ஶ்ரீமத்³வால்மீகீய ராமாயணே அரண்யகாண்ட³ம் ।
அத² த்³விபஞ்சாஶஸ்ஸர்க:³ ।
ஸா து தாராதி⁴பமுகீ² ராவணேன ஸமீக்ஷ்ய தம் ।
க்³ருத்⁴ரராஜம் வினிஹதம் விலலாப ஸுது³:கி²தா ॥ 1 ॥
நிமித்தம் லக்ஷணஜ்ஞானம் ஶகுனிஸ்வரத³ர்ஶனம் ।
அவஶ்யம் ஸுக²து³:கே²ஷு நராணாம் ப்ரதித்³ருஶ்யதே ॥ 2 ॥
நூனம் ராம ந ஜானாஸி மஹத்³வ்யஸனமாத்மன: ।
தா⁴வந்தி நூனம் காகுத்ஸ்த²ம் மத³ர்த²ம் ம்ருக³பக்ஷிண: ॥ 3 ॥
அயம் ஹி பாபசாரேண மாம் த்ராதுமபி⁴ஸங்க³த: ।
ஶேதே வினிஹதோ பூ⁴மௌ மமாபா⁴க்³யாத்³விஹங்க³ம: ॥ 4 ॥
த்ராஹி மாமத்³ய காகுத்ஸ்த² லக்ஷ்மணேதி வராங்க³னா ।
ஸுஸந்த்ரஸ்தா ஸமாக்ரந்த³ச்ச்²ருண்வதாம் து யதா²ந்திகே ॥ 5 ॥
தாம் க்லிஷ்டமால்யாப⁴ரணாம் விலபந்தீமனாத²வத் ।
அப்⁴யதா⁴வத் வைதே³ஹீம் ராவணோ ராக்ஷஸாதி⁴ப: ॥ 6 ॥
தாம் லதாமிவ வேஷ்டந்தீமாலிங்க³ந்தீம் மஹாத்³ருமான் ।
முஞ்ச முஞ்சேதி ப³ஹுஶ: ப்ரவத³ன்ராக்ஷஸாதி⁴ப: ॥ 7 ॥
க்ரோஶந்தீம் ராம ராமேதி ராமேண ரஹிதாம் வனே ।
ஜீவிதாந்தாய கேஶேஷு ஜக்³ராஹாந்தகஸன்னிப:⁴ ॥ 8 ॥
ப்ரத⁴ர்ஷிதாயாம் ஸீதாயாம் ப³பூ⁴வ ஸசராசரம் ।
ஜக³த்ஸர்வமமர்யாத³ம் தமஸாந்தே⁴ன ஸம்வ்ருதம் ॥ 9 ॥
ந வாதி மாருதஸ்தத்ர நிஷ்ப்ரபோ⁴பூ⁴த்³தி³வாகர: ।
த்³ருஷ்ட்வா ஸீதாம் பராம்ருஷ்டாம் தீ³னாம் தி³வ்யேன சக்ஷுஷா ॥ 1௦ ॥
க்ருதம் கார்யமிதி ஶ்ரீமான்வ்யாஜஹார பிதாமஹ: ।
ப்ரஹ்ருஷ்டா வ்யதி²தாஶ்சாஸன்ஸர்வே தே பரமர்ஷய: ॥ 11 ॥
த்³ருஷ்ட்வா ஸீதாம் பராம்ருஷ்டாம் த³ண்ட³காரண்யவாஸின: ।
ராவணஸ்ய வினாஶம் ச ப்ராப்தம் பு³த்³த்⁴வா யத்³ருச்ச²யா ॥ 12 ॥
ஸ து தாம் ராம ராமேதி ருத³ந்தீம் லக்ஷ்மணேதி ச ।
ஜகா³மாதா³ய சாகாஶம் ராவணோ ராக்ஷஸாதி⁴ப: ॥ 13 ॥
தப்தாப⁴ரணஜுஷ்டாங்கீ³ பீதகௌஶேயவாஸினீ ।
ரராஜராஜபுத்ரீ துவித்³யுத்ஸௌதா³மினீ யதா² ॥ 14 ॥
உத்³தூ⁴தேன ச வஸ்த்ரேண தஸ்யா: பீதேன ராவண: ।
அதி⁴கம் பரிப³ப்⁴ராஜ கி³ரிர்தீ³ப்த இவாக்³னினா ॥ 15 ॥
தஸ்யா: பரமகல்யாண்யாஸ்தாம்ராணி ஸுரபீ⁴ணி ச ।
பத்³மபத்ராணி வைதே³ஹ்யா அப்⁴யகீர்யந்த ராவணம் ॥ 16 ॥
தஸ்யா: கௌஶேயமுத்³தூ⁴தமாகாஶே கனகப்ரப⁴ம் ।
ப³பௌ⁴ சாதி³த்யராகே³ண தாம்ரமப்⁴ரமிவாதபே ॥ 17 ॥
தஸ்யாஸ்தத்ஸுனஸம் வக்த்ரமாகாஶே ராவணாங்கக³ம் ।
ந ரராஜ வினா ராமம் வினாலமிவ பங்கஜம் ॥ 18 ॥
ப³பூ⁴வ ஜலத³ம் நீலம் பி⁴த்த்வா சந்த்³ர இவோதி³த: ।
ஸுலலாடம் ஸுகேஶாந்தம் பத்³மக³ர்பா⁴ப⁴மவ்ரணம் ॥ 19 ॥
ஶுக்லைஸ்ஸுவிமலைர்த³ந்தை ப்ரபா⁴வத்³பி⁴ரலங்க்ருதம் ।
தஸ்யாஸ்தத்³விமலம் வக்த்ரமாகாஶே ராவணாங்கக³ம் ॥ 2௦ ॥
ருதி³தம் வ்யபம்ருஷ்டாஸ்ரம் சந்த்³ரவத்ப்ரியத³ர்ஶனம் ।
ஸுனாஸம் சாருதாம்ரோஷ்ட²மாகாஶே ஹாடகப்ரப⁴ம் ॥ 21 ॥
ராக்ஷஸேன ஸமாதூ⁴தம் தஸ்யாஸ்தத்³வத³னம் ஶுப⁴ம் ।
ஶுஶுபே⁴ ந வினா ராமந்தி³வா சந்த்³ர இவோதி³த: ॥ 22 ॥
ஸா ஹேமவர்ணா நீலாங்க³ம் மைதி²லீ ராக்ஷஸாதி⁴பம் ।
ஶுஶுபே⁴ காஞ்சனீ காஞ்சீ நீலம் மணிமிவாஶ்ரிதா ॥ 23 ॥
ஸா பத்³மகௌ³ரீ ஹேமாபா⁴ ராவணம் ஜனகாத்மஜா ।
வித்³யுத்³க⁴னமிவாவிஶ்ய ஶுஶுபே⁴ தப்தபூ⁴ஷணா ॥ 24 ॥
தஸ்யா பூ⁴ஷணகோ⁴ஷேண வைதே³ஹ்யா ராக்ஷஸாதி⁴ப: ।
ப³பௌ⁴ ஸசபலோ நீலஸ்ஸகோ⁴ஷ இவ தோயத:³ ॥ 25 ॥
உத்தமாங்கா³ச்ச்யுதா தஸ்யா: புஷ்பவ்ருஷ்டிஸ்ஸமந்தத: ।
ஸீதாயா ஹ்ரிமமாணாயா: பபாத த⁴ரணீதலே ॥ 26 ॥
ஸா து ராவணவேகே³ன புஷ்பவ்ருஷ்டி: ஸமந்தத: ।
ஸமாதூ⁴தா த³ஶக்³ரீவம் புனரேவாப்⁴யவர்தத ॥ 27 ॥
அப்⁴யவர்தத புஷ்பாணாம் தா⁴ரா வைஶ்ரவணானுஜம் ।
நக்ஷத்ரமாலா விமலா மேரும் நக³மிவோன்னதம் ॥ 28 ॥
சரணான்னூபுரம் ப்⁴ரஷ்டம் வைதே³ஹ்யா ரத்னபூ⁴ஷிதம் ।
வித்³யுன்மண்ட³லஸங்காஶம் பபாத மது⁴ரஸ்வனம் ॥ 29 ॥
தருப்ரவாலரக்தா ஸா நீலாங்க³ம் ராக்ஷஸேஶ்வரம் ।
ப்ராஶோப⁴யத வைதே³ஹீ கஜ³ம் கக்ஷ்யேவ காஞ்சனீ ॥ 3௦ ॥
தாம் மஹோல்காமிவாகாஶே தீ³ப்யமானாம் ஸ்வதேஜஸா ।
ஜஹாராகாஶமாவிஸ்ய ஸீதாம் வைஶ்ரவணானுஜ: ॥ 31 ॥
தஸ்யாஸ்தான்யக்³னிவர்ணானி பூ⁴ஷணானி மஹீதலே ।
ஸகோ⁴ஷாண்யவகீர்யந்த க்ஷீணாஸ்தாரா இவாம்ப³ராத் ॥ 32 ॥
தஸ்யாஸ்ஸ்தனாந்தராத்³ப்⁴ரஷ்டோ ஹாரஸ்தாராதி⁴பத்³யுதி: ।
வைதே³ஹ்யா நிபதன்பா⁴தி க³ங்கே³வ க³க³னாச்ச்யுதா ॥ 33 ॥
உத்பாதவாதாபி⁴ஹதா நானாத்³விஜக³ணாயுதா: ।
மாபை⁴ரிதி விதூ⁴தாக்³ரா வ்யாஜஹ்ருரிவ பாத³பா: ॥ 34 ॥
நலின்யோ த்⁴வஸ்தகமலாஸ்த்ரஸ்தமீனஜலேசரா: ।
ஸகீ²மிவ க³தோச்ச்²வாஸாமன்வஶோசந்த மைதி²லீம் ॥ 35 ॥
ஸமந்தாத³பி⁴ஸம்பத்ய ஸிம்ஹவ்யாக்⁴ரம்ருக³த்³விஜா: ।
அன்வதா⁴வம்ஸ்ததா³ ரோஷாத்ஸீதாம் சா²யானுகா³மின: ॥ 36 ॥
ஜலப்ரபாதாஸ்ரமுகா²ஶ்ஶ்ருங்கை³ருச்ச்²ரிதபா³ஹுபி⁴: ।
ஸீதாயாம் ஹ்ரியமாணாயாம் விக்ரோஶந்தீவ பர்வதா: ॥ 37 ॥
ஹ்ரியமாணாம் து வைதே³ஹீம் த்³ருஷ்ட்வா தீ³னோ தி³வாகர: ।
ப்ரதித்⁴வஸ்தப்ரப⁴ஶ்ஶ்ரீமானாஸீத்பாண்ட³ரமண்ட³ல: ॥ 38 ॥
நாஸ்தி த⁴ர்ம: குதஸ்ஸத்யம் நார்ஜவம் நான்ருஶம்ஸதா ।
யத்ர ராமஸ்ய வைதே³ஹீம் பா⁴ர்யாம் ஹரதி ராவண: ॥ 39 ॥
இதி ஸர்வாணி பூ⁴தானி க³ணஶ: பர்யதே³வயன் ।
வித்ரஸ்தகா தீ³னமுகா² ருருது³ர்ம்ருக³போதகா: ॥ 4௦ ॥
உத்³வீக்ஷ்யோத்³வீக்ஷ்ய நயனைரஸ்ரபாதாவிலேக்ஷணா: ।
ஸுப்ரவேபிதகா³த்ராஶ்ச ப³பூ⁴வுர்வனதே³வதா: ॥ 41 ॥
விக்ரோஶந்தீம் த்³ருட⁴ம் ஸீதாம் த்³ருஷ்ட்வா து³:க²ம் ததா² க³தாம் ।
தாம் து லக்ஷ்மண ராமேதி க்ரோஶந்தீம் மது⁴ரஸ்வரம் ॥ 42 ॥
அவேக்ஷமாணாம் ப³ஹுஶோ வைதே³ஹீம் த⁴ரணீதலம் ।
ஸ தாமாகுலகேஶாந்தாம் விப்ரம்ருஷ்டவிஶேஷகாம் ॥ 43 ॥
ஜஹாராத்ம வினாஶாய த³ஶக்³ரீவோ மனஸ்ஸ்வினீம் ।
ததஸ்து ஸா சாருத³தீ ஶுசிஸ்மிதா வினாக்ருதா ப³ந்து⁴ஜனேன மைதி²லீ ।
அபஶ்யதீ ராக⁴வலக்ஷ்மணாவுபௌ⁴ விவர்ணவக்த்ராப⁴யபா⁴ரபீடி³தா ॥ 44 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ த்³விபஞ்சாஶஸ்ஸர்க:³ ॥
