ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² ஸப்தத்ரிம்ஶஸ்ஸர்க:³ ।
ஸீதா தத்³வசனம் ஶ்ருத்வா பூர்ணசந்த்³ரனிபா⁴னநா ।
ஹனூமந்தமுவாசேத³ம் த⁴ர்மார்த²ஸஹிதம் வச: ॥ 1 ॥
அம்ருதம் விஷஸம்ஸ்ருஷ்டம் த்வயா வானர பா⁴ஷிதம் ।
யச்ச நான்யமனா ராமோ யச்ச ஶோகபராயண: ॥ 2 ॥
ஐஶ்வர்யே வா ஸுவிஸ்தீர்ணே வ்யஸனே வா ஸுதா³ருணே ।
ரஜ்ஜ்வேவ புருஷம் ப³த்³த்⁴வா க்ருதாந்த: பரிகர்ஷதி ॥ 3 ॥
விதி⁴ர்னூனமஸம்ஹார்ய: ப்ராணினாம் ப்லவகோ³த்தம ।
ஸௌமித்ரிம் மாம் ச ராமம் ச வ்யஸனை: பஶ்ய மோஹிதான் ॥ 4 ॥
ஶோகஸ்யாஸ்ய கதா³ பாரம் ராக⁴வோதி⁴க³மிஷ்யதி ।
ப்லவமான: பரிஶ்ராந்தோ ஹதனௌ ஸ்ஸாக³ரே யதா² ॥ 5 ॥
ராக்ஷஸானாம் வத⁴ம் க்ருத்வா ஸூத³யித்வா ச ராவணம் ।
லங்காமுன்மூலிதாம் க்ருத்வா கதா³ த்³ரக்ஷ்யதி மாம் பதி: ॥ 6 ॥
ஸ வாச்யஸ்ஸந்த்வரஸ்வேதி யாவதே³வ ந பூர்யதே ।
அயம் ஸம்வத்ஸர: காலஸ்தாவத்³தி⁴ மம ஜீவிதம் ॥ 7 ॥
வர்ததே த³ஶமோ மாஸோ த்³வௌ து ஶேஷௌ ப்லவங்க³ம ।
ராவணேன ந்ருஶம்ஸேன ஸமயோ ய: க்ருதோ மம ॥ 8 ॥
விபீ⁴ஷணேன ச ப்⁴ராத்ரா மம நிர்யாதனம் ப்ரதி ।
அனுனீத: ப்ரயத்னேன ந ச தத்குருதே மதிம் ॥ 9 ॥
மம ப்ரதிப்ரதா³னம் ஹி ராவணஸ்ய ந ரோசதே ।
ராவணம் மார்க³தே ஸங்க்³யே ம்ருத்யு: காலவஶம் க³தம் ॥ 1௦ ॥
ஜ்யேஷ்டா² கன்யா நலா நாம விபீ⁴ஷணஸுதா கபே ।
தயா மமேத³மாக்²யாதம் மாத்ரா ப்ரஹிதயா ஸ்வயம் ॥ 11 ॥
அஸம்ஶயம் ஹரிஶ்ரேஷ்ட² க்ஷிப்ரம் மாம் ப்ராப்ஸ்யதே பதி: ।
அந்தராத்மா ச மே ஶுத்³த⁴ஸ்தஸ்மிம்ஶ்ச ப³ஹவோ கு³ணா: ॥ 12 ॥
உத்ஸாஹ: பௌருஷம் ஸத்த்வமான்ருஶம்ஸ்யம் க்ருதஜ்ஞதா ।
விக்ரமஶ்ச ப்ரபா⁴வஶ்ச ஸந்தி வானர ராக⁴வே ॥ 13 ॥
சதுர்த³ஶஸஹஸ்ராணி ராக்ஷஸானாம் ஜகா⁴ன ய: ।
ஜனஸ்தா²னே வினா ப்⁴ராத்ரா ஶத்ரு: கஸ்தஸ்ய நோத்³விஜேத் ॥ 14 ॥
ந ஸ ஶக்யஸ்துலயிதும் வ்யஸனை: புருஷர்ஷப:⁴ ।
அஹம் தஸ்ய ப்ரபா⁴வஜ்ஞா ஶக்ரஸ்யேவ புலோமஜா ॥ 15 ॥
ஶரஜாலாம்ஶுமான்ஶூர: கபே ராமதி³வாகர: ।
ஶத்ருரக்ஷோமயம் தோயமுபஶோஷம் நயிஷ்யதி ॥ 16 ॥
இதி ஸஞ்ஜல்பமானாம் தாம் ராமார்தே² ஶோககர்ஶிதாம் ।
ஆஶ்ருஸம்பூர்ணனயனாமுவாச வசனம் கபி: ॥ 17 ॥
ஶ்ருத்வைவ து வசோ மஹ்யம் க்ஷிப்ரமேஷ்யதி ராக⁴வ: ।
சமூம் ப்ரகர்ஷன்மஹதீம் ஹர்ய்ருக்ஷக³ணஸங்குலாம் ॥ 18 ॥
அத²வா மோசயிஷ்யாமி த்வாமத்³யைவ வரானநே ।
அஸ்மாத்³து⁴:கா²து³பாரோஹ மம ப்ருஷ்ட²மனிந்தி³தே ॥ 19 ॥
த்வாம் ஹி ப்ருஷ்ட²க³தாம் க்ருத்வா ஸந்தரிஷ்யாமி ஸாக³ரம் ।
ஶக்திரஸ்தி ஹி மே வோடு⁴ம் லங்காமபி ஸராவணாம் ॥ 2௦ ॥
அஹம் ப்ரஸ்ரவணஸ்தா²ய ராக⁴வாயாத்³ய மைதி²லி ।
ப்ராபயிஷ்யாமி ஶக்ராய ஹவ்யம் ஹுதமிவானல: ॥ 21 ॥
த்³ரக்ஷ்யஸ்யத்³வைவ வைதே³ஹி ராக⁴வம் ஸஹலக்ஷ்மணம் ।
வ்யவஸாயஸமாயுக்தம் விஷ்ணும் தை³த்யவதே⁴ யதா² ॥ 22 ॥
த்வத்³த³ர்ஶனக்ருதோத்ஸாஹமாஶ்ரமஸ்த²ம் மஹாப³லம் ।
புரந்த³ரமிவாஸீனம் நாக³ராஜஸ்ய மூர்த⁴னி ॥ 23 ॥
ப்ருஷ்ட²மாரோஹ மே தே³வி மா விகாங்க்ஷஸ்வ ஶோப⁴னே ।
யோக³மன்விச்ச² ராமேண ஶஶாங்கேனேவ ரோஹிணீ ॥ 24 ॥
கத²யந்தீவ சந்த்³ரேண ஸூர்யேண ச மஹார்சிஷா ।
மத்ப்ருஷ்ட²மதி⁴ருஹ்ய த்வம் தராகாஶமஹார்ணவௌ ॥ 25 ॥
ந ஹி மே ஸம்ப்ரயாதஸ்ய த்வாமிதோ நயதோங்க³னே ।
அனுக³ந்தும் க³திம் ஶக்தாஸ்ஸர்வே லங்கானிவாஸின: ॥ 26 ॥
யதை²வாஹமிஹ ப்ராப்தஸ்ததை²வாஹமஸம்ஶய: ।
யாஸ்யாமி பஶ்ய வைதே³ஹி த்வாமுத்³யம்ய விஹாயஸம் ॥ 27 ॥
மைதி²லீ து ஹரிஶ்ரேஷ்டா²ச்ச்²ருத்வா வசனமத்³பு⁴தம் ।
ஹர்ஷவிஸ்மிதஸர்வாங்கீ³ ஹனுமந்தமதா²ப்³ரவீத் ॥ 28 ॥
ஹனுமந்தூ³ரமத்⁴வானம் கத²ம் மாம் வோடு⁴மிச்ச²ஸி ।
ததே³வ க²லு தே மன்யே கபித்வம் ஹரியூத²ப ॥ 29 ॥
கத²ம் வால்பஶரீரஸ்த்வம் மாமிதோ நேதுமிச்ச²ஸி ।
ஸகாஶம் மானவேந்த்³ரஸ்ய ப⁴ர்துர்மே ப்லவக³ர்ஷப⁴ ॥ 3௦ ॥
ஸீதாயா வசனம் ஶ்ருத்வா ஹனுமான்மாருதாத்மஜ: ।
சிந்தயாமாஸ லக்ஷ்மீவான்னவம் பரிப⁴வம் க்ருதம் ॥ 31 ॥
ந மே ஜானாதி ஸத்த்வம் வா ப்ரபா⁴வம் வாஸிதேக்ஷணா ।
தஸ்மாத்பஶ்யது வைதே³ஹீ யத்³ரூபம் மம காமத: ॥ 32 ॥
இதி ஸஞ்சிந்த்ய ஹனுமாம்ஸ்ததா³ ப்லவக³ஸத்தம: ।
த³ர்ஶயாமாஸ வைதே³ஹ்யாஸ்ஸ்வரூபமரிமர்த³ன: ॥ 33 ॥
ஸ தஸ்மாத்பாத³பாத்³தீ⁴மானாப்லுத்ய ப்லவக³ர்ஷப:⁴ ।
ததோ வர்தி⁴துமாரேபே⁴ ஸீதாப்ரத்யயகாரணாத் ॥ 34 ॥
மேருமந்த³ரஸங்காஶோ ப³பௌ⁴ தீ³ப்தானலப்ரப:⁴ ।
அக்³ரதோ வ்யவதஸ்தே² ச ஸீதாயா வானரோத்தம: ॥ 35 ॥
ஹரி: பர்வதஸங்காஶஸ்தாம்ரவக்த்ரோ மஹாப³ல: ।
வஜ்ரத³ம்ஷ்ட்ரனகோ² பீ⁴மோ வைதே³ஹீமித³மப்³ரவீத் ॥ 36 ॥
ஸபர்வதவனோத்³தே³ஶாம் ஸாட்டப்ராகாரதோரணாம் ।
லங்காமிமாம் ஸனாதா²ம் வா நயிதும் ஶக்திரஸ்தி மே ॥ 37 ॥
தத³வஸ்தா²ப்யதாம் பு³த்³தி⁴ரலம் தே³வி விகாங்க்ஷயா ।
விஶோகம் குரு வைதே³ஹி ராக⁴வம் ஸஹலக்ஷ்மணம் ॥ 38 ॥
தம் த்³ருஷ்ட்வா பீ⁴மஸங்காஶமுவாச ஜனகாத்மஜா ।
பத்³மபத்ரவிஶாலாக்ஷீ மாருதஸ்யௌரஸம் ஸுதம் ॥ 39 ॥
தவ ஸத்த்வம் ப³லம் சைவ விஜானாமி மஹாகபே ।
வாயோரிவ க³திம் சைவ தேஜஶ்சாக்³னேரிவாத்³பு⁴தம் ॥ 4௦ ॥
ப்ராக்ருதோன்ய: கத²ம் சேமாம் பூ⁴மிமாக³ந்துமர்ஹதி ।
உத³தே⁴ரப்ரமேயஸ்ய பாரம் வானரபுங்க³வ ॥ 41 ॥
ஜானாமி க³மனே ஶக்திம் நயனே சாபி தே மம ।
அவஶ்யம் ஸம்ப்ரதா⁴ர்யாஶு கார்யஸித்³தி⁴ர்மஹாத்மன: ॥ 42 ॥
அயுக்தம் து கபிஶ்ரேஷ்ட² மம க³ந்தும் த்வயானக⁴ ।
வாயுவேக³ஸவேக³ஸ்ய வேகோ³ மாம் மோஹயேத்தவ ॥ 43 ॥
அஹமாகாஶமாபன்னா ஹ்யுபர்யுபரி ஸாக³ரம் ।
ப்ரபதேயம் ஹி தே ப்ருஷ்டா²த்³ப⁴யாத்³வேகே³வ க³ச்ச²த: ॥ 44 ॥
பதிதா ஸாக³ரே சாஹம் திமினக்ரஜ²ஷாகுலே ।
ப⁴வேயமாஶு விவஶா யாத³ஸாமன்னமுத்தமம் ॥ 45 ॥
ந ச ஶக்ஷ்யே த்வயா ஸார்த⁴ம் க³ந்தும் ஶத்ருவினாஶன ।
கலத்ரவதி ஸந்தே³ஹஸ்த்வய்யபி ஸ்யாத³ஸம்ஶய: ॥ 46 ॥
ஹ்ரியமாணாம் து மாம் த்³ருஷ்ட்வா ராக்ஷஸா பீ⁴மவிக்ரமா: ।
அனுக³ச்சே²யுராதி³ஷ்டா ராவணேன து³ராத்மனா ॥ 47 ॥
தைஸ்த்வம் பரிவ்ருதஶ்ஶூரைஶ்ஶூலமுத்³க³ரபாணிபி⁴: ।
ப⁴வேஸ்த்வம் ஸம்ஶயம் ப்ராப்தோ மயா வீர கலத்ரவான் ॥ 48 ॥
ஸாயுதா⁴ ப³ஹவோ வ்யோம்னி ராக்ஷஸாஸ்த்வம் நிராயுத:⁴ ।
கத²ம் ஶக்ஷ்யஸி ஸம்யாதும் மாம் சைவ பரிரக்ஷிதும் ॥ 49 ॥
யுத்⁴யமானஸ்ய ரக்ஷோபி⁴ஸ்தவ தை: க்ரூரகர்மபி⁴: ।
ப்ரபதேயம் ஹி தே ப்ருஷ்டா²த்³ப⁴யார்தா கபிஸத்தம ॥ 5௦ ॥
அத² ரக்ஷாம்ஸி பீ⁴மானி மஹாந்தி ப³லவந்தி ச ।
கத²ஞ்சித்ஸாம்பராயே த்வாம் ஜயேயு: கபிஸத்தம ॥ 51 ॥
அத²வா யுத்⁴யமானஸ்ய பதேயம் விமுக²ஸ்ய தே ।
பதிதாம் ச க்³ருஹீத்வா மாம் நயேயு: பாபராக்ஷஸா: ॥ 52 ॥
மாம் வா ஹரேயுஸ்த்வத்³த⁴ஸ்தாத்³விஶஸேயுரதா²பி வா ।
அவ்யவஸ்தௌ² ஹி த்³ருஶ்யேதே யுத்³தே⁴ ஜயபராஜயௌ ॥ 53 ॥
அஹம் வாபி விபத்³யேயம் ரக்ஷோபி⁴ரபி⁴தர்ஜிதா ।
த்வத்ப்ரயத்னோ ஹரிஶ்ரேஷ்ட² ப⁴வேன்னிஷ்ப²ல ஏவ து ॥ 54 ॥
காமம் த்வமஸி பர்யாப்தோ நிஹந்தும் ஸர்வராக்ஷஸான் ।
ராக⁴வஸ்ய யஶோ ஹீயேத்த்வயா ஶஸ்தைஸ்து ராக்ஷஸை: ॥ 55 ॥
அத²வாதா³ய ரக்ஷாம்ஸி ந்யஸேயுஸ்ஸம்வ்ருதே ஹி மாம் ।
யத்ர தே நாபி⁴ஜானீயுர்ஹரயோ நாபி ராக⁴வௌ ॥ 56 ॥
ஆரம்ப⁴ஸ்து மத³ர்தோ²யம் ததஸ்தவ நிரர்த²க: ।
த்வயா ஹி ஸஹ ராமஸ்ய மஹானாக³மனே கு³ண: ॥ 57 ॥
மயி ஜீவிதமாயத்தம் ராக⁴வஸ்ய மஹாத்மன: ।
ப்⁴ராத்ரூணாம் ச மஹாபா³ஹோ தவ ராஜகுலஸ்ய ச ॥ 58 ॥
தௌ நிராஶௌ மத³ர்த²ம் து ஶோகஸந்தாபகர்ஶிதௌ ।
ஸஹ ஸர்வர்க்ஷஹரிபி⁴ஸ்த்யக்ஷ்யத: ப்ராணஸங்க்³ரஹம் ॥ 59 ॥
ப⁴ர்துர்ப⁴க்திம் புரஸ்க்ருத்ய ராமாத³ன்யஸ்ய வானர ।
ந ஸ்ப்ருஶாமி ஶரீரம் து பும்ஸோ வானரபுங்க³வ ॥ 6௦ ॥
யத³ஹம் கா³த்ரஸம்ஸ்பர்ஶம் ராவணஸ்ய ப³லாத்³க³தா ।
அனீஶா கிம் கரிஷ்யாமி வினாதா² விவஶா ஸதீ ॥ 61 ॥
யதி³ ராமோ த³ஶக்³ரீவமிஹ ஹத்த்வா ஸபா³ந்த⁴வம் ।
மாமிதோ க்³ருஹ்ய க³ச்சே²த தத்தஸ்ய ஸத்³ருஶம் ப⁴வேத் ॥ 62 ॥
ஶ்ருதா ஹி த்³ருஷ்டாஶ்ச மயா பராக்ரமா மஹாத்மனஸ்தஸ்ய ரணாவமர்தி³ன: ।
ந தே³வக³ந்த⁴ர்வபு⁴ஜங்க³ராக்ஷஸா ப⁴வந்தி ராமேண ஸமா ஹி ஸம்யுகே³ ॥ 63 ॥
ஸமீக்ஷ்ய தம் ஸம்யதி சித்ரகார்முகம் மஹாப³லம் வாஸவதுல்யவிக்ரமம் ।
ஸலக்ஷ்மணம் கோ விஷஹேத ராக⁴வம் ஹுதாஶனம் தீ³ப்தமிவானிலேரிதம் ॥ 64 ॥
ஸலக்ஷ்மணம் ராக⁴வமாஜிமர்த³னம் தி³ஶாகஜ³ம் மத்தமிவ வ்யவஸ்தி²தம் ।
ஸஹேத கோ வானரமுக்²ய ஸம்யுகே³ யுகா³ந்தஸூர்யப்ரதிமம் ஶரார்சிஷம் ॥ 65 ॥
ஸ மே ஹரிஶ்ரேஷ்ட² ஸலக்ஷ்மணம் பதிம் ஸயூத²பம் க்ஷிப்ரமிஹோபபாத³ய ।
சிராய ராமம் ப்ரதி ஶோககர்ஶிதாம் குருஷ்வ மாம் வானரமுக்²ய ஹர்ஷிதாம் ॥ 66 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ ஸப்தத்ரிம்ஶஸ்ஸர்க:³ ॥
