ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² த்ர்யதி⁴கஶததமஸ்ஸர்க:³ ।
வஸிஷ்ட:² புரத: க்ருத்வா தா³ராந்த³ஶரத²ஸ்ய ச ।
அபி⁴சக்ராம தம் தே³ஶம் ராமத³ர்ஶனதர்ஷித: ॥ 1 ॥
ராஜபத்ன்யஶ்ச க³ச்ச²ந்த்யோ மந்த³ம் மந்தா³கினீம் ப்ரதி ।
த³த்³ருஶு ஸ்தத்ர தத் தீர்த²ம் ராமலக்ஷ்மணஸேவிதம் ॥ 2 ॥
கௌஸல்யா பா³ஷ்பபூர்ணேன முகே²ன பரிஶுஷ்யதா ।
ஸுமித்ராமப்³ரவீத்³தீ³னா யாஶ்சான்யா ராஜயோஷித: ॥ 3 ॥
இத³ம் தேஷாமனாதா²னாம் க்லிஷ்டமக்லிஷ்டகர்மணாம் ।
வனே ப்ராக்கலனம் தீர்த²ம் யே தே நிர்விஷயீக்ருதா: ॥ 4 ॥
இத ஸ்ஸுமித்ரே புத்ரஸ்தே ஸதா³ ஜலமதந்த்³ரித: ।
ஸ்வயம் ஹரதி ஸௌமித்ரிர்மம புத்ரஸ்ய காரணாத் ॥ 5 ॥
ஜக⁴ன்யமபி தே புத்ர: க்ருதவான் ந து க³ர்ஹித: ।
ப்⁴ராதுர்யத³ர்த²ரஹிதம் ஸர்வம் தத்³ க³ர்ஹிதம்ம் கு³ணை: ॥ 6 ॥
அத்³யாயமபி தே புத்ர: க்லேஶானாமததோ²சித: ।
நீசானர்த² ஸமாசாரம் ஸஜ்ஜம் கர்ம ப்ரமுஞ்சது ॥ 7 ॥
த³க்ஷிணாக்³ரேஷு த³ர்பே⁴ஷு ஸா த³த³ர்ஶ மஹீதலே ।
பிதுரிங்கு³தி³பிண்யாகம் ந்யஸ்தமாயதலோசனா ॥ 8 ॥
தம் பூ⁴மௌ பிதுரார்தேன ந்யஸ்தம் ராமேண வீக்ஷ்ய ஸா ।
உவாச தே³வீ கௌஸல்யா ஸர்வா த³ஶரத²ஸ்த்ரிய: ॥ 9 ॥
இத³மிக்ஷ்வாகுனாத²ஸ்ய ராக⁴வஸ்ய மஹாத்மன: ।
ராக⁴வேண பிதுர்த³த்தம் பஶ்யதைதத்³யதா²விதி⁴ ॥ 1௦ ॥
தஸ்ய தே³வஸமானஸ்ய பார்தி²வஸ்ய மஹாத்மன: ।
நைததௌ³பயிகம் மன்யே பு⁴க்தபோ⁴க³ஸ்ய போ⁴ஜனம் ॥ 11 ॥
சதுரந்தாம் மஹீம் பு⁴க்த்வா மஹேந்த்³ரஸத்³ருஶோ விபு⁴: ।
கத²மிங்கு³தி³பிண்யாகம் ஸ பு⁴க்தே வஸுதா⁴தி⁴ப: ॥ 12 ॥
அதோ து³:க²தரம் லோகே ந கிஞ்சித்ப்ரதிபா⁴தி மா ।
யத்ர ராம: பிதுர்த³த்³யாதி³ங்கு³தி³க்ஷோத³ம்ருத்³தி⁴மான் ॥ 13 ॥
ராமேணேங்கு³தி³பிண்யாகம் பிதுர்த³த்தம் ஸமீக்ஷ்ய மே ।
கத²ம் து³:கே²ன ஹ்ருத³யம் ந ஸ்போ²டதி ஸஹஸ்ரதா⁴ ॥ 14 ॥
ஶ்ருதிஸ்து க²ல்வியம் ஸத்யா லௌகிகீ ப்ரதிபா⁴தி மா ।
யத³ன்ன: புருஷோ ப⁴வதி தத³ன்னாஸ்தஸ்ய தே³வதா: ॥ 15 ॥
ஏவமார்தாம் ஸபத்ன்யஸ்தா ஜக்³முராஶ்வாஸ்ய தாம் ததா³ ।
த³த்³ருஶுஶ்சாஶ்ரமே ராமம் ஸ்வர்க³ச்யுதமிவாமரம் ॥ 16 ॥
ஸர்வபோ⁴கை³: பரித்யக்தம் ராமம் ஸம்ப்ரேக்ஷ்ய மாதர: ।
ஆர்தா முமுசுரஶ்ரூணி ஸஸ்வரம் ஶோககர்ஶிதா: ॥ 17 ॥
தாஸாம் ராமஸ்ஸமுத்தா²ய ஜக்³ராஹ சரணான் ஶுபா⁴ன் ।
மாத்ரூணாம் மனுஜவ்யாக்⁴ரஸ்ஸர்வாஸாம் ஸத்யஸங்க³ர: ॥ 18 ॥
தா: பாணிபி⁴ ஸ்ஸுக²ஸ்பர்ஶைர்ம்ருத்³வங்கு³லிதலை ஶ்ஶுபை⁴: ।
ப்ரமமார்ஜூ ரஜ: ப்ருஷ்டா²த்³ராமஸ்யாயதலோசனா: ॥ 19 ॥
ஸௌமித்ரிரபி தா ஸ்ஸர்வா மாத்ருஸ்ஸம்ப்ரேக்ஷ்ய து³:கி²த: ।
அப்⁴யவாத³யதாஸக்தம் ஶனை ராமாத³னந்தரம் ॥ 2௦ ॥
யதா² ராமே ததா² தஸ்மின்ஸர்வா வவ்ருதிரே ஸ்த்ரிய: ।
வ்ருத்திம் த³ஶரதா²ஜ்ஜாதே லக்ஷ்மணே ஶுப⁴லக்ஷணே ॥ 21 ॥
ஸீதாபி சரணாம்ஸ்தாஸாமுபஸங்க்³ருஹ்ய து³:கி²தா ।
ஶ்வஶ்ரூணாமஶ்ருபூர்ணாக்ஷீ ஸா ப³பூ⁴வாக்³ரத: ஸ்தி²தா ॥ 22 ॥
தாம் பரிஷ்வஜ்ய து³:கா²ர்தாம் மாதா து³ஹிதரம் யதா² ।
வனவாஸக்ருஶாம் தீ³னாம் கௌஸல்யா வாக்யமப்³ரவீத் ॥ 23 ॥
விதே³ஹராஜஸ்ய ஸுதா ஸ்னுஷா த³ஶரத²ஸ்ய ச ।
ராமபத்னீ கத²ம் து³:க²ம் ஸம்ப்ராப்தா நிர்ஜனே வனே ॥ 24 ॥
பத்³மமாதபஸந்தப்தம் பரிக்லிஷ்டமிவோத்பலம் ।
காஞ்சனம் ரஜஸா த்⁴வஸ்தம் க்லிஷ்டம் சந்த்³ரமிவாம்பு³தை³: ॥ 25 ॥
முக²ம் தே ப்ரேக்ஷ்ய மாம் ஶோகோ த³ஹத்யக்³னிரிவாஶ்ரயம் ।
ப்⁴ருஶம் மனஸி வைதே³ஹி வ்யஸனாரணிஸம்ப⁴வ: ॥ 26 ॥
ப்³ருவந்த்யாமேவமார்தாயாம் ஜனந்யாம் ப⁴ரதாக்³ரஜ: ।
பாதா³வாஸாத்³ய ஜக்³ராஹ வஸிஷ்ட²ஸ்ய ச ராக⁴வ: ॥ 27 ॥
புரோஹிதஸ்யாக்³னிஸமஸ்ய வை ததா³ ப்³ருஹஸ்பதேரிந்த்³ரமிவாமராதி⁴ப: ।
ப்ரக்³ருஹ்ய பாதௌ³ ஸுஸம்ருத்³த⁴தேஜஸஸ்ஸஹைவ தேனோபவிவேஶ ராக⁴வ: ॥ 28 ॥
ததோ ஜக⁴ன்யம் ஸஹிதை ஸ்ஸமந்த்ரிபி⁴: புரப்ரதா⁴னைஶ்ச ஸஹைவ ஸைனிகை: ।
ஜனேன த⁴ர்மஜ்ஞதமேன த⁴ர்மவானுபோபவிஷ்டோ ப⁴ரத ஸ்ததா³க்³ரஜம் ॥ 29 ॥
உபோபவிஷ்ட ஸ்து ததா³ ஸ வீர்யவாம்ஸ்தபஸ்விவேஷேண ஸமீக்ஷ்ய ராக⁴வம் ।
ஶ்ரியா ஜ்வலந்தம் ப⁴ரத: க்ருதாஞ்ஜலிர்யதா² மஹேந்த்³ர: ப்ரயத: ப்ரஜாபதிம் ॥ 3௦ ॥
கிமேஷ வாக்யம் ப⁴ரதோத்³ய ராக⁴வம் ப்ரணம்ய ஸத்க்ருத்ய ச ஸாது⁴ வக்ஷ்யதி ।
இதீவ தஸ்யார்யஜனஸ்ய தத்த்வதோ ப³பூ⁴வ கௌதூஹலமுத்தமம் ததா³ ॥ 31 ॥
ஸ ராக⁴வ ஸ்ஸத்யத்⁴ருதி ஶ்ச லக்ஷ்மணோ மஹானுபா⁴வோ ப⁴ரத ஶ்ச தா⁴ர்மிக: ।
வ்ருதா: ஸுஹ்ருத்³பி⁴ ஶ்ச விரேஜுரத்⁴வரே யதா² ஸத³ஸ்யை ஸ்ஸஹிதாஸ்த்ரயோக்³னய: ॥ 32 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ த்ர்யதி⁴கஶததமஸ்ஸர்க:³ ॥
