ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஏகாஶீதிதமஸ்ஸர்க:³ ।
ததோ நாந்தீ³முகீ²ம் ராத்ரிம் ப⁴ரதம் ஸூதமாக³தா⁴: ।
துஷ்டுவுர்வாக்³விஶேஷஜ்ஞாஸ்ஸ்தவைர்மங்க³லஸம்ஹிதை: ॥ 1 ॥
ஸுவர்ணகோணாபி⁴ஹத: ப்ராணத³த்³யாமது³ந்து³பி⁴: ।
த³த்⁴முஶ்ஶங்கா²ம்ஶ்ச ஶதஶோ நாதா³ம்ஶ்சோச்சாவசஸ்வரான் ॥ 2 ॥
ஸ தூர்யகோ⁴ஷ ஸ்ஸுமஹாந்தி³வமாபூரயன்னிவ ।
ப⁴ரதம் ஶோகஸந்தப்தம் பூ⁴யஶ்ஶோகைரரந்த்⁴ரயத் ॥ 3 ॥
தத: ப்ரபு³த்³தோ⁴ ப⁴ரதஸ்தம் கோ⁴ஷம் ஸன்னிவர்த்ய ச ।
நாஹம் ராஜேதி சாப்யுக்த்வா ஶத்ருக்⁴னமித³மப்³ரவீத் ॥ 4 ॥
பஶ்ய ஶத்ருக்⁴ன கைகேய்யா லோகஸ்யாபக்ருதம் மஹத் ।
விஸ்ருஜ்ய மயி து³:கா²னி ராஜா த³ஶரதோ² க³த: ॥ 5 ॥
தஸ்யைஷா த⁴ர்மராஜஸ்ய த⁴ர்மமூலா மஹாத்மன: ।
பரிப்⁴ரமதி ராஜ்ய ஶ்ரீர்னௌரிவாகர்ணிகா ஜலே ॥ 6 ॥
யோ ஹி ந ஸ்ஸுமஹான்னாத²ஸ்ஸோபி ப்ரவ்ராஜிதோ வனம் ।
அனயா த⁴ர்மமுத்ஸ்ருஜ்ய மாத்ரா மே ராக⁴வஸ்ஸ்வயம் ॥ 7 ॥
இத்யேவம் ப⁴ரதம் ப்ரேக்ஷ்ய விலபந்தம் விசேதனம் ।
க்ருபணம் ருருது³ஸ்ஸர்வாஸ்ஸஸ்வரம் யோஷித ஸ்ததா³ ॥ 8 ॥
ததா² தஸ்மின்விலபதி வஸிஷ்டோ² ராஜத⁴ர்மவித் ।
ஸபா⁴மிக்ஷ்வாகுனாத²ஸ்ய ப்ரவிவேஶ மஹாயஶா: ॥ 9 ॥
ஶாதகும்ப⁴மயீம் ரம்யாம் மணிரத்னஸமாகுலாம் ।
ஸுத⁴ர்மாமிவ த⁴ர்மாத்மா ஸக³ண: ப்ரத்யபத்³யத ॥ 1௦ ॥
ஸ காஞ்சனமயம் பீட²ம் ஸுகா²ஸ்தரணஸம்வ்ருதம் ।
அத்⁴யாஸ்த ஸர்வவேதஜ³்ஞோ தூ³தானநுஶஶாஸ ச ॥ 11 ॥
ப்³ராஹ்மணான் க்ஷத்ரியான்வைஶ்யனமாத்யான்க³ணவல்லபா⁴ன் ।
க்ஷிப்ரமானயதாவ்யக்³ரா: க்ருத்யமாத்யயிகம் ஹி ந: ॥ 12 ॥
ஸராஜப்⁴ருத்யம் ஶத்ருக்⁴னம் ப⁴ரதம் ச யஶஸ்வினம் ।
யுதா⁴ஜிதம் ஸுமந்த்ரம் ச யே ச தத்ர ஹிதா ஜனா: ॥ 13 ॥
ததோ ஹலஹலாஶப்³த³ஸ்ஸுமஹான்ஸமபத்³யத ।
ரதை²ரஶ்வைர்கஜ³ைஶ்சாபி ஜனானாமுபக³ச்ச²தாம் ॥ 14 ॥
ததோ ப⁴ரதமாயாந்தம் ஶதக்ரதுமிவாமரா: ।
ப்ரத்யனந்த³ன்ப்ரக்ருதயோ யதா² த³ஶரத²ம் ததா² ॥ 15 ॥
ஹ்ரத³ இவ திமினாக³ஸம்வ்ருத: ஸ்திமிதஜலோ மணிஶங்க²ஶர்கர: ।
த³ஶரத²ஸுதஶோபி⁴தா ஸபா⁴ ஸத³ஶரதே²வ ப³பௌ⁴ யதா² புரா ॥ 16 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஏகாஶீதிதமஸ்ஸர்க:³ ॥
