ஶ்ரீமத்³வால்மீகீய ராமாயணே அரண்யகாண்ட³ம் ।
அத² த்³விசத்வாரிம்ஶஸ்ஸர்க:³ ।
ஏவமுக்த்வா து வசனம் மாரீசோ ராவணம் தத: ।
க³ச்சா²வேத்யப்³ரவீத்³தீ³னோ ப⁴யாத்³ராத்ரிஞ்சரப்ரபோ⁴: ॥ 1 ॥
த்³ருஷ்டஶ்சாஹம் புனஸ்தேன ஶரசாபாஸிதா⁴ரிணா ।
மத்³வதோ⁴த்³யதஶஸ்த்ரேண வினஷ்டம் ஜீவிதம் ச மே ॥ 2 ॥
ந ஹி ராமம் பராக்ரம்ய ஜீவன்ப்ரதினிவர்ததே ।
வர்ததே ப்ரதிரூபோஸௌ யமத³ண்ட³ஹதஸ்ய தே ॥ 3 ॥
கிம் நு ஶக்யம் மயா கர்துமேவம் த்வயி து³ராத்மனி ।
ஏஷ க³ச்சா²ம்யஹம் தாத ஸ்வஸ்தி தேஸ்து நிஶாசர ॥ 4 ॥
ப்ரஹ்ருஷ்டஸ்த்வப⁴வத்தேன வசனேன ஸ ராவண: ।
பரிஷ்வஜ்ய ஸுஸம்ஶ்லிஷ்டமித³ம் வசனமப்³ரவீத் ॥ 5 ॥
ஏதச்சௌ²ண்டீ³ர்யயுக்தம் தே மச்ச²ந்த³வஶவர்தின: ।
இதா³னீமஸி மாரீச: பூர்வமன்யோ நிஶாசர: ॥ 6 ॥
ஆருஹ்யதாமயம் ஶீக்⁴ரம் ரதோ² ரத்னவிபூ⁴ஷித: ।
மயா ஸஹ ததா² யுக்த: பிஶாசவத³னை: க²ரை: ॥ 7 ॥
ப்ரலோப⁴யித்வா வைதே³ஹீம் யதே²ஷ்டம் க³ந்துமர்ஹஸி ।
தாம் ஶூன்யே ப்ரஸப⁴ம் ஸீதாமானயிஷ்யாமி மைதி²லீம் ॥ 8 ॥
ததோ ராவணமாரீசௌ விமானமிவ தம் ரத²ம் ।
ஆருஹ்ய யயதுஶ்ஶீக்⁴ரம் தஸ்மாதா³ஶ்ரமமண்ட³லாத் ॥ 9 ॥
ததை²வ தத்ர பஶ்யந்தௌ பத்தனானி வனானி ச ।
கீ³ரீம்ஶ்ச ஸரிதஸ்ஸர்வா ராஷ்ட்ராணி நக³ராணி ச ॥ 1௦ ॥
ஸமேத்ய த³ண்ட³காரண்யம் ராக⁴வஸ்யாஶ்ரமம் தத: ।
த³த³ர்ஶ ஸஹ மாரீசோ ராவணோ ராக்ஷஸாதி⁴ப: ॥ 11 ॥
அவதீர்ய ரதா²த்தஸ்மாத்தத: காஞ்சனபூ⁴ஷணாத் ।
ஹஸ்தே க்³ருஹீத்வா மாரீசம் ராவணோ வாக்யமப்³ரவீத் ॥ 12 ॥
ஏததா³ஶ்ரமபத³ம் த்³ருஶ்யதே கத³லீவ்ருதம் ।
க்ரியதாம் தத்ஸகே² ஶீக்⁴ரம் யத³ர்த²ம் வயமாக³தா: ॥ 13 ॥
ஸ ராவணவசஶ்ஶ்ருத்வா மாரீசோ ராக்ஷஸஸ்ததா³ ।
ம்ருகோ³ பூ⁴த்வாஶ்ரமத்³வாரி ராமஸ்ய விசசார ஹ ॥ 14 ॥
ஸ து தத்³ரூபமாஸ்தா²ய மஹத³த்³பு⁴தத³ர்ஶனம் ।
மணிப்ரவரஶ்ருங்கா³க்³ரஸ்ஸிதாஸிதமுகா²க்ருதி: ॥ 15 ॥
ரக்தபத்³மோத்பலமுக² இந்த்³ரனீலோத்பலஶ்ரவா: ।
கிஞ்சித³ப்⁴யுன்னதக்³ரீவ இந்த்³ரனீலத³லாத⁴ர: ॥ 16 ॥
குந்தே³ந்து³வஜ்ரஸங்காஶமுத³ரம் சாஸ்ய பா⁴ஸ்வரம் ।
மதூ⁴கனிப⁴பார்ஶ்வஶ்ச பத்³மகிஞ்ஜல்கஸன்னிப:⁴ ॥ 17 ॥
வைடூ³ர்யஸங்காஶகு²ரஸ்தனுஜங்க⁴ஸ்ஸுஸம்ஹத: ।
இந்த்³ராயுத⁴ஸவர்ணேன புச்சே²னோர்த்⁴வம் விராஜதா ॥ 18 ॥
மனோஹரஸ்ஸ்னிக்³த⁴வர்ணோ ரத்னைர்னானாவிதை⁴ர்வ்ருத: ।
க்ஷணேன ராக்ஷஸோ ஜாதோ ம்ருக:³ பரமஶோப⁴ன: ॥ 19 ॥
வனம் ப்ரஜ்வலயன்ரம்யம் ராமாஶ்ரமபத³ம் ச தத் ।
மனோஹரம் த³ர்ஶனீயம் ரூபம் க்ருத்வா ஸ ராக்ஷஸ: ॥ 2௦ ॥
ப்ரலோப⁴னார்த²ம் வைதே³ஹ்யா நானாதா⁴துவிசித்ரிதம் ।
விசரன்க³ச்ச²தே தஸ்மாச்சா²த்³வலானி ஸமந்தத: ॥ 21 ॥
ரூப்யைர்பி³ந்து³ஶதைஶ்சித்ரோ பூ⁴த்வா ஸ ப்ரியத³ர்ஶன: ।
விடபீனாம் கிஸலயான்ப⁴ங்த்க்வாத³ன்விசசார ஹ ॥ 22 ॥
கத³லீக்³ருஹகம் க³த்வா கர்ணிகாரானிதஸ்தத: ।
ஸமாஶ்ரயன்மந்த³க³திஸ்ஸீதாஸந்த³ர்ஶனம் ததா² ॥ 23 ॥
ராஜீவசித்ரப்ருஷ்ட²ஸ்ஸ விரராஜ மஹாம்ருக:³ ।
ராமாஶ்ரமபதா³ப்⁴யாஶே விசசார யதா²ஸுக²ம் ॥ 24 ॥
புனர்க³த்வா நிவ்ருத்தஶ்ச விசசார ம்ருகோ³த்தம: ।
க³த்வா முஹூர்தம் த்வரயா புன: ப்ரதினிவர்ததே ॥ 25 ॥
விக்ரீட³ம்ஶ்ச க்வசித்³பூ⁴மௌ புனரேவ நிஷீத³தி ।
ஆஶ்ரமத்³வாரமாக³ம்ய ம்ருக³யூதா²னி க³ச்ச²தி ॥ 26 ॥
ம்ருக³யூதை²ரனுக³த: புனரேவ நிவர்ததே ।
ஸீதாத³ர்ஶனமாகாங்க்ஷன்ராக்ஷஸோ ம்ருக³தாம் க³த: ॥ 27 ॥
பரிப்⁴ரமதி சித்ராணி மண்ட³லானி வினிஷ்பதன் ।
ஸமுத்³வீக்ஷ்ய ச தே ஸர்வே ம்ருகா³ ஹ்யன்யே வனேசரா: ॥ 28 ॥
உபாக³ம்ய ஸமாக்⁴ராய வித்³ரவந்தி தி³ஶோ த³ஶ ।
ராக்ஷஸஸ்ஸோபி தான்வன்யான்ம்ருகா³ன்ம்ருக³வதே⁴ ரத: ॥ 29 ॥
ப்ரச்சா²த³னார்த²ம் பா⁴வஸ்ய ந ப⁴க்ஷயதி ஸம்ஸ்ப்ருஶன் ।
தஸ்மின்னேவ தத: காலே வைதே³ஹீ ஶுப⁴லோசனா ॥ 3௦ ॥
குஸுமாவசயவ்யக்³ரா பாத³பானப்⁴யவர்தத ।
கர்ணிகாரானஶோகாம்ஶ்ச சூதாம்ஶ்ச மதி³ரேக்ஷணா ॥ 31 ॥
குஸுமான்யவசின்வந்தீ சசார ருசிரானநா ।
அனர்ஹாரண்யவாஸஸ்ய ஸா தம் ரத்னமயம் ம்ருக³ம் ॥ 32 ॥
முக்தாமணி விசித்ராங்க³ம் த³த³ர்ஶ பரமாங்க³னா ।
ஸா தம் ருசிரத³ந்தோஷ்டீ² ரூப்யதா⁴துதனூருஹம் ॥ 33 ॥
விஸ்மயோத்பு²ல்லனயனா ஸஸ்னேஹம் ஸமுதை³க்ஷத ।
ஸ ச தாம் ராமத³யிதாம் பஶ்யன்மாயாமயோ ம்ருக:³ ॥ 34 ॥
விசசார புனஶ்சித்ரம் தீ³பயன்னிவ தத்³வனம் ।
அத்³ருஷ்டபூர்வம் தம் த்³ருஷ்ட்வா நானாரத்னமயம் ம்ருக³ம் ॥ 35 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ த்³விசத்வாரிம்ஶஸ்ஸர்க:³ ॥
