ஶ்ரீமத்³வால்மீகீய ராமாயணே பா³லகாண்ட³ம் ।
அத² ஸப்தவிம்ஶஸ்ஸர்க:³ ।
அத² தாம் ரஜனீமுஷ்ய விஶ்வாமித்ரோ மஹாயஶா: ।
ப்ரஹஸ்ய ராக⁴வம் வாக்யமுவாச மது⁴ராக்ஷரம் ॥ 1 ॥
பரிதுஷ்டோஸ்மி ப⁴த்³ரம் தே ராஜபுத்ர மஹாயஶ: ।
ப்ரீத்யா பரமயா யுக்தோ த³தா³ம்யஸ்த்ராணி ஸர்வஶ: ॥ 2 ॥
தே³வாஸுரக³ணான்வாபி ஸக³ந்த⁴ர்வோரகா³னபி ।
யைரமித்ரான் ப்ரஸஹ்யாஜௌ வஶீக்ருத்ய ஜயிஷ்யஸி ॥ 3 ॥
தானி தி³வ்யானி ப⁴த்³ரம் தே த³தா³ம்யஸ்த்ராணி ஸர்வஶ: ।
த³ண்ட³சக்ரம் மஹத்³தி³வ்யம் தவ தா³ஸ்யாமி ராக⁴வ ॥ 4 ॥
த⁴ர்மசக்ரம் ததோ வீர காலசக்ரம் ததை²வ ச ।
விஷ்ணுசக்ரம் ததா²த்யுக்³ரமைந்த்³ரமஸ்த்ரம் ததை²வ ச ॥ 5 ॥
வஜ்ரமஸ்த்ரம் நரஶ்ரேஷ்ட² ஶைவம் ஶூலவரம் ததா² ।
அஸ்த்ரம் ப்³ரஹ்மஶிரஶ்சைவ ஐஷீகமபி ராக⁴வ ॥ 6 ॥
த³தா³மி தே மஹாபா³ஹோ ப்³ராஹ்மமஸ்த்ரமனுத்தமம் ।
க³தே³ த்³வே சைவ காகுத்ஸ்த² மோத³கீ ஶிக²ரீ உபே⁴ ॥ 7 ॥
ப்ரதீ³ப்தே நரஶார்தூ³ல ப்ரயச்சா²மி ந்ருபாத்மஜ ।
த⁴ர்மபாஶமஹம் ராம காலபாஶம் ததை²வ ச ॥ 8 ॥
பாஶம் வாருணமஸ்த்ரம் ச த³தா³ம்யஹமனுத்தமம் ।
அஶனீ த்³வே ப்ரயச்சா²மி ஶுஷ்கார்த்³ரே ரகு⁴னந்த³ன ॥ 9 ॥
த³தா³மி சாஸ்த்ரம் பைனாகமஸ்த்ரம் நாராயணம் ததா² ।
ஆக்³னேயமஸ்த்ரம் த³யிதம் ஶிக²ரம் நாம நாமத: ॥ 1௦ ॥
வாயவ்யம் ப்ரத²னம் நாம த³தா³மி ச தவானக⁴ ।
அஸ்த்ரம் ஹயஶிரோ நாம க்ரௌஞ்சமஸ்த்ரம் ததை²வ ச ।
ஶக்தித்³வயம் ச காகுத்ஸ்த² த³தா³மி தவ ராக⁴வ ॥ 11 ॥
கங்காலம் முஸலம் கோ⁴ரம் காபாலமத² கங்கணம் ।
தா⁴ரயந்த்யஸுரா யானி த³தா³ம்யேதானி ஸர்வஶ: ॥ 12 ॥
வைத்³யாத⁴ரம் மஹாஸ்த்ரம் ச நந்த³னம் நாம நாமத: ।
அஸிரத்னம் மஹாபா³ஹோ த³தா³மி ச ந்ருபாத்மஜ ॥ 13 ॥
கா³ந்த⁴ர்வமஸ்த்ரம் த³யிதம் மானவம் நாம நாமத: ।
ப்ரஸ்வாபனப்ரஶமனே த³த்³மி ஸௌரம் ச ராக⁴வ ॥ 14 ॥
த³ர்பணம் ஶோஷணம் சைவ ஸந்தாபனவிலாபனே ।
மத³னம் சைவ து³ர்த⁴ர்ஷம் கந்த³ர்பத³யிதம் ததா² ॥ 15 ॥
பைஶாசமஸ்த்ரம் த³யிதம் மோஹனம் நாம நாமத: ।
ப்ரதீச்ச² நரஶார்தூ³ல ராஜபுத்ர மஹாயஶ: ॥ 16 ॥
தாமஸம் நரஶார்தூ³ல ஸௌமனம் ச மஹாப³ல ।
ஸம்வர்த⁴ம் சைவ து³ர்த⁴ர்ஷம் மௌஸலம் ச ந்ருபாத்மஜ ॥ 17 ॥
ஸத்யமஸ்த்ரம் மஹாபா³ஹோ ததா² மாயாத⁴ரம் பரம் ।
கோ⁴ரம் தேஜ: ப்ரப⁴ம் நாம பரதேஜோபகர்ஷணம் ॥ 18 ॥
ஸௌம்யாஸ்த்ரம் ஶிஶிரம் நாம த்வஷ்டுரஸ்த்ரம் ஸுதா³மனம் ।
தா³ருணம் ச ப⁴க³ஸ்யாபி ஶிதேஷு மத² மானவம் ॥ 19 ॥
ஏதான் ராம மஹாபா³ஹோ காமரூபான் மஹாப³லான் ।
க்³ருஹாண பரமோதா³ரான் க்ஷிப்ரமேவ ந்ருபாத்மஜ ॥ 2௦ ॥
ஸ்தி²தஸ்து ப்ராங்முகோ² பூ⁴த்வா ஶுசிர்முனிவரஸ்ததா³ ।
த³தௌ³ ராமாய ஸுப்ரீதோ மந்த்ரக்³ராமமனுத்தமம் ॥ 21 ॥
ஸர்வஸங்க்³ரஹணம் யேஷாம் தை³வதைரபி து³ர்லப⁴ம் ।
தான்யஸ்த்ராணி ததா³ விப்ரோ ராக⁴வாய ந்யவேத³யத் ॥ 22 ॥
ஜபதஸ்து முனேஸ்தஸ்ய விஶ்வாமித்ரஸ்ய தீ⁴மத: ।
உபதஸ்து²ர்மஹார்ஹாணி ஸர்வாண்யஸ்த்ராணி ராக⁴வம் ॥ 23 ॥
ஊசுஶ்ச முதி³தாஸ்ஸர்வே ராமம் ப்ராஞ்ஜலயஸ்ததா³ ।
இமே ஸ்ம பரமோதா³ரா: கிங்கராஸ்தவ ராக⁴வ ॥ 24 ॥
ப்ரதிக்³ருஹ்ய ச காகுத்ஸ்த:² ஸமாலப்⁴ய ச பாணினா ।
மானஸா மே ப⁴விஷ்யத்⁴வமிதி தானப்⁴யசோத³யத் ॥ 25 ॥
தத: ப்ரீதமனா ராமோ விஶ்வாமித்ரம் மஹாமுனிம் ।
அபி⁴வாத்³ய மஹாதேஜா க³மனாயோபசக்ரமே ॥ 26 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ ஸப்தவிம்ஶஸ்ஸர்க:³ ॥
