைர்விவிதை⁴ராப்தம் தபோ ஹி மஹத³ஸ்தி மே ।
தத்ஸம்ஶ்ரித்ய ப³லம் ஸீதே ச²ந்த³யே த்வாம் ஶுசிவ்ரதே ॥ 14 ॥
உபபன்னம் மனோஜ்ஞம் ச வசனம் தவ மைதி²லி ।
ப்ரீதா சாஸ்ம்யுசிதம் கிம் தே கரவாணி ப்³ரவீஹி மே ॥ 15 ॥
தஸ்யாஸ்தத்³ வசனம் ஶ்ரூத்வா விஸ்மிதா மந்த³விஸ்மயா ।
க்ருதமித்யப்³ரவீத் ஸீதா தபோப³லஸமன்விதாம் ॥ 16 ॥
ஸா த்வேவமுக்தா த⁴ர்மஜ்ஞா தயா ப்ரீததராப⁴வத் ।
ஸப²லம் ச ப்ரஹர்ஷம் தே ஹந்த ஸீதே கரோம்யஹம் ॥ 17 ॥
இத³ம் தி³வ்யம் வரம் மால்யம் வஸ்த்ரமாப⁴ரணானி ச ।
அங்க³ராக³ம் ச வைதே³ஹி மஹார்ஹம் சானுலேபனம் ॥ 18 ॥
மயா த³த்தமித³ம் ஸீதே தவ கா³த்ராணி ஶோப⁴யேத் ।
அனுரூபமஸங்க்லிஷ்டம் நித்யமேவ ப⁴விஷ்யதி ॥ 19 ॥
அங்க³ராகே³ண தி³வ்யேன லிப்தாங்கீ³ ஜனகாத்மஜே ।
ஶோப⁴யிஷ்யஸி ப⁴ர்தாரம் யதா² ஶ்ரீர்விஷ்ணுமவ்யயம் ॥ 2௦ ॥
ஸா வஸ்த்ரமங்க³ராக³ம் ச பூ⁴ஷணானி ஸ்ரஜஸ்ததா² ।
மைதி²லீ ப்ரதிஜக்³ராஹ ப்ரீதிதா³னமனுத்தமம் ॥ 21 ॥
ப்ரதிக்³ருஹ்ய ச தத்ஸீதா ப்ரீதிதா³னம் யஶஸ்வினீ ।
ஶ்லிஷ்டாஞ்ஜலிபுடா தத்ர ஸமுபாஸ்த தபோத⁴னாம் ॥ 22 ॥
ததா² ஸீதாமுபாஸீனாமனஸூயா த்³ருட⁴வ்ரதா ।
வசனம் ப்ரஷ்டுமாரேபே⁴ காஞ்சித்ப்ரியகதா²மனு ॥ 23 ॥
ஸ்வயம் வரே கில ப்ராப்தா த்வமனேன யஶஸ்வினா ।
ராக⁴வேணேதி மே ஸிதே கதா² ஶ்ருதிமுபாக³தா ॥ 24 ॥
தாம் கதா²ம் ஶ்ரோதுமிச்சா²மி விஸ்தரேண ச மைதி²லி ।
யதா²னுபூ⁴தம் கார்த்ஸ்ன்யேன தன்மே த்வம் வக்துமர்ஹஸி ॥ 25 ॥
ஏவமுக்தா து ஸா ஸீதா தாம் ததோ த⁴ர்மசாரிணீம் ।
ஶ்ரூயதாமிதி சோக்த்வா வை கத²யாமாஸ தாம் கதா²ம் ॥ 26 ॥
மிதி²லாதி⁴பதிர்வீரோ ஜனகோ நாம த⁴ர்மவித் ।
க்ஷத்ரத⁴ர்மே ஹ்யபி⁴ரதோ ந்யாயதஶ்ஶாஸ்தி மேதி³னீம் ॥ 27 ॥
தஸ்ய லாங்க³லஹஸ்தன்ய கர்ஷத: க்ஷேத்ரமண்ட³லம் ।
அஹம் கிலோத்தி²தா பி⁴த்வா ஜக³தீம் ந்ருபதேஸ்ஸுதா ॥ 28 ॥
ஸ மாம் த்³ருஷ்ட்வா நரபதிர்முஷ்டிவிக்ஷேபதத்பர: ।
பாம்ஸுகுண்டி²தஸர்வாங்கீ³ம் ஜனகோ விஸ்மிதோப⁴வத் ॥ 29 ॥
அனபத்யேன ச ஸ்னேஹாத³ங்கமாரோப்ய ச ஸ்வயம் ।
மமேயம் தனயேத்யுக்த்வா ஸ்னேஹோ மயி நிபாதித: ॥ 3௦ ॥
அந்தரிக்ஷே ச வாகு³க்தாப்ரதிமாமானுஷீ கில ।
ஏவமேதன்னரபதே த⁴ர்மேண தனயா தவ ॥ 31 ॥
தத: ப்ரஹ்ருஷ்டோ த⁴ர்மாத்மா பிதா மே மிதி²லாதி⁴ப: ।
அவாப்தோ விபுலாம் பு³த்³தி⁴ம் மாமவாப்ய நராதி⁴ப: ॥ 32 ॥
த³த்தா சாஸ்மீஷ்டவத்³தே³வ்யை ஜ்யேஷ்டா²யை புண்யகர்மணா ।
தயா ஸம்பா⁴விதா சாஸ்மி ஸ்னிக்³த⁴யா மாத்ருஸௌஹ்ருதா³த் ॥ 33 ॥
பதிஸம்யோக³ஸுலப⁴ம் வயோ த்³ருஷ்ட்வா து மே பிதா ।
சிந்தாமப்⁴யக³மத்³தீ⁴னோ வித்தனாஶாதி³வாத⁴ன: ॥ 34 ॥
ஸத்³ருஶாச்சாபக்ருஷ்டாச்ச லோகே கன்யாபிதா ஜனாத் ।
ப்ரத⁴ர்ஷணாமவாப்னோதி ஶக்ரேணாபி ஸமோ பு⁴வி ॥ 35 ॥
தாம் த⁴ர்ஷணாமதூ³ரஸ்தா²ம் த்³ருஷ்ட்வா சாத்மனி பார்தி²வ: ।
சிந்தார்ணவக³த: பாரம் நாஸஸாதா³ப்லவோ யதா² ॥ 36 ॥
அயோனிஜாம் ஹி மாம் ஜ்ஞாத்வா நாத்⁴யக³ச்ச²த்³விசிந்தயன் ।
ஸத்³ருஶம் சானுரூபம் ச மஹீபால: பதிம் மம ॥ 37 ॥
தஸ்ய பு³த்³தி⁴ரியம் ஜாதா சிந்தயானஸ்ய ஸந்ததம் ।
ஸ்வயம்வரம் தனூஜாயா: கரிஷ்யாமீதி தீ⁴மத: ॥ 38 ॥
மஹாயஜ்ஞே ததா³ தஸ்ய வருணேன மஹாத்மனா ।
த³த்தம் த⁴னுர்வரம் ப்ரீத்யா தூணீ சாக்ஷயஸாயகௌ ॥ 39 ॥
அஸஞ்சால்யம் மனுஷ்யைஶ்ச யத்னேனாபி ச கௌ³ரவாத் ।
தன்ன ஶக்தா நமயிதும் ஸ்வப்னேஷ்வபி நராதி⁴பா: ॥ 4௦ ॥
தத்³த⁴னு: ப்ராப்ய மே பித்ரா வ்யாஹ்ருதம் ஸத்யவாதி³னா ।
ஸமவாயே நரேந்த்³ராணாம் பூர்வமாமந்த்ர்ய பார்தி²வான் ॥ 41 ॥
இத³ம் ச த⁴னுருத்³யம்ய ஸஜ்யம் ய: குருதே நர: ।
தஸ்ய மே து³ஹிதா பா⁴ர்யா ப⁴விஷ்யதி ந ஸம்ஶய: ॥ 42 ॥
தச்ச த்³ருஷ்ட்வா த⁴னுஶ்ஶ்ரேஷ்ட²ம் கௌ³ரவாத்³கி³ரிஸன்னிப⁴ம் ।
அபி⁴வாத்³ய ந்ருபா ஜக்³முரஶக்தாஸ்தஸ்ய தோலனே ॥ 43 ॥
ஸுதீ³ர்க⁴ஸ்ய து காலஸ்ய ராக⁴வோயம் மஹாத்³யுதி: ।
விஶ்வாமித்ரேண ஸஹிதோ யஜ்ஞம் த்³ரஷ்டும் ஸமாக³த: ॥ 44 ॥
லக்ஷ்மணேன ஸஹ ப்⁴ராத்ரா ராம ஸ்ஸத்யபராக்ரம: ।
விஶ்வாமித்ரஸ்து த⁴ர்மாத்மா மம பித்ரா ஸுபூஜித: ॥ 45 ॥
ப்ரோவாச பிதரம் தத்ர ப்⁴ராதரௌ ராமலக்ஷ்மணௌ ।
ஸுதௌ த³ஶரத²ஸ்யேமௌ த⁴னுர்த³ர்ஶகாங்க்ஷிணௌ ।
த⁴னுர்த³ர்ஶய ராமாய ராஜபுத்ராய தை³விகம் ॥ 46 ॥
இத்யுக்தஸ்தேன விப்ரேண தத்³த⁴னுஸ்ஸமுபானயத் ॥ 47 ॥
நிமேஷாந்தரமாத்ரேண ததா³னம்ய மஹாப³ல: ।
ஜ்யாம் ஸமாரோப்ய ஜ²டி³தி பூரயாமாஸ வீர்யவான் ॥ 48 ॥
தேன பூரயதா வேகா³ன்மத்⁴யே ப⁴க்³னம் த்³விதா⁴ த⁴னு: ।
தஸ்ய ஶப்³தோ³ ப⁴வத்³பீ⁴ம: பதிதஸ்யாஶனேரிவ ॥ 49 ॥
ததோஹம் தத்ர ராமாய பித்ரா ஸத்யாபி⁴ஸந்தி⁴னா ।
நிஶ்சிதா தா³துமுத்³யம்ய ஜலபா⁴ஜனமுத்தமம் ॥ 5௦ ॥
தீ³யமானாம் ந து ததா³ ப்ரதிஜக்³ராஹ ராக⁴வ: ।
அவிஜ்ஞாய பிதுஶ்ச²ந்த³மயோத்⁴யாதி⁴பதே: ப்ரபோ⁴: ॥ 51 ॥
தத ஶ்ஶ்வஶுரமாமந்த்ர்ய வ்ருத்³த⁴ம் த³ஶரத²ம் ந்ருபம் ।
மம பித்ரா த்வஹம் த³த்தா ராமாய விதி³தாத்மனே ॥ 52 ॥
மம சைவானுஜா ஸாத்⁴வீ ஊர்மிலா ப்ரியத³ர்ஶனா ।
பா⁴ர்யார்தே² லக்ஷ்மணஸ்யாபி த³த்தா பித்ரா மம ஸ்வயம் ॥ 53 ॥
ஏவம் த³த்தாஸ்மி ராமாய ததா³ தஸ்மின்ஸ்வயம்வரே ।
அனுரக்தாஸ்மி த⁴ர்மேண பதிம் வீர்யவதாம் வரம் ॥ 54 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ அஷ்டாத³ஶாதி⁴கஶததமஸ்ஸர்க:³ ॥
