ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² சது:பஞ்சாஶஸ்ஸர்க:³ ।
வீக்ஷமாணஸ்ததோ லங்காம் கபி: க்ருதமனோரத:² ॥ 1 ॥
வர்த⁴மானஸமுத்ஸாஹ: கார்யஶேஷமசிந்தயத் ।
கின்னு க²ல்வவஶிஷ்டம் மே கர்தவ்யமிஹ ஸாம்ப்ரதம் ॥ 2 ॥
யதே³ஷாம் ரக்ஷஸாம் பூ⁴ய: ஸந்தாபஜனநம் ப⁴வேத் ।
வனம் தாவத்ப்ரமதி²தம் ப்ரக்ருஷ்டா ராக்ஷஸா ஹதா: ॥ 3 ॥
ப³லைகதே³ஶ: க்ஷபிதஶ்ஶேஷம் து³ர்க³வினாஶனம் ।
து³ர்கே³ வினாஶிதே கர்ம ப⁴வேத்ஸுக²பரிஶ்ரமம் ।
அல்பயத்னேன கார்யேஸ்மின் மம ஸ்யாத்ஸப²லஶ்ஶ்ரம: ॥ 4 ॥
யோ ஹ்யயம் மம லாங்கூ³லே தீ³ப்யதே ஹவ்யவாஹன: ।
அஸ்ய ஸந்தர்பணம் ந்யாய்யம் கர்துமேபி⁴ர்க்³ருஹோத்தமை: ॥ 5 ॥
தத: ப்ரதீ³ப்தலாங்கூ³லஸ்ஸவித்³யுதி³வ தோயத:³ ।
ப⁴வனாக்³ரேஷு லங்காயா விசசார மஹாகபி: ॥ 6 ॥
க்³ருஹாத்³க்³ருஹம் ராக்ஷஸானாமுத்³யானானி ச வானர: ।
வீக்ஷமாணோ ஹ்யஸந்த்ரஸ்த: ப்ராஸாதா³ம்ஶ்ச சசார ஸ: ॥ 7 ॥
அவப்லுத்ய மஹாவேக:³ ப்ரஹஸ்தஸ்ய நிவேஶனம் ।
அக்³னிம் தத்ர ஸ நிக்ஷிப்ய ஶ்வஸனேன ஸமோ ப³லீ ॥ 8 ॥
ததோன்யத்புப்லுவே வேஶ்ம மஹாபார்ஶ்வஸ்ய வீர்யவான் ।
முமோச ஹனுமானக்³னிம் காலானலஶிகோ²பமம் ॥ 9 ॥
வஜ்ரத³ம்ஷ்ட்ரஸ்ய ச ததா³ புப்லுவே ஸ மஹாகபி: ।
ஶுகஸ்ய ச மஹாதேஜாஸ்ஸாரணஸ்ய ச தீ⁴மத: ॥ 1௦ ॥
ததா² சேந்த்³ரஜிதோ வேஶ்ம த³தா³ஹ ஹரியூத²ப: ।
ஜம்பு³மாலே ஸ்ஸுமாலேஶ்ச த³தா³ஹ ப⁴வனம் தத: ॥ 11 ॥
ரஶ்மிகேதோஶ்ச ப⁴வனம் ஸூர்யஶத்ரோஸ்ததை²வ ச ।
ஹ்ரஸ்வகர்ணஸ்ய த³ம்ஷ்ட்ரஸ்ய ரோமஶஸ்ய ச ரக்ஷஸ: ॥ 12 ॥
யுத்³தோ⁴ன்மத்தஸ்ய மத்தஸ்ய த்⁴வஜக்³ரீவஸ்ய ரக்ஷஸ: ।
வித்³யுஜ்ஜிஹ்வஸ்ய கோ⁴ரஸ்ய ததா² ஹஸ்திமுக²ஸ்ய ச ॥ 13 ॥
கராலஸ்ய பிஶாசஸ்ய ஶோணிதாக்ஷஸ்ய சைவ ஹி ।
கும்ப⁴கர்ணஸ்ய ப⁴வனம் மகராக்ஷஸ்ய சைவ ஹி ॥ 14 ॥
யஜ்ஞஶத்ரோஶ்ச ப⁴வனம் ப்³ரஹ்மஶத்ரோஸ்ததை²வ ச ।
நராந்தகஸ்ய கும்ப⁴ஸ்ய நிகும்ப⁴ஸ்ய து³ராத்மன: ॥ 15 ॥
வர்ஜயித்வா மஹாதேஜா விபீ⁴ஷணக்³ருஹம் ப்ரதி ।
க்ரமமாண: க்ரமேணைவ த³தா³ஹ ஹரிபுங்க³வ: ॥ 16 ॥
தேஷு தேஷு மஹார்ஹேஷு ப⁴வனேஷு மஹாயஶா: ।
க்³ருஹேஷ்வ்ருத்³தி⁴மதாம்ருத்³தி⁴ம் த³தா³ஹ ஸ மஹாகபி: ॥ 17 ॥
ஸர்வேஷாம் ஸமதிக்ரம்ய ராக்ஷஸேந்த்³ரஸ்ய வீர்யவான் ।
ஆஸஸாதா³த² லக்ஷ்மீவான் ராவணஸ்ய நிவேஶனம் ॥ 18 ॥
ததஸ்தஸ்மின் க்³ருஹே முக்²யே நானாரத்னவிபூ⁴ஷிதே ।
மேருமந்த³ரஸங்காஶே ஸர்வமங்கள³ஶோபி⁴தே ॥ 19 ॥
ப்ரதீ³ப்தமக்³னிமுத்ஸ்ருஜ்ய லாங்கூ³லாக்³ரே ப்ரதிஷ்டி²தம் ।
நனாத³ ஹனுமான்வீரோ யுகா³ந்தஜலதோ³ யதா² ॥ 2௦ ॥
ஶ்வஸனேன ச ஸம்யோகா³த³திவேகோ³ மஹாப³ல: ।
காலாக்³னிரிவ ஜஜ்வால ப்ராவர்த⁴த ஹுதாஶன: ॥ 21 ॥
ப்ரதீ³ப்தமக்³னிம் பவனஸ்தேஷு வேஶ்மஸ்வசாரயத் ।
அபூ⁴ச்ச்²வஸனஸம்யோகா³த³திவேகோ³ ஹுதாஶன: ॥ 22 ॥
தானி காஞ்சனஜாலானி முக்தாமணிமயானி ச ।
ப⁴வனான்யவஶீர்யந்த ரத்னவந்தி மஹாந்தி ச ॥ 23 ॥
ஸஞ்ஜஜ்ஞே துமுலஶ்ஶப்³தோ³ ராக்ஷஸானாம் ப்ரதா⁴வதாம் ।
ஸ்வக்³ருஹஸ்ய பரித்ராணே ப⁴க்³னோத்ஸாஹோர்ஜிதஶ்ரியாம் ॥ 24 ॥
நூனமேஷோக்³னிராயாத: கபிரூபேண ஹா இதி ।
க்ரந்த³ந்த்யஸ்ஸஹஸா பேது: ஸ்தனந்த⁴யத⁴ரா: ஸ்த்ரிய: ॥ 25 ॥
காஶ்சித³க்³னிபரீதேப்⁴யோ ஹர்மேப்⁴யோ முக்தமூர்தஜ⁴ா: ।
பதந்த்யோ ரேஜிரேப்⁴ரேப்⁴யஸ்ஸௌதா³மன்ய இவாம்ப³ராத் ॥ 26 ॥
வஜ்ரவித்³ருமவைதூ³ர்யமுக்தாரஜதஸம்ஹிதான் ।
விசித்ரான்ப⁴வனாத்³தா⁴தூன் ஸ்யந்த³மானாந்த³த³ர்ஶ ஸ: ॥ 27 ॥
நாக்³னிஸ்த்ருப்யதி காஷ்டா²னாம் த்ருணானாம் ச யதா² ததா² ।
ஹனூமான் ராக்ஷஸேந்தா³ணாம் விஶஸ்தானாம் ந த்ருப்யதி ॥ 28 ॥
க்வசித்கிம்ஶுகஸங்காஶா: க்வசிச்சா²ல்மலிஸன்னிபா⁴: ॥ 29 ॥
க்வசித்குங்குமஸங்காஶாஶ்ஶிகா² வஹ்னேஶ்சகாஶிரே ।
ஹனூமதா வேக³வதா வானரேண மஹாத்மனா ।
லங்காபுரம் ப்ரத³க்³த⁴ம் தத்³ருத்³ரேண த்ரிபுரம் யதா² ॥ 3௦ ॥
ததஸ்து லங்காபுரபர்வதாக்³ரே ஸமுத்தி²தோ பீ⁴மபராக்ரமோக்³னி: ।
ப்ரஸார்ய சூடா³வலயம் ப்ரதீ³ப்தோ ஹனூமதா வேக³வதா விஸ்ருஷ்ட: ॥ 31 ॥
யுகா³ந்தகாலானலதுல்யவேக³ ஸ்ஸமாருதோக்³னிர்வவ்ருதே⁴ தி³விஸ்ப்ருக் ।
விதூ⁴மரஶ்மிர்ப⁴வனேஷு ஸக்தோ ரக்ஷஶ்ஶரீராஜ்யஸமர்பதார்சி: ॥ 32 ॥
ஆதி³த்யகோடீஸத்³ருஶஸ்ஸுதேஜா லங்காம் ஸமஸ்தாம் பரிவார்ய திஷ்ட²ன் ।
ஶப்³தை³ரனேகைரஶனிப்ரரூடை⁴ர்பி⁴ந்த³ன்னிவாண்ட³ம் ப்ரப³பௌ⁴ மஹாக்³னி: ॥ 33 ॥
தத்ராம்ப³ராத³க்³னிரதிப்ரவ்ருத்³தோ⁴ ரூக்ஷப்ரப:⁴ கிம்ஶுகபுஷ்பசூட:³ ।
நிர்வாணதூ⁴மாகுலராஜயஶ்ச நீலோத்பலாபா⁴: ப்ரசகாஶிரேப்⁴ரா: ॥ 34 ॥
வஜ்ரீ மஹேந்த்³ரஸ்த்ரித³ஶேஶ்வரோ வா ஸாக்ஷாத்³யமோ வா வருணோனிலோ வா ।
ருத்³ரோக்³னிரர்கோ த⁴னத³ஶ்ச ஸோமோ ந வானரோயம் ஸ்வயமேவ கால: ॥ 35 ॥
கிம் ப்³ரஹ்மணஸ்ஸர்வபிதாமஹஸ்ய ஸர்வஸ்ய தா⁴துஶ்சதுரானநஸ்ய ।
இஹாக³தோ வானரரூபதா⁴ரீ ரக்ஷோபஸம்ஹாரகர: ப்ரகோப: ॥ 36 ॥
கிம் வைஷ்ணவம் வா கபிரூபமேத்ய ரக்ஷோவினாஶாய பரம் ஸுதேஜ: ।
அனந்தமவ்யக்தமசிந்த்யமேகம் ஸ்வமாயயா ஸாம்ப்ரதமாக³தம் வா ॥ 37 ॥
இத்யேவமூசுர்ப³ஹவோ விஶிஷ்டா ரக்ஷோக³ணாஸ்தத்ர ஸமேத்ய ஸர்வே ।
ஸப்ராணிஸங்கா⁴ம் ஸக்³ருஹாம் ஸவ்ருக்ஷாம் த³க்³தா⁴ம் புரீம் தாம் ஸஹஸா ஸமீக்ஷ்ய ॥ 38 ॥
ததஸ்து லங்கா ஸஹஸா ப்ரத³க்³தா⁴ ஸராக்ஷஸா ஸாஶ்வரதா² ஸனாகா³ ।
ஸபக்ஷிஸங்கா⁴ ஸம்ருகா³ ஸவ்ருக்ஷா ருரோத³ தீ³னா துமுலம் ஸஶப்³த³ம் ॥ 39 ॥
ஹா தாத ஹா புத்ரக காந்த மித்ர ஹா ஜீவிதம் போ⁴க³யுதம் ஸுபுண்யம் ।
ரக்ஷோபி⁴ரேவம் ப³ஹுதா⁴ ப்³ருவத்³பி⁴ ஶ்ஶப்³த:³ க்ருதோ கோ⁴ரதரஸ்ஸுபீ⁴ம: ॥ 4௦ ॥
ஹுதாஶனஜ்வாலஸமாவ்ருதா ஸா ஹதப்ரவீரா பரிவ்ருத்தயோதா⁴ ஹனூமத: க்ரோத⁴ப³லாபி⁴பூ⁴தா ப³பூ⁴வ ஶாபோபஹதேவ லங்கா ॥ 41 ॥
ஸ ஸம்ப்⁴ரமத்ரஸ்தவிஷண்ணராக்ஷஸாம் ஸமுஜ்ஜ்வலஜ்ஜ்வாலஹுதாஶனாங்கிதாம் ।
த³த³ர்ஶ லங்காம் ஹனுமான்மஹாமனா: ஸ்வயம்பூ⁴கோபோபஹதாமிவாவனிம் ॥ 42 ॥
ப⁴ங்க்த்வா வனம் பாத³பரத்னஸங்குலம் ஹத்வா து ரக்ஷாம்ஸி மஹாந்தி ஸம்யுகே³ ।
த³க்³த்⁴வா புரீம் தாம் க்³ருஹரத்னமாலினீம் தஸ்தௌ² ஹனூமான்பவனாத்மஜ: கபி: ॥ 43 ॥
த்ரிகூடஶ்ருங்கா³க்³ரதலே விசித்ரே ப்ரதிஷ்டி²தோ வானரராஜஸிம்ஹ: ।
ப்ரதீ³ப்தலாங்கூ³லக்ருதார்சிமாலீ வ்யராஜதாதி³த்ய இவாம்ஶுமாலீ ॥ 44 ॥
ஸ ராக்ஷஸாம்ஸ்தான்ஸுப³ஹூம்ஶ்ச ஹத்வா வனம் ச ப⁴ங்க்த்வா ப³ஹுபாத³பம் தத் ।
விஸ்ருஜ்ய ரக்ஷோப⁴வனேஷு சாக்³னிம் ஜகா³ம ராமம் மனஸா மஹாத்மா ॥ 45 ॥
ததஸ்து தம் வானரவீரமுக்²யம் மஹாப³லம் மாருததுல்யவேக³ம் ।
மஹாமதிம் வாயுஸுதம் வரிஷ்ட²ம் ப்ரதுஷ்டுவுர்தே³வக³ணாஶ்ச ஸர்வே ॥ 46 ॥
ப⁴ங்க்த்வா வனம் மஹாதேஜா ஹத்வா ரக்ஷாம்ஸி ஸம்யுகே³ ।
த³க்³த்⁴வா லங்காபுரீம் ரம்யாம் ரராஜ ஸ மஹாகபி: ॥ 47 ॥
தத்ர தே³வாஸ்ஸக³ந்த⁴ர்வாஸ்ஸித்³தா⁴ஶ்ச பரமர்ஷய: ।
த்³ருஷ்ட்வா லங்காம் ப்ரத³க்³தா⁴ம் தாம் விஸ்மயம் பரமம் க³தா: ॥ 48 ॥
தம் த்³ருஷ்ட்வா வானரஶ்ரேஷ்ட²ம் ஹனுமந்தம் மஹாகபிம் ।
காலாக்³னிரிதி ஸஞ்சிந்த்ய ஸர்வபூ⁴தானி தத்ரஸு: ॥ 49 ॥
தே³வாஶ்ச ஸர்வே முனிபுங்க³வாஶ்ச க³ந்த⁴ர்வவித்³யாத⁴ரனாக³யக்ஷா: ।
பூ⁴தானி ஸர்வாணி மஹாந்தி தத்ர ஜக்³மு: பராம் ப்ரீதிமதுல்யரூபாம் ॥ 5௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ சது:பஞ்சாஶஸ்ஸர்க:³ ॥
