ஶ்ரீமத்³வால்மீகீய ராமாயணே அரண்யகாண்ட³ம் ।
அத² த்³விஸப்ததிதமஸ்ஸர்க:³ ।
ஏவமுக்தௌது தௌ வீரௌ கப³ந்தே⁴ன நரேஶ்வரௌ ।
கி³ரிப்ரத³ரமாஸாத்³ய பாவகம் விஸஸர்ஜது: ॥ 1 ॥
லக்ஷ்மணஸ்து மஹோல்காபி⁴ர்ஜ்வலிதாபி⁴ஸ்ஸமந்தத: ।
சிதாமாதீ³பயாமாஸ ஸா ப்ரஜஜ்வால ஸர்வத: ॥ 2 ॥
தச்ச²ரீரம் கப³ந்த⁴ஸ்ய க்⁴ருதபிண்டோ³பமம் மஹத் ।
மேத³ஸா பச்யமானஸ்ய மந்த³ம் த³ஹதி பாவக: ॥ 3 ॥
ஸ விதூ⁴ய சிதாமாஶு விதூ⁴மோக்³னிரிவோத்தி²த: ।
அரஜே வாஸஸீ பி³ப்⁴ரன்மாலாம் தி³வ்யாம் மஹாப³ல: ॥ 4 ॥
ததஶ்சிதாயா வேகே³ன பா⁴ஸ்வரோ விமலாம்ப³ர: ।
உத்பபாதாஶு ஸம்ஹ்ருஷ்டஸ்ஸர்வப்ரத்யங்க³பூ⁴ஷண: ॥ 5 ॥
விமானே பா⁴ஸ்வரே திஷ்ட²ன்ஹம்ஸயுக்தே யஶஸ்கரே ।
ப்ரப⁴யா ச மஹாதேஜா தி³ஶோ த³ஶ விராஜயன் ॥ 6 ॥
ஸோந்தரிக்ஷக³தோ ராமம் கப³ந்தோ⁴ வாக்யமப்³ரவீத் ।
ஶ்ருணு ராக⁴வ தத்த்வேன யதா² ஸீதாமவாப்ஸ்யஸி ॥ 7 ॥
ராம ஷட்³யுக்தயோ லோகே யாபி⁴ஸ்ஸர்வம் விம்ருஶ்யதே ।
பரிம்ருஷ்டோ த³ஶாந்தேன த³ஶாபா⁴கே³ன ஸேவ்யதே ॥ 8 ॥
த³ஶாபா⁴க³க³தோ ஹீனஸ்த்வம் ஹி ராம ஸலக்ஷ்மண: ।
யத்க்ருதே வ்யஸனம் ப்ராப்தம் த்வயா தா³ரப்ரத⁴ர்ஷணம் ॥ 9 ॥
தத³வஶ்யம் த்வயா கார்யஸ்ஸஸுஹ்ருத்ஸுஹ்ருதா³ம் வர ।
அக்ருத்வா ஹி ந தே ஸித்³தி⁴மஹம் பஶ்யாமி சிந்தயன் ॥ 1௦ ॥
ஶ்ரூயதாம் ராம வக்ஷ்யாமி ஸுக்³ரீவோ நாம வானர: ।
ப்⁴ராத்ரா நிரஸ்த: க்ருத்³தே⁴ன வாலினா ஶக்ரஸூனுனா ॥ 11 ॥
ருஶ்யமூகே கி³ரிவரே பம்பாபர்யந்தஶோபி⁴தே ।
நிவஸத்யாத்மவான்வீரஶ்சதுர்பி⁴ஸ்ஸஹ வானரை: ॥ 12 ॥
வானரேந்த்³ரோ மஹாவீர்யஸ்தேஜோவானமிதப்ரப:⁴ ।
ஸத்யஸந்தோ⁴ வினீதஶ்ச த்⁴ருதிமான்மதிமான்மஹான் ॥ 13 ॥
த³க்ஷ: ப்ரக³ல்போ⁴ த்³யுதிமான்மஹாப³லபராக்ரம: ।
ப்⁴ராத்ரா விவாஸிதோ ராம ராஜ்யஹேதோர்மஹாப³ல: ॥ 14 ॥
ஸ தே ஸஹாயோ மித்ரம் ச ஸீதாயா: பரிமார்க³ணே ।
ப⁴விஷ்யதி ஹிதே ராம மா ச ஶோகே மன: க்ருதா²: ॥ 15 ॥
ப⁴விதவ்யம் ஹி யச்சாபி ந தச்ச²க்யமிஹான்யதா² ।
கர்துமிக்ஷ்வாகுஶார்தூ³ல காலோ ஹி து³ரதிக்ரம: ॥ 16 ॥
க³ச்ச² ஶ்ரீக்⁴ரமிதோ ராம ஸுக்³ரீவம் தம் மஹாப³லம் ।
வயஸ்யம் தம் குரு க்ஷிப்ரமிதோ க³த்வாத்³ய ராக⁴வ ॥ 17 ॥
அத்³ரோஹாய ஸமாக³ம்ய தீ³ப்யமானே விபா⁴வஸௌ ।
ஸ ச தே நாவமந்தவ்யஸ்ஸுக்³ரீவோ வானராதி⁴ப: ॥ 18 ॥
க்ருதஜ்ஞ: காமரூபீ ச ஸஹாயார்தீ² ச வீர்யவான் ।
ஶக்தௌஹ்யத்³ய யுவாம் கர்தும் கார்யம் தஸ்ய சிகீர்ஷிதம் ॥ 19 ॥
க்ருதார்தோ² வாக்ருதார்தோ² வா க்ருத்யம் தவ கரிஷ்யதி ।
ஸ ருக்ஷரஜஸ: புத்ர: பம்பாமடதி ஶங்கித: ॥ 2௦ ॥
பா⁴ஸ்கரஸ்யௌரஸ: புத்ரோ வாலினா க்ருதகில்பி³ஷ: ।
ஸன்னிதா⁴யாயுத⁴ம் க்ஷிப்ரம்ருஷ்யமூகாலயம் கபிம் ॥ 21 ॥
குரு ராக⁴வ ஸத்யேன வயஸ்யம் வனசாரிணம் ।
ஸ ஹி ஸ்தா²னானி ஸர்வாணி கார்த்ஸ்ன்யேன கபிகுஞ்ஜர: ॥ 22 ॥
நரமாம்ஸாஶினாம் லோகே நைபுண்யாத³தி⁴க³ச்ச²தி ।
ந தஸ்யாவிதி³தம் லோகேகிஞ்சித³ஸ்தி ஹி ராக⁴வ ॥ 23 ॥
யாவத்ஸூர்ய: ப்ரதபதி ஸஹஸ்ராம்ஶுரரிந்த³ம ।
ஸ நதீ³ர்விபுலான்ஶைலான் கி³ரிது³ர்கா³ணி கந்த³ரான் ॥ 24 ॥
அன்வீக்ஷ்ய வானரைஸ்ஸார்த⁴ம் பத்னீம் தேதி⁴க³மிஷ்யதி ।
வானராம்ஶ்ச மஹாகாயான்ப்ரேஷயிஷ்யதி ராக⁴வ ॥ 25 ॥
தி³ஶோ விசேதும் தாம் ஸீதாம் த்வத்³வியோகே³ன ஶோசதீம் ।
ஸ ஜ்ஞாஸ்யதி வராரோஹாம் நிர்மலாம் ராவணாலயே ॥ 26 ॥
ஸ மேருஶ்ருங்கா³க்³ரக³தாமனிந்தி³தாம் ப்ரவிஶ்ய பாதாலதலேபி வா ஶ்ரிதாம் ।
ப்லவங்க³மானாம் ப்ரவரஸ்தவ ப்ரியாம் நிஹத்ய ரக்ஷாம்ஸி புன: ப்ரதா³ஸ்யதி ॥ 27 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ த்³விஸப்ததிதமஸ்ஸர்க:³ ॥
