ஶ்ரீமத்³வால்மீகீய ராமாயணே அரண்யகாண்ட³ம் ।
அத² ஷஷ்டிதமஸ்ஸர்க:³ ।
ப்⁴ருஶமாவ்ரஜமானஸ்ய தஸ்யாதோ⁴ வாமலோசனம் ।
ப்ராஸ்பு²ரச்சாஸ்க²லத்³ராமோ வேபது²ஶ்சாப்ய ஜாயத ॥ 1 ॥
உபாலக்ஷ்ய நிமித்தானி ஸோஶுபா⁴னி முஹுர்முஹு: ।
அபி க்ஷேமம் நு ஸீதாயா இதி வை வ்யாஜஹார ச ॥ 2 ॥
த்வரமாணோ ஜகா³மாத² ஸீதாத³ர்ஶனலாலஸ: ।
ஶூன்யமாவஸத²ம் த்³ருஷ்ட்வா ப³பூ⁴வோத்³விக்³னமானஸ: ॥ 3 ॥
உத்³ப்⁴ரமன்னிவ வேகே³ன விக்ஷிபன்ரகு⁴னந்த³ன: ।
தத்ர தத்ரோடஜஸ்தா²னமபி⁴வீக்ஷய ஸமந்தத: ॥ 4 ॥
த³த³ர்ஶ பர்ணஶாலாம் ச ரஹிதாம் ஸீதயா ததா³ ।
ஶ்ரியா விரஹிதாம் த்⁴வஸ்தாம் ஹேமந்தே பத்³மினீமிவ ॥ 5 ॥
ருத³ந்தமிவ வ்ருக்ஷைஶ்ச ம்லானபுஷ்பம்ருக³த்³விஜம் ।
ஶ்ரியா விஹீனம் வித்⁴வஸ்தம் ஸந்த்யக்தவனதே³வதம் ॥ 6 ॥
விப்ரகீர்ணாஜினகுஶம் விப்ரவித்³த⁴ப்³ருஸீகடம் ।
த்³ருஷ்ட்வா ஶூன்யம் நிஜஸ்தா²னம் விலலாப புன: புன: ॥ 7 ॥
ஹ்ருதா ம்ருதா வா நஷ்டா வா ப⁴க்ஷிதா வா ப⁴விஷ்யதி ।
நிலீனாப்யத²வா பீ⁴ருரத²வா வனமாஶ்ரிதா ॥ 8 ॥
க³தா விசேதும் புஷ்பாணி ப²லான்யபி ச வா புன: ।
அத²வா பத்³மினீம் யாதா ஜலார்த²ம் வா நதீ³ம் க³தா ॥ 9 ॥
யத்னான்ம்ருக³யமாணஸ்து நாஸஸாத³ வனே ப்ரியாம் ।
ஶோகரக்தேக்ஷணஶ்ஶோகாது³ன்மத்த இவ லக்ஷ்யதே ॥ 1௦ ॥
வ்ருக்ஷாத்³வ்ருக்ஷம் ப்ரதா⁴வன்ஸகி³ரேஶ்சாத்³ரிம் நதா³ன்னதீ³ம் ।
ப³பூ⁴வ விலபன்ராமஶ்ஶோகார்ணவபரிப்லுத: ॥ 11 ॥
அபி காசித்த்வயா த்³ருஷ்டா ஸா கத³ம்ப³ப்ரியா ப்ரியா ।
கத³ம்ப³ யதி³ ஜானீஷே ஶம்ஸ ஸீதாம் ஶுபா⁴னநாம் ॥ 12 ॥
ஸ்னிக்³த⁴பல்லவஸங்காஶா பீதகௌஶேயவாஸினீ ।
ஶம்ஸஸ்வ யதி³ வா த்³ருஷ்டா பி³ல்வ பி³ல்வோபமஸ்தனீ ॥ 13 ॥
அத²வார்ஜுன ஶம்ஸ த்வம் ப்ரியாம் தாமர்ஜுனப்ரியாம் ।
ஜனகஸ்ய ஸுதா பீ⁴ருர்யதி³ ஜீவதி வா ந வா ॥ 14 ॥
ககுப:⁴ ககுபோ⁴ரூம் தாம் வ்யக்தம் ஜானாதி மைதி²லீம் ।
யதா² பல்லவபுஷ்பாட்⁴யோ பா⁴தி ஹ்யேஷ வனஸ்பதி: ॥ 15 ॥
ப்⁴ரமரைருபகீ³தஶ்ச யதா² த்³ருமவரோ ஹ்யயம் ।
ஏஷ வ்யக்தம் விஜானாதி திலகஸ்திலகப்ரியாம் ॥ 16 ॥
அஶோக ஶோகாபனுத³ ஶோகோபஹதசேதஸம் ।
த்வன்னாமானம் குரு க்ஷிப்ரம் ப்ரியாஸந்த³ர்ஶனேன மாம் ॥ 17 ॥
யதி³ தால த்வயா த்³ருஷ்டா பக்வதாலப²லஸ்தனீ ।
கத²யஸ்வ வராரோஹாம் காருண்யம் யதி³ தே மயி ॥ 18 ॥
யதி³ த்³ருஷ்டா த்வயா ஸீதா ஜம்பு³ ஜம்பூ³ப²லோபமா ।
ப்ரியாம் யதி³ விஜானீஷே நி:ஶங்கம் கத²யஸ்வ மே ॥ 19 ॥
அஹோ த்வம் கர்ணிகாராத்³ய ஸுபுஷ்பைஶ்ஶோப⁴ஸே ப்⁴ருஶம் ।
கர்ணிகாரப்ரியா ஸாத்⁴வீ ஶம்ஸ த்³ருஷ்டா ப்ரியா யதி³ ॥ 2௦ ॥
சூதனீபமஹாஸாலான்பனஸான்குரவாந்த⁴வான் ।
தா³டி³மானநஸான்க³த்வா த்³ருஷ்ட்வா ராமோ மஹாயஶா: ॥ 21 ॥
மல்லிகா மாத⁴வீஶ்சைவ சம்பகான்கேதகீஸ்ததா² ।
ப்ருச்ச²ன்ராமோ வனே பா⁴ந்த: உன்மத்த இவ லக்ஷ்யதே ॥ 22 ॥
அத²வா ம்ருக³ஶாபா³க்ஷீம் ம்ருக³ ஜானாஸி மைதி²லீம் ।
ம்ருக³விப்ரேக்ஷணீ காந்தா ம்ருகீ³பி⁴ஸ்ஸஹிதா ப⁴வேத் ॥ 23 ॥
கஜ³ ஸா கஜ³னாஸோரூர்யதி³ த்³ருஷ்டா த்வயா ப⁴வேத் ।
தாம் மன்யே விதி³தாம் துப்⁴யமாக்²யாஹி வரவாரண ॥ 24 ॥
ஶார்தூ³ல யதி³ ஸா த்³ருஷ்டா ப்ரியா சந்த்³ரனிபா⁴னநா ।
மைதி²லீ மம விஸ்ரப்³த⁴ம் கத²யஸ்வ ந தே ப⁴யம் ॥ 25 ॥
கிம் தா⁴வஸி ப்ரியே தூ³ரே த்³ருஷ்டாஸி கமலேக்ஷணே ।
வ்ருக்ஷைராச்சா²த்³ய சாத்மானம் கிம் மாம் ந ப்ரதிபா⁴ஷஸே ॥ 26 ॥
திஷ்ட² திஷ்ட² வராரோஹே ந தேஸ்தி கருணா மயி ।
நாத்யர்த²ம் ஹாஸ்யஶீலாஸி கிமர்த²ம் மாமுபேக்ஷஸே ॥ 27 ॥
பீதகௌஶேயகேனாஸி ஸூசிதா வரவர்ணினி ।
தா⁴வந்த்யபி மயா த்³ருஷ்டா திஷ்ட² யத்³யஸ்தி ஸௌஹ்ருத³ம் ॥ 28 ॥
நைவ ஸா நூனமத²வா ஹிம்ஸிதா சாருஹாஸினீ ।
க்ருச்ச்²ரப்ராப்தம் ந மாம் நூனம் யதோ²பேக்ஷிதுமர்ஹதி ॥ 29 ॥
வ்யக்தம் ஸா ப⁴க்ஷிதா பா³லா ராக்ஷஸை: பிஶிதாஶனை: ।
விபஜ⁴்யாங்கானி ஸர்வாணி மயா விரஹிதா ப்ரியா ॥ 3௦ ॥
நூனம் தச்சு²ப⁴த³ந்தோஷ்ட²ம் ஸுனாஸம் சாருகுண்ட³லம் ।
பூர்ணசந்த்³ரனிப⁴ம் க்³ரஸ்தம் முக²ம்னிஷ்ப்ரப⁴தாம் க³தம் ॥ 31 ॥
ஸா ஹி சம்பகவர்ணாபா⁴ க்³ரீவா க்³ரைவேயஶோபி⁴தா ।
கோமலா விலபந்த்யாஸ்து காந்தாயா ப⁴க்ஷிதா ஶுபா⁴ ॥ 32 ॥
நூனம் விக்ஷிப்யமாணௌ தௌ பா³ஹூ பல்லவகோமலௌ ।
ப⁴க்ஷிதௌ வேபமானாக்³ரௌ ஸஹஸ்தாப⁴ரணாங்க³தௌ³ ॥ 33 ॥
மயா விரஹிதா பா³லா ரக்ஷஸாம் ப⁴க்ஷணாய வை ।
ஸார்தே⁴னேவ பரித்யக்தா ப⁴க்ஷிதா ப³ஹுபா³ந்த⁴வா ॥ 34 ॥
ஹா லக்ஷ்மண மஹாபா³ஹோ பஶ்யஸி த்வம் ப்ரியாம் க்வசித் ।
ஹா ப்ரியே க்வ க³தா ப⁴த்³ரே ஹா ஸீதேதி புன: புன: ॥ 35 ॥
இத்யேவம் விலபன்ராம: பரிதா⁴வன்வனாத்³வனம் ।
க்வசிது³த்³ப்⁴ரமதே வேகா³த்க்வசித்³விப்⁴ரமதே ப³லாத் ॥ 36 ॥
க்வசின்மத்த இவாபா⁴தி காந்தான்வேஷணதத்பர: ।
ஸ வனானி நதீ³ஶ்ஶைலான் கி³ரிப்ரஸ்ரவணானி ச ॥ 37 ॥
கானநானி ச வேகே³ன ப்⁴ரமத்யபரிஸம்ஸ்தி²த: ।
ததா² ஸ க³த்வா விபுலம் மஹத்³வனம் பரீத்ய ஸர்வம் த்வத² மைதி²லீம் ப்ரதி ।
அனிஷ்டி²தாஶஸ்ஸசகார மார்க³ணே புன: ப்ரியாயா: பரமம் பரிஶ்ரமம் ॥ 38 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ ஷஷ்டிதமஸ்ஸர்க:³ ॥
