ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² சதுஶ்சத்வாரிம்ஶஸ்ஸர்க:³ ।
விஶேஷேண து ஸுக்³ரீவோ ஹனூமத்யர்த²முக்தவான் ।
ஸ ஹி தஸ்மின்ஹரிஶ்ரேஷ்டே² நிஶ்சிதார்தோ²ர்த²ஸாத⁴னே ॥ 1 ॥
அப்³ரவீச்ச ஹனூமந்தம் விக்ராந்தமனிலாத்மஜம் ।
ஸுக்³ரீவ: பரமப்ரீத: ப்ரபு⁴ ஸ்ஸர்வவனௌகஸாம் ॥ 2 ॥
ந பூ⁴மௌ நாந்தரிக்ஷே வா நாம்ப³ரே நாமராலயே ।
நாப்ஸு வா க³திஸங்க³ம் தே பஶ்யாமி ஹரிபுங்க³வ ॥ 3 ॥
ஸாஸுராஸ்ஸஹக³ந்த⁴ர்வாஸ்ஸனாக³னரதே³வதா: ।
விதி³தா ஸ்ஸர்வலோகாஸ்தே ஸஸாக³ரத⁴ராத⁴ரா: ॥ 4 ॥
க³திர்வேக³ஶ்ச தேஜஶ்ச லாக⁴வம் ச மஹாகபே ।
பிதுஸ்தே ஸத்³ருஶம் வீர மாருதஸ்ய மஹௌஜஸ: ॥ 5 ॥
தேஜஸா வாபி தே பூ⁴தம் ந ஸமம் பு⁴வி ந வித்³யதே ।
தத்³யதா² லப்⁴யதே ஸீதா தத்த்வமேவோபபாத³ய ॥ 6 ॥
த்வய்யேவ ஹனும ந்னஸ்தி ப³லம் பு³த்³தி⁴: பராக்ரம: ।
தே³ஶகாலானுவ்ருத்திஶ்ச நயஶ்ச நயபண்டி³த ॥ 7 ॥
தத: கார்யஸமாஸங்க³மவக³ம்ய ஹனூமதி ।
விதி³த்வா ஹனுமந்தம் ச சிந்தயாமாஸ ராக⁴வ: ॥ 8 ॥
ஸர்வதா² நிஶ்சிதார்தோ²யம் ஹனூமதி ஹரீஶ்வர: ।
நிஶ்சிதார்த²கரஶ்சாபி ஹனூமான்கார்யஸாத⁴னே ॥ 9 ॥
ததே³வம் ப்ரஸ்தி²தஸ்யாஸ்ய பரிஜ்ஞாதஸ்ய கர்மபி⁴: ।
ப⁴ர்த்ரா பரிக்³ருஹீதஸ்ய த்⁴ருவ: கார்யப²லோத³ய: ॥ 1௦ ॥
தம் ஸமீக்ஷ்ய மஹாதேஜா வ்யவஸாயோத்தரம் ஹரிம் ।
க்ருதார்த² இவ ஸம்வ்ருத்த: ப்ரஹ்ருஷ்டேந்த்³ரியமானஸ: ॥ 11 ॥
த³தௌ³ தஸ்ய தத: ப்ரீதஸ்ஸ்வனாமாங்கோபஶோபி⁴தம் ।
அங்கு³லீயமபி⁴ஜ்ஞானம் ராஜபுத்ர்யா: பரந்தப: ॥ 12 ॥
அனேன த்வாம் ஹரிஶ்ரேஷ்ட² சிஹ்னேன ஜனகாத்மஜா ।
மத்ஸகாஶாத³னுப்ராப்தமனுத்³விக்³னானுபஶ்யதி ॥ 13 ॥
வ்யவஸாயஶ்ச தே வீர ஸத்த்வயுக்தஶ்ச விக்ரம: ।
ஸுக்³ரீவஸ்ய ச ஸந்தே³ஶஸ்ஸித்³தி⁴ம் கத²யதீவ மே ॥ 14 ॥
ஸ தத்³க்³ருஹ்ய ஹரிஶ்ரேஷ்ட:² ஸ்தா²ப்ய மூர்த்⁴னி க்ருதாஞ்ஜலி: ।
வந்தி³த்வா சரணௌ சைவ ப்ரஸ்தி²த: ப்லவகோ³த்தம: ॥ 15 ॥
ஸ தத்ப்ரகர்ஷன் ஹரீணாம் மஹத்³ப³லம் ப³பூ⁴வ வீர: பவனாத்மஜ: கபி: ।
க³தாம்பு³தே³ வ்யோம்னி விஶுத்³த⁴மண்ட³ல: ஶஶீவ நக்ஷத்ரக³ணோபஶோபி⁴த: ॥ 16 ॥
அதிப³ல ப³லமாஶ்ரிதஸ்தவாஹம் ஹரிவரவிக்ரம விக்ரமைரனல்பை: ।
பவனஸுத யதா²பி⁴க³ம்யதே ஸா ஜனகஸுதா ஹனுமம் ஸ்ததா² குருஷ்வ ॥ 17 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ சதுஶ்சத்வாரிம்ஶஸ்ஸர்க:³ ॥
