ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஸப்தாதி⁴கஶததமஸ்ஸர்க:³ ।
புனரேவம் ப்³ருவாணம் தம் ப⁴ரதம் லக்ஷ்மணாக்³ரஜ: ।
ப்ரத்யுவாச தத ஶ்ஶ்ரீமான் ஜ்ஞாதிமத்⁴யேபி⁴ஸத்க்ருத: ॥ 1 ॥
உபபன்னமித³ம் வாக்யம் யத்த்வமேவமபா⁴ஷதா²: ।
ஜாத: புத்ரோ த³ஶரதா²த்கைகேய்யாம் ராஜஸத்தமாத் ॥ 2 ॥
புரா ப்⁴ராத: பிதா ந ஸ்ஸ மாதரம் தே ஸமுத்³வஹன் ।
மாதாமஹே ஸமாஶ்ரௌஷீத்³ராஜ்யஶுல்கமனுத்தமம் ॥ 3 ॥
தை³வாஸுரே ச ஸங்க்³ராமே ஜனந்யை தவ பார்தி²வ: ।
ஸம்ப்ரஹ்ருஷ்டோ த³தௌ³ ராஜா வரமாராதி⁴த: ப்ரபு⁴: ॥ 4 ॥
ததஸ்ஸா ஸம்ப்ரதிஶ்ராவ்ய தவ மாதா யஶஸ்வினீ ।
அயாசத நரஶ்ரேஷ்ட²ம் த்³வௌ வரௌ வரவர்ணினீ ॥ 5 ॥
தவ ராஜ்யம் நரவ்யாக்⁴ர மம ப்ரவ்ராஜனம் ததா² ।
தௌ ச ராஜா ததா³ தஸ்யை நியுக்த: ப்ரத³தௌ³ வரௌ ॥ 6 ॥
தத: ஸா ஸம்ப்ரதிஶ்ராவ்ய தவ மாதா யஶஸ்வினீ ।
அயாசத நரஶ்ரேஷ்ட²ம் த்³வௌ வரௌ வரவர்ணினீ ॥ 7 ॥
தவ ராஜ்யம் நரவ்யாக்⁴ர மம ப்ரவ்ராஜனம் ததா² ।
தச்ச ராஜா ததா³ தஸ்யை நியுக்த: ப்ரத³தௌ³ வரௌ ॥ 8 ॥
தேன பித்ராஹமப்யத்ர நியுக்த: புருஷர்ஷப⁴ ।
சதுர்த³ஶ வனே வாஸம் வர்ஷாணி வரதா³னிகம் ॥ 9 ॥
ஸோஹம் வனமித³ம் ப்ராப்தோ நிர்ஜனம் லக்ஷ்மணான்வித: ।
ஸீதயா சாப்ரதித்³வந்த்³வ ஸ்ஸத்யவாதே³ ஸ்தி²த: பிது: ॥ 1௦ ॥
ப⁴வானபி ததே²த்யேவ பிதரம் ஸத்யவாதி³னம் ।
கர்துமர்ஹதி ராஜேந்த்³ர க்ஷிப்ரமேவாபி⁴ஷேசனாத் ॥ 11 ॥
ருணான்மோசய ராஜானம் மத்க்ருதே ப⁴ரத ப்ரபு⁴ம் ।
பிதரம் சாபி த⁴ர்மஜ்ஞம் மாதரம் சாபி⁴னந்த³ய ॥ 12 ॥
ஶ்ரூயதே தீ⁴மதா தாத ஶ்ருதிர்கீ³தா யஶஸ்வினா ।
க³யேன யஜமானேன க³யேஷ்வேவ பித்ரூன் ப்ரதி ॥ 13 ॥
புன்னாம்னோ நரகாத்³ யஸ்மாத் பிதரம் த்ராயதே ஸுத: ।
தஸ்மாத் புத்ர இதி ப்ரோக்த: பித்ரூன் ய: பாதி ஸர்வத: ॥ 14 ॥
ஏஷ்டவ்யா ப³ஹவ: புத்ரா கு³ணவந்தோ ப³ஹுஶ்ருதா: ।
தேஷாம் வை ஸமவேதானாமபி கஶ்சித்³க³யாம் வ்ரஜேத் ॥ 15 ॥
ஏவம் ராஜர்ஷய ஸ்ஸர்வே ப்ரதீதா ராஜனந்த³ன ।
தஸ்மாத்ராஹி நரஶ்ரேஷ்ட² பிதரம் நரகாத்ப்ரபோ⁴ ॥ 16 ॥
அயோத்⁴யாம் க³ச்ச² ப⁴ரத ப்ரக்ருதீரனுரஞ்ஜய ।
ஶத்ருக்⁴னஸஹிதோ வீர ஸஹ ஸர்வைர்த்³விஜாதிபி⁴: ॥ 17 ॥
ப்ரவேக்ஷ்யே த³ண்ட³காரண்யமஹமப்யவிலம்ப³யன் ।
ஆப்⁴யாந்து ஸஹிதோ ராஜன் வைதே³ஹ்யா லக்ஷ்மணேன ச ॥ 18 ॥
த்வம் ராஜா ப⁴ரத ப⁴வ ஸ்வயம் நராணாம் வன்யானாமஹமபி ராஜராண்ம்ருகா³ணாம் ।
க³ச்ச² த்வம் புரவரமத்³ய ஸம்ப்ரஹ்ருஷ்டஸ்ஸம்ஹ்ருஷ்டஸ்த்வஹமபி த³ண்ட³கான்ப்ரவேக்ஷ்யே ॥ 19 ॥
சா²யாம் தே தி³னகரபா⁴: ப்ரபா³த⁴மானாம் வர்ஷத்ரம் ப⁴ரத கரோது மூர்த்⁴னி ஶீதாம் ।
ஏதேஷாமஹமபி கானநத்³ருமாணாம் சா²யாம் தாமதிஶயினீம் ஸுகீ² ஶ்ரயிஷ்யே ॥ 2௦ ॥
ஶத்ருக்⁴ன: குஶலமதிஸ்து தே ஸஹாயஸ்ஸௌமித்ரிர்மம விதி³த: ப்ரதா⁴னமித்ரம் ।
சத்வாரஸ்தனயவரா வயம் நரேந்த்³ரம் ஸத்யஸ்த²ம் ப⁴ரத சராம மா விஷீத³ ॥ 21 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஸப்தாதி⁴கஶததமஸ்ஸர்க:³ ॥
