ஶ்ரீமத்³வால்மீகீய ராமாயணே அரண்யகாண்ட³ம் ।
அத² த்³விதீயஸ்ஸர்க:³ ।
க்ருதாதித்²யோத² ராமஸ்து ஸூர்யஸ்யோத³யனம் ப்ரதி ।
ஆம்னத்ற்ய ஸ முனீன்ஸர்வான்வனமேவான்வகா³ஹத ॥ 1 ॥
நானாம்ருக³க³ணாகீர்ணம்ருக்ஷஶார்தூ³ல ஸேவிதம் ।
த்⁴வஸ்தவ்ருக்ஷலதாகு³ல்மம் து³ர்த³ர்ஶஸலிலாஶயம் ॥ 2 ॥
நிஷ்கூஜனானாஶகுனிஜி²ல்லிகாக³ணனாதி³தம் ।
லக்ஷ்மணானுக³தோ ராமோ வனமத்⁴யம் த³த³ர்ஶ ஹ ॥ 3 ॥
ஸீதயா ஸஹ காகுத்ஸ்த²ஸ்தஸ்மினகோ⁴ரம்ருகா³யுதே ।
த³த³ர்ஶ கி³ரிஶ்ருங்கா³ப⁴ம் புருஷாத³ம் மஹாஸ்வனம் ॥ 4 ॥
க³ம்பீ⁴ராக்ஷம் மஹாவக்த்ரம் விகடம் விஷமோத³ரம் ।
பீ³ப⁴த்ஸம் விஷமம் தீ³ர்க⁴ம் விக்ருதம் கோ⁴ரத³ர்ஶனம் ॥ 5 ॥
வஸானம் சர்ம வையாக்⁴ரம் வஸார்த்³ரம் ருதி⁴ரோக்ஷிதம் ।
த்ராஸனம் ஸர்வபூ⁴தானாம் வ்யாதி³தாஸ்யமிவாந்தகம் ॥ 6 ॥
த்ரீன்ஸிம்ஹான்ஶ்சதுரோ வ்யாக்⁴ராந்த்³வௌ வ்ருகௌ ப்ருஷதாந்த³ஶ ।
ஸவிஷாணம் வஸாதி³க்³த⁴ம் கஜ³ஸ்ய ச ஶிரோ மஹத் ।
அவஸஜ்யாயஸே ஶூலே வினத³ந்தம் மஹாஸ்வனம் ॥ 7 ॥
ஸ ராமம் லக்ஷ்மணம் சைவ ஸீதாம் த்³ருஷ்ட்வா ச மைதி²லீம் ।
அப்⁴யதா⁴வத்ஸுஸங்க்ருத்³த:⁴ ப்ரஜா: கால இவாந்தக: ॥ 8 ॥
ஸ க்ருத்வா பை⁴ரவம் நாத³ம் சாலயன்னிவ மேதி³னீம் ।
அங்கேனாதா³ய வைதே³ஹீமபக்ரம்ய ததோப்³ரவீத் ॥ 9 ॥
யுவாம் ஜடாசீரத⁴ரௌ ஸபா⁴ர்யௌ க்ஷீணஜீவிதௌ ।
ப்ரவிஷ்டௌ த³ண்ட³காரண்யம் ஶரசாபாஸிதா⁴ரிணௌ ॥ 1௦ ॥
கத²ம் தாபஸயோர்வாம் ச வாஸ: ப்ரமத³யா ஸஹ ।
அத⁴ர்மசாரிணௌ பாபௌ கௌ யுவாம் முனிதூ³ஷகௌ ॥ 11 ॥
அஹம் வனமித³ம் து³ர்க³ம் விராதோ⁴ நாம ராக்ஷஸ: ।
சராமி ஸாயுதோ⁴ நித்யம்ருஷிமாம்ஸானி ப⁴க்ஷயன் ॥ 12 ॥
இயம் நாரீ வராரோஹா மம பா⁴ர்யா ப⁴விஷ்யதி ।
யுவயோ: பாபயோஶ்சாஹம் பாஸ்யாமி ருதி⁴ரம் ம்ருதே⁴ ॥ 13 ॥
தஸ்யைவம் ப்³ருவதோ து³ஷ்டம் விராத⁴ஸ்ய து³ராத்மன: ।
ஶ்ருத்வா ஸக³ர்விதம் வாக்யம் ஸம்ப்⁴ராந்தா ஜனகாத்மஜா ॥ 14 ॥
ஸீதா ப்ரவேபதோத்³வேகா³த் ப்ராவாதே கத³லீ யதா² ॥ 15 ॥
தாம் த்³ருஷ்ட்வா ராக⁴வ: ஸீதாம் விராதா⁴ங்கக³தாம் ஶுபா⁴ம் ।
அப்³ரவீல்லக்ஷ்மணம் வாக்யம் முகே²ன பரிஶுஷ்யதா ॥ 16 ॥
பஶ்ய ஸௌம்ய நரேந்த்³ரஸ்ய ஜனகஸ்யாத்மஸம்ப⁴வாம் ।
மம பா⁴ர்யாம் ஶுபா⁴சாராம் விராதா⁴ங்கே ப்ரவேஶிதாம் ॥ 17 ॥
அத்யந்தஸுக²ஸம்மவ்ருத்³தா⁴ம் ராஜபுத்ரீம் யஶஸ்வினீம் ।
யத³பி⁴ப்ரேதமஸ்மாஸு ப்ரியம் வரவ்ருதம் ச யத் ॥ 18 ॥
கைகேய்யாஸ்து ஸுஸம்வ்ருத்தம் க்ஷிப்ரமத்³யைவ லக்ஷ்மண ।
யா ந துஷ்யதி ராஜ்யேன புத்ரார்தே² தீ³ர்க⁴த³ர்ஶினீ ॥ 19 ॥
யயாஹம் ஸர்வபூ⁴தானாம் ப்ரிய: ப்ரஸ்தா²பிதோ வனம் ।
அத்³யேதா³னீம் ஸகாமா ஸா யா மாதா மத்⁴யமா மம ॥ 2௦ ॥
பரஸ்பர்ஶாத்து வைதே³ஹ்யா: ந து³:க²தரமஸ்திமே ।
பிதுர்வினாஶாத்ஸௌமித்ரே ஸ்வராஜ்யஹரணாத்ததா² ॥ 21 ॥
இதி ப்³ருவதி காகுத்ஸ்தே² பா³ஷ்பஶோகபரிப்லுதே ।
அப்³ரவீல்லக்ஷ்மண: க்ருத்³தோ⁴ ருத்³தோ⁴ நாக³ இவ ஶ்வஸன் ॥ 22 ॥
அனாத² இவ பூ⁴தானாம் நாத²ஸ்த்வம் வாஸவோபம: ।
மயா ப்ரேஷ்யேண காகுத்ஸ்த² கிமர்த²ம் பரிதப்யஸே ॥ 23 ॥
ஶரேண நிஹதஸ்யாத்³ய மயா க்ருத்³தே⁴ன ரக்ஷஸ: ।
விராத⁴ஸ்ய க³தாஸோர்ஹி மஹீ பாஸ்யதி ஶோணிதம் ॥ 24 ॥
ராஜ்யகாமே மம க்ரோதோ⁴ ப⁴ரதே யோ ப³பூ⁴வ ஹ ।
தம் விராதே⁴ ப்ரமோக்ஷ்யாமி வஜ்ரீ வஜ்ரமிவாசலே ॥ 25 ॥
மம பு⁴ஜப³லவேக³வேகி³த: பதது ஶரோஸ்ய மஹான்மஹோரஸி ।
வ்யபனயது தனோஶ்ச ஜீவிதம் பதது ததஸ்ஸமஹீம் விகூ⁴ர்ணித: ॥ 26 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ த்³விதீயஸ்ஸர்க:³ ॥
