ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஷட்த்ரிம்ஶஸ்ஸர்க:³ ।
ததஸ்ஸுமந்த்ரமைக்ஷ்வாக: பீடி³தோத்ர ப்ரதிஜ்ஞயா ।
ஸபா³ஷ்பமதினிஶ்ஶ்வஶ்ய ஜகா³தே³த³ம் புன: புன: ॥ 1 ॥
ஸூத ரத்னஸுஸம்பூர்ணா சதுர்வித⁴ப³லா சமூ: ।
ராக⁴வஸ்யானுயாத்ரார்த²ம் க்ஷிப்ரம் ப்ரதிவிதீ⁴யதாம் ॥ 2 ॥
ரூபாஜீவாஶ்ச வாதி³ன்யோ வணிஜஶ்ச மஹாத⁴னா: ।
ஶோப⁴யந்து குமாரஸ்ய வாஹினீம் ஸுப்ரஸாரிதா: ॥ 3 ॥
ஆயுதா⁴னி ச முக்²யானி நாக³ரா ஶ்ஶகடானி ச ।
அனுக³ச்ச²ந்து காகுத்ஸ்த²ம் வ்யாதா⁴ஶ்சாரண்ய கோ³சரா: ॥ 4 ॥
நிக்⁴னந் ம்ருகா³ன் குஞ்ஜராம்ஶ்ச பிப³ம்ஶ்சாரண்யகம் மது⁴ ।
நதீ³ஶ்ச விவிதா⁴: பஶ்யன்ன ராஜ்யஸ்ய ஸ்மரிஷ்யதி ॥ 5 ॥
தா⁴ன்யகோஶஶ்ச ய: கஶ்சித்³த⁴னகோஶஶ்ச மாமக: ।
தௌ ராமமனுக³ச்சே²தாம் வஸந்தம் நிர்ஜனே வனே ॥ 6 ॥
யஜன் புண்யேஷு தே³ஶேஷு விஸ்ருஜம் ஶ்சாப்தத³க்ஷிணா: ।
ருஷிபி⁴ஶ்ச ஸமாக³ம்ய ப்ரவத்ஸ்யதி ஸுக²ம் வனே ॥ 7 ॥
ப⁴ரதஶ்ச மஹாபா³ஹுரயோத்⁴யாம் பாலயிஷ்யதி ।
ஸர்வகாமை: ஸஹ ஶ்ரீமான் ராம: ஸம்ஸாத்⁴யதாமிதி ॥ 8 ॥
ஏவம் ப்³ருவதி காகுத்ஸ்தே² கைகேய்யா ப⁴ய மாக³தம் ।
முக²ம் சாப்யக³மச்சோ²ஷம் ஸ்வரஶ்சாபி ந்யருத்⁴யத ॥ 9 ॥
ஸா விஷண்ணா ச ஸந்த்ரஸ்தா முகே²ன பரிஶுஷ்யதா ।
ராஜானமேவாபி⁴முகீ² கைகேயீ வாக்யமப்³ரவீத் ॥ 1௦ ॥
ராஜ்யம் க³தஜனம் ஸாதோ⁴ பீதமண்டா³ம் ஸுராமிவ ।
நிராஸ்வாத்³யதமம் ஶூன்யம் ப⁴ரதோ நாபி⁴பத்ஸ்யதே ॥ 11 ॥
கைகேய்யாம் முக்தலஜ்ஜாயாம் வத³ந்த்யாமதிதா³ருணாம் ।
ராஜா த³ஶரதோ² வாக்யமுவாசாயதலோசனாம் ॥ 12 ॥
வஹந்தம் கிம் துத³ஸி மாம் நியுஜ்ய து⁴ரி மாஹிதே ।
அனார்யே க்ருத்யமாரப்³த⁴ம் கிம் ந பூர்வமுபாருத:⁴ ॥ 13 ॥
தஸ்யைதத்க்ரோத⁴ஸம்யுக்தமுக்தம் ஶ்ருத்வா வராங்க³னா ।
கைகேயீ த்³விகு³ணம் க்ருத்³தா⁴ ராஜானமித³மப்³ரவீத் ॥ 14 ॥
வைவ வம்ஶே ஸக³ரோ ஜ்யேஷ்ட²ம் புத்ரமுபாருத⁴த் ।
அஸமஞ்ஜ இதி க்²யாதம் ததா²யம் க³ந்துமர்ஹதி ॥ 15 ॥
ஏவமுக்தோ தி⁴கி³த்யேவ ராஜா த³ஶரதோ²ப்³ரவீத் ।
வ்ரீடி³தஶ்ச ஜனஸ்ஸர்வ ஸ்ஸா ச தம் நாவபு³த்⁴யத ॥ 16 ॥
அஸமஞ்ஜோ க்³ருஹீத்வா து க்ரீட³த: பதி² பா³லகான் ।
ஸரய்வா: ப்ரக்ஷிபன்னப்ஸு ரமதே தேன து³ர்மதி: ॥ 17 ॥
தம் த்³ருஷ்ட்வா நாக³ரா ஸ்ஸர்வே க்ருத்³தா⁴ ராஜானமப்³ருவன் ।
அஸமஞ்ஜம் வ்ருணீஷ்வைகமஸ்மான்வா ராஷ்ட்ரவர்த⁴ன ॥ 18 ॥
தானுவாச ததோ ராஜா கின்னிமித்தமித³ம் ப⁴யம் ।
தாஶ்சாபி ராஜ்ஞா ஸம்ப்ருஷ்டா வாக்யம் ப்ரக்ருதயோப்³ருவன் ॥ 19 ॥
ட³க்ரீட³தஸ்த்வேஷ ந: புத்ரான் பா³லானுத்³ப்⁴ராந்தசேதன: ।
ஸரய்வாம் ப்ரக்ஷிபன்மௌர்க்²யாத³துலாம் ப்ரீதிமஶ்னுதே ॥ 2௦ ॥
ஸ தாஸாம் வசனம் ஶ்ருத்வா ப்ரக்ருதீனாம் நராதி⁴ப: ।
தம் தத்யாஜாஹிதம் புத்ரம் தேஷாம் ப்ரியசிகீர்ஷயா ॥ 21 ॥
தம் யானம் ஶீக்⁴ரமாரோப்ய ஸபா⁴ர்யம் ஸபரிச்ச²த³ம் ।
யாவஜ்ஜீவம் விவாஸ்யோயமிதி ஸ்வானந்வஶாத்பிதா ॥ 22 ॥
ஸ பா²லபிடகம் க்³ருஹ்ய கி³ரிது³ர்கா³ண்யலோட³யத் ।
தி³ஶ ஸ்ஸர்வாஸ்த்வனுசரன் ஸ யதா² பாபகர்மக்ருத் ॥ 23 ॥
இத்யேனமத்யஜத்³ராஜா ஸக³ரோ வை ஸுதா⁴ர்மிக: ।
ராம: கிமகரோத்பாபம் யேனைவமுபருத்⁴யதே ॥ 24 ॥
ந ஹி கஞ்சன பஶ்யாமோ ராக⁴வஸ்யாகு³ணம் வயம் ।
து³ர்லபோ⁴ ஹ்யஸ்ய நிரய ஶ்ஶஶாங்கஸ்யேவ கல்மஷம் ॥ 25 ॥
அத²வா தே³வி தோ³ஷம் த்வம் கஞ்சித்பஶ்யஸி ராக⁴வே ।
தமத்³ய ப்³ரூஹி தத்வேன ததா³ ராமோ விவாஸ்யதாம் ॥ 26 ॥
அது³ஷ்டஸ்ய ஹி ஸந்த்யாக:³ ஸத்பதே² நிரதஸ்ய ச ।
நிர்த³ஹேத³பி ஶக்ரஸ்ய த்³யுதிம் த⁴ர்மனிரோத⁴னாத் ॥ 27 ॥
தத³லம் தே³வி ராமஸ்ய ஶ்ரியா விஹதயா த்வயா ।
லோகதோபி ஹி தே ரக்ஷ்ய: பரிவாத:³ ஶுபா⁴னநே ॥ 28 ॥
ஶ்ருத்வா து ஸித்³தா⁴ர்த²வசோ ராஜா ஶ்ராந்ததரஸ்வன: ।
ஶோகோபஹதயா வாசா கைகேயீமித³மப்³ரவீத் ॥ 29 ॥
ஏதத்³வசோ நேச்ச²ஸி பாபவ்ருத்தே ஹிதம் ந ஜானாஸி மமாத்மனோ வா ।
ஆஸ்தா²ய மார்க³ம் க்ருபணம் குசேஷ்டா சேஷ்டா ஹி தே ஸாது⁴பதா²த³பேதா ॥ 3௦ ॥
அனுவ்ரஜிஷ்யாம்யஹமத்³ய ராமம் ராஜ்யம் பரித்யஜ்ய ஸுக²ம் த⁴னம் ச ।
ஸஹைவ ராஜ்ஞா ப⁴ரதேன ச த்வம் யதா²ஸுக²ம் பு⁴ங்க்ஷ்வ சிராய ராஜ்யம் ॥ 31 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஷட்த்ரிம்ஶஸ்ஸர்க:³ ॥
