ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஷஷ்ட²ஸ்ஸர்க:³ ।
க³தே புரோஹிதே ராம: ஸ்னாதோ நியதமானஸ: ।
ஸஹ பத்ன்யா விஶாலாக்ஷ்யா நாராயணமுபாக³மத் ॥ 1 ॥
ப்ரக்³ருஹ்ய ஶிரஸா பாத்ரீம் ஹவிஷோ விதி⁴வத்ததா³ ।
மஹதே தை³வதாயாஜ்யம் ஜுஹாவ ஜ்வலிதேனலே ॥ 2 ॥
ஶேஷம் ச ஹவிஷஸ்தஸ்ய ப்ராஶ்யாஶாஸ்யாத்மன: ப்ரியம் ।
த்⁴யாயன்னாராயணம் தே³வம் ஸ்வாஸ்தீர்ணே குஶஸம்ஸ்தரே ॥ 3 ॥
வாக்³யத ஸ்ஸஹ வைதே³ஹ்யா பூ⁴த்வா நியதமானஸ: ।
ஶ்ரீமத்யாயதனே விஷ்ணோ ஶ்ஶிஶ்யே நரவராத்மஜ: ॥ 4 ॥
ஏகயாமாவஶிஷ்டாயாம் ராத்ர்யாம் ப்ரதிவிபு³த்³த்⁴ய ஸ: ।
அலங்காரவிதி⁴ம் க்ருத்ஸ்னம் காரயாமாஸ வேஶ்மன: ॥ 5 ॥
தத்ர ஶ்ர்ருண்வன்ஸுகா² வாச ஸ்ஸூதமாக³த⁴வந்தி³னாம் ।
பூர்வாம் ஸத்⁴யாமுபாஸீனோ ஜஜாப யதமானஸ: ॥ 6 ॥
துஷ்டாவ ப்ரணதஶ்சைவ ஶிரஸா மது⁴ஸூத³னம் ।
விமலக்ஷௌமஸம்வீதோ வாசயாமாஸ ஸ த்³விஜான் ॥ 7 ॥
தேஷாம் புண்யாஹகோ⁴ஷோத² க³ம்பீ⁴ரமது⁴ரஸ்ததா³ ।
அயோத்⁴யாம் பூரயாமாஸ தூர்யகோ⁴ஷானுனாதி³த: ॥ 8 ॥
க்ருதோபவாஸம் து ததா³ வைதே³ஹ்யா ஸஹ ராக⁴வம் ।
அயோத்⁴யானிலயஶ்ஶ்ருத்வா ஸர்வ: ப்ரமுதி³தோ ஜன: ॥ 9 ॥
தத: பௌரஜனஸ்ஸர்வஶ்ஶ்ருத்வா ராமாபி⁴ஷேசனம் ।
ப்ரபா⁴தாம் ரஜனீம் த்³ருஷ்ட்வா சக்ரே ஶோப⁴யிதும் புரீம் ॥ 1௦ ॥
ஸிதாப்⁴ரஶிக²ராபே⁴ஷு தே³வதாயதனேஷு ச ।
சதுஷ்பதே²ஷு ரத்²யாஸு சைத்யேஷ்வட்டாலகேஷு ச ॥ 11 ॥
நானாபண்யஸம்ருத்³தே⁴ஷு வணிஜாமாபணேஷு ச ।
குடும்பி³னாம் ஸம்ருத்³தே⁴ஷு ஶ்ரீமத்ஸு ப⁴வனேஷு ச ॥ 12 ॥
ஸபா⁴ஸு சைவ ஸர்வாஸு வ்ருக்ஷேஷ்வாலக்ஷிதேஷு ச ।
த்⁴வஜா ஸ்ஸமுச்ச்²ரிதாஶ்சித்ரா: பதாகாஶ்சாப⁴வம்ஸ்ததா³ ॥ 13 ॥
நடனர்தகஸங்கா⁴னாம் கா³யகானாம் ச கா³யதாம் ।
மன: கர்ணஸுகா² வாச ஶ்ஶுஶ்ருவுஶ்ச ததஸ்தத: ॥ 14 ॥
ராமாபி⁴ஷேகயுக்தாஶ்ச கதா²ஶ்சக்ருர்மிதோ² ஜனா: ।
ராமாபி⁴ஷேகே ஸம்ப்ராப்தே சத்வரேஷு க்³ருஹேஷு ச ॥ 15 ॥
பா³லா அபி க்ரீட³மானா க்³ருஹத்³வாரேஷு ஸங்க⁴ஶ: ।
ராமாபி⁴ஷவஸம்யுக்தாஶ்சக்ருரேவம் மித:² கதா²: ॥ 16 ॥
க்ருதபுஷ்போபஹாரஶ்ச தூ⁴பக³ந்தா⁴தி⁴வாஸித: ।
ராஜமார்க:³ க்ருத: ஶ்ரீமான்பௌரை ராமாபி⁴ஷேசனே ॥ 17 ॥
ப்ரகாஶகரணார்த²ம் ச நிஶாக³மனஶங்கயா ।
தீ³பவ்ருக்ஷாம் ஸ்ததா² சக்ருரனு ரத்²யாஸு ஸர்வஶ: ॥ 18 ॥
அலங்காரம் புரஸ்யைவம் க்ருத்வா தத்புரவாஸின: ।
ஆகாங்க்ஷமாணா ராமஸ்ய யௌவராஜ்யாபி⁴ஷேசனம் ॥ 19 ॥
ஸமேத்ய ஸங்க⁴ஶஸ்ஸர்வே சத்வரேஷு ஸபா⁴ஸு ச ।
கத²யந்தோ மித²ஸ்தத்ர ப்ரஶஶம்ஸுர்ஜனாதி⁴பம் ॥ 2௦ ॥
அஹோ மஹாத்மா ராஜாயமிக்ஷ்வாகுகுலனந்த³ன: ।
ஜ்ஞாத்வா யோ வ்ருத்³த⁴மாத்மானம் ராமம் ராஜ்யேபி⁴ஷேக்ஷ்யதி ॥ 21 ॥
ஸர்வேப்யனுக்³ருஹீதா ஸ்மோ யன்னோ ராமோ மஹீபதி: ।
சிராய ப⁴விதா கோ³ப்தா த்³ருஷ்டலோகபராவர: ॥ 22 ॥
அனுத்³த⁴தமனா: வித்³வாந்த⁴ர்மாத்மா ப்⁴ராத்ருவத்ஸல: ।
யதா² ச ப்⁴ராத்ருஷு ஸ்னிக்³த⁴ஸ்ததா²ஸ்மாஸ்வபி ராக⁴வ: ॥ 23 ॥
சிரம் ஜீவது த⁴ர்மாத்மா ராஜா த³ஶரதோ²னக:⁴ ।
யத்ப்ரஸாதோ³னபி⁴ஷிக்தம் து ராமம் த்³ரக்ஷ்யாமஹே வயம் ॥ 24 ॥
ஏவம்வித⁴ம் கத²யதாம் பௌராணாம் ஶுஶ்ருவு ஸ்ததா³ ।
தி³க்³ப்⁴யோபி ஶ்ருதவ்ருத்தாந்தா: ப்ராப்தா ஜானபதா³ ஜனா: ॥ 25 ॥
தே து தி³க்³ப்⁴ய: புரீம் ப்ராப்தா த்³ரஷ்டும் ராமாபி⁴ஷேசனம் ।
ராமஸ்ய பூரயாமாஸு: புரீம் ஜானபதா³ ஜனா: ॥ 26 ॥
ஜனௌகை⁴ஸ்தைர்விஸர்பத்³பி⁴: ஶுஶ்ருவே தத்ர நிஸ்வன: ।
பர்வஸூதீ³ர்ணவேக³ஸ்ய ஸாக³ரஸ்யேவ நிஸ்வன: ॥ 27 ॥
ததஸ்ததி³ந்த்³ரக்ஷயஸன்னிப⁴ம் புரம் தி³த்³ருக்ஷுபி⁴ர்ஜானபதை³ருபாக³தை: ।
ஸமந்தத ஸ்ஸஸ்வனமாகுலம் ப³பௌ⁴ ஸமுத்³ரயாதோ³பி⁴ரிவார்ணவோத³கம் ॥ 28 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஷஷ்ட²ஸ்ஸர்க:³ ॥
