ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² ஏகோனத்ரிம்ஶஸ்ஸர்க:³ ।
ஸமீக்ஷ்ய விமலம் வ்யோம க³தவித்³யுத்³வலாஹகம் ।
ஸாரஸாகுலஸங்கு⁴ஷ்டம் ரம்யஜ்யோத்ஸ்னானுலேபனம் ॥ 1 ॥
ஸம்ருத்³தா⁴ர்த²ம் ச ஸுக்³ரீவம் மந்த³த⁴ர்மார்த²ஸங்க்³ரஹம் ।
அத்யர்த²மஸதாம் மார்க³மேகாந்தக³தமானஸம் ॥ 2 ॥
நிர்வ்ருத்தகார்யம் ஸித்³தா⁴ர்த²ம் ப்ரமதா³பி⁴ரதம் ஸதா³ ।
ப்ராப்தவந்தமபி⁴ப்ரேதான்ஸர்வானேவ மனோரதா²ன் ॥ 3 ॥
ஸ்வாம் ச பத்னீமபி⁴ப்ரேதாம் தாராம் சாபி ஸமீப்ஸிதாம் ।
விஹரந்தமஹோராத்ரம் க்ருதார்த²ம் விக³தஜ்வரம் ॥ 4 ॥
க்ரீட³ந்தமிவ தே³வேஶம் நந்த³னேப்ஸரஸாம் க³ணை: ।
மந்த்ரிஷு ந்யஸ்தகார்யம் ச மந்த்ரிணாமனவேக்ஷகம் ॥ 5 ॥
உத்ஸன்னராஜ்யஸந்தே³ஶம் காமவ்ருத்தமவஸ்தி²தம் ।
நிஶ்சிதார்தோ²ர்த²தத்த்வஜ்ஞ: காலத⁴ர்மவிஶேஷவித் ॥ 6 ॥
ப்ரஸாத்³ய வாக்யைர்மது⁴ரைர்ஹேதுமத்³பி⁴ர்மனோரமை: ।
வாக்யவித்³வாக்ய தத்த்வஜ்ஞம் ஹரீஶம் மாருதாத்மஜ: ॥ 7 ॥
ஹிதம் தத்த்வம் ச பத்²யம் ச ஸாமத⁴ர்மார்த²னீதிமத் ।
ப்ரணயப்ரீதிஸம்யுக்தம் விஶ்வாஸக்ருதனிஶ்சயம் ।
ஹரீஶ்வரமுபாக³ம்ய ஹனூமான்வாக்யமப்³ரவீத் ॥ 8 ॥
ராஜ்யம் ப்ராப்தம் யஶஶ்சைவ கௌலீ ஶ்ரீரபி⁴வர்தி⁴தா ।
மித்ராணாம் ஸங்க்³ரஹஶ்ஶேஷஸ்தம் ப⁴வான்கர்துமர்ஹதி ॥ 9 ॥
யோ ஹி மித்ரேஷு காலஜ்ஞஸ்ஸததம் ஸாது⁴ வர்ததே ॥ 1௦ ॥
தஸ்ய ராஜ்யம் ச கீர்திஶ்ச ப்ரதாபஶ்சாபி⁴ வர்த⁴தே ।
யஸ்ய கோஶஶ்ச த³ண்ட³ஶ்ச மித்ராண்யாத்மா ச பூ⁴மிப ॥ 11 ॥
ஸமவேதானி ஸர்வாணி ஸ ராஜ்யம் மஹத³ஶ்னுதே ।
தத்³ப⁴வான்வ்ருத்தஸம்பன்ன: ஸ்தி²த: பதி² நிரத்யயே ॥ 12 ॥
மித்ரார்த²மபி⁴னீதார்த²ம் யதா²வத்கர்துமர்ஹதி ।
ஸந்த்யஜ்ய ஸர்வகர்மாணி மித்ரார்தே² யோனுவர்ததே ॥ 13 ॥
ஸம்ப்⁴ரமாத்³தி⁴ க்ருதோத்ஸாஹஸ்ஸோனர்தை²ர்னாவருத்⁴யதே ।
யஸ்து காலவ்யதீதேஷு மித்ரகார்யேஷு வர்ததே ॥ 14 ॥
ஸ க்ருத்வா மஹதோப்யர்தா²ன்ன மித்ரார்தே²ன யுஜ்யதே ।
யதி³த³ம் மித்ரகார்யம் வீர நோமித்ரகார்யமரிந்த³ம ॥ 15 ॥
க்ரியதாம் ராக⁴வஸ்யைதத்³வைதே³ஹ்யா: பரிமார்க³ணம் ।
ததி³த³ம் வீர கார்யம் தே காலாதீதமரிந்த³ம ॥ 16 ॥
ந ச காலமதீதம் தே நிவேத³யதி காலவித் ।
த்வரமாணோபி ஸன்ப்ராஜ்ஞஸ்தவ ராஜன்வஶானுக:³ ॥ 17 ॥
குலஸ்ய ஹேது: ஸ்பீ²தஸ்ய தீ³ர்க⁴ப³ந்து⁴ஶ்ச ராக⁴வ: ।
அப்ரமேயப்ரபா⁴வஶ்ச ஸ்வயம் சாப்ரதிமோ கு³ணை: ॥ 18 ॥
தஸ்ய த்வம் குரு வை கார்யம் பூர்வம் தேன க்ருதம் தவ ।
ஹரீஶ்வர கபிஶ்ரேஷ்டா²னாஜ்ஞாபயிதுமர்ஹஸி ॥ 19 ॥
ந ஹி தாவத்³ப⁴வேத்காலோ வ்யதீதஶ்சோத³னாத்³ருதே ।
சோதி³தஸ்ய ஹி கார்யஸ்ய ப⁴வேத்காலவ்யதிக்ரம: ॥ 2௦ ॥
அகர்துரபி கார்யஸ்ய ப⁴வான்கர்தா ஹரீஶ்வர கிம் புன: ப்ரதிகர்துஸ்தே ராஜ்யேன ச த⁴னேன ச ॥ 21 ॥
ஶக்திமானபிவிக்ராந்தோ வானரர்க்ஷக³ணேஶ்வர ।
கர்தும் தா³ஶரதே²: ப்ரீதிமாஜ்ஞாயாம் கின்ன ஸஜ்ஜஸே ॥ 22 ॥
காமம் க²லு ஶரைஶ்ஶக்தஸ்ஸுராஸுரமஹோரகா³ன் ।
வஶே தா³ஶரதி²: கர்தும் த்வத்ப்ரதிஜ்ஞாம் ஹி காங்க்ஷதே ॥ 23 ॥
ப்ராணத்யாகா³விஶங்கேன க்ருதம் தேன தவப்ரியம் ।
தஸ்ய மார்கா³ம வைதே³ஹீம் ப்ருதி²வ்யாமபி சாம்ப³ரே ॥ 24 ॥
தே³வதா³னவ க³ந்த⁴ர்வா நஸுராஸ்ஸமருத்³க³ணா: ।
ந ச யக்ஷா ப⁴யம் தஸ்ய குர்யு: கிமுத ராக்ஷஸா: ॥ 25 ॥
ததே³வம் ஶக்தியுக்தஸ்ய பூர்வம் ப்ரியக்ருதஸ்தவ ।
ராமஸ்யார்ஹஸி பிங்கே³ஶ கர்தும் ஸர்வாத்மனா ப்ரியம் ॥ 26 ॥
நாத⁴ஸ்தாத³வனௌ நாப்ஸு க³திர்னோபரி சாம்ப³ரே ।
கஸ்யசித்ஸஜ்ஜதேஸ்மாகம் கபீஶ்வர தவாஜ்ஞயா ॥ 27 ॥
ததா³ஜ்ஞாபய க: கிம் தே குதோ வாபி வ்யவஸ்யது ।
ஹரயோஹ்யப்ரத்⁴ருஷ்யாஸ்தே ஸந்தி கோட்யக்³ரதோனக⁴ ॥ 28 ॥
தஸ்ய தத்³வசனம் ஶ்ருத்வா காலே ஸாது⁴ நிவேத³னம் ।
ஸுக்³ரீவஸ்ஸத்த்வஸம்பன்னஶ்சகார மதிமுத்தமாம் ॥ 29 ॥
ஸ ஸந்தி³தே³ஶாபி⁴மதம் நீலம் நித்யக்ருதோத்³யமம் ।
தி³க்ஷு ஸர்வாஸு ஸர்வேஷாம் ஸைன்யானாமுபஸங்க்³ரஹே ॥ 3௦ ॥
யதா² ஸேனா ஸமக்³ரா மே யூத²பாலாஶ்ச ஸர்வஶ: ।
ஸமாக³ச்ச²ந்த்யஸங்கே³ன ஸேனாக்³ராணி ததா² குரு ॥ 31 ॥
யே த்வந்தபாலா: ப்லவகா³ஶ்ஶீக்⁴ரகா³ வ்யவஸாயின: ।
ஸமானயந்து தே ஸைன்யம் த்வரிதாஶ்ஶாஸனான்மம ॥ 32 ॥
ஸ்வயம் சானந்தரம் ஸைன்யம் ப⁴வானேவானுபஶ்யது ।
த்ரிபஞ்சராத்ராதூ³ர்த்⁴வம் ய: ப்ராப்னுயான்னேஹ வானர: ।
தஸ்ய ப்ராணாந்திகோ த³ண்டோ³ நாத்ர கார்யா விசாரணா ॥ 33 ॥
ஹரீம்ஶ்ச வ்ருத்³தா⁴னுபயாது ஸாங்க³தோ³ ப⁴வான்மமாஜ்ஞாமதி⁴க்ருத்ய நிஶ்சிதாம் ।
இதி வ்யவஸ்தா²ம் ஹரிபுங்க³வேஶ்வரோ விதா⁴ய வேஶ்ம ப்ரவிவேஶ வீர்யவான் ॥ 34 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ ஏகோனத்ரிம்ஶஸ்ஸர்க:³ ॥
