ஶ்ரீமத்³வால்மீகீய ராமாயணே பா³லகாண்ட³ம் ।
அத² சதுஶ்சத்வாரிம்ஶஸ்ஸர்க:³ ।
ஸ க³த்வா ஸாக³ரம் ராஜா க³ங்க³யானுக³தஸ்ததா³ ।
ப்ரவிவேஶ தலம் பூ⁴மேர்யத்ர தே ப⁴ஸ்மஸாத்க்ருதா: ॥ 1 ॥
ப⁴ஸ்மன்யதா²ப்லுதே ராம க³ங்கா³யாஸ்ஸலிலேன வை ।
ஸர்வலோகப்ரபு⁴ர்ப்³ரஹ்மா ராஜானமித³மப்³ரவீத் ॥ 2 ॥
தாரிதா நரஶார்தூ³ல தி³வம் யாதாஶ்ச தே³வவத் ।
ஷஷ்டி²: புத்ரஸஹஸ்ராணி ஸக³ரஸ்ய மஹாத்மன: ॥ 3 ॥
ஸாக³ரஸ்ய ஜலம் லோகே யாவத்ஸ்தா²ஸ்யதி பார்தி²வ ।
ஸக³ரஸ்யாத்மஜாஸ்தாவத்ஸ்வர்கே³ ஸ்தா²ஸ்யந்தி தே³வவத் ॥ 4 ॥
இயம் ச து³ஹிதா ஜ்யேஷ்டா² தவ க³ங்கா³ ப⁴விஷ்யதி ।
த்வத்க்ருதேன ச நாம்னாத² லோகே ஸ்தா²ஸ்யதி விஶ்ருதா ॥ 5 ॥
க³ங்கா³ த்ரிபத²கா³ ராஜன் தி³வ்யா பா⁴கீ³ரதீ²தி ச ।
த்ரீன் பதோ² பா⁴வயந்தீதி ததஸ்த்ரிபத²கா³ ஸ்ம்ருதா ॥ 6 ॥
பிதாமஹானாம் ஸர்வேஷாம் த்வமத்ர மனுஜாதி⁴ப ।
குருஷ்வ ஸலிலம் ராஜன் ப்ரதிஜ்ஞாமபவர்ஜய ॥ 7 ॥
பூர்வகேண ஹி தே ராஜம்ஸ்தேனாதியஶஸா ததா³ ।
த⁴ர்மிணாம் ப்ரவரேணாபி நைஷ ப்ராப்தோ மனோரத:² ॥ 8 ॥
ததை²வாம்ஶுமதா தாத லோகேப்ரதிமதேஜஸா ।
க³ங்கா³ம் ப்ரார்த²யதானேதும் ப்ரதிஜ்ஞா நாபவர்ஜிதா ॥ 9 ॥
ராஜர்ஷிணா கு³ணவதா மஹர்ஷிஸமதேஜஸா ।
மத்துல்யதபஸா சைவ க்ஷத்ரத⁴ர்மஸ்தி²தேன ச ॥ 1௦ ॥
தி³லீபேன மஹாபா⁴க³ தவ பித்ராதி தேஜஸா ।
புனர்ன ஶங்கிதானேதும் க³ங்கா³ம் ப்ரார்த²யதானக⁴ ॥ 11 ॥
ஸா த்வயா ஸமனுக்ராந்தா ப்ரதிஜ்ஞா புருஷர்ஷப⁴ ।
ப்ராப்தோஸி பரமம் லோகே யஶ: பரமஸம்மதம் ॥ 12 ॥
யச்ச க³ங்கா³வதரணம் த்வயா க்ருதமரிந்த³ம ।
அனேன ச ப⁴வான் ப்ராப்தோ த⁴ர்மஸ்யாயதனம் மஹத் ॥ 13 ॥
ப்லாவயஸ்வ த்வமாத்மானம் நரோத்தம ஸதோ³சிதே ।
ஸலிலே புருஷவ்யாக்⁴ர ஶுசி: புண்யப²லோ ப⁴வ ॥ 14 ॥
பிதாமஹானாம் ஸர்வேஷாம் குருஷ்வ ஸலிலக்ரியாம் ।
ஸ்வஸ்தி தேஸ்து க³மிஷ்யாமி ஸ்வம் லோகம் க³ம்யதாம் ந்ருப ॥ 15 ॥
இத்யேவமுக்த்வா தே³வேஶ: ஸர்வலோகபிதாமஹ: ।
யதா²க³தம் ததா²க³ச்ச²த் தே³வலோகம் மஹாயஶா: ॥ 16 ॥
ப⁴கீ³ரதோ²பி ராஜர்ஷி: க்ருத்வா ஸலிலமுத்தமம் ।
யதா²க்ரமம் யதா²ன்யாயம் ஸாக³ராணாம் மஹாயஶா: ॥ 17 ॥
க்ருதோத³கஶ்ஶுசீ ராஜா ஸ்வபுரம் ப்ரவிவேஶ ஹ ।
ஸம்ருத்³தா⁴ர்தோ² ரகு⁴ஶ்ரேஷ்ட² ஸ்வராஜ்யம் ப்ரஶஶாஸ ஹ ॥ 18 ॥
ப்ரமுமோத³ ஹ லோகஸ்தம் ந்ருபமாஸாத்³ய ராக⁴வ ।
நஷ்டஶோகஸ்ஸம்ருத்³தா⁴ர்தோ² ப³பூ⁴வ விக³தஜ்வர: ॥ 19 ॥
ஏஷ தே ராம க³ங்கா³யா விஸ்தரோபி⁴ஹிதோ மயா ।
ஸ்வஸ்தி ப்ராப்னுஹி ப⁴த்³ரம் தே ஸந்த்⁴யாகாலோதிவர்ததே ॥ 2௦ ॥
த⁴ன்யம் யஶஸ்யமாயுஷ்யம் புத்ர்யம் ஸ்வர்க்³யமதீவ ச ।
யஶ்ஶ்ராவயதி விப்ரேஷு க்ஷத்ரியேஷ்விதரேஷு ச ॥ 21 ॥
ப்ரீயந்தே பிதரஸ்தஸ்ய ப்ரீயந்தே தை³வதானி ச ।
இத³மாக்²யானமவ்யக்³ரோ க³ங்கா³வதரணம் ஶுப⁴ம் ॥ 22 ॥
யஶ்ஶ்ருணோதி ச காகுத்ஸ்த² ஸர்வான் காமானவாப்னுயாத் ।
ஸர்வே பாபா: ப்ரணஶ்யந்தி ஆயு: கீர்திஶ்ச வர்த⁴தே ॥ 23 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ சதுஶ்சத்வாரிம்ஶஸ்ஸர்க:³ ॥
