ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² ப்ரத²மஸ்ஸர்க:³ ।
ததோ ராவணனீதாயா: ஸீதாயா: ஶத்ருகர்ஶன: ।
இயேஷ பத³மன்வேஷ்டும் சாரணாசரிதே பதி² ॥ 1 ॥
து³ஷ்கரம் நிஷ்ப்ரதித்³வந்த்³வம் சிகீர்ஷன் கர்ம வானர: ।
ஸமுத³க்³ரஶிரோக்³ரீவோ க³வாம்பதிரிவாப³பௌ⁴ ॥ 2 ॥
அத² வைடூ³ர்யவர்ணேஷு ஶாத்³வலேஷு மஹாப³ல: ।
தீ⁴ர: ஸலிலகல்பேஷு விசசார யதா²ஸுக²ம் ॥ 3 ॥
த்³விஜான் வித்ராஸயன் தீ⁴மானுரஸா பாத³பான் ஹரன் ।
ம்ருகா³ம்ஶ்ச ஸுப³ஹூன்னிக்⁴னந் ப்ரவ்ருத்³த⁴ இவ கேஸரீ ॥ 4 ॥
நீலலோஹிதமாஞ்ஜிஷ்ட²பத்ரவர்ணை: ஸிதாஸிதை: ।
ஸ்வபா⁴வவிஹிதைஶ்சித்ரைர்தா⁴துபி⁴: ஸமலங்க்ருதம் ॥ 5 ॥
காமரூபிபி⁴ராவிஷ்டமபீ⁴க்ஷ்ணம் ஸபரிச்ச²தை³: ।
யக்ஷகின்னரக³ந்த⁴ர்வைர்தே³வகல்பைஶ்ச பன்னகை³: ॥ 6 ॥
ஸ தஸ்ய கி³ரிவர்யஸ்ய தலே நாக³வராயுதே ।
திஷ்ட²ன் கபிவரஸ்தத்ர ஹ்ரதே³ நாக³ இவாப³பௌ⁴ ॥ 7 ॥
ஸ ஸூர்யாய மஹேந்த்³ராய பவனாய ஸ்வயம்பு⁴வே ।
பூ⁴தேப்⁴யஶ்சாஞ்ஜலிம் க்ருத்வா சகார க³மனே மதிம் ॥ 8 ॥
அஞ்ஜலிம் ப்ராங்முக:² குர்வன் பவனாயாத்மயோனயே ।
ததோ ஹி வவ்ருதே⁴ க³ந்தும் த³க்ஷிணோ த³க்ஷிணாம் தி³ஶம் ॥ 9 ॥
ப்லவங்க³ப்ரவரைர்த்³ருஷ்ட: ப்லவனே க்ருதனிஶ்சய: ।
வவ்ருதே⁴ ராமவ்ருத்³த்⁴யர்த²ம் ஸமுத்³ர இவ பர்வஸு ॥ 1௦ ॥
நிஷ்ப்ரமாணஶரீர: ஸன் லிலங்க⁴யிஷுரர்ணவம் ।
பா³ஹுப்⁴யாம் பீட³யாமாஸ சரணாப்⁴யாம் ச பர்வதம் ॥ 11 ॥
ஸ சசாலாசலஶ்சாபி முஹூர்தம் கபிபீடி³த: ।
தரூணாம் புஷ்பிதாக்³ராணாம் ஸர்வம் புஷ்பமஶாதயத் ॥ 12 ॥
தேன பாத³பமுக்தேன புஷ்பௌகே⁴ண ஸுக³ந்தி⁴னா ।
ஸர்வத: ஸம்வ்ருத: ஶைலோ ப³பௌ⁴ புஷ்பமயோ யதா² ॥ 13 ॥
தேன சோத்தமவீர்யேண பீட்³யமான: ஸ பர்வத: ।
ஸலிலம் ஸம்ப்ரஸுஸ்ராவ மத³ம் மத்த இவ த்³விப: ॥ 14 ॥
பீட்³யமானஸ்து ப³லினா மஹேந்த்³ரஸ்தேன பர்வத: ।
ரீதீர்னிர்வர்தயாமாஸ காஞ்சனாஞ்ஜனராஜதீ: ॥ 15 ॥
முமோச ச ஶிலா: ஶைலோ விஶாலா: ஸமன:ஶிலா: ।
மத்⁴யமேனார்சிஷா ஜுஷ்டா தூ⁴மராஜீரிவானல: ॥ 16 ॥
கி³ரிணா பீட்³யமானேன பீட்³யமானானி ஸர்வத: ।
கு³ஹாவிஷ்டானி பூ⁴தானி வினேது³ர்விக்ருதை: ஸ்வரை: ॥ 17 ॥
ஸ மஹாஸத்த்வஸன்னாத:³ ஶைலபீடா³னிமித்தஜ: ।
ப்ருதி²வீம் பூரயாமாஸ தி³ஶஶ்சோபவனானி ச ॥ 18 ॥
ஶிரோபி⁴: ப்ருது²பி⁴: ஸர்பா வ்யக்தஸ்வஸ்திகலக்ஷணை: ।
வமந்த: பாவகம் கோ⁴ரம் த³த³ம்ஶுர்த³ஶனை: ஶிலா: ॥ 19 ॥
தாஸ்ததா³ ஸவிஷைர்த³ஷ்டா: குபிதைஸ்தைர்மஹாஶிலா: ।
ஜஜ்ஜ்வலு: பாவகோத்³தீ³ப்தா பி³பி⁴து³ஶ்ச ஸஹஸ்ரதா⁴ ॥ 2௦ ॥
யானி சௌஷதஜ⁴ாலானி தஸ்மின் ஜாதானி பர்வதே ।
விஷக்⁴னான்யபி நாகா³னாம் ந ஶேகு: ஶமிதும் விஷம் ॥ 21 ॥
பி⁴த்³யதேயம் கி³ரிர்பூ⁴தைரிதி மத்த்வா தபஸ்வின: ।
த்ரஸ்தா வித்³யாத⁴ராஸ்தஸ்மாது³த்பேது: ஸ்த்ரீ க³ணை: ஸஹ ॥ 22 ॥
பானபூ⁴மிக³தம் ஹித்வா ஹைமமாஸவபா⁴ஜனம் ।
பாத்ராணி ச மஹார்ஹாணி கரகாம்ஶ்ச ஹிரண்மயான் ॥ 23 ॥
லேஹ்யானுச்சாவசான் ப⁴க்ஷ்யான் மாம்ஸானி விவிதா⁴னி ச ।
ஆர்ஷபா⁴ணி ச சர்மாணி க²ட³கா³ம்ஶ்ச கனகத்ஸரூன் ॥ 24 ॥
க்ருதகண்ட²கு³ணா: க்ஷீபா³ ரக்தமால்யானுலேபனா: ।
ரக்தாக்ஷா: புஷ்கராக்ஷாஶ்ச க³க³னம் ப்ரதிபேதி³ரே ॥ 25 ॥
ஹாரனூபுரகேயூரபாரிஹார்யத⁴ரா: ஸ்த்ரிய: ।
விஸ்மிதா: ஸஸ்மிதாஸ்தஸ்து²ராகாஶே ரமணை: ஸஹ ॥ 26 ॥
த³ர்ஶயந்தோ மஹாவித்³யாம் வித்³யாத⁴ரமஹர்ஷய: ।
ஸஹிதாஸ்தஸ்து²ராகாஶே வீக்ஷாஞ்சக்ருஶ்ச பர்வதம் ॥ 27 ॥
ஶுஶ்ருவுஶ்ச ததா³ ஶப்³த³ம்ருஷீணாம் பா⁴விதாத்மனாம் ।
சாரணானாம் ச ஸித்³தா⁴னாம் ஸ்தி²தானாம் விமலேம்ப³ரே ॥ 28 ॥
ஏஷ பர்வதஸங்காஶோ ஹனுமான் மாருதாத்மஜ: ।
திதீர்ஷதி மஹாவேக³ஸ்ஸமுத்³ரம் மகராலயம் ॥ 29 ॥
ராமார்த²ம் வானரார்த²ம் ச சிகீர்ஷன் கர்ம து³ஷ்கரம் ।
ஸமுத்³ரஸ்ய பரம் பாரம் து³ஷ்ப்ராபம் ப்ராப்துமிச்ச²தி ॥ 3௦ ॥
இதி வித்³யாத⁴ரா: ஶ்ருத்வா வசஸ்தேஷாம் மஹாத்மனாம் ।
தமப்ரமேயம் த³த்³ருஶு: பர்வதே வானரர்ஷப⁴ம் ॥ 31 ॥
து³து⁴வே ச ஸ ரோமாணி சகம்பே சாசலோபம: ।
நனாத³ ஸுமஹானாத³ம் ஸுமஹானிவ தோயத:³ ॥ 32 ॥
ஆனுபூர்வ்யேண வ்ருத்தம் ச லாங்கூ³லம் லோமபி⁴ஶ்சிதம் ।
உத்பதிஷ்யன் விசிக்ஷேப பக்ஷிராஜ இவோரக³ம் ॥ 33 ॥
தஸ்ய லாங்கூ³லமாவித்³த⁴மாத்தவேக³ஸ்ய ப்ருஷ்ட²த: ।
த³த்³ருஶே க³ருடே³னேவ ஹ்ரியமாணோ மஹோரக:³ ॥ 34 ॥
பா³ஹூ ஸம்ஸ்தம்ப⁴யாமாஸ மஹாபரிக⁴ஸன்னிபௌ⁴ ।
ஸஸாத³ ச கபி: கட்யாம் சரணௌ ஸஞ்சுகோச ச ॥ 35 ॥
ஸம்ஹ்ருத்ய ச பு⁴ஜௌ ஶ்ரீமாம்ஸ்ததை²வ ச ஶிரோத⁴ராம் ।
தேஜ: ஸத்த்வம் ததா² வீர்யமாவிவேஶ ஸ வீர்யவான் ॥ 36 ॥
மார்க³மாலோகயந்தூ³ராதூ³ர்த்⁴வம் ப்ரணிஹிதேக்ஷண: ।
ருரோத⁴ ஹ்ருத³யே ப்ராணானாகாஶமவலோகயன் ॥ 37 ॥
பத்³ப்⁴யாம் த்³ருட⁴மவஸ்தா²னம் க்ருத்வா ஸ கபிகுஞ்ஜர: ।
நிகுஞ்ச்ய கர்ணௌ ஹனுமானுத்பதிஷ்யன் மஹாப³ல: ।
வானரான் வானரஶ்ரேஷ்ட² இத³ம் வசனமப்³ரவீத் ॥ 38 ॥
யதா² ராக⁴வனிர்முக்த: ஶர: ஶ்வஸனவிக்ரம: ।
க³ச்சே²த்தத்³வத்³க³மிஷ்யாமி லங்காம் ராவணபாலிதாம் ॥ 39 ॥
ந ஹி த்³ரக்ஷ்யாமி யதி³ தாம் லங்காயாம் ஜனகாத்மஜாம் ।
அனேனைவ ஹி வேகே³ன க³மிஷ்யாமி ஸுராலயம் ॥ 4௦ ॥
யதி³ வா த்ரிதி³வே ஸீதாம் ந த்³ரக்ஷ்யாம்யக்ருதஶ்ரம: ।
ப³த்³த்⁴வா ராக்ஷஸராஜானமானயிஷ்யாமி ராவணம் ॥ 41 ॥
ஸர்வதா² க்ருதகார்யோஹமேஷ்யாமி ஸஹ ஸீதயா ।
ஆனயிஷ்யாமி வா லங்காம் ஸமுத்பாட்ய ஸராவணாம் ॥ 42 ॥
ஏவமுக்த்வா து ஹனுமான்வானரான்வானரோத்தம: ॥ 43 ॥
உத்பபாதாத² வேகே³ன வேக³வானவிசாரயன் ।
ஸுபர்ணமிவ சாத்மானம் மேனே ஸ கபிகுஞ்ஜர: ॥ 44 ॥
ஸமுத்பததி தஸ்மிம்ஸ்து வேகா³த்தே நக³ரோஹிண: ।
ஸம்ஹ்ருத்ய விடபான் ஸர்வான் ஸமுத்பேது: ஸமந்தத: ॥ 45 ॥
ஸ மத்தகோயஷ்டிமகான் பாத³பான் புஷ்பஶாலின: ।
உத்³வஹன்னூருவேகே³ன ஜகா³ம விமலேம்ப³ரே ॥ 46 ॥
ஊருவேகோ³த்³த⁴தா வ்ருக்ஷா முஹூர்தம் கபிமன்வயு: ।
ப்ரஸ்தி²தம் தீ³ர்க⁴மத்⁴வானம் ஸ்வப³ந்து⁴மிவ பா³ந்த⁴வா: ॥ 47 ॥
தமூருவேகோ³ன்மதி²தா: ஸாலாஶ்சான்யே நகோ³த்தமா: ।
அனுஜக்³முர்ஹனூமந்தம் ஸைன்யா இவ மஹீபதிம் ॥ 48 ॥
ஸுபுஷ்பிதாக்³ரைர்ப³ஹுபி⁴: பாத³பைரன்வித: கபி: ।
ஹனுமான் பர்வதாகாரோ ப³பூ⁴வாத்³பு⁴தத³ர்ஶன: ॥ 49 ॥
ஸாரவந்தோத² யே வ்ருக்ஷா ந்யமஜ்ஜன் லவணாம்ப⁴ஸி ।
ப⁴யாதி³வ மஹேந்த்³ரஸ்ய பர்வதா வருணாலயே ॥ 5௦ ॥
ஸ நானாகுஸுமை: கீர்ண: கபி: ஸாங்குரகோரகை: ।
ஶுஶுபே⁴ மேக⁴ஸங்காஶ: க²த்³யோதைரிவ பர்வத: ॥ 51 ॥
விமுக்தாஸ்தஸ்ய வேகே³ன முக்த்வா புஷ்பாணி தே த்³ருமா: ।
அவஶீர்யந்த ஸலிலே நிவ்ருத்தா: ஸுஹ்ருதோ³ யதா² ॥ 52 ॥
லகு⁴த்வேனோபபன்னம் தத்³விசித்ரம் ஸாக³ரேபதத் ।
த்³ருமாணாம் விவித⁴ம் புஷ்பம் கபிவாயுஸமீரிதம் ॥ 53 ॥
தாராசிதமிவாகாஶம் ப்ரப³பௌ⁴ ஸ மஹார்ணவ: ।
புஷ்பௌகே⁴ணானுப³த்³தே⁴ன நானாவர்ணேன வானர: ।
ப³பௌ⁴ மேக⁴ இவாகாஶே வித்³யுத்³க³ண விபூ⁴ஷித: ॥ 54 ॥
தஸ்ய வேக³ஸமாதூ⁴தை: புஷ்பைஸ்தோயமத்³ருஶ்யத ॥ 55 ॥
தாராபி⁴ரபி⁴ராமாபி⁴ருதி³தாபி⁴ரிவாம்ப³ரம் ।
தஸ்யாம்ப³ரக³தௌ பா³ஹூ த³த்³ருஶாதே ப்ரஸாரிதௌ ॥ 56 ॥
பர்வதாக்³ராத்³வினிஷ்க்ராந்தௌ பஞ்சாஸ்யாவிவ பன்னகௌ³ ।
பிப³ன்னிவ ப³பௌ⁴ சாபி ஸோர்மிமாலம் மஹார்ணவம் ॥ 57 ॥
பிபாஸுரிவ சாகாஶம் த³த்³ருஶே ஸ மஹாகபி: ।
தஸ்ய வித்³யுத்ப்ரபா⁴காரே வாயுமார்கா³னுஸாரிண: ॥ 58 ॥
நயனே விப்ரகாஶேதே பர்வதஸ்தா²விவானலௌ ।
பிங்கே³ பிங்கா³க்ஷமுக்²யஸ்ய ப்³ருஹதீ பரிமண்ட³லே ॥ 59 ॥
சக்ஷுஷீ ஸம்ப்ராகாஶேதே சந்த்³ரஸூர்யாவிவோதி³தௌ ।
முக²ம் நாஸிகயா தஸ்ய தாம்ரயா தாம்ரமாப³பௌ⁴ ॥ 6௦ ॥
ஸந்த்⁴யயா ஸமபி⁴ஸ்ப்ருஷ்டம் யதா² தத்ஸூர்யமண்ட³லம் ।
லாங்கூ³லம் ச ஸமாவித்³த⁴ம் ப்லவமானஸ்ய ஶோப⁴தே ॥ 61 ॥
அம்ப³ரே வாயுபுத்ரஸ்ய ஶக்ரத்⁴வஜ இவோச்ச்²ரிதம் ।
லாங்கூ³லசக்ரேண மஹான் ஶுக்லத³ம்ஷ்ட்ரோனிலாத்மஜ: ॥ 62 ॥
வ்யரோசத மஹாப்ராஜ்ஞ: பரிவேஷீவ பா⁴ஸ்கர: ।
ஸ்பி²க்³தே³ஶேனாபி⁴தாம்ரேண ரராஜ ஸ மஹாகபி: ॥ 63 ॥
மஹதா தா³ரிதேனேவ கி³ரிர்கை³ரிகதா⁴துனா ।
தஸ்ய வானரஸிம்ஹஸ்ய ப்லவமானஸ்ய ஸாக³ரம் ॥ 64 ॥
கக்ஷாந்தரக³தோ வாயுர்ஜீமூத இவ க³ர்ஜதி ।
கே² யதா² நிபதத்யுல்கா ஹ்யுத்தராந்தாத்³வினி:ஸ்ருதா ॥ 65 ॥
த்³ருஶ்யதே ஸானுப³ந்தா⁴ ச ததா² ஸ கபிகுஞ்ஜர: ।
பதத்பதங்க³ஸங்காஶோ வ்யாயத: ஶுஶுபே⁴ கபி: ॥ 66 ॥
ப்ரவ்ருத்³த⁴ இவ மாதங்க:³ கக்ஷ்யயா ப³த்⁴யமானயா ।
உபரிஷ்டாச்ச²ரீரேண சா²யயா சாவகா³ட⁴யா ॥ 67 ॥
ஸாக³ரே மாருதாவிஷ்டா நௌரிவாஸீத்ததா³ கபி: ।
யம் யம் தே³ஶம் ஸமுத்³ரஸ்ய ஜகா³ம ஸ மஹாகபி: ।
ஸ ஸ தஸ்யோருவேகே³ன ஸோன்மாத³ இவ லக்ஷ்யதே ॥ 68 ॥
ஸாக³ரஸ்யோர்மிஜாலானாமுரஸா ஶைலவர்ஷ்மணாம் ।
அபி⁴க்⁴னம்ஸ்து மஹாவேக:³ புப்லுவே ஸ மஹாகபி: ॥ 69 ॥
கபிவாதஶ்ச ப³லவான் மேக⁴வாதஶ்ச நி:ஸ்ருத: ।
ஸாக³ரம் பீ⁴மனிர்கோ⁴ஷம் கம்பயாமாஸதுர்ப்⁴ருஶம் ॥ 7௦ ॥
விகர்ஷன்னூர்மிஜாலானி ப்³ருஹந்தி லவணாம்ப⁴ஸி ।
புப்லுவே கபிஶார்தூ³லோ விகிரன்னிவ ரோத³ஸீ ॥ 71 ॥
மேருமந்த³ரஸங்காஶானுத்³த⁴தான் ஸ மஹார்ணவே ।
அத்யக்ராமன்மஹாவேக³ஸ்தரங்கா³ன் க³ணயன்னிவ ॥ 72 ॥
தஸ்ய வேக³ஸமுத்³தூ⁴தம் ஜலம் ஸஜலத³ம் ததா³ ।
அம்ப³ரஸ்த²ம் விப³ப்⁴ராஜ ஶாரதா³ப்⁴ரமிவாததம் ॥ 73 ॥
திமினக்ரஜ²ஷா: கூர்மா த்³ருஶ்யந்தே விவ்ருதாஸ்ததா³ ।
வஸ்த்ராபகர்ஷணேனேவ ஶரீராணி ஶரீரிணாம் ॥ 74 ॥
ப்லவமானம் ஸமீக்ஷ்யாத² பு⁴ஜங்கா³: ஸாக³ராலயா: ।
வ்யோம்னி தம் கபிஶார்தூ³லம் ஸுபர்ண இதி மேனிரே ॥ 75 ॥
த³ஶயோஜனவிஸ்தீர்ணா த்ரிம்ஶத்³யோஜனமாயதா ।
சா²யா வானரஸிம்ஹஸ்ய ஜலே சாருதராப⁴வத் ॥ 76 ॥
ஶ்வேதாப்⁴ரக⁴னராஜீவ வாயுபுத்ரானுகா³மினீ ।
தஸ்ய ஸா ஶுஶுபே⁴ சா²யா விததா லவணாம்ப⁴ஸி ॥ 77 ॥
ஶுஶுபே⁴ ஸ மஹாதேஜா மஹாகாயோ மஹாகபி: ।
வாயுமார்கே³ நிராலம்பே³ பக்ஷவானிவ பர்வத: ॥ 78 ॥
யேனாஸௌ யாதி ப³லவான் வேகே³ன கபிகுஞ்ஜர: ।
தேன மார்கே³ண ஸஹஸா த்³ரோணீக்ருத இவார்ணவ: ॥ 79 ॥
ஆபாதே பக்ஷிஸங்கா⁴னாம் பக்ஷிராஜ இவ வ்ரஜன் ।
ஹனுமான் மேகஜ⁴ாலானி ப்ரகர்ஷன் மாருதோ யதா² ॥ 8௦ ॥
பாண்டு³ராருணவர்ணானி நீலமாஞ்ஜிஷ்ட²கானி ச ।
கபினாக்ருஷ்யமாணானி மஹாப்⁴ராணி சகாஶிரே ॥ 81 ॥
ப்ரவிஶன்னப்⁴ரஜாலானி நிஷ்பதம்ஶ்ச புன: புன: ।
ப்ரச்ச²ன்னஶ்ச ப்ரகாஶஶ்ச சந்த்³ரமா இவ லக்ஷ்யதே ॥ 82 ॥
ப்லவமானம் து தம் த்³ருஷ்ட்வா ப்லவங்க³ம் த்வரிதம் ததா³ ।
வவர்ஷு: புஷ்பவர்ஷாணி தே³வக³ந்த⁴ர்வதா³னவா: ॥ 83 ॥
ததாப ந ஹி தம் ஸூர்ய: ப்லவந்தம் வானரோத்தமம் ।
ஸிஷேவே ச ததா³ வாயூ ராமகார்யார்த²ஸித்³த⁴யே ॥ 84 ॥
ருஷயஸ்துஷ்டுவுஶ்சைனம் ப்லவமானம் விஹாயஸா ।
ஜகு³ஶ்ச தே³வக³ந்த⁴ர்வா: ப்ரஶம்ஸந்தோ மஹௌஜஸம் ॥ 85 ॥
நாகா³ஶ்ச துஷ்டுவுர்யக்ஷா ரக்ஷாம்ஸி விபு³தா⁴: க²கா³: ।
ப்ரேக்ஷ்ய ஸர்வே கபிவரம் ஸஹஸா விக³தக்லமம் ॥ 86 ॥
தஸ்மின் ப்லவக³ஶார்தூ³லே ப்லவமானே ஹனூமதி ।
இக்ஷ்வாகுகுலமானார்தீ² சிந்தயாமாஸ ஸாக³ர: ॥ 87 ॥
ஸாஹாய்யம் வானரேந்த்³ரஸ்ய யதி³ நாஹம் ஹனூமத: ।
கரிஷ்யாமி ப⁴விஷ்யாமி ஸர்வவாச்யோ விவக்ஷதாம் ॥ 88 ॥
அஹமிக்ஷ்வாகுனாதே²ன ஸக³ரேண விவர்தி⁴த: ।
இக்ஷ்வாகுஸசிவஶ்சாயம் நாவஸீதி³துமர்ஹதி ॥ 89 ॥
ததா² மயா விதா⁴தவ்யம் விஶ்ரமேத யதா² கபி: ॥ 9௦ ॥
ஶேஷம் ச மயி விஶ்ராந்த: ஸுகே²னாதிபதிஷ்யதி ।
இதி க்ருத்வா மதிம் ஸாத்⁴வீம்ஸமுத்³ர ஶ்ச²ன்னமம்ப⁴ஸி ॥ 91 ॥
ஹிரண்யனாப⁴ம் மைனாகமுவாச கி³ரிஸத்தமம் ।
த்வமிஹாஸுரஸங்கா⁴னாம் பாதாலதலவாஸினாம் ॥ 92 ॥
தே³வராஜ்ஞா கி³ரிஶ்ரேஷ்ட² பரிக:⁴ ஸன்னிவேஶித: ।
த்வமேஷாம் ஜாதவீர்யாணாம் புனரேவோத்பதிஷ்யதாம் ॥ 93 ॥
பாதாலஸ்யாப்ரமேயஸ்ய த்³வாரமாவ்ருத்ய திஷ்ட²ஸி ।
திர்யகூ³ர்த்⁴வமத⁴ஶ்சைவ ஶக்திஸ்தே ஶைல வர்தி⁴தும் ॥ 94 ॥
தஸ்மாத்ஸஞ்சோத³யாமி த்வாமுத்திஷ்ட² கி³ரிஸத்தம ।
ஸ ஏஷ கபிஶார்தூ³லஸ்த்வாமுபர்யேதி வீர்யவான் ॥ 95 ॥
ஹனூமான்ராமகார்யார்த²ம் பீ⁴மகர்மா க²மாப்லுத: ।
அஸ்ய ஸாஹ்யம் மயா கார்யமிக்ஷ்வாகுகுலவர்தின: ॥ 96 ॥
மம ஹீக்ஷ்வாகவ: பூஜ்யா: பரம் பூஜ்யதமாஸ்தவ ।
குரு ஸாசிவ்யமஸ்மாகம் ந ந: கார்யமதிக்ரமேத் ॥ 97 ॥
கர்தவ்யமக்ருதம் கார்யம் ஸதாம் மன்யுமுதீ³ரயேத் ।
ஸலிலாதூ³ர்த்⁴வமுத்திஷ்ட² திஷ்ட²த்வேஷ கபிஸ்த்வயி ॥ 98 ॥
அஸ்மாகமதிதி²ஶ்சைவ பூஜ்யஶ்ச ப்லவதாம் வர: ।
சாமீகரமஹானாப⁴ தே³வக³ந்த⁴ர்வஸேவித ॥ 99 ॥
ஹனுமாம்ஸ்த்வயி விஶ்ராந்தஸ்தத: ஶேஷம் க³மிஷ்யதி ।
காகுத்ஸ்த²ஸ்யான்ருஶம்ஸ்யம் ச மைதி²ல்யாஶ்ச விவாஸனம் ॥ 1௦௦ ॥
ஶ்ரமம் ச ப்லவகே³ந்த்³ரஸ்ய ஸமீக்ஷ்யோத்தா²துமர்ஹஸி ।
ஹிரண்யனாபோ⁴ மைனாகோ நிஶம்ய லவணாம்ப⁴ஸ: ॥ 1௦1 ॥
உத்பபாத ஜலாத்தூர்ணம் மஹாத்³ருமலதாயுத: ।
ஸ ஸாக³ரஜலம் பி⁴த்த்வா ப³பூ⁴வாப்⁴யுத்தி²தஸ்ததா³ ॥ 1௦2 ॥
யதா² ஜலத⁴ரம் பி⁴த்த்வா தீ³ப்தரஶ்மிர்தி³வாகர: ।
ஸ மஹாத்மா முஹூர்தேன ஸர்வத: ஸலிலாவ்ருத: ॥ 1௦3 ॥
த³ர்ஶயாமாஸ ஶ்ருங்கா³ணி ஸாக³ரேண நியோஜித: ।
ஆதி³த்யோத³யஸங்காஶைராலிக²த்³பி⁴ரிவாம்ப³ரம் ।
ஶாதகும்ப⁴மயை: ஶ்ருங்கை³: ஸகின்னரமஹோரகை³: ॥ 1௦4 ॥
தப்தஜாம்பூ³னதை³: ஶ்ருங்கை³: பர்வதஸ்ய ஸமுத்தி²தை: ॥ 1௦5 ॥
ஆகாஶம் ஶஸ்த்ரஸங்காஶமப⁴வத்காஞ்சனப்ரப⁴ம் ।
ஜாதரூபமயை: ஶ்ருங்கை³ர்ப்⁴ராஜமானை: ஸ்வயம்ப்ரபை⁴: ॥ 1௦6 ॥
ஆதி³த்யஶதஸங்காஶ: ஸோப⁴வத்³கி³ரிஸத்தம: ।
தமுத்தி²தமஸங்கே³ன ஹனுமானக்³ரத: ஸ்தி²தம் ॥ 1௦7 ॥
மத்⁴யே லவணதோயஸ்ய விக்⁴னோயமிதி நிஶ்சித: ।
ஸ தமுச்ச்²ர்ரதமத்யர்த²ம் மஹாவேகோ³ மஹாகபி: ॥ 1௦8 ॥
உரஸா பாதயாமாஸ ஜீமூதமிவ மாருத: ।
ஸ ததா² பாதிதஸ்தேன கபினா பர்வதோத்தம: ॥ 1௦9 ॥
பு³த்³த்⁴வா தஸ்ய கபேர்வேக³ம் ஜஹர்ஷ ச நனந்த³ ச ।
தமாகாஶக³தம் வீரமாகாஶே ஸமுபஸ்தி²த: ॥ 11௦ ॥
ப்ரீதோ ஹ்ருஷ்டமானா வாக்யமப்³ரவீத்பர்வத: கபிம் ।
மானுஷம் தா⁴ரயன் ரூபமாத்மன: ஶிக²ரே ஸ்தி²த: ॥ 111 ॥
து³ஷ்கரம் க்ருதவான்கர்ம த்வமித³ம் வானரோத்தம ।
நிபத்ய மம ஶ்ருங்கே³ஷு விஶ்ரமஸ்வ யதா²ஸுக²ம் ॥ 112 ॥
ராக⁴வஸ்ய குலே ஜாதைருத³தி⁴: பரிவர்தி⁴த: ।
ஸ த்வாம் ராமஹிதே யுக்தம் ப்ரத்யர்சயதி ஸாக³ர: ॥ 113 ॥
க்ருதே ச ப்ரதிகர்தவ்யமேஷ த⁴ர்ம: ஸனாதன: ।
ஸோயம் த்வத்ப்ரதிகாரார்தீ² த்வத்த: ஸம்மானமர்ஹதி ॥ 114 ॥
த்வன்னிமித்தமனேனாஹம் ப³ஹுமானாத்ப்ரசோதி³த: ।
திஷ்ட² த்வம் கபிஶார்தூ³ல மயி விஶ்ரம்ய க³ம்யதாம் ॥ 115 ॥
தவ ஸானுஷு விஶ்ராந்த: ஶேஷம் ப்ரக்ரமதாமிதி ।
யோஜனானாம் ஶதம் சாபி கபிரேஷ ஸமாப்லுத: ॥ 116 ॥
ததி³த³ம் க³ந்த⁴வத்ஸ்வாது³ கந்த³மூலப²லம் ப³ஹு ।
ததா³ஸ்வாத்³ய ஹரிஶ்ரேஷ்ட² விஶ்ராந்தோனு க³மிஷ்யஸி ॥ 117 ॥
அஸ்மாகமபி ஸம்ப³ந்த:⁴ கபிமுக்²ய த்வயாஸ்தி வை ।
ப்ரக்²யாதஸ்த்ரிஷு லோகேஷு மஹாகு³ணபரிக்³ரஹ: ॥ 118 ॥
வேக³வந்த: ப்லவந்தோ யே ப்லவகா³ மாருதாத்மஜ ।
தேஷாம் முக்²யதமம் மன்யே த்வாமஹம் கபிகுஞ்ஜர ॥ 119 ॥
அதிதி²: கில பூஜார்ஹ: ப்ராக்ருதோபி விஜானதா ।
த⁴ர்மம் ஜிஜ்ஞாஸமானேன கிம் புனஸ்த்வாத்³ருஶோ மஹான் ॥ 12௦ ॥
த்வம் ஹி தே³வவரிஷ்ட²ஸ்ய மாருதஸ்ய மஹாத்மன: ।
புத்ரஸ்தஸ்யைவ வேகே³ன ஸத்³ருஶ: கபிகுஞ்ஜர ॥ 121 ॥
பூஜிதே த்வயி த⁴ர்மஜ்ஞ பூஜாம் ப்ராப்னோதி மாருத: ।
தஸ்மாத்த்வம் பூஜனீயோ மே ஶ்ருணு சாப்யத்ர காரணம் ॥ 122 ॥
பூர்வம் க்ருதயுகே³ தாத பர்வதா: பக்ஷிணோப⁴வன் ।
தே ஹி ஜக்³முர்தி³ஶ: ஸர்வா க³ருடா³னிலவேகி³ன: ॥ 123 ॥
ததஸ்தேஷு ப்ரயாதேஷு தே³வஸங்கா⁴: மஹர்ஷிபி⁴: ।
பூ⁴தானி ச ப⁴யம் ஜக்³முஸ்தேஷாம் பதனஶங்கயா ॥ 124 ॥
தத: க்ருத்³த:⁴ ஸஹஸ்ராக்ஷ: பர்வதானாம் ஶதக்ரது: ।
பக்ஷான் சிச்சே²த³ வஜ்ரேண தத்ர தத்ர ஸஹஸ்ரஶ: ॥ 125 ॥
ஸ மாமுபாக³த: க்ருத்³தோ⁴ வஜ்ரமுத்³யம்ய தே³வராட் ।
ததோஹம் ஸஹஸா க்ஷிப்த: ஶ்வஸனேன மஹாத்மனா ॥ 126 ॥
அஸ்மின்லவணதோயே ச ப்ரக்ஷிப்த: ப்லவகோ³த்தம ।
கு³ப்தபக்ஷஸமக்³ரஶ்ச தவ பித்ராபி⁴ரக்ஷித: ॥ 127 ॥
ததோஹம் மானயாமி த்வாம் மான்யோ ஹி மம மாருத: ।
த்வயா மே ஹ்யேஷ ஸம்ப³ந்த:⁴ கபிமுக்²ய மஹாகு³ண: ॥ 128 ॥
அஸ்மின்னேவங்க³தே கார்யே ஸாக³ரஸ்ய மமைவ ச ।
ப்ரீதிம் ப்ரீதமனா: கர்தும் த்வமர்ஹஸி மஹாகபே ॥ 129 ॥
ஶ்ரமம் மோக்ஷய பூஜாம் ச க்³ருஹாண கபிஸத்தம ।
ப்ரீதிம் ச ப³ஹுமன்யஸ்வ ப்ரீதோஸ்மி தவ த³ர்ஶனாத் ॥ 13௦ ॥
ஏவமுக்த: கபிஶ்ரேஷ்ட²ஸ்தம் நகோ³த்தமமப்³ரவீத் ।
ப்ரீதோஸ்மி க்ருதமாதித்²யம் மன்யுரேஷோபனீயதாம் ॥ 131 ॥
த்வரதே கார்யகாலோ மே அஹஶ்சாப்யதிவர்ததே ।
ப்ரதிஜ்ஞா ச மயா த³த்தா ந ஸ்தா²தவ்யமிஹாந்தரே ॥ 132 ॥
இத்யுக்த்வா பாணினா ஶைலமாலப்⁴ய ஹரிபுங்க³வ: ।
ஜகா³மாகாஶமாவிஶ்ய வீர்யவான் ப்ரஹஸன்னிவ ॥ 133 ॥
ஸ பர்வதஸமுத்³ராப்⁴யாம் ப³ஹுமானாத³வேக்ஷித: ।
பூஜிதஶ்சோபபன்னாபி⁴ராஶீர்பி⁴ரனிலாத்மஜ: ॥ 134 ॥
அதோ²ர்த்⁴வம் தூ³ரமுத்ப்லுத்ய ஹித்வா ஶைலமஹார்ணவௌ ।
பிது: பந்தா²னமாஸ்தா²ய ஜகா³ம விமலேம்ப³ரே ॥ 135 ॥
பூ⁴யஶ்சோர்த்⁴வம் க³திம் ப்ராப்ய கி³ரிம் தமவலோகயன் ।
வாயுஸூனுர்னிராலம்பே³ ஜகா³ம விமலேம்ப³ரே ॥ 136 ॥
தத்³ த்³விதீயம் ஹனுமதோ த்³ருஷ்ட்வா கர்ம ஸுது³ஷ்கரம் ।
ப்ரஶஶம்ஸு: ஸுரா: ஸர்வே ஸித்³தா⁴ஶ்ச பரமர்ஷய: ॥ 137 ॥
தே³வதாஶ்சாப⁴வன் ஹ்ருஷ்டாஸ்தத்ரஸ்தா²ஸ்தஸ்ய கர்மணா ।
காஞ்சனஸ்ய ஸுனாப⁴ஸ்ய ஸஹஸ்ராக்ஷஶ்ச வாஸவ: ॥ 138 ॥
உவாச வசனம் தீ⁴மான் பரிதோஷாத்ஸக³த்³க³த³ம் ।
ஸுனாப⁴ம் பர்வதஶ்ரேஷ்ட²ம் ஸ்வயமேவ ஶசீபதி: ॥ 139 ॥
ஹிரண்யனாப⁴ ஶைலேந்த்³ர பரிதுஷ்டோஸ்மி தே ப்⁴ருஶம் ।
அப⁴யம் தே ப்ரயச்சா²மி திஷ்ட² ஸௌம்ய யதா²ஸுக²ம் ॥ 14௦ ॥
ஸாஹ்யம் க்ருதம் தே ஸுமஹத்³விக்ராந்தஸ்ய ஹனூமத: ।
க்ரமதோ யோஜனஶதம் நிர்ப⁴யஸ்ய ப⁴யே ஸதி ॥ 141 ॥
ராமஸ்யைஷ ஹிதாயைவ யாதி தா³ஶரதே²ர்ஹரி: ।
ஸத்க்ரியாம் குர்வதா தஸ்ய தோஷிதோஸ்மி த்³ருட⁴ம் த்வயா ॥ 142 ॥
தத: ப்ரஹர்ஷமக³மத்³விபுலம் பர்வதோத்தம: ।
தே³வதானாம் பதிம் த்³ருஷ்ட்வா பரிதுஷ்டம் ஶதக்ரதும் ॥ 143 ॥
ஸ வை த³த்தவர: ஶைலோ ப³பூ⁴வாவஸ்தி²தஸ்ததா³ ।
ஹனுமாம்ஶ்ச முஹூர்தேன வ்யதிசக்ராம ஸாக³ரம் ॥ 144 ॥
ததோ தே³வா: ஸக³ந்த⁴ர்வா: ஸித்³தா⁴ஶ்ச பரமர்ஷய: ।
அப்³ருவன் ஸூர்யஸங்காஶாம் ஸுரஸாம் நாக³மாதரம் ॥ 145 ॥
அயம் வாதாத்மஜ: ஶ்ரீமான்ப்லவதே ஸாக³ரோபரி ।
ஹனுமான்னாம தஸ்ய த்வம் முஹூர்தம் விக்⁴னமாசர ॥ 146 ॥
ராக்ஷஸம் ரூபமாஸ்தா²ய ஸுகோ⁴ரம் பர்வதோபமம் ।
த³ம்ஷ்ட்ராகராலம் பிங்கா³க்ஷம் வக்த்ரம் க்ருத்வா நப:⁴ ஸமம் ॥ 147 ॥
ப³லமிச்சா²மஹே ஜ்ஞாதும் பூ⁴யஶ்சாஸ்ய பராக்ரமம் ।
த்வாம் விஜேஷ்யத்யுபாயேன விஷாத³ம் வா க³மிஷ்யதி ॥ 148 ॥
ஏவமுக்தா து ஸா தே³வீ தை³வதைரபி⁴ஸத்க்ருதா ।
ஸமுத்³ரமத்⁴யே ஸுரஸா பி³ப்⁴ரதீ ராக்ஷஸம் வபு: ॥ 149 ॥
விக்ருதம் ச விரூபம் ச ஸர்வஸ்ய ச ப⁴யாவஹம் ।
ப்லவமானம் ஹனூமந்தமாவ்ருத்யேத³முவாச ஹ ॥ 15௦ ॥
மம ப⁴க்ஷ: ப்ரதி³ஷ்டஸ்த்வமீஶ்வரைர்வானரர்ஷப⁴ ।
அஹம் த்வாம் ப⁴க்ஷயிஷ்யாமி ப்ரவிஶேத³ம் மமானநம் ॥ 151 ॥
ஏவமுக்த: ஸுரஸயா ப்ராஞ்ஜலிர்வானரர்ஷப:⁴ ।
ப்ரஹ்ருஷ்டவத³ன: ஶ்ரீமானித³ம் வசனமப்³ரவீத் ॥ 152 ॥
ராமோ தா³ஶரதி²ர்னாம ப்ரவிஷ்டோ த³ண்ட³காவனம் ।
லக்ஷ்மணேன ஸஹ ப்⁴ராத்ரா வைதே³ஹ்யா சாபி பா⁴ர்யயா ॥ 153 ॥
அன்யகார்யவிஷக்தஸ்ய ப³த்³த⁴வைரஸ்ய ராக்ஷஸை: ।
தஸ்ய ஸீதா ஹ்ருதா பா⁴ர்யா ராவணேன யஶஸ்வினீ ॥ 154 ॥
தஸ்யா: ஸகாஶம் தூ³தோஹம் க³மிஷ்யே ராமஶாஸனாத் ।
கர்துமர்ஹஸி ராமஸ்ய ஸாஹ்யம் விஷயவாஸினி ॥ 155 ॥
அத²வா மைதி²லீம் த்³ருஷ்ட்வா ராமம் சாக்லிஷ்டகாரிணம் ।
ஆக³மிஷ்யாமி தே வக்த்ரம் ஸத்யம் ப்ரதிஶ்ருணோமி தே ॥ 156 ॥
ஏவமுக்தா ஹனுமதா ஸுரஸா காமரூபிணீ ।
அப்³ரவீன்னாதிவர்தேன்மாம் கஶ்சிதே³ஷ வரோ மம ॥ 157 ॥
தம் ப்ரயாந்தம் ஸமுத்³வீக்ஷ்ய ஸுரஸா வாக்யமப்³ரவீத் ।
ப³லம் ஜிஜ்ஞாஸமானா வை நாக³மாதா ஹனூமத: ॥ 158 ॥
ப்ரவிஶ்ய வத³னம் மேத்³ய க³ந்தவ்யம் வானரோத்தம ।
வர ஏஷ புரா த³த்தோ மம தா⁴த்ரேதி ஸத்வரா ॥ 159 ॥
வ்யாதா³ய விபுலம் வக்த்ரம் ஸ்தி²தா ஸா மாருதே: புர: ।
ஏவமுக்த: ஸுரஸயா க்ருத்³தோ⁴ வானரபுங்க³வ: ॥ 16௦ ॥
அப்³ரவீத்குரு வை வக்த்ரம் யேன மாம் விஷஹிஷ்யஸே ।
இத்யுக்த்வா ஸுரஸாம் க்ருத்³தோ⁴ த⁴ஶயோஜனமாயதா ॥ 161 ॥
த³ஶயோஜனவிஸ்தாரோ ப³பூ⁴வ ஹனுமாம்ஸ்ததா³ ।
தம் த்³ருஷ்ட்வா மேக⁴ஸங்காஶம் த³ஶயோஜனமாயதம் ॥ 162 ॥
சகார ஸுரஸா சாஸ்யம் விம்ஶத்³யோஜனமாயதம் ।
ஹனுமாம்ஸ்து தத: க்ருத்³த⁴ஸ்த்ரிம்ஶத்³யோஜனமாயத: ॥ 163 ॥
சகார ஸுரஸா வக்த்ரம் சத்வாரிம்ஶத்ததோ²ச்ச்²ரிதம் ।
ப³பூ⁴வ ஹனுமாவனீர: பஞ்சாஶத்³யோஜனோச்ச்²ரித: ॥ 164 ॥
சகார ஸுரஸா வக்த்ரம் ஷஷ்டியோஜனமாயதம் ।
ததை²வ ஹனுமாவனீர: ஸப்ததீயோஜனோச்ச்²ரித: ॥ 165 ॥
சகார ஸுரஸா வக்த்ரமஶீதீயோஜனாயதம் ।
ஹனுமானசலப்ரக்²யோ நவதீயோஜனோச்ச்²ரித: ॥ 166 ॥
சகார ஸுரஸா வக்த்ரம் ஶதயோஜனமாயதம் தவ ஸானுஷு விஶ்ராந்த: ஶேஷம் ப்ரக்ரமதாமிதி ।
தத்³த்³ருஷ்ட்வா வ்யாதி³தம் த்வாஸ்யம் வாயுபுத்ர: ஸுபு³த்³தி⁴மான் ।
தீ³ர்கஜ⁴ிஹ்வம் ஸுரஸயா ஸுகோ⁴ரம் நரகோபமம் ॥ 167 ॥
ஸுஸங்க்ஷிப்யாத்மன: காயம் ப³பூ⁴வாங்கு³ஷ்ட²மாத்ரக: ।
ஸோபி⁴பத்யாஶு தத்³வக்த்ரம் நிஷ்பத்ய ச மஹாப³ல: ।
அந்தரிக்ஷே ஸ்தி²த: ஶ்ரீமானித³ம் வசனமப்³ரவீத் ॥ 168 ॥
ப்ரவிஷ்டோஸ்மி ஹி தே வக்த்ரம் தா³க்ஷாயணி நமோஸ்து தே ।
க³மிஷ்யே யத்ர வைதே³ஹீ ஸத்யம் சாஸீத்³வரஸ்தவ ॥ 169 ॥
தம் த்³ருஷ்ட்வா வத³னான்முக்தம் சந்த்³ரம் ராஹுமுகா²தி³வ ।
அப்³ரவீத்ஸுரஸா தே³வீ ஸ்வேன ரூபேண வானரம் ॥ 17௦ ॥
அர்த²ஸித்³த்⁴யை ஹரிஶ்ரேஷ்ட² க³ச்ச² ஸௌம்ய யதா²ஸுக²ம் ।
ஸமானயஸ்வ வைதே³ஹீம் ராக⁴வேண மஹாத்மனா ॥ 171 ॥
தத்த்ருதீயம் ஹனுமதோ த்³ருஷ்ட்வா கர்ம ஸுது³ஷ்கரம் ।
ஸாது⁴ ஸாத்⁴விதி பூ⁴தானி ப்ரஶஶம்ஸுஸ்ததா³ ஹரிம் ॥ 172 ॥
ஸ ஸாக³ரமனாத்⁴ருஷ்யமப்⁴யேத்ய வருணாலயம் ।
ஜகா³மாகாஶமாவிஶ்ய வேகே³ன க³ருடோ³பம: ॥ 173 ॥
ஸேவிதே வாரிதா⁴ராபி⁴: பதகை³ஶ்ச நிஷேவிதே ।
சரிதே கைஶிகாசார்யைரைராவதனிஷேவிதே ॥ 174 ॥
ஸிம்ஹகுஞ்ஜரஶார்தூ³லபதகோ³ரக³வாஹனை: ।
விமானை: ஸம்பதத்³பி⁴ஶ்ச விமலை: ஸமலங்க்ருதே ॥ 175 ॥
வஜ்ராஶனிஸமாகா⁴தை: பாவகைருபஶோபி⁴தே ।
க்ருதபுண்யைர்மஹாபா⁴கை³: ஸ்வர்கஜ³ித்³பி⁴ரலங்க்ருதே ॥ 176 ॥
வஹதா ஹவ்யமத்யர்த⁴ம் ஸேவிதே சித்ரபா⁴னுனா ।
க்³ரஹனக்ஷத்ரசந்த்³ரார்கதாராக³ண விபூ⁴ஷிதே ॥ 177 ॥
மஹர்ஷிக³ணக³ந்த⁴ர்வனாக³யக்ஷஸமாகுலே ।
விவிக்தே விமலே விஶ்வே விஶ்வாவஸுனிஷேவிதே ॥ 178 ॥
தே³வராஜகஜ³ாக்ராந்தே சந்த்³ரஸூர்யபதே² ஶிவே ।
விதானே ஜீவலோகஸ்ய விததே ப்³ரஹ்மனிர்மிதே ॥ 179 ॥
ப³ஹுஶ: ஸேவிதே வீரைர்வித்³யாத⁴ரக³ணைர்வரை: ।
ஜகா³ம வாயுமார்கே³ து க³ருத்மானிவ மாருதி: ॥ 18௦ ॥
ப்ரத்³ருஶ்யமான: ஸர்வத்ர: ஹனுமான்மாருதாத்மஜ: ।
பே⁴ஜேம்ப³ரம் நிராலம்ப³ம் லம்ப³பக்ஷ இவாத்³ரிராட் ॥ 181 ॥
ப்லவமானம் து தம் த்³ருஷ்ட்வா ஸிம்ஹிகா நாம ராக்ஷஸீ ।
மனஸா சிந்தயாமாஸ ப்ரவ்ருத்³தா⁴ காமரூபிணீ ॥ 182 ॥
அத்³ய தீ³ர்க⁴ஸ்ய காலஸ்ய ப⁴விஷ்யாம்யஹமாஶிதா ।
இத³ம் ஹி மே மஹத்ஸத்த்வம் சிரஸ்ய வஶமாக³தம் ॥ 183 ॥
இதி ஸஞ்சிந்த்ய மனஸா சா²யாமஸ்ய ஸமாக்ஷிபத் ।
சா²யாயாம் க்³ருஹ்யமாணாயாம் சிந்தயாமாஸ வானர: ॥ 184 ॥
ஸமாக்ஷிப்தோஸ்மி ஸஹஸா பங்கூ³க்ருதபராக்ரம: ।
ப்ரதிலோமேன வாதேன மஹானௌரிவ ஸாக³ரே ॥ 185 ॥
திர்யகூ³ர்த்⁴வமத⁴ஶ்சைவ வீக்ஷமாணஸ்தத: கபி: ।
த³த³ர்ஶ ஸ மஹத்ஸத்த்வமுத்தி²தம் லவணாம்ப⁴ஸி ॥ 186 ॥
தத்³த்⁴ருஷ்ட்வா சிந்தயாமாஸ மாருதிர்விக்ருதானநம் ।
கபிராஜேன கதி²தம் ஸத்த்வமத்³பு⁴தத³ர்ஶனம் ॥ 187 ॥
சா²யாக்³ராஹி மஹாவீர்யம் ததி³த³ம் நாத்ர ஸம்ஶய: ।
ஸ தாம் பு³த்³த்⁴வார்த²தத்த்வேன ஸிம்ஹிகாம் மதிமான்கபி: ॥ 188 ॥
வ்யவர்த⁴த மஹாகாய: ப்ராவ்ருஷீவ வலாஹக: ।
தஸ்ய ஸா காயமுத்³வீக்ஷ்ய வர்த⁴மானம் மஹாகபே: ॥ 189 ॥
வக்த்ரம் ப்ரஸாரயாமாஸ பாதாலாந்தரஸன்னிப⁴ம் ।
க⁴னராஜீவ க³ர்ஜந்தீ வானரம் ஸமபி⁴த்³ரவத் ॥ 19௦ ॥
ஸ த³த³ர்ஶ ததஸ்தஸ்யா விவ்ருதம் ஸுமஹன்முக²ம் ।
காயமாத்ரம் ச மேதா⁴வீ மர்மாணி ச மஹாகபி: ॥ 191 ॥
ஸ தஸ்யா விவ்ருதே வக்த்ரே வஜ்ரஸம்ஹனந: கபி: ।
ஸங்க்ஷிப்ய முஹுராத்மானம் நிஷ்பபாத மஹாப³ல: ॥ 192 ॥
ஆஸ்யே தஸ்யா நிமஜ்ஜந்தம் த³த்³ருஶு: ஸித்³த⁴சாரணா: ।
க்³ரஸ்யமானம் யதா² சந்த்³ரம் பூர்ணம் பர்வணி ராஹுணா ॥ 193 ॥
ததஸ்தஸ்யா நகை²ஸ்தீக்ஷ்ணைர்மர்மாண்யுத்க்ருத்ய வானர: ।
உத்பபாதாத² வேகே³ன மன: ஸம்பாதவிக்ரம: ॥ 194 ॥
தாம் து த்³ருஷ்ட்வா ச த்⁴ருத்யா ச தா³க்ஷிண்யேன நிபாத்ய ச ।
ஸ கபிப்ரவரோ வேகா³த்³வவ்ருதே⁴ புனராத்மவான் ॥ 195 ॥
ஹ்ருதஹ்ருத்ஸா ஹனுமதாபபாத விது⁴ராம்ப⁴ஸி ।
தாம் ஹதாம் வானரேணாஶு பதிதாம் வீக்ஷ்ய ஸிம்ஹிகாம் ॥ 196 ॥
பூ⁴தான்யாகாஶசாரீணி தமூசு: ப்லவகோ³த்தமம் ।
பீ⁴மமத்³ய க்ருதம் கர்ம மஹத்ஸத்த்வம் த்வயா ஹதம் ॥ 197 ॥
ஸாத⁴யார்த²மபி⁴ப்ரேதமரிஷ்டம் ப்லவதாம் வர ।
யஸ்ய த்வேதானி சத்வாரி வானரேந்த்³ர யதா² தவ ॥ 198 ॥
த்⁴ருதிர்த்³ருஷ்டிர்மதிர்தா³க்ஷ்யம் ஸ: கர்மஸு ந ஸீத³தி ।
ஸ தை: ஸம்பா⁴வித: பூஜ்ய: ப்ரதிபன்னப்ரயோஜன: ॥ 199 ॥
ஜகா³மாகாஶமாவிஶ்ய பன்னகா³ஶனவத்கபி: ।
ப்ராப்தபூ⁴யிஷ்ட²பாரஸ்து ஸர்வத: ப்ரதிலோகயன் ॥ 2௦௦ ॥
யோஜனானாம் ஶதஸ்யாந்தே வனராஜிம் த³த³ர்ஶ ஸ: ।
த³த³ர்ஶ ச பதன்னேவ விவித⁴த்³ருமபூ⁴ஷிதம் ॥ 2௦1 ॥
த்³வீபம் ஶாகா²ம்ருக³ஶ்ரேஷ்டோ² மலயோபவனானி ச ।
ஸாக³ரம் ஸாக³ரானூபம் ஸாக³ரானூபஜான் த்³ருமான் ॥ 2௦2 ॥
ஸாக³ரஸ்ய ச பத்னீனாம் முக்²யான்யபி விலோகயன் ।
ஸ மஹாமேக⁴ஸங்காஶம் ஸமீக்ஷ்யாத்மானமாத்மவான் ॥ 2௦3 ॥
நிருந்த⁴ந்தமிவாகாஶம் சகார மதிமான் மதிம் ।
காயவ்ருத்³தி⁴ம் ப்ரவேக³ம் ச மம த்³ருஷ்ட்வைவ ராக்ஷஸா: ॥ 2௦4 ॥
மயி கௌதூஹலம் குர்யரிதி மேனே மஹாகபி: ।
தத: ஶரீரம் ஸங்க்ஷிப்ய தன்மஹீத⁴ரஸன்னிப⁴ம் ॥ 2௦5 ॥
புன: ப்ரக்ருதிமாபேதே³ வீதமோஹ இவாத்மவான் ।
தத்³ரூபமதிஸங்க்ஷிப்ய ஹனுமான் ப்ரக்ருதௌ ஸ்தி²த: ॥ 2௦6 ॥
த்ரீன் க்ரமானிவ விக்ரம்ய ப³லிவீர்யஹரோ ஹரி: ।
ஸ சாருனானாவித⁴ரூபதா⁴ரீ பரம் ஸமாஸாத்³ய ஸமுத்³ரதீரம் ।
பரைரஶக்ய: ப்ரதிபன்னரூப: ஸமீக்ஷிதாத்மா ஸமவேக்ஷிதார்த:⁴ ॥ 2௦7 ॥
தத: ஸ லம்ப³ஸ்ய கி³ரே: ஸம்ருத்³தே⁴ விசித்ரகூடே நிபபாத கூடே ।
ஸகேதகோத்³தா³லகனாலிகேரே மஹாத்³ரிகூடப்ரதிமோ மஹாத்மா ॥ 2௦8 ॥
ததஸ்து ஸம்ப்ராப்ய ஸமுத்³ரதீரம் ஸமீக்ஷ்ய லங்காம் கி³ரிவர்யமூர்த்⁴னி ।
கபிஸ்து தஸ்னின்னிபபாத பர்வதே விதூ⁴ய ரூபம் வ்யத²யன்ம்ருக³த்³விஜான் ॥ 2௦9 ॥
ஸ ஸாக³ரம் தா³னவபன்னகா³யுதம் ப³லேன விக்ரம்ய மஹோர்மிமாலினம் ।
நிபத்ய தீரே ச மஹோத³தே⁴ஸ்ததா³ த³த³ர்ஶ லங்காமமராவதீமிவ ॥ 21௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ ப்ரத²மஸ்ஸர்க:³ ॥
