ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² பஞ்சவிம்ஶஸ்ஸர்க:³ ।
ஸுக்³ரீவம் சைவ தாராம் ச ஸாங்க³த³ம் ஸஹலக்ஷ்மண: ।
ஸமானஶோக: காகுத்ஸ்த² ஸ்ஸாந்த்வயன்னித³மப்³ரவீத் ॥ 1 ॥
ந ஶோகபரிதாபேன ஶ்ரேயஸா யுஜ்யதே ம்ருத: ।
யத³த்ரானந்தரம் கார்யம் தத்ஸமாதா⁴துமர்ஹத² ॥ 2 ॥
லோகவ்ருத்தமனுஷ்டே²யம் க்ருதம் வோ பா³ஷ்பமோக்ஷணம் ।
ந காலாது³த்தரம் கிஞ்சித்கர்ம ஶக்யமுபாஸிதும் ॥ 3 ॥
நியதி: காரணம் லோகே நியதி: கர்மஸாத⁴னம் ।
நியதிஸ்ஸர்வபூ⁴தானாம் நியோகே³ஷ்விஹ காரணம் ॥ 4 ॥
ந கர்தா கஸ்யசித்கஶ்சின்னியோகே³ சாபினேஶ்வர: ।
ஸ்வபா⁴வே வர்ததே லோகஸ்தஸ்ய கால: பராயணம் ॥ 5 ॥
ந கால: காலமத்யேதி ந கால: பரிஹீயதே ।
ஸ்வபா⁴வம் ச ஸமாஸாத்³ய ந கஶ்சித³திவர்ததே ॥ 6 ॥
ந காலஸ்யாஸ்தி ப³ந்து⁴த்வம் ந ஹேதுர்ன பராக்ரம: ।
ந மித்ரஜ்ஞாதிஸம்ப³ந்த:⁴ காரணம் நாத்மனோ வஶ: ॥ 7 ॥
கிம் து காலபரீணாமோ த்³ரஷ்டவ்யஸ்ஸாது⁴ பஶ்யதா ।
த⁴ர்மஶ்சார்த²ஶ்ச காமஶ்ச காலக்ரமஸமாஹிதா: ॥ 8 ॥
இதஸ்ஸ்வாம் ப்ரக்ருதிம் வாலீ க³த:ப்ராப்த: க்ரியாப²லம் ।
த⁴ர்மார்த²காம ஸம்யோகை³: பவித்ரம் ப்லவகே³ஶ்வர: ॥ 9 ॥
ஸ்வத⁴ர்மஸ்ய ச ஸம்யோகா³ஜ்ஜிதஸ்தேன மஹாத்மனா ।
ஸ்வர்க:³ பரிக்³ருஹீதஶ்ச ப்ராணானபரிரக்ஷதா ॥ 1௦ ॥
ஏஷா வை நியதிஶ்ஶேஷ்டா² யாம் க³தோ ஹரியூத²ப: ।
தத³லம் பரிதாபேன ப்ராப்தகாலமுபாஸ்யதாம் ॥ 11 ॥
வசனாந்தே து ராமஸ்ய லக்ஷ்மண: பரவீரஹா ।
அவத³த்ப்ரஶ்ரிதம் வாக்யம் ஸுக்³ரீவம் க³தசேதஸம் ॥ 12 ॥
குரு த்வமஸ்ய ஸுக்³ரீவ ப்ரேதகார்யமனந்தரம் ।
தாராங்க³தா³ப்⁴யாம் ஸஹிதோ வாலினோ த³ஹனம் ப்ரதி ॥ 13 ॥
ஸமாஜ்ஞாபய காஷ்டா²னி ஶுஷ்கானி ச ப³ஹூனி ச ।
சந்த³னாதீ³னி தி³வ்யானி வாலிஸம்ஸ்காரகாரணாத் ॥ 14 ॥
ஸமாஶ்வாஸய சைனம் த்வமங்க³த³ம் தீ³னசேதஸம் ।
மா பூ⁴ர்பா³லிஶபு³த்³தி⁴ஸ்த்வம் த்வத³தீ⁴னமித³ம் புரம் ॥ 15 ॥
அங்க³த³ஸ்த்வானயேன்மால்யம் வஸ்த்ராணி விவிதா⁴னி ச ।
க்⁴ருதம் தைலமதோ² க³ந்தா⁴ன்யச்சாத்ர ஸமனந்தரம் ॥ 16 ॥
த்வம் தார ஶிபி³காம் ஶீக்⁴ரமாதா³யாக³ச்ச² ஸம்ப்⁴ரமாத் ।
த்வரா கு³ணவதீ யுக்தா ஹ்யஸ்மின்காலே விஶேஷத: ॥ 17 ॥
ஸஜ்ஜீப⁴வந்து ப்லவகா³ஶ்ஶிபி³காவாஹனோசிதா: ।
ஸமர்தா² ப³லினஶ்சைவ நிர்ஹரிஷ்யந்தி வாலினம் ॥ 18 ॥
ஏவமுக்த்வா து ஸுக்³ரீவம் ஸுமித்ரானந்த³வர்த⁴ன: ।
தஸௌ ப்⁴ராத்ருஸமீபஸ்தோ² லக்ஷ்மண: பரவீரஹா ॥ 19 ॥
லக்ஷ்மணஸ்ய வசஶ்ஶ்ருத்வா தாரஸ்ஸம்ப்⁴ராந்தமானஸ: ।
ப்ரவிவேஶ கு³ஹாம் ஶீக்⁴ரம் ஶிபி³காஸக்தமானஸ: ॥ 2௦ ॥
ஆதா³ய ஶிபி³காம் தாரஸ்ஸ து பர்யாபதத்புன: ।
வானரைருஹ்யமானாம் தாம் ஶூரைருத்³வஹனோசிதை: ॥ 21 ॥
தி³வ்யாம் ப⁴த்³ராஸனயுதாம் ஶிபி³காம் ஸ்யந்த³னோபமாம் ।
பக்ஷிகர்மபி⁴ராசித்ராம் த்³ருமகர்மவிபூ⁴ஷிதாம் ॥ 22 ॥
ஆசிதாம் சித்ரபத்தீபி⁴ ஸ்ஸுனிவிஷ்டாம் ஸமந்தத: ।
விமானமிவ ஸித்³தா⁴னாம் ஜாலவாதாயனான்விதாம் ॥ 23 ॥
ஸுனியுக்தாம் விஶாலாம் ச ஸுக்ருதாம் விஶ்வகர்மணா ।
தா³ருபர்வதகோபேதாம் சாருகர்மபரிஷ்க்ருதாம் ॥ 24 ॥
வராப⁴ரணஹாரைஶ்ச சித்ரமால்யோபஶோபி⁴தாம் ।
கு³ஹாக³ஹனஸஞ்ச²ன்னாம் ரக்தசந்த³னபூ⁴ஷிதாம் ॥ 25 ॥
புஷ்பௌகை⁴ஸ்ஸமபி⁴ச்ச²ன்னாம் பத்³மமாலாபி⁴ரேவ ச ।
தருணாதி³த்யவர்ணாபி⁴ர்ப்⁴ராஜமானாபி⁴ராவ்ருதாம் ॥ 26 ॥
ஈத்³ருஶீம் ஶிபி³காம் த்³ருஷ்ட்வா ராமோ லக்ஷ்மணமப்³ரவீத் ।
க்ஷிப்ரம் வினீயதாம் வாலீ ப்ரேதகார்யம் விதீ⁴யதாம் ॥ 27 ॥
ததோ வாலினமுத்³யம்ய ஸுக்³ரீவஶ்ஶிபி³காம் ததா³ ।
ஆரோபயத விக்ரோஶன்னங்க³தே³ன ஸஹைவ து ॥ 28 ॥
ஆரோப்ய ஶிபி³காம் சைவ வாலினம் க³தஜீவிதம் ।
அலங்காரைஶ்ச விவிதை⁴ர்மால்யைர்வஸ்த்ரைஶ்ச பூ⁴ஷிதம் ॥ 29 ॥
ஆஜ்ஞாபயத்ததா³ ராஜா ஸுக்³ரீவ ப்லவகே³ஶ்வர: ।
ஔர்த்⁴வதை³ஹிகமார்யஸ்ய க்ரியதாமனுரூபத: ॥ 3௦ ॥
விஶ்ராணயந்தோ ரத்னானி விவிதா⁴னி ப³ஹூன்யபி ।
அக்³ரத: ப்லவகா³ யாந்து ஶிபி³கா ஸமனந்தரம் ॥ 31 ॥
ராஜ்ஞாம்ருத்³தி³விஶேஷா ஹி த்³ருஶ்யந்தே பு⁴வி யாத்³ருஶா: ।
தாத்³ருஶைரிஹ குர்வந்து வானரா ப⁴ர்த்ருஸத்க்ரியாம் ॥ 32 ॥
தாத்³ருஶம் வாலின: க்ஷிப்ரம் ப்ராகுர்வன்னௌர்த்⁴வதை³ஹிகம் ।
அங்க³த³ம் பரிக்³ருஹ்யாஶு தாரப்ரப்⁴ருதயஸ்ததா³ ॥ 33 ॥
க்ரோஶந்த: ப்ரயயுஸ்ஸர்வே வானரா ஹதபா³ந்த⁴வா: ।
தத: ப்ரணிஹிதா: ஸர்வா வானர்யோஸ்ய வஶானுகா³: ॥ 34 ॥
சுக்ருஶு ர்வீர வீரேதி பூ⁴ய: க்ரோஶந்தி தா: ஸ்த்ரீய: ।
தாராப்ரப்⁴ருதயஸ்ஸர்வா வானர்யோ ஹரியூத²பா: ।
அனுஜக்³முர்ஹி ப⁴ர்தாரம் க்ரோஶந்த்ய: கருணஸ்வனா: ॥ 35 ॥
தாஸாம் ருதி³தஶப்³தே³ன வானரீணாம் வனாந்தரே ।
வனானி கி³ரயஶ்சைவ விக்ரோஶந்தீவ ஸர்வத: ॥ 36 ॥
புலினே கி³ரினத்³யாஸ்து விவிக்தே ஜலஸம்வ்ருதே ॥ 37 ॥
சிதாம் சக்ருஸ்ஸுப³ஹவோ வானராஶ்ஶோககர்ஶிதா: ।
அவரோப்ய ததஸ்ஸ்கந்தா⁴ச்சி²பி³காம் வாஹனோசிதா: ।
தஸ்து²ரேகாந்தமாஶ்ரித்ய ஸர்வே ஶோகஸமன்விதா: ॥ 38 ॥
ததஸ்தாரா பதிம் த்³ருஷ்ட்வா ஶிபி³காதலஶாயினம் ॥ 39 ॥
ஆரோப்யாங்கே ஶிரஸ்தஸ்ய விலலாப ஸுது³:கி²தா ।
ஹா வானர மஹாராஜ ஹா நாத² மம வத்ஸல ॥ 4௦ ॥
ஹா மஹார்ஹ மஹாபா³ஹோ ஹா மம ப்ரிய பஶ்ய மாம் ।
ஜனம் ந பஶ்யஸீமம் த்வம் கஸ்மாச்சோ²காபி⁴பீடி³தம் ॥ 41 ॥
ப்ரஹ்ருஷ்டமிவ தே வக்த்ரம் க³தாஸோரபி மானத³ ஆஸ்தார்கஸமவர்ணம் ச லக்ஷ்யதே ஜீவதோ யதா² ॥ 42 ॥
ஏஷ த்வாம் ராமரூபேண கால: கர்ஷதி வானர ।
யேன ஸ்ம வித⁴வாஸ்ஸர்வா: க்ருதா ஏகேஷுணா வனே ॥ 43 ॥
இமாஸ்தாஸ்தவ ராஜேந்த்³ர வானர்யோவல்லபா⁴ஸ்ஸதா³ ।
பாதை³ர்விக்ருஷ்ட மத்⁴வானமாக³தா: கிம் ந பு³த்⁴யஸே ॥ 44 ॥
தவேஷ்டா நனு நாமைதா பா⁴ர்யாஶ்சந்த்³ரனிபா⁴னநா: ।
இதா³னீம் நேக்ஷஸே கஸ்தாத்ஸுக்³ரீவம் ப்லவகே³ஶ்வரம் ॥ 45 ॥
ஏதே ஹி ஸசிவா ராஜம் ஸ்தாரப்ரப்⁴ருதயஸ்தவ ।
புரவாஸீ ஜனஶ்சாயம் பரிவார்யாஸதேனக⁴ ॥ 46 ॥
விஸர்ஜயைதான் ப்லவகா³ன்யதோ²சிதமரிந்த³ம ।
தத: க்ரீடா³மஹே ஸர்வா வனேஷு மத³னோத்கடா: ॥ 47 ॥
ஏவம் விலபதீம் தாராம் பதிஶோகபரிப்லுதாம் ।
உத்தா²பயந்தி ஸ்ம ததா³ வானர்யஶ்ஶோககர்ஶிதா: ॥ 48 ॥
ஸுக்³ரீவேண ததஸ்ஸார்த⁴ம்மங்க³த:³ பிதரம் ருத³ன் ।
சிதாமாரோபயாமாஸ ஶோகேனாபி⁴ஹதேந்த்³ரிய: ॥ 49 ॥
ததோக்³னிம் விதி⁴வத்³த³த்த்வா ஸோபஸவ்யம் சகார ஹ ।
பிதரம் தீ³ர்க⁴மத்⁴வானம் ப்ரஸ்தி²தம் வ்யாகுலேந்த்³ரிய: ॥ 5௦ ॥
ஸம்ஸ்க்ருத்ய வாலினம் தே து விதி⁴பூர்வம் ப்லவங்க³மா: ।
ஆஜக்³முருத³கம் கர்தும் நதீ³ம் ஶுபஜ⁴லாம் ஶிவாம் ॥ 51 ॥
ததஸ்தே ஸஹிதாஸ்தத்ர ஹ்யங்க³த³ம் ஸ்தா²ப்ய சாக்³ரத: ।
ஸுக்³ரீவதாராஸஹிதாஸ்ஸிஷிசுர்வாலினே ஜலம் ॥ 52 ॥
ஸுக்³ரீவேணேவ தீ³னேன தீ³னோ பூ⁴த்வா மஹாப³ல: ।
ஸமானஶோக: காகுத்ஸ்த:² ப்ரேதகார்யாண்யகாரயத் ॥ 53 ॥
ததஸ்து தம் வாலினமக்³ர்யபௌருஷம் ப்ரகாஶமிக்ஷ்வாகுவரேஷுணா ஹதம் ।
ப்ரதீ³ப்ய தீ³ப்தாக்³னிஸமௌஜஸம் ததா³ ஸலக்ஷ்மணம் ராமமுபேயிவான்ஹரி: ॥ 54 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ பஞ்சவிம்ஶஸ்ஸர்க:³ ॥
