ஶ்ரீமத்³வால்மீகீய ராமாயணே அரண்யகாண்ட³ம் ।
அத² த்ரிஷஷ்டிதமஸ்ஸர்க:³ ।
ஸ ராஜபுத்ர: ப்ரியயா விஹீன: ஶோகேன மோஹேன ச பீட்³யமான: ।
விஷாத³யன்ப்⁴ராதரமார்தரூபோ பூ⁴யோ விஷாத³ம் ப்ரவிவேஶ தீவ்ரம் ॥ 1 ॥
ஸ லக்ஷ்மணம் ஶோகவஶாபி⁴பன்னம் ஶோகே நிமக்³னோ விபுலே து ராம: ।
உவாச வாக்யம் வ்யஸனானுரூபமுஷ்ணம் வினிஶ்ஶ்வஸ்ய ருத³ந்த்ஸஶோகம் ॥ 2 ॥
ந மத்³விதோ⁴ து³ஷ்க்ருதகர்மகாரீ மன்யே த்³விதீயோஸ்தி வஸுந்த⁴ராயாம் ।
ஶோகேன ஶோகோ ஹி பரம்பராயா மா மேதி பி⁴ந்த³ன்ஹ்ருத³யம் மனஶ்ச ॥ 3 ॥
பூர்வம் மயா நூனமபீ⁴ப்ஸிதானி பாபானி கர்மாண்யஸக்ருத்க்ருதானி ।
தத்ராயமத்³யாபதிதோ விபாகோ து³:கே²ன து³:க²ம் யத³ஹம் விஶாமி ॥ 4 ॥
ராஜ்யப்ரணாஶஸ்ஸ்வஜனைர்வியோக:³ பிதுர்வினாஶோ ஜனநீவியோக:³ ।
ஸர்வாணி மே லக்ஷ்மண ஶோகவேக³மாபூரயந்தி ப்ரவிசிந்திதானி ॥ 5 ॥
ஸர்வம் து து³:க²ம் மம லக்ஷ்மணேத³ம் ஶாந்தம் ஶரீரே வனமேத்ய ஶூன்யம் ।
ஸீதாவியோகா³த்புனரப்யுதீ³ர்ணம் காஷ்டை²ரிவாக்³னிஸ்ஸஹஸா ப்ரதீ³ப்த: ॥ 6 ॥
ஸா நூனமார்யா மம ராக்ஷஸேன ப³லாத்³த்³ருதா க²ம் ஸமுபேத்ய பீ⁴ரு: ।
அபஸ்வரம் ஸஸ்வரவிப்ரலாபா ப⁴யேன விக்ரந்தி³தவத்யபீ⁴க்ஷ்ணம் ॥ 7 ॥
தௌ லோஹிதஸ்ய ப்ரியத³ர்ஶனஸ்ய ஸதோ³சிதாவுத்தமசந்த³னஸ்ய ।
வ்ருத்தௌ ஸ்தனௌ ஶோணிதபங்கதி³க்³தௌ⁴ நூனம் ப்ரியாயா மம நாபி⁴பா⁴த: ॥ 8 ॥
தச்ச²லக்ஷ்ணஸுவ்யக்தம்ருது³ப்ரலாபம் தஸ்யா முக²ம் குஞ்சிதகேஶபா⁴ரம் ।
ரக்ஷோவஶம் நூனமுபாக³தாயா ந ப்⁴ராஜதே ராஹுமுகே² யதே²ந்து³: ॥ 9 ॥
தாம் ஹாரபாஶஸ்ய ஸதோ³சிதாயா க்³ரீவாம் ப்ரியாயா மம ஸுவ்ரதாயா: ।
ரக்ஷாம்ஸி நூனம் பரிபீதவந்தி விபி⁴த்³ய ஶூன்யே ருதி⁴ராஶனானி ॥ 1௦ ॥
மயா விஹீனா விஜனே வனே யா ரக்ஷோபி⁴ராஹ்ருத்ய விக்ருஷ்யமாணா ।
நூனம் நினாத³ம் குரரீவ தீ³னா ஸா முக்தவத்யாயதகாந்தனேத்ரா ॥ 11 ॥
அஸ்மின்மயாஸார்த⁴முதா³ரஶீலா ஶிலாதலே பூர்வமுபோபவிஷ்டா ।
காந்தஸ்மிதா லக்ஷ்மண ஜாதஹாஸா த்வாமாஹ ஸீதா ப³ஹுவாக்யஜாதம் ॥ 12 ॥
கோ³தா³வரீயம் ஸரிதாம் வரிஷ்டா² ப்ரியா ப்ரியாயா மம நித்யகாலம் ।
அப்யத்ர க³ச்சே²தி³தி சிந்தயாமி நைகாகினீ யாதி ஹி ஸா கதா³சித் ॥ 13 ॥
பத்³மானநா பத்³மவிஶாலனேத்ரா பத்³மானி வானேதுமபி⁴ப்ரயாதா ।
தத³ப்யயுக்தம் ந ஹி ஸா கதா³சின்மயா வினா க³ச்ச²தி பங்கஜானி ॥ 14 ॥
காமம் த்வித³ம் புஷ்பிதவ்ருக்ஷஷண்ட³ம் நானாவிதை⁴: பக்ஷிக³ணைருபேதம் ।
வனம் ப்ரயாதா நு தத³ப்யயுக்த மேகாகினீ ஸாதிபி³பே⁴தி பீ⁴ரு: ॥ 15 ॥
ஆதி³த்ய போ⁴ லோகக்ருதாக்ருதஜ்ஞ லோகஸ்ய ஸத்யான்ருதகர்மஸாக்ஷின் ।
மம ப்ரியா ஸா க்வ க³தா ஹ்ருதா வா ஶம்ஸஸ்வ மே ஶோகவஶஸ்ய நித்யம் ॥ 16 ॥
லோகேஷு ஸர்வேஷு ச நாஸ்தி கிஞ்சித்³யத்தே ந நித்யம் விதி³தம் ப⁴வேத்தத் ।
ஶம்ஸஸ்வ வாயோ குலஶாலினீம் தாம் ஹ்ருதா ம்ருதா வா பதி² வர்ததே வா ॥ 17 ॥
இதீவ தம் ஶோகவிதே⁴யதே³ஹம் ராமம் விஸஞ்ஜ்ஞம் விலபந்தமேவம் ।
உவாச ஸௌமித்ரிரதீ³னஸத்த்வோ ந்யாயே ஸ்தி²த: காலயுதம் ச வாக்யம் ॥ 18 ॥
ஶோகம் விமுஞ்சார்ய த்⁴ருதிம் பஜ⁴ஸ்வ ஸோத்ஸாஹதா சாஸ்து விமார்க³ணேஸ்யா: ।
உத்ஸாஹவந்தோ ஹி நரா ந லோகே ஸீத³ந்தி கர்மஸ்வதிது³ஷ்கரேஷு ॥ 19 ॥
இதீவ ஸௌமித்ரிமுத³க்³ரபௌருஷம் ப்³ருவந்தமார்தோ ரகு⁴வம்ஶவர்த⁴ன: ।
ந சிந்தயாமாஸ த்⁴ருதிம் விமுக்தவான்புனஶ்ச து³:க²ம் மஹத³ப்⁴யுபாக³மத் ॥ 2௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ த்ரிஷஷ்டிதமஸ்ஸர்க:³ ॥
