ஶ்ரீமத்³வால்மீகீய ராமாயணே பா³லகாண்ட³ம் ।
அத² த்ரிஸப்ததிதமஸ்ஸர்க:³ ।
யஸ்மிம்ஸ்து தி³வஸே ராஜா சக்ரே கோ³தா³னமுத்தமம் ।
தஸ்மிம் ஸ்து தி³வஸே ஶூரோ யுதா⁴ஜித்ஸமுபேயிவான் ॥ 1 ॥
புத்ர: கேகயராஜஸ்ய ஸாக்ஷாத்³ப⁴ரதமாதுல: ।
த்³ருஷ்ட்வா ப்ருஷ்ட்வா ச குஶலம் ராஜானமித³மப்³ரவீத் ॥ 2 ॥
கேகயாதி⁴பதீ ராஜா ஸ்னேஹாத் குஶலமப்³ரவீத் ।
யேஷாம் குஶலகாமோஸி தேஷாம் ஸம்ப்ரத்யனாமயம் ॥ 3 ॥
ஸ்வஸ்ரீயம் மம ராஜேந்த்³ர த்³ரஷ்டுகாமோ மஹீபதி: ।
தத³ர்த²முபயாதோஹமயோத்⁴யாம் ரகு⁴னந்த³ன ॥ 4 ॥
ஶ்ருத்வா த்வஹமயோத்⁴யாயாம் விவாஹார்த²ம் தவாத்மஜான் ।
மிதி²லாமுபயாதாம்ஸ்து த்வயா ஸஹ மஹீபதே ॥ 5 ॥
த்வரயாப்⁴யுபயாதோஹம் த்³ரஷ்டுகாம ஸ்ஸ்வஸுஸ்ஸுதம் ।
அத² ராஜா த³ஶரத:² ப்ரியாதிதி²முபஸ்தி²தம் ॥ 6 ॥
த்³ருஷ்ட்வா பரமஸத்காரை: பூஜார்ஹம் ஸமபூஜயத் ।
ததஸ்தாமுஷிதோ ராத்ரிம் ஸஹ புத்ரைர்மஹாத்மபி⁴: ॥ 7 ॥
ப்ரபா⁴தே புனருத்தா²ய க்ருத்வா கர்மாணி கர்மவித் ।
ருஷீம்ஸ்ததா³ புரஸ்க்ருத்ய யஜ்ஞவாடமுபாக³மத் ॥ 8 ॥
யுக்தே முஹூர்தே விஜயே ஸர்வாப⁴ரணபூ⁴ஷிதை: ।
ப்⁴ராத்ருபி⁴ஸ்ஸஹிதோ ராம: க்ருதகௌதுகமங்க³ல: ॥ 9 ॥
வஸிஷ்ட²ம் புரத: க்ருத்வா மஹர்ஷீனபரானபி ।
பிது ஸ்ஸமீபமாஶ்ரித்ய தஸ்தௌ² ப்⁴ராத்ருபி⁴ராவ்ருத: ॥ 1௦ ॥
வஸிஷ்டோ² ப⁴க³வானேத்ய வைதே³ஹமித³மப்³ரவீத் ।
ராஜா த³ஶரதோ² ராஜன் க்ருதகௌதுகமங்க³லை: ॥ 11 ॥
புத்ரைர்னரவர ஶ்ரேஷ்ட² தா³தாரமபி⁴காங்க்ஷதே ।
தா³த்ருப்ரதிக்³ரஹீத்ருப்⁴யாம் ஸர்வார்தா²: ப்ரப⁴வந்தி ஹி ॥ 12 ॥
ஸ்வத⁴ர்மம் ப்ரதிபத்³யஸ்வ க்ருத்வா வைவாஹ்யமுத்தமம் ।
இத்யுக்த: பரமோதா³ரோ வஸிஷ்டே²ன மஹாத்மனா ॥ 13 ॥
ப்ரத்யுவாச மஹாதேஜா வாக்யம் பரமத⁴ர்மவித் ।
கஸ்ஸ்தி²த: ப்ரதிஹாரோ மே கஸ்யாஜ்ஞா ஸம்ப்ரதீக்ஷ்யதே ॥ 14 ॥
ஸ்வக்³ருஹே கோ விசாரோஸ்தி யதா² ராஜ்யமித³ம் தவ ।
க்ருதகௌதுகஸர்வஸ்வா வேதி³மூலமுபாக³தா: ॥ 15 ॥
மம கன்யா முனிஶ்ரேஷ்ட² தீ³ப்தா வஹ்னேரிவார்சிஷ: ।
ஸஜ்ஜோஹம் த்வத்ப்ரதீக்ஷோஸ்மி வேத்³யாமஸ்யாம் ப்ரதிஷ்டி²த: ॥ 16 ॥
அவிக்⁴னம் குருதாம் ராஜா கிமர்த²மவலம்ப³தே ।
தத்³வாக்யம் ஜனகேனோக்தம் ஶ்ருத்வா த³ஶரத²ஸ்ததா³ ।
ப்ரவேஶயாமாஸ ஸுதான் ஸர்வான்ருஷிக³ணானபி ॥ 17 ॥
ததோ ராஜா விதே³ஹானாம் வஸிஷ்ட²மித³மப்³ரவீத் ॥ 18 ॥
காரயஸ்வ ருஷே ஸர்வம்ருஷிபி⁴: ஸஹ தா⁴ர்மிக ।
ராமஸ்ய லோகராமஸ்ய க்ரியாம் வைவாஹிகீம் விபோ⁴ ॥ 19 ॥
ததே²த்யுக்த்வா து ஜனகம் வஸிஷ்டோ² ப⁴க³வான்ருஷி: ।
விஶ்வாமித்ரம் புரஸ்க்ருத்ய ஶதானந்த³ம் ச தா⁴ர்மிகம் ॥ 2௦ ॥
ப்ரபாமத்⁴யே து விதி⁴வத்வேதி³ம் க்ருத்வா மஹாதபா: ।
அலஞ்சகார தாம் வேதி³ம் க³ந்த⁴புஷ்பை ஸ்ஸமந்தத: ॥ 21 ॥
ஸுவர்ணபாலிகாபி⁴ஶ்ச சி²த்³ரகும்பை⁴ஶ்ச ஸாங்குரை: ।
அங்குராட்⁴யைஶ்ஶராவைஶ்ச தூ⁴பபாத்ரை ஸ்ஸதூ⁴பகை: ॥ 22 ॥
ஶங்க²பாத்ரை ஸ்ஸ்ருவை ஸ்ஸ்ருக்³பி⁴: பாத்ரைரர்க்⁴யாபி⁴பூரிதை: ।
லாஜபூர்ணைஶ்ச பாத்ரீபி⁴ரக்ஷதைரபி⁴ஸம்ஸ்க்ருதை: ॥ 23 ॥
த³ர்பை⁴ஸ்ஸமைஸ்ஸமாஸ்தீர்ய விதி⁴வன்மந்த்ரபூர்வகம் ।
அக்³னிமாதா³ய வேத்³யாம் து விதி⁴மந்த்ரபுரஸ்க்ருதம் ॥ 24 ॥
ஜுஹாவாக்³னௌ மஹாதேஜா வஸிஷ்டோ² ப⁴க³வான்ருஷி: ।
ததஸ்ஸீதாம் ஸமானீய ஸர்வாப⁴ரணபூ⁴ஷிதாம் ॥ 25 ॥
ஸமக்ஷமக்³னே ஸ்ஸம்ஸ்தா²ப்ய ராக⁴வாபி⁴முகே² ததா³ ।
அப்³ரவீஜ்ஜனகோ ராஜா கௌஸல்யானந்த³வர்த⁴னம் ॥ 26 ॥
இயம் ஸீதா மம ஸுதா ஸஹத⁴ர்மசரீ தவ ।
ப்ரதீச்ச² சைனாம் ப⁴த்³ரம் தே பாணிம் க்³ருஹ்ணீஷ்வ பாணினா ॥ 27 ॥
பதிவ்ரதா மஹாபா⁴கா³ சா²யேவானுக³தா ஸதா³ ।
இத்யுக்த்வா ப்ராக்ஷிபத்³ராஜா மந்த்ரபூதம் ஜலம் ததா³ ॥ 28 ॥
ஸாது⁴ ஸாத்⁴விதி தே³வானா ம்ருஷீணாம் வத³தாம் ததா³ ।
தே³வது³ந்து³பி⁴ர்னிர்கோ⁴ஷ: புஷ்பவர்ஷோ மஹானபூ⁴த் ॥ 29 ॥
ஏவம் த³த்த்வா ததா³ ஸீதாம் மந்த்ரோத³கபுரஸ்க்ருதாம் ।
அப்³ரவீஜ்ஜனகோ ராஜா ஹர்ஷேணாபி⁴பரிப்லுத: ॥ 3௦ ॥
லக்ஷ்மணாக³ச்ச² ப⁴த்³ரம் தே ஊர்மிலாமுத்³யதாம் மயா ।
ப்ரதீச்ச² பாணிம் க்³ருஹ்ணீஷ்வ மாபூ⁴த்காலஸ்ய பர்யய: ॥ 31 ॥
தமேவமுக்த்வா ஜனகோ ப⁴ரதம் சாப்⁴யபா⁴ஷத ।
க்³ருஹாண பாணிம் மாண்ட³வ்யா: பாணினா ரகு⁴னந்த³ன ॥ 32 ॥
ஶத்ருக்⁴னம் சாபி த⁴ர்மாத்மா அப்³ரவீஜ்ஜனகேஶ்வர: ।
ஶ்ருதகீர்த்யா மஹாபா³ஹோ பாணிம் க்³ருஹ்ணீஷ்வ பாணினா ॥ 33 ॥
ஸர்வே ப⁴வந்தஸ்ஸௌம்யாஶ்ச ஸர்வே ஸுசரிதவ்ரதா: ।
பத்னீபி⁴ஸ்ஸந்து காகுத்ஸ்தா² மாபூ⁴த்காலஸ்ய பர்யய: ॥ 34 ॥
ஜனகஸ்ய வச ஶ்ஶ்ருத்வா பாணீன் பாணிபி⁴ராஸ்ப்ருஶன் ।
சத்வாரஸ்தே சதஸ்ருணாம் வஸிஷ்ட²ஸ்ய மதே ஸ்தி²தா: ॥ 35 ॥
அக்³னிம் ப்ரத³க்ஷிணீக்ருத்ய வேதி³ம் ராஜானமேவ ச ।
ருஷீம்ஶ்சைவ மஹாத்மானஸ்ஸபா⁴ர்யா ரகு⁴ஸத்தமா: ॥ 36 ॥
யதோ²க்தேன ததா³ சக்ருர்விவாஹம் விதி⁴பூர்வகம் ।
காகுத்ஸ்தை²ஶ்ச க்³ருஹீதேஷு லலிதேஷு ச பாணிஷு ॥ 37 ॥
புஷ்பவ்ருஷ்டிர்மஹத்யாஸீத³ந்தரிக்ஷாத்ஸுபா⁴ஸ்வரா ।
தி³வ்யது³ந்து³பி⁴னிர்கோ⁴ஷைர்கீ³தவாதி³த்ரனிஸ்வனை: ॥ 38 ॥
நன்ருதுஶ்சாப்ஸரஸ்ஸங்கா⁴ க³ந்த⁴ர்வாஶ்ச ஜகு³: கலம் ।
விவாஹே ரகு⁴முக்²யானாம் தத³த்³பு⁴தமத்³ருஶ்யத ॥ 39 ॥
ஈத்³ருஶே வர்தமானே து தூர்யோத்³கு⁴ஷ்டனினாதி³தே ।
த்ரிரக்³னிம் தே பரிக்ரம்ய ஊஹுர்பா⁴ர்யாம் மஹௌஜஸ: ॥ 4௦ ॥
அதோ²பகார்யாம் ஜக்³முஸ்தே ஸபா⁴ர்யா ரகு⁴னந்த³னா: ।
ராஜாப்யனுயயௌ பஶ்யந்த்ஸர்ஷிஸங்க⁴ ஸ்ஸபா³ந்த⁴வ: ॥ 41 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ த்ரிஸப்ததிதமஸ்ஸர்க:³ ॥
