ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஸப்தத்ரிம்ஶஸ்ஸர்க:³ ।
மஹாமாத்ரவச: ஶ்ருத்வா ராமோ த³ஶரத²ம் ததா³ ।
அப்⁴யபா⁴ஷத வாக்யம் து வினயஜ்ஞோ வினீதவத் ॥ 1 ॥
த்யக்தபோ⁴க³ஸ்ய மே ராஜன் வனே வன்யேன ஜீவத: ।
கிம் கார்யமனுயாத்ரேண த்யக்தஸங்க³ஸ்ய ஸர்வத: ॥ 2 ॥
யோ ஹி த³த்த்வா த்³விபஶ்ரேஷ்ட²ம் கக்ஷ்யாயாம் குருதே மன: ।
ரஜ்ஜுஸ்னேஹேன கிம் தஸ்ய த்யஜத: குஞ்ஜரோத்தமம் ॥ 3 ॥
ததா² மம ஸதாம் ஶ்ரேஷ்ட² கிம் த்⁴வஜின்யா ஜக³த்பதே ।
ஸர்வாண்யேவானுஜானாமி சீராண்யேவானயந்து மே ॥ 4 ॥
க²னித்ரபிடகே சோபே⁴ ஸமானயத க³ச்ச²த: ।
சதுர்த³ஶ வனே வாஸம் வர்ஷாணி வஸதோ மம ॥ 5 ॥
அத² சீராணி கைகேயீ ஸ்வயமாஹ்ருத்ய ராக⁴வம் ।
உவாச பரித⁴த்ஸ்வேதி ஜனௌகே⁴ நிரபத்ரபா ॥ 6 ॥
ஸ சீரே புருஷவ்யாக்⁴ர: கைகேய்யா ப்ரதிக்³ருஹ்ய தே ।
ஸூக்ஷ்மவஸ்த்ரமவக்ஷிப்ய முனிவஸ்த்ராண்யவஸ்த ஹ ॥ 7 ॥
லக்ஷ்மணஶ்சாபி தத்ரைவ விஹாய வஸனே ஶுபே⁴ ।
தாபஸாச்சா²த³னே சைவ ஜக்³ராஹ பிதுரக்³ரத: ॥ 8 ॥
அதா²த்மபரிதா⁴னார்த²ம் ஸீதா கௌஶேயவாஸினீ ।
ஸமீக்ஷ்ய சீரம் ஸந்த்ரஸ்தா ப்ருஷதீ வாகு³ராமிவ ॥ 9 ॥
ஸா வ்யபத்ரபமாணேவ ப்ரக்³ருஹ்ய ச ஸுது³ர்மனா: ।
கைகேயீ குஶசீரே தே ஜானகீ ஶுப⁴லக்ஷணா ॥ 1௦ ॥
அஶ்ருஸம்பூர்ண நேத்ரா ச த⁴ர்மஜ்ஞா த⁴ர்மத³ர்ஶினீ ।
க³ந்த⁴ர்வராஜப்ரதிமம் ப⁴ர்தாரமித³மப்³ரவீத் ॥ 11 ॥
கத²ம் நு சீரம் ப³த்⁴னந்தி முனயோ வனவாஸின: ।
இதி ஹ்யகுஶலா ஸீதா ஸா முமோஹ முஹுர்முஹு: ॥ 12 ॥
க்ருத்வா கண்டே² ச ஸா சீரமேகமாதா³ய பாணினா ।
தஸ்தௌ² ஹ்யகுஶலா தத்ர வ்ரீடி³தா ஜனகாத்மஜா ॥ 13 ॥
தஸ்யாஸ்தத்க்ஷிப்ரமாக³ம்ய ராமோ த⁴ர்மப்⁴ருதாம் வர: ।
சீரம் ப³ப³ந்த⁴ ஸீதாயா: கௌஶேயஸ்யோபரி ஸ்வயம் ॥ 14 ॥
ராமம் ப்ரேக்ஷ்ய து ஸீதாயா ப³த்⁴னந்தம் சீரமுத்தமம் ।
அந்த:புரக³தா நார்யோ முமுசுர்வாரி நேத்ரஜம் ॥ 15 ॥
ஊசுஶ்ச பரமாயஸ்தா ராமம் ஜ்வலிததேஜஸம் ।
வத்ஸ நைவம் நியுக்தேயம் வனவாஸே மனஸ்வினீ ॥ 16 ॥
பிதுர்வாக்யானுரோதே⁴ன க³தஸ்ய விஜனம் வனம் ।
தாவத்³த³ர்ஶனமஸ்யா ந: ஸப²லம் ப⁴வது ப்ரபோ⁴ ॥ 17 ॥
லக்ஷ்மணேன ஸஹாயேன வனம் க³ச்ச²ஸ்வ புத்ரக ।
நேயமர்ஹதி கல்யாணீ வஸ்தும் தாபஸவத்³வனே ॥ 18 ॥
குரு நோ யாசனாம் புத்ர ஸீதா திஷ்ட²து பா⁴மினீ ।
த⁴ர்மனித்யஸ்ஸ்வயம் ஸ்தா²தும் ந ஹீதா³னீம் த்வமிச்ச²ஸி ॥ 19 ॥
தாஸாமேவம்விதா⁴ வாச ஶ்ருண்வன் த³ஶரதா²த்மஜ: ।
ப³ப³ந்தை⁴வ ததா³ சீரம் ஸீதயா துல்யஶீலயா ॥ 2௦ ॥
சீரே க்³ருஹீதே து தயா ஸமீக்ஷ்ய ந்ருபதேர்கு³ரு: ।
நிவார்ய ஸீதாம் கைகேயீம் வஸிஷ்டோ² வாக்யமப்³ரவீத் ॥ 21 ॥
அதிப்ரவ்ருத்தே து³ர்மேதே⁴ கைகேயி குலபாம்ஸனி ।
வஞ்சயித்வா ச ராஜானம் ந ப்ரமாணேவதிஷ்ட²ஸே ॥ 22 ॥
ந க³ந்தவ்யம் வனம் தே³வ்யா ஸீதயா ஶீலவர்ஜிதே ।
அனுஷ்டா²ஸ்யதி ராமஸ்ய ஸீதா ப்ரக்ருதமாஸனம் ॥ 23 ॥
ஆத்மா ஹி தா³ராஸ்ஸர்வேஷாம் தா³ரஸங்க்³ரஹவர்தினாம் ।
ஆத்மேயமிதி ராமஸ்ய பாலயிஷ்யதி மேதி³னீம் ॥ 24 ॥
அத² யாஸ்யதி வைதே³ஹீ வனம் ராமேண ஸங்க³தா ।
வயமப்யனுயாஸ்யாம: புரம் சேத³ம் க³மிஷ்யதி ॥ 25 ॥
அந்தபாலாஶ்ச யாஸ்யந்தி ஸதா³ரோ யத்ர ராக⁴வ: ।
ஸஹோபஜீவ்யம் ராஷ்ட்ரம் ச புரம் ச ஸபரிச்ச²த³ம் ॥ 26 ॥
ப⁴ரதஶ்ச ஸஶத்ருக்⁴னஶ்சீரவாஸா வனேசர: ।
வனே வஸந்தம் காகுத்ஸ்த² மனுவத்ஸ்யதி பூர்வஜம் ॥ 27 ॥
தத ஶ்ஶூன்யாம் க³தஜனாம் வஸுதா⁴ம் பாத³பை ஸ்ஸஹ ।
த்வமேகா ஶாதி⁴ து³ர்வ்ருத்தா ப்ரஜானாமஹிதே ஸ்தி²தா ॥ 28 ॥
ந ஹி தத்³ப⁴விதா ராஷ்ட்ரம் யத்ர ராமோ ந பூ⁴பதி: ।
தத்³வனம் ப⁴விதா ராஷ்ட்ரம் யத்ர ராமோ நிவத்ஸ்யதி ॥ 29 ॥
ந ஹ்யத³த்தாம் மஹீம் பித்ரா ப⁴ரத: ஶாஸ்துமர்ஹதி ।
த்வயி வா புத்ரவத்³வஸ்தும் யதி³ ஜாதோ மஹீபதே: ॥ 3௦ ॥
யத்³யபி த்வம் க்ஷிதிதலாத்³க³க³னம் சோத்பதிஷ்யஸி ।
பித்ருர்வம்ஶசரித்ரஜ்ஞ: ஸோன்யதா² ந கரிஷ்யதி ॥ 31 ॥
தத்த்வயா புத்ரக³ர்தி⁴ன்யா புத்ரஸ்ய க்ருதமப்ரியம் ।
லோகே ஹி ஸ ந வித்³யேத யோ ந ராமமனுவ்ரத: ॥ 32 ॥
த்³ரக்ஷ்யஸ்யத்³யைவ கைகேயீ பஶுவ்யாலம்ருக³த்³விஜான் ।
க³ச்ச²தஸ்ஸஹ ராமேண பாத³பாம்ஶ்ச தது³ன்முகா²ன் ॥ 33 ॥
அதோ²த்தமான்யாப⁴ரணானி தே³வி தே³ஹி ஸ்னுஷாயை வ்யபனீய சீரம் ।
ந சீரமஸ்யா: ப்ரவிதீ⁴யதேதி ந்யவாரயத்தத்³வஸனம் வஸிஷ்ட: ॥ 34 ॥
ஏகஸ்ய ராமஸ்ய வனே நிவாஸ ஸ்த்வயா வ்ருத:கேகயராஜபுத்ரீ ।
விபூ⁴ஷிதேயம் ப்ரதிகர்மனித்யா வஸத்வரண்யே ஸஹ ராக⁴வேண ॥ 35 ॥
யானைஶ்ச முக்²யை: பரிசாரகைஶ்ச ஸுஸம்வ்ருதா க³ச்ச²து ராஜபுத்ரீ ।
வஸ்த்ரைஶ்ச ஸர்வைஸ்ஸஹிதைர்விதா⁴னை ர்னேயம் வ்ருதா தே வரஸம்ப்ரதா³னே ॥ 36 ॥
தஸ்மிம்ஸ்ததா² ஜல்பதி விப்ரமுக்²யே கு³ரௌ ந்ருபஸ்யாப்ரதிமப்ரபா⁴வே ।
நைவ ஸ்ம ஸீதா வினிவ்ருத்தபா⁴வா ப்ரியஸ்ய ப⁴ர்து: ப்ரதிகாரகாமா ॥ 37 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஸப்தத்ரிம்ஶஸ்ஸர்க:³ ॥
