ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² த்³வினவதிதமஸ்ஸர்க:³ ।
ததஸ்தாம் ரஜனீமுஷ்ய ப⁴ரதஸ்ஸபரிச்ச²த:³ ।
க்ருதாதித்²யோ ப⁴ரத்³வாஜம் காமாத³பி⁴ஜகா³ம ஹ ॥ 1 ॥
தம் ருஷி: புருஷவ்யாக்⁴ரம் ப்ராஞ்ஜலிம் ப்ரேக்ஷ்ய சாக³தம் ।
ஹுதாக்³னிஹோத்ரோ ப⁴ரதம் ப⁴ரத்³வாஜோப்⁴யபா⁴ஷத ॥ 2 ॥
கச்சித³த்ர ஸுகா² ராத்ரிஸ்தவாஸ்மத்³விஷயே க³தா ।
ஸமக்³ரஸ்தே ஜன: கச்சிதா³தித்²யே ஶம்ஸ மேனக⁴ ॥ 3 ॥
தமுவாசாஞ்ஜலிம் க்ருத்வா ப⁴ரதோபி⁴ப்ரணம்ய ச ।
ஆஶ்ரமாத³பி⁴னிஷ்க்ராந்தம்ருஷிமுத்தமதேஜஸம் ॥ 4 ॥
ஸஸுகோ²ஷிதோஸ்மி ப⁴க³வன்ஸமக்³ரப³லவாஹன: ।
தர்பிதஸ்ஸர்வகாமைஶ்ச ஸாமாத்யோ ப³லவத்த்வயா ॥ 5 ॥
அபேதக்லமஸந்தாபா ஸ்ஸுபி⁴க்ஷாஸ்ஸுப்ரதிஶ்ரயா: ।
அபி ப்ரேஷ்யானுபாதா³ய ஸர்வே ஸ்ம ஸுஸுகோ²ஷிதா: ॥ 6 ॥
ஆமந்த்ரயேஹம் ப⁴க³வன் காமம் த்வாம்ருஷிஸத்தம: ।
ஸமீபம் ப்ரஸ்தி²தம் ப்⁴ராதுர்மைத்ரேணேக்ஷஸ்வ சக்ஷுஷா ॥ 7 ॥
ஆஶ்ரமம் தஸ்ய த⁴ர்மஜ்ஞ தா⁴ர்மிகஸ்ய மஹாத்மன: ।
ஆசக்ஷ்வ கதமோ மார்க:³ கியானிதி ச ஶம்ஸ மே ॥ 8 ॥
இதி ப்ருஷ்டஸ்து ப⁴ரதம் ப்⁴ராத்ருத³ர்ஶனலாலஸம் ।
ப்ரத்யுவாச மஹாதேஜா ப⁴ரத்³வாஜோ மஹாதபா: ॥ 9 ॥
ப⁴ரதார்த⁴த்ருதீயேஷு யோஜனேஷ்வஜனே வனே ।
சித்ரகூடோ கி³ரிஸ்தத்ர ரம்யனிர்ஜ²ரகானந: ॥ 1௦ ॥
உத்தரம் பார்ஶ்வமாஸாத்³ய தஸ்ய மந்தா³கினீ நதீ³ ।
புஷ்பிதத்³ருமஸஞ்ச²ன்னா ரம்யபுஷ்பிதகானநா ॥ 11 ॥
அனந்தரம் தத்ஸரிதஶ்சித்ரகூடஶ்ச பர்வத: ।
தயோ: பர்ணகுடீ தாத தத்ர தௌ வஸதோ த்⁴ருவம் ॥ 12 ॥
த³க்ஷிணேனைவ மார்கே³ண ஸவ்யத³க்ஷிணமேவ வா ।
கஜ³வாஜிரதா²கீர்ணாம் வாஹினீம் வாஹினீபதே ॥ 13 ॥
வாஹயஸ்வ மஹாபா⁴க³ ததோ த்³ரக்ஷ்யஸி ராக⁴வம் ।
ப்ரயாணமிதி தச்ச்²ருத்வா ரஜராஜஸ்ய யோஷித: ।
ஹித்வா யானானி யானார்ஹா: ப்³ராஹ்மணம் பர்யவாரயன் ॥ 14 ॥
வேபமானா க்ருஶா தீ³னா ஸஹ தே³வ்யா ஸுமித்ரயா ।
கௌஸல்யா தத்ர ஜக்³ராஹ கராப்⁴யாம் சரணௌ முனே: ॥ 15 ॥
அஸம்ருத்³தே⁴ன காமேன ஸர்வலோகஸ்ய க³ர்ஹிதா ।
கைகேயீ தஸ்ய ஜக்³ராஹ சரணௌ ஸவ்யபத்ரபா ॥ 16 ॥
தம் ப்ரத³க்ஷிணமாக³ம்ய ப⁴க³வந்தம் மஹாமுனிம் ।
அதூ³ரார்ப⁴ரதஸ்யைவ தஸ்தௌ² தீ³னமனாஸ்ததா³ ॥ 17 ॥
தத: பப்ரச்ச² ப⁴ரதம் ப⁴ரத்³வாஜோ த்³ருட⁴வ்ரத: ।
விஶேஷம் ஜ்ஞாதுமிச்சா²மி மாத்ரூணாம் தவ ராக⁴வ ॥ 18 ॥
ஏவமுக்தஸ்து ப⁴ரதோ ப⁴ரத்³வாஜேன தீ⁴மதா ।
உவாச ப்ராஞ்ஜலிர்பூ⁴த்வா வாக்யம் வசனகோவித:³ ॥ 19 ॥
யாமிமாம் ப⁴க³வன் தீ³னாம் ஶோகானஶனகர்ஶிதாம் ।
பிதுர்ஹி மஹிஷீம் தே³வீம் தே³வதாமிவ பஶ்யஸி ॥ 2௦ ॥
ஏஷா தம் புரஷவ்யாக்⁴ரம் ஸிம்ஹவிக்ராந்தகா³மினம் ।
கௌஸல்யா ஸுஷுவே ராமம் தா⁴தாரமதி³திர்யதா² ॥ 21 ॥
அஸ்யா வாமபு⁴ஜம் ஶ்லிஷ்டா யைஷா திஷ்ட²தி து³ர்மனா: ।
கர்ணிகாரஸ்ய ஶாகே²வ ஶீர்ணபுஷ்பா வனாந்தரே ॥ 22 ॥
ஏதஸ்யாஸ்து ஸுதௌ தே³வ்யா: குமாரௌ தே³வவர்ணினௌ ।
உபௌ⁴ லக்ஷ்மணஶத்ருக்⁴னௌ வீரௌ ஸத்யபராக்ரமௌ ॥ 23 ॥
யஸ்யா: க்ருதே நரவ்யாக்⁴ரௌ ஜீவனாஶமிதோ க³தௌ ।
ராஜபுத்ரவிஹீனஶ்ச ஸ்வர்க³ம் த³ஶரதோ² க³த: ॥ 24 ॥
க்ரோத⁴னாமக்ருதப்ரஜ்ஞாம் த்³ருப்தாம் ஸுப⁴க³மானினீம் ।
ஐஶ்வர்யகாமாம் கைகேயீமனார்யாமார்யாரூபிணீம் ॥ 25 ॥
மமைதாம் மாதரம் வித்³தி⁴ ந்ருஶம்ஸாம் பாபனிஶ்சயாம் ।
யதோமூலம் ஹி பஶ்யாமி வ்யஸனம் மஹதா³த்மன: ॥ 26 ॥
இத்யுக்த்வா நரஶார்தூ³லோ பா³ஷ்பக³த்³க³த³யா கி³ரா ।
ஸ நிஶ்ஸ்வாஸ தாம்ராக்ஷோ நாக:³ க்ருத்³த⁴ இவ ஶ்வஸன் ॥ 27 ॥
ப⁴ரத்³வாஜோ மஹர்ஷிஸ்தம் ப்³ருவந்தம் ப⁴ரதம் ததா² ।
ப்ரத்யுவாச மஹாபு³த்³தி⁴ரித³ம் வசனமர்த²வத் ॥ 28 ॥
ந தோ³ஷேணாவக³ந்தவ்யா கைகேயீ ப⁴ரத த்வயா ।
ராமப்ரவ்ராஜனம் ஹ்யேதத்ஸுகோ²த³ர்கம் ப⁴விஷ்யதி ॥ 29 ॥
தே³வானாம் தா³னவானாம் ச ருஷீணாம் பா⁴விதாத்மனாம் ।
ஹிதமேவ ப⁴விஷ்யத்³தி⁴ ராமப்ரவ்ராஜனாதி³ஹ ॥ 3௦ ॥
அபி⁴வாத்³ய து ஸம்ஸித்³த:⁴ க்ருத்வா சைனம் ப்ரத³க்ஷிணம் ।
ஆமந்த்ர்ய ப⁴ரத ஸ்ஸைன்யம் யுஜ்யதாமித்யசோத³யத் ॥ 31 ॥
ததோ வாஜிரதா²ன்யுக்தான் தி³வ்யான்ஹேமபரிஷ்க்ருதான் ।
அத்⁴யாரோஹத்ப்ரயாணார்தீ² ப³ஹூன்ப³ஹுவிதோ⁴ ஜன: ॥ 32 ॥
கஜ³கன்யா கஜ³ாஶ்சைவ ஹேமகக்ஷ்யா: பதாகின: ।
ஜீமூதா இவ க⁴ர்மாந்தே ஸகோ⁴ஷாஸ்ஸம்ப்ரதஸ்தி²ரே ॥ 33 ॥
விவிதா⁴ன்யபி யானானி மஹந்தி ச லகூ⁴னி ச ।
ப்ரயயு ஸ்ஸுமஹார்ஹாணி பாதை³ ரேவ பதா³தய: ॥ 34 ॥
அத² யானப்ரவேகைஸ்து கௌஸல்யாப்ரமுகா²: ஸ்த்ரிய: ।
ராமத³ர்ஶனகாங்க்ஷிண்ய: ப்ரயயுர்முதி³தாஸ்ததா³ ॥ 35 ॥
சந்த்³ரார்கதருணாபா⁴ஸாம் நிர்யுக்தாம் ஶிபி³காம் ஶுபா⁴ம் ।
ஆஸ்தா²ய ப்ரயயௌ ஶ்ரீமான்ப⁴ரத ஸ்ஸபரிச்ச²த:³ ॥ 36 ॥
ஸா ப்ரயாதா மஹாஸேனா கஜ³வாஜிரதா²குலா ।
த³க்ஷிணாம் தி³ஶமாவ்ருத்ய மஹாமேக⁴ இவோத்தி²த: ॥ 37 ॥
வனானி து வ்யதிக்ரம்ய ஜுஷ்டானி ம்ருக³பக்ஷிபி⁴: ।
க³ங்கா³யா: பரவேலாயாம் கி³ரிஷ்வபி நதீ³ஷு ச ॥ 38 ॥
ஸா ஸம்ப்ரஹ்ருஷ்டத்³விபவாஜியோதா⁴ வித்ராஸயந்தீ ம்ருக³பக்ஷிஸங்கா⁴ன் ।
மஹத்³வனம் தத்ப்ரதிகா³ஹமானா ரராஜ ஸேனா ப⁴ரதஸ்ய தத்ர ॥ 39 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ த்³வினவதிதமஸ்ஸர்க:³ ॥
