ଶ୍ରୀମଦ୍ଵାଲ୍ମୀକୀୟ ରାମାୟଣେ ବାଲକାଂଡମ୍ ।
ଅଥ ଏକସପ୍ତତିତମସ୍ସର୍ଗଃ ।
ଏଵଂ ବ୍ରୁଵାଣଂ ଜନକଃ ପ୍ରତ୍ୟୁଵାଚ କୃତାଂଜଲିଃ ।
ଶ୍ରୋତୁମର୍ହସି ଭଦ୍ରଂ ତେ କୁଲଂ ନଃ ପରିକୀର୍ତିତମ୍ ॥ 1 ॥
ପ୍ରଦାନେ ହି ମୁନିଶ୍ରେଷ୍ଠ କୁଲଂ ନିରଵଶେଷତଃ ।
ଵକ୍ତଵ୍ୟଂ କୁଲଜାତେନ ତନ୍ନିବୋଧ ମହାମୁନେ ॥ 2 ॥
ରାଜାଽଭୂତ୍ ତ୍ରିଷୁ ଲୋକେଷୁ ଵିଶ୍ରୁତ ସ୍ସ୍ଵେନ କର୍ମଣା ।
ନିମିଃ ପରମଧର୍ମାତ୍ମା ସର୍ଵସତ୍ତ୍ଵଵତାଂ ଵରଃ ॥ 3 ॥
ତସ୍ୟ ପୁତ୍ରୋମିଥିର୍ନାମ ମିଥିଲା ୟେନ ନିର୍ମିତା ।
ପ୍ରଥମୋ ଜନକୋ ନାମ ଜନକାଦପ୍ୟୁଦାଵସୁଃ ॥ 4 ॥
ଉଦାଵସୋସ୍ତୁ ଧର୍ମାତ୍ମା ଜାତୋ ଵୈ ନଂଦିଵର୍ଧନଃ ।
ନଂଦିଵର୍ଧନପୁତ୍ରସ୍ତୁ ସୁକେତୁର୍ନାମ ନାମତଃ ॥ 5 ॥
ସୁକେତୋରପି ଧର୍ମାତ୍ମା ଦେଵରାତୋ ମହାବଲଃ ।
ଦେଵରାତସ୍ୟ ରାଜର୍ଷେର୍ବୃହଦ୍ରଥ ଇତି ସ୍ମୃତଃ ॥ 6 ॥
ବୃହଦ୍ରଥସ୍ୟ ଶୂରୋଽଭୂନ୍ମହାଵୀରଃ ପ୍ରତାପଵାନ୍ ।
ମହାଵୀରସ୍ୟ ଧୃତିମାନ୍ ସୁଧୃତିସ୍ସତ୍ୟଵିକ୍ରମଃ ॥ 7 ॥
ସୁଧୃତେରପି ଧର୍ମାତ୍ମା ଦୃଷ୍ଟକେତୁସ୍ସୁଧାର୍ମିକଃ ।
ଦୃଷ୍ଟକେତୋସ୍ତୁ ରାଜର୍ଷେର୍ହର୍ୟଶ୍ଵ ଇତି ଵିଶ୍ରୁତଃ ॥ 8 ॥
ହର୍ୟଶ୍ଵସ୍ୟ ମରୁଃ ପୁତ୍ରୋ ମରୋଃ ପୁତ୍ରଃ ପ୍ରତିଂଧକଃ ।
ପ୍ରତିଂଧକସ୍ୟ ଧର୍ମାତ୍ମା ରାଜା କୀର୍ତିରଥସ୍ସୁତଃ ॥ 9 ॥
ପୁତ୍ରଃ କୀର୍ତିରଥସ୍ୟାପି ଦେଵମୀଢ ଇତି ସ୍ମୃତଃ ।
ଦେଵମୀଢସ୍ୟ ଵିବୁଧୋ ଵିବୁଧସ୍ୟ ମହୀଧ୍ରକଃ ॥ 10 ॥
ମହୀଧ୍ରକସୁତୋ ରାଜା କୀର୍ତିରାତୋ ମହାବଲଃ ।
କୀର୍ତିରାତସ୍ୟ ରାଜର୍ଷେର୍ମହାରୋମା ଵ୍ୟଜାୟତ ॥ 11 ॥
ମହାରୋମ୍ଣସ୍ତୁ ଧର୍ମାତ୍ମା ସ୍ଵର୍ଣରୋମା ଵ୍ୟଜାୟତ ।
ସ୍ଵର୍ଣରୋମ୍ଣସ୍ତୁ ରାଜର୍ଷେର୍ହ୍ରସ୍ଵରୋମା ଵ୍ୟଜାୟତ ॥ 12 ॥
ତସ୍ୟ ପୁତ୍ରଦ୍ଵୟଂ ଜଜ୍ଞେ ଧର୍ମଜ୍ଞସ୍ୟ ମହାତ୍ମନଃ ।
ଜ୍ୟେଷ୍ଠୋଽହମନୁଜୋ ଭ୍ରାତା ମମ ଵୀରଃ କୁଶଧ୍ଵଜଃ ॥ 13 ॥
ମାଂ ତୁ ଜ୍ୟେଷ୍ଠଂ ପିତା ରାଜ୍ୟେ ସୋଽଭିଷିଚ୍ୟ ନରାଧିପଃ ।
କୁଶଧ୍ଵଜଂ ସମାଵେଶ୍ୟ ଭାରଂ ମୟି ଵନଂ ଗତଃ ॥ 14 ॥
ଵୃଦ୍ଧେ ପିତରି ସ୍ଵର୍ୟାତେ ଧର୍ମେଣ ଧୁରମାଵହମ୍ ।
ଭ୍ରାତରଂ ଦେଵସଂକାଶଂ ସ୍ନେହାତ୍ପଶ୍ୟନ୍ କୁଶଧ୍ଵଜମ୍ ॥ 15 ॥
କସ୍ୟ ଚିତ୍ତ୍ଵଥକାଲସ୍ୟ ସାଂକାଶ୍ୟାଦଗମତ୍ପୁରାତ୍ ।
ସୁଧନ୍ଵା ଵୀର୍ୟଵାନ୍ରାଜା ମିଥିଲାମଵରୋଧକଃ ॥ 16 ॥
ସ ଚ ମେ ପ୍ରେଷୟାମାସ ଶୈଵଂ ଧନୁରନୁତ୍ତମମ୍ ।
ସୀତା କନ୍ୟା ଚ ପଦ୍ମାକ୍ଷୀ ମହ୍ୟଂ ଵୈ ଦୀୟତାମିତି ॥ 17 ॥
ତସ୍ୟାପ୍ରଦାନାଦ୍ବ୍ରହ୍ମର୍ଷେ ୟୁଦ୍ଧମାସୀନ୍ମୟା ସହ ।
ସ ହତୋଽଭିମୁଖୋ ରାଜା ସୁଧନ୍ଵା ତୁ ମୟା ରଣେ ॥ 18 ॥
ନିହତ୍ୟ ତଂ ମୁନିଶ୍ରେଷ୍ଠ ସୁଧନ୍ଵାନଂ ନରାଧିପମ୍ ।
ସାଂକାଶ୍ୟେ ଭ୍ରାତରଂ ଵୀରମଭ୍ୟଷିଂଚଂ କୁଶଧ୍ଵଜମ୍ ॥ 19 ॥
କନୀୟାନେଷ ମେ ଭ୍ରାତା ଅହଂ ଜ୍ୟେଷ୍ଠୋ ମହାମୁନେ ।
ଦଦାମି ପରମପ୍ରୀତୋ ଵଧ୍ଵୌ ତେ ମୁନିପୁଂଗଵ ॥ 20 ॥
ସୀତାଂ ରାମାୟ ଭଦ୍ରଂ ତେ ଊର୍ମିଲା ଲକ୍ଷ୍ମଣାୟ ଚ ।
ଵୀର୍ୟଶୁଲ୍କାଂ ମମ ସୁତାଂ ସୀତାଂ ସୁରସୁତୋପମାମ୍ ॥ 21 ॥
ଦ୍ଵିତୀୟାମୂର୍ମିଲାଂ ଚୈଵ ତ୍ରିର୍ଦଦାମି ନ ସଂଶୟଃ ।
ଦଦାମି ପରମପ୍ରୀତୋ ଵଧ୍ଵୌ ତେ ରଘୁନଂଦନ ॥ 22 ॥
ରାମଲକ୍ଷ୍ମଣୟୋ ରାଜନ୍ ଗୋଦାନଂ କାରୟସ୍ଵ ହ ।
ପିତୃକାର୍ୟଂ ଚ ଭଦ୍ରଂ ତେ ତତୋ ଵୈଵାହିକଂ କୁରୁ ॥ 23 ॥
ମଖା ହ୍ୟଦ୍ୟ ମହାବାହୋ ତୃତୀୟେ ଦିଵସେ ପ୍ରଭୋ ।
ଫଲ୍ଗୁନ୍ୟାମୁତ୍ତରେ ରାଜଂସ୍ତସ୍ମିନ୍ଵୈଵାହିକଂ କୁରୁ ॥ 24 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ବାଲକାଂଡେ ଏକସପ୍ତତିତମସ୍ସର୍ଗଃ ॥
