ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² அஷ்டாவிம்ஶஸ்ஸர்க:³ ।
ஸ ஏவம் ப்³ருவதீம் ஸீதாம் த⁴ர்மஜ்ஞோ த⁴ர்மவத்ஸல: ।
ந நேதும் குருதே பு³த்³தி⁴ம் வனே து³:கா²னி சிந்தயன் ॥ 1 ॥
ஸாந்த்வயித்வா புனஸ்தாம் து பா³ஷ்பதூ³ஷிதலோசனாம் ।
நிவர்தனார்தே² த⁴ர்மாத்மா வாக்யமேதது³வாச ஹ ॥ 2 ॥
ஸீதே மஹாகுலீனாஸி த⁴ர்மே ச நிரதா ஸதா³ ।
இஹாசர ஸ்வத⁴ர்மம் த்வம் மே யதா² மனஸஸ்ஸுக²ம் ॥ 3 ॥
ஸீதே யதா² த்வாம் வக்ஷ்யாமி ததா² கார்யம் த்வயாப³லே ।
வனே ஹி ப³ஹவோ தோ³ஷா வத³தஸ்தான்னிபோ³த⁴ மே ॥ 4 ॥
ஸீதே விமுச்யதாமேஷா வனவாஸக்ருதா மதி: ।
ப³ஹுதோ³ஷம் ஹி காந்தாரம் வனமித்யபி⁴தீ⁴யதே ॥ 5 ॥
ஹிதபு³த்³த்⁴யா க²லு வசோ மயைதத³பி⁴தீ⁴யதே ।
ஸதா³ ஸுக²ம் ந ஜானாமி து³:க²மேவ ஸதா³ வனம் ॥ 6 ॥
கி³ரினிர்ஜ²ரஸம்பூ⁴தா கி³ரிகந்த³ர வாஸினாம் ।
ஸிம்ஹானாம் நினதா³ து³:கா² ஶ்ஶ்ரோதும் து³:க²மதோ வனம் ॥ 7 ॥
க்ரீட³மானாஶ்ச விஸ்ரப்³தா⁴ மத்தா ஶ்ஶூன்யே மஹாம்ருகா³: ।
த்³ருஷ்ட்வா ஸமபி⁴வர்தந்தே ஸீதே து³:க²மதோ வனம் ॥ 8 ॥
ஸக்³ராஹா ஸ்ஸரிதஶ்சைவ பங்கவத்யஸ்ஸு து³ஸ்தரா: ।
மத்தைரபி கஜ³ைர்னித்யமதோ து³:க²தரம் வனம் ॥ 9 ॥
லதாகண்டகஸங்கீர்ணா: க்ருகவாகூபனாதி³தா: ।
நிரபாஶ்ச ஸுது³ர்கா³ஶ்ச மார்கா³ து³:க²மதோ வனம் ॥ 1௦ ॥
ஸுப்யதே பர்ணஶய்யாஸு ஸ்வயம் ப⁴க்³னாஸு பூ⁴தலே ।
ராத்ரிஷு ஶ்ரமகி²ன்னேன தஸ்மாத்³து³:க²தரம் வனம் ॥ 11 ॥
அஹோராத்ரம் ச ஸந்தோஷ: கர்தவ்யோ நியதாத்மனா ।
ப²லைர்வ்ருக்ஷாவபதிதை ஸ்ஸீதே து³:க²மதோ வனம் ॥ 12 ॥
உபவாஸஶ்ச கர்தவ்யோ யதா² ப்ராணேன மைதி²லி ।
ஜடாபா⁴ரஶ்ச கர்தவ்யோ வல்கலாம்ப³ரதா⁴ரிணா ॥ 13 ॥
தே³வதானாம் பித்ரூணாம் கர்தவ்யம் விதி⁴பூர்வகம் ।
ப்ராப்தானாமதிதீ²னாம் ச நித்யஶ: ப்ரதிபூஜனம் ॥ 14 ॥
கார்யஸ்த்ரிரபி⁴ஷேகஶ்ச காலே காலே ச நித்யஶ: ।
சரதா நியமேனைவ தஸ்மாத்³து⁴:க²தரம் வனம் ॥ 15 ॥
உபஹாரஶ்ச கர்தவ்ய: குஸுமை ஸ்ஸ்வயமாஹ்ருதை: ।
ஆர்ஷேண விதி⁴னா வேத்³யாம் பா³லே து³:க²மதோ வனம் ॥ 16 ॥
யதா²லப்³தே⁴ன கர்தவ்ய: ஸந்தோஷஸ்தேன மைதி²லி ।
யதாஹாரைர்வனசரை ர்னித்யம் து³:க²மதோ வனம் ॥ 17 ॥
அதீவ வாதாஸ்திமிரம் பு³பு⁴க்ஷா சாத்ர நித்யஶ: ।
ப⁴யானி ச மஹாந்த்யத்ர ததோ து³:க²தரம் வனம் ॥ 18 ॥
ஸரீஸ்ருபாஶ்ச ப³ஹவோ ப³ஹுரூபாஶ்ச பா⁴மினி ।
சரந்தி ப்ருதி²வீம் த³ர்பாத்ததோ து³:க²தரம் வனம் ॥ 19 ॥
நதீ³ நிலயனா ஸ்ஸர்பா நதீ³குடிலகா³மின: ।
திஷட்²ந்த்யாவ்ருத்ய பந்தா²னம் ததோ து³:க²தரம் வனம் ॥ 2௦ ॥
பதங்கா³ வ்ருஶ்சிகா: கீடா த³ம்ஶாஶ்ச மஶகை ஸ்ஸஹ ।
பா³த⁴ந்தே நித்யமப³லே ஸர்வம் து³:க²மதோ வனம் ॥ 21 ॥
த்³ருமா: கண்டகினஶ்சைவ குஶா: காஶாஶ்ச பா⁴மினி ।
வனே வ்யாகுலஶாகா²க்³ராஸ்தேன து³:க²தரம் வனம் ॥ 22 ॥
காயக்லேஶாஶ்ச ப³ஹவோ ப⁴யானி விவிதா⁴னி ச ।
அரண்யவாஸே வஸதோ து³:க²மேவ ததோ வனம் ॥ 23 ॥
க்ரோத⁴லோபௌ⁴ விமோக்தவ்யௌ கர்தவ்யா தபஸே மதி: ।
ந பே⁴தவ்யம் ச பே⁴தவ்யே நித்யம் து³:க²மதோ வனம் ॥ 24 ॥
தத³லம் தே வனம் க³த்வா க்ஷமம் ந ஹி வனம் தவ ।
விம்ருஶன்னிஹ பஶ்யாமி ப³ஹுதோ³ஷதரம் வனம் ॥ 25 ॥
வனந்து நேதும் ந க்ருதா மதிஸ்ததா³ ப³பூ⁴வ ராமேண யதா³ மஹாத்மனா ।
ந தஸ்ய ஸீதா வசனம் சகார த த்ததோப்³ரவீத்³ராமமித³ம் ஸுது³:கி²தா ॥ 26 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ அஷ்டாவிம்ஶஸ்ஸர்க:³ ॥
