ஶ்ரீமத்³வால்மீகீய ராமாயணே அரண்யகாண்ட³ம் ।
அத² ஏகோனஸப்ததிதமஸ்ஸர்க:³ ।
க்ருத்வைவமுத³கம் தஸ்மை ப்ரஸ்தி²தௌ ராமலக்ஷ்மணௌ ।
அவேக்ஷந்தௌ வனே ஸீதாம் பஶ்சிமாம் ஜக்³மதுர்தி³ஶம் ॥ 1 ॥
தௌ தி³ஶம் த³க்ஷிணாம் க³த்வா ஶரசாபாஸிதா⁴ரிணௌ ।
அவிப்ரஹதமைக்ஷ்வாகௌ பந்தா²னம் ப்ரதிபேத³து: ॥ 2 ॥
கு³ல்மைர்வ்ருக்ஷைஶ்ச ப³ஹுபி⁴ர்லதாபி⁴ஶ்ச ப்ரவேஷ்டிதம் ।
ஆவ்ருதம் ஸர்வதோ து³ர்க³ம் க³ஹனம் கோ⁴ரத³ர்ஶனம் ॥ 3 ॥
வ்யதிக்ரம்ய து வேகே³ன வ்யாலஸிம்ஹனிஷேவிதம் ।
ஸுபீ⁴மம் தன்மஹாரண்யம் வ்யதியாதௌ மஹாப³லௌ ॥ 4 ॥
தத: பரம் ஜனஸ்தா²னாதத்ரிக்ரோஶம் க³ம்ய ராக⁴வௌ ।
க்ரௌஞ்சாரண்யம் விவிஶதுர்க³ஹனம் தௌ மஹௌஜஸௌ ॥ 5 ॥
நானாமேக⁴க⁴னப்ரக்²யம் ப்ரஹ்ருஷ்டமிவ ஸர்வத: ।
நானாபக்ஷிக³ணைர்யுக்தம் நானாவ்யாலம்ருகை³ர்யுதம் ॥ 6 ॥
தி³த்³ருக்ஷமாணௌ வைதே³ஹீம் தத்³வனம் தௌ விசிக்யது: ।
தத்ர தத்ராவதிஷ்ட²ந்தௌ ஸீதாஹரணகர்ஶிதௌ ॥ 7 ॥
தத: பூர்வேண தௌ க³த்வா த்ரிக்ரோஶம் ப்⁴ராதரௌ ததா³ ।
க்ரௌஞ்சாரண்யமதிக்ரம்ய மதங்கா³ஶ்ரமமந்தரா ॥ 8 ॥
த்³ருஷ்ட்வா து தத்³வனம் கோ⁴ரம் ப³ஹுபீ⁴மம்ருக³த்³விஜம் ।
நனாஸத்த்வஸமாகீர்ணம் ஸர்வம் க³ஹனபாத³பம் ॥ 9 ॥
த³த்³ருஶாதே து தௌ தத்ர த³ரீம் த³ஶரதா²த்மஜௌ ।
பாதாலஸமக³ம்பீ⁴ராம் தமஸா நித்யஸம்வ்ருதாம் ॥ 1௦ ॥
ஆஸாத்³ய தௌ நரவ்யாக்⁴ரௌ த³ர்யாஸ்தஸ்யாவிதூ³ரத: ।
த³த்³ருஶாதே மஹாரூபாம் ராக்ஷஸீம் விக்ருதானநாம் ॥ 11 ॥
ப⁴யதா³மல்பஸத்த்வானாம் பீ³ப⁴த்ஸாம் ரௌத்³ரத³ர்ஶனாம் ।
லம்போ³த³ரீம் தீக்ஷ்ணத³ம்ஷ்ட்ராம் கராலீம் பருஷத்வசம் ॥ 12 ॥
ப⁴க்ஷயந்தீம் ம்ருகா³ன்பீ⁴மான்விகடாம் முக்தமூர்தஜ⁴ாம் ।
ப்ரைக்ஷேதாம் தௌ ததஸ்தத்ர ப்⁴ராதரௌ ராமலக்ஷ்மணௌ ॥ 13 ॥
ஸா ஸமாஸாத்³ய தௌ வீரௌ வ்ரஜந்தம் ப்⁴ராதுரக்³ரத: ।
ஏஹி ரம்ஸ்யாவஹேத்யுக்த்வா ஸமாலம்ப³த லக்ஷ்மணம் ॥ 14 ॥
உவாச சைனம் வசனம் ஸௌமித்ரிமுபகூ³ஹ்ய ஸா ।
அஹம் த்வயோமுகீ² நாம லப்³தா⁴ தே த்வமஸி ப்ரிய: ॥ 15 ॥
நாத² பர்வதகூடேஷு நதீ³னாம் புலினேஷு ச ।
ஆயுஶ்ஶேஷமிமம் வீர த்வம் மயா ஸஹ ரம்ஸ்யஸே ॥ 16 ॥
ஏவமுக்தஸ்து குபித: க²ட்³க³முத்³த்⁴ருத்ய லக்ஷ்மண: ।
கர்ணனாஸாஸ்தனம் தஸ்யா நிசகர்தாரிஸூத³ன: ॥ 17 ॥
கர்ணனாஸே நிக்ருத்தே து விஸ்வரம் ஸா வினத்³ய ச ।
யதா²க³தம் ப்ரது³த்³ராவ ராக்ஷஸீ பீ⁴மத³ர்ஶனா ॥ 18 ॥
தஸ்யாம் க³தாயாம் க³ஹனம் வ்ரஜந்தௌ வனமோஜஸா ।
ஆஸேத³துரமித்ரக்⁴னௌ ப்⁴ராதரௌ ராமலக்ஷ்மணௌ ॥ 19 ॥
லக்ஷ்மணஸ்து மஹாதேஜாஸ்ஸத்த்வவான் ஶீலவான் ஶுசி: ।
அப்³ரவீத்ப்ராஞ்ஜலிர்வாக்யம் ப்⁴ராதரம் தீ³ப்ததேஜஸம் ॥ 2௦ ॥
ஸ்பந்த³தே ச த்³ருட⁴ம் பா³ஹுருத்³விக்³னமிவ மே மன: ।
ப்ராயஶஶ்சாப்யனிஷ்டானி நிமித்தான்யுபலக்ஷயே ॥ 21 ॥
தஸ்மாத்ஸஜ்ஜீப⁴வார்ய த்வம் குருஷ்வ வசனம் ஹிதம் ।
மமைவ ஹி நிமித்தானி ஸத்³யஶ்ஶம்ஸந்தி ஸம்ப்⁴ரமம் ॥ 22 ॥
ஏஷ வஞ்சுலகோ நாம பக்ஷீ பரமதா³ருண: ।
ஆவயோர்விஜயம் யுத்³தே⁴ ஶம்ஸன்னிவ வினர்த³தி ॥ 23 ॥
தயோரன்வேஷதோரேவம் ஸர்வம் தத்³வனமோஜஸா ।
ஸஞ்ஜஜ்ஞே விபுல: ஶப்³தோ³ ப்ரப⁴ஞ்ஜன்னிவ தத்³வனம் ॥ 24 ॥
ஸம்வேஷ்டிதமிவாத்யர்த²ம் க³க³னம் மாதரிஶ்வனா ।
வனஸ்ய தஸ்ய ஶப்³தோ³பூ⁴த்³தி³வமாபூரயன்னிவ ॥ 25 ॥
தம் ஶப்³த³ம் காங்க்ஷமாணஸ்து ராம: கக்ஷே ஸஹானுஜ: ।
த³த³ர்ஶ ஸுமஹாகாயம் ராக்ஷஸம் விபுலோத³ரம் ॥ 26 ॥
ஆஸேத³துஸ்ததஸ்தத்ர தாவுபௌ⁴ ப்ரமுகே² ஸ்தி²தம் ।
விவ்ருத்³த⁴மஶிரோக்³ரீவம் கப³ந்த⁴முத³ரே முக²ம் ॥ 27 ॥
ரோமபி⁴ர்னிசிதைஸ்தீக்ஷ்ணைர்மஹாகி³ரிமிவோச்²ரிதம் ।
நீலமேக⁴னிப⁴ம் ரௌத்³ரம் மேக⁴ஸ்தனிதனிஸ்வனம் ॥ 28 ॥
அக்³னிஜ்வாலானிகாஶேன லலாடஸ்தே²ன தீ³ப்யதா ।
மஹாபக்ஷ்மேண பிங்கே³ன விபுலேனாயதேன ச ॥ 29 ॥
ஏகேனோரஸி கோ⁴ரேண நயனேனாஶுத³ர்ஶினா ।
மஹாத³ம்ஷ்ட்ரோபபன்னம் தல்லேலிஹானம் மஹாமுக²ம் ॥ 3௦ ॥
ப⁴க்ஷயந்தம் மஹாகோ⁴ரான்ருக்ஷஸிம்ஹம்ருக³த்³விபான் ।
கோ⁴ரௌ பு⁴ஜௌ விகுர்வாணமுபௌ⁴ யோஜனமாயதௌ ॥ 31 ॥
கராப்⁴யாம் விவிதா⁴ன்க்³ருஹ்யருக்ஷான்பக்ஷிக³ணான்ம்ருகா³ன் ।
ஆகர்ஷந்தம் விகர்ஷந்தமனேகான்ம்ருக³யூத²பான் ॥ 32 ॥
ஸ்தி²தமாவ்ருத்ய பந்தா²னம் தயோர்ப்⁴ராத்ரோ: ப்ரபன்னயோ: ।
அத² தௌ ஸமபி⁴க்ரம்ய க்ரோஶமாத்ரே த³த³ர்ஶது: ॥ 33 ॥
மஹாந்தம் தா³ருணம் பீ⁴மம் கப³ந்த⁴ம் பு⁴ஜஸம்வ்ரும் ।
கப³ந்த⁴மிவ ஸம்ஸ்தா²னாத³திகோ⁴ரப்ரத³ர்ஶனம் ॥ 34 ॥
ஸ மஹாபா³ஹுரத்யர்த²ம் ப்ரஸார்ய விபுலௌ பு⁴ஜௌ ।
ஜக்³ராஹ ஸஹிதாவேவ ராக⁴வௌ பீட³யன்ப³லாத் ॥ 35 ॥
க²ட்³கி³னௌ த்³ருட⁴த⁴ன்வானௌ திக்³மதேஜோவபுர்த⁴ரௌ ।
ப்⁴ராதரௌ விவஶம் ப்ராப்தௌ க்ருஷ்யமாணௌ மஹாப³லௌ ॥ 36 ॥
தத்ர தை⁴ர்யேண ஶூரஸ்து ராக⁴வோ நைவ விவ்யதே² ।
பா³ல்யாத³னாஶ்ரயத்வாச்ச லக்ஷ்மணஸ்த்வதிவிவ்யதே² ॥ 37 ॥
உவாச ஸ விஷண்ணஸ்ஸன்ராக⁴வம் ராக⁴வானுஜ: ।
பஶ்ய மாம் வீர விவஶம் ராக்ஷஸஸ்ய வஶம் க³தம் ॥ 38 ॥
மயைகேன வினிர்யுக்த: பரிமுஞ்சஸ்வ ராக⁴வ ।
மாம் ஹி பூ⁴தப³லிம் த³த்வா பலாயஸ்வ யதா²ஸுக²ம் ॥ 39 ॥
அதி⁴க³ந்தாஸி வைதே³ஹீமசிரேணேதி மே மதி: ।
ப்ரதிலப்⁴ய ச காகுத்ஸ்த² பித்ருபைதாமஹீம் மஹீம் ॥ 4௦ ॥
தத்ர மாம் ராம ராஜ்யஸ்த²ஸ்ஸ்மர்துமர்ஹஸி ஸர்வதா³ ।
லக்ஷ்மணேனைவமுக்தஸ்து ராமஸ்ஸௌமித்ரிமப்³ரவீத் ॥ 41 ॥
மா ஸ்ம த்ராஸம் க்ருதா² வீர ந ஹி த்வாத்³ருக்³விஷீத³தி ।
ஏதஸ்மின்னந்தரே க்ரூரோ ப்⁴ராதரௌ ராமலக்ஷ்மணௌ ॥ 42 ॥
பப்ரச்ச² க⁴னநிர்கோ⁴ஷ: கப³ந்தோ⁴ தா³னவோத்தம: ।
கௌ யுவாம் வ்ருஷப⁴ஸ்கந்தௌ⁴ மஹாக²ட்³க³த⁴னுர்த⁴ரௌ ॥ 43 ॥
கோ⁴ரம் தே³ஶமிமம் ப்ராப்தௌ மம ப⁴க்ஷாவுபஸ்தி²தௌ ।
வத³தம் கார்யமிஹ வாம் கிமர்த²ம் சாக³தௌ யுவாம் ॥ 44 ॥
இமம் தே³ஶமனுப்ராப்தௌ க்ஷுதா⁴ர்தஸ்யேஹ திஷ்ட²த: ।
ஸபா³ணசாபக²ட்³கௌ³ ச தீக்ஷ்ணஶ்ருங்கா³விவர்ஷபௌ⁴ ॥ 45 ॥
மமாஸ்யமனுஸம்ப்ராப்தௌ து³ர்லப⁴ம் ஜீவிதம் புன: ।
தஸ்ய தத்³வசனம் ஶ்ருத்வா கப³ந்த⁴ஸ்ய து³ராத்மன: ॥ 46 ॥
உவாச லக்ஷ்மணம் ராமோ முகே²ன பரிஶுஷ்யதா ।
க்ருச்ச்²ராத் க்ருச்ச்²ரதரம் ப்ராப்ய தா³ருணம் ஸத்யவிக்ரம: ॥ 47 ॥
வ்யஸனம் ஜீவிதாந்தாய ப்ராப்தமப்ராப்ய தாம் ப்ரியாம் ।
காலஸ்ய ஸுமஹத்³வீர்யம் ஸர்வபூ⁴தேஷு லக்ஷ்மண ॥ 48 ॥
த்வாம் ச மாம் ச நரவ்யாக்⁴ர வ்யஸனை: பஶ்ய மோஹிதௌ ।
நாதிபா⁴ரோஸ்தி காலஸ்ய ஸர்வபூ⁴தேஷு லக்ஷ்மண ॥ 49 ॥
ஶூராஶ்ச ப³லவந்தஶ்ச க்ருதாஸ்த்ராஶ்ச ரணாஜிரே ।
காலாபி⁴பன்னாஸ்ஸீத³ந்தி யதா² வாலுகஸேதவ: ॥ 5௦ ॥
இதி ப்³ருவாணோ த்³ருட⁴ஸத்யவிக்ரமோ மஹாயஶா தா³ஶரதி²: ப்ரதாபவான் ।
அவேக்ஷ்ய ஸௌமித்ரிமுத³க்³ரபௌருஷம் ஸ்தி²ராம் ததா³ ஸ்வாம் மதிமாத்மனாகரோத் ॥ 51 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ ஏகோனஸப்ததிதமஸ்ஸர்க:³ ॥
