ஶ்ரீமத்³வால்மீகீய ராமாயணே அரண்யகாண்ட³ம் ।
அத² த்ரயஸ்த்ரிம்ஶஸ்ஸர்க:³ ।
தத: ஶூர்பணகா² தீ³னா ராவணம் லோகராவணம் ।
அமாத்யமத்⁴யே ஸங்க்ருத்³தா⁴ பருஷம் வாக்யமப்³ரவீத் ॥ 1 ॥
ப்ரமத்த: காமபோ⁴கே³ஷு ஸ்வைரவ்ருத்தோ நிரங்குஶ: ।
ஸமுத்பன்னம் ப⁴யம் கோ⁴ரம் போ³த்³த⁴வ்யம் நாவபு³த்⁴யஸே ॥ 2 ॥
ஸக்தம் க்³ராம்யேஷு போ⁴கே³ஷு காமவ்ருத்தம் மஹீபதிம் ।
லுப்³த⁴ம் ந ப³ஹுமன்யந்தே ஶ்மஶானாக்³னிமிவ ப்ரஜா: ॥ 3 ॥
ஸ்வயம் கார்யாணி ய: காலே நானுதிஷ்ட²தி பார்தி²வ: ।
ஸ து வை ஸஹ ராஜ்யேன தைஶ்ச கார்யைர்வினஶ்யதி ॥ 4 ॥
அயுக்தசாரம் து³ர்த³ர்ஶமஸ்வாதீ⁴னம் நராதி⁴பம் ।
வர்ஜயந்தி நரா தூ³ரான்னதீ³பங்காமிவ த்³விபா: ॥ 5 ॥
யே ந ரக்ஷந்தி விஷயமஸ்வாதீ⁴னா நராதி⁴பா: ।
தே ந வ்ருத்³த்⁴யா ப்ரகாஶந்தே கி³ரயஸ்ஸாக³ரே யதா² ॥ 6 ॥
ஆத்மவத்³பி⁴ர்விக்³ருஹ்ய த்வம் தே³வக³ந்த⁴ர்வதா³னவை: ।
அயுக்தசாரஶ்சபல: கத²ம் ராஜா ப⁴விஷ்யஸி ॥ 7 ॥
த்வந்து பா³லஸ்வபா⁴வஶ்ச பு³த்³தி⁴ஹீனஶ்ச ராக்ஷஸ ।
ஜ்ஞாதவ்யந்து ந ஜானீஷே கத²ம் ராஜா ப⁴விஷ்யஸி ॥ 8 ॥
யேஷாம் சாரஶ்ச கோஶஶ்ச நயஶ்ச ஜயதாம் வர ।
அஸ்வாதீ⁴னா நரேந்த்³ராணாம் ப்ராக்ருதைஸ்தே ஜனைஸ்ஸமா: ॥ 9 ॥
யஸ்மாத்பஶ்யந்தி தூ³ரஸ்தா²ன் ஸர்வானர்தா²ன்னராதி⁴பா: ।
சாரேண தஸ்மாது³ச்யந்தே ராஜானோ தீ³ர்க⁴சக்ஷுஷ: ॥ 1௦ ॥
அயுக்தசாரம் மன்யே த்வாம் ப்ராக்ருதைஸ்ஸசிவைர்வ்ருதம் ।
ஸ்வஜனம் து ஜனஸ்தா²னே ஹதம் யோ நாவபு³த்³த்⁴யஸே ॥ 11 ॥
சதுர்த³ஶ ஸஹஸ்ராணி ரக்ஷஸாம் க்ரூரகர்மணாம் ।
ஹதான்யேகேன ராமேண க²ரஶ்ச ஸஹதூ³ஷண: ॥ 12 ॥
ருஷீணாமப⁴யம் த³த்தம் க்ருதக்ஷேமாஶ்ச த³ண்ட³கா: ।
த⁴ர்ஷிதம் ச ஜனஸ்தா²னம் ராமேணாக்லிஷ்டகர்மணா ॥ 13 ॥
த்வந்து லுப்³த:³ ப்ரமத்தஶ்ச பராதீ⁴னஶ்ச ராவண ।
விஷயே ஸ்வே ஸமுத்பன்னம் ப⁴யம் யோ நாவபு³த்⁴யஸே ॥ 14 ॥
தீக்ஷ்ணமல்பப்ரதா³தாரம் ப்ரமத்தம் க³ர்விதம் ஶட²ம் ।
வ்யஸனே ஸர்வபூ⁴தானி நாபி⁴தா⁴வந்தி பார்தி²வம் ॥ 15 ॥
அதிமானினமக்³ராஹ்யமாத்மஸம்பா⁴விதம் நரம் ।
க்ரோதி⁴னம் வ்யஸனே ஹந்தி ஸ்வஜனோபி மஹீபதிம் ॥ 16 ॥
நானுதிஷ்ட²தி கார்யாணி ப⁴யேஷு ந பி³பே⁴தி ச ।
க்ஷிப்ரம் ராஜ்யாச்யுதோ தீ³னஸ்த்ருணைஸ்துல்யோ ப⁴விஷ்யதி ॥ 17 ॥
ஶுஷ்கை: காஷ்டை²ர்ப⁴வேத்கார்யம் லோஷ்டைரபி ச பாம்ஸுபி⁴: ।
ந து ஸ்தா²னாத்பரிப்⁴ரஷ்டை: கார்யம் ஸ்யாத்³வஸுதா⁴தி⁴பை: ॥ 18 ॥
அபபு⁴க்தம் யதா² வாஸஸ்ஸ்ரஜோ வா ம்ருதி³தா யதா² ।
ஏவம் ராஜ்யாத்பரிப்⁴ரஷ்டஸ்ஸமர்தோ²பி நிரர்த²க: ॥ 19 ॥
அப்ரமத்தஶ்ச யோ ராஜா ஸர்வஜ்ஞோ விஜிதேந்த்³ரிய: ।
க்ருதஜ்ஞோ த⁴ர்மஶீலஶ்ச ஸ ராஜா திஷ்ட²தே சிரம் ॥ 2௦ ॥
நயனாப்⁴யாம் ப்ரஸுப்தோபி ஜாக³ர்தி நயசக்ஷுஷா ।
த்யக்தக்ரோத⁴ப்ரமாத³ஶ்ச ஸ ராஜா பூஜ்யதே ஜனை: ॥ 21 ॥
த்வம் து ராவண து³ர்பு³த்³தி⁴ர்கு³ணைரேதைர்விவர்ஜித: ।
யஸ்ய தேவிதி³தஶ்சாரை ரக்ஷஸாம் ஸுமஹான்வத:⁴ ॥ 22 ॥
பராவமந்தா விஷயேஷு ஸங்க³தோ ந தே³ஶகாலப்ரவிபா⁴க³தத்வவித் ।
அயுக்தபு³த்³தி⁴ர்கு³ணதோ³ஷனிஶ்சயே விபன்னராஜ்யோ நசிராத்³விபத்ஸ்யஸே ॥ 23 ॥
இதி ஸ்வதோ³ஷான் பரிகீர்திதாம்ஸ்தயா ஸமீக்ஷ்ய பு³த்³த்⁴யா க்ஷணதா³சரேஶ்வர: ।
த⁴னேன த³ர்பேண ப³லேன சான்விதோ விசிந்தயாமாஸ சிரம் ஸ ராவண: ॥ 24 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ த்ரயஸ்த்ரிம்ஶஸ்ஸர்க:³ ॥
