ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஏகோனத்ரிம்ஶஸ்ஸர்க:³ ।
ஏதத்து வசனம் ஶ்ருத்வா ஸீதா ராமஸ்ய து³:கி²தா ।
ப்ரஸக்தாஶ்ருமுகீ² மந்த³மித³ம் வசனமப்³ரவீத் ॥ 1 ॥
யே த்வயா கீர்திதா தோ³ஷா வனே வஸ்தவ்யதாம் ப்ரதி ।
கு³ணானித்யேவ தான்வித்³தி⁴ தவ ஸ்னேஹபுரஸ்க்ருதான் ॥ 2 ॥
ம்ருகா³ ஸ்ஸிம்ஹா கஜ³ாஶ்சைவ ஶார்தூ³லா ஶ்ஶரபா⁴ஸ்ததா² ।
பக்ஷிண ஸ்ஸ்ருமராஶ்சைவ யே சான்யே வனசாரிண: ॥ 3 ॥
அத்³ருஷ்டபூர்வரூபத்வாத்ஸர்வே தே தவ ராக⁴வ ।
ரூபம் த்³ருஷ்ட்வாபஸர்பேயுர்ப⁴யே ஸர்வே ஹி பி³ப்⁴யதி ॥ 4 ॥
த்வயா ச ஸஹ க³ந்தவ்யம் மயா கு³ருஜனாஜ்ஞயா ।
த்வத்³வியோகே³ன மே ராம த்யக்தவ்யமிஹ ஜீவிதம் ॥ 5 ॥
ந ஹி மாம் த்வத்ஸமீபஸ்தா²மபி ஶக்னோதிராக⁴வ ।
ஸுராணாமீஶ்வர ஶ்ஶக்ர: ப்ரத⁴ர்ஷயிதுமோஜஸா ॥ 6 ॥
பதிஹீனா து யா நாரீ ந ஸா ஶக்ஷ்யதி ஜீவிதும் ।
காமமேவம் வித⁴ம் ராம த்வயா மம நித³ர்ஶிதம் ॥ 7 ॥
அத² சாபி மஹாப்ராஜ்ஞ ப்³ராஹ்மணானாம் மயா ஶ்ருதம் ।
புரா பித்ருக்³ருஹே ஸத்யம் வஸ்தவ்யம் கில மே வனே ॥ 8 ॥
லக்ஷணிப்⁴யோ த்³விஜாதிப்⁴ய ஶ்ஶ்ருத்வாஹம் வசனம் புரா ।
வனவாஸக்ருதோத்ஸாஹா நித்யமேவ மஹாப³ல ॥ 9 ॥
ஆதே³ஶோ வனவாஸஸ்ய ப்ராப்தவ்ய ஸ்ஸ மயா கில ।
ஸா த்வயா ஸஹ தத்ராஹம் யாஸ்யாமி ப்ரிய நான்யதா² ॥ 1௦ ॥
க்ருதாதே³ஶா ப⁴விஷ்யாமி க³மிஷ்யாமி ஸஹ த்வயா ।
காலஶ்சாயம் ஸமுத்பன்ன ஸ்ஸத்யவாக்³ப⁴வது த்³விஜ: ॥ 11 ॥
வனவாஸேபி⁴ஜானாமி து³:கா²னி ப³ஹுதா² கில ।
ப்ராப்யந்தே நியதம் வீர புருஷைரக்ருதாத்மபி⁴: ॥ 12 ॥
கன்யயா ச பிதுர்கே³ஹே வனவாஸ ஶ்ஶ்ருதோ மயா ।
பி⁴க்ஷிண்யா ஸ்ஸாது⁴வ்ருத்தாயா மம மாதுரிஹாக்³ரத: ॥ 13 ॥
ப்ரஸாதி³தஶ்ச வை பூர்வம் த்வம் மே ப³ஹுதித²ம் ப்ரபோ⁴ ।
க³மனம் வனவாஸஸ்ய காங்க்ஷிதம் ஹி ஸஹ த்வயா ॥ 14 ॥
க்ருதக்ஷணாஹம் ப⁴த்³ரம் தே க³மனம் ப்ரதி ராக⁴வ ।
வனவாஸஸ்ய ஶூரஸ்ய சர்யா ஹி மம ரோசதே ॥ 15 ॥
ஶுத்³தா⁴த்மன்ப்ரேமபா⁴வாத்⁴தி³ ப⁴விஷ்யாமி விகல்மஷா ।
ப⁴ர்தாரமனுக³ச்ச²ந்தீ ப⁴ர்தா ஹி மம தை³வதம் ॥ 16 ॥
ப்ரேத்யபா⁴வே ஹி கல்யாண ஸ்ஸங்க³மோ மே ஸஹ த்வயா ।
ஶ்ருதிர்ஹி ஶ்ரூயதே புண்யா ப்³ராஹ்மணானாம் யஶஸ்வினாம் ॥ 17 ॥
இஹலோகே ச பித்ருபி⁴ர்யா ஸ்த்ரீ யஸ்ய மஹாமதே ।
அத்³பி⁴ர்த³த்தா ஸ்வத⁴ர்மேண ப்ரேத்யபா⁴வேபி தஸ்ய ஸா ॥ 18 ॥
ஏவமஸ்மாத்ஸ்வகாம் நாரீம் ஸுவ்ருத்தாம் ஹி பதிவ்ரதாம் ।
நாபி⁴ரோசயஸே நேதும் த்வம் மாம் கேனேஹ ஹேதுனா ॥ 19 ॥
ப⁴க்தாம் பதிவ்ரதாம் தீ³னாம் மாம் ஸமாம் ஸுக²து³:க²யோ: ।
நேதுமர்ஹஸி காகுத்ஸ்த² ஸமான ஸுக²து³:கி²னீம் ॥ 2௦ ॥
யயதி³ மாம் து³:கி²தாமேவம் வனம் நேதும் ந சேச்ச²ஸி ।
விஷமக்³னிம் ஜலம் வாஹமாஸ்தா²ஸ்யே ம்ருத்யுகாரணாத் ॥ 21 ॥
ஏவம் ப³ஹுவித⁴ம் தம் ஸா யாசதே க³மனம் ப்ரதி ।
நானுமேனே மஹாபா³ஹுஸ்தாம் நேதும் விஜனம் வனம் ॥ 22 ॥
ஏவமுக்தா து ஸா சிந்தாம் மைதி²லீ ஸமுபாக³தா ।
ஸ்னாபயந்தீவ கா³முஷ்ணைரஶ்ருபி⁴ர்னயனச்யுதை: ॥ 23 ॥
சிந்தயந்தீம் ததா² தாம் து நிவர்தயிதுமாத்மவான் ।
தாம்ரோஷ்டீ²ம் ஸ ததா³ ஸீதாம் காகுத்ஸ்தோ² ப³ஹ்வஸாந்த்வயத் ॥ 24 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஏகோனத்ரிம்ஶஸ்ஸர்க:³ ॥
