শ্রীমদ্বাল্মীকীয় রামাযণে বালকাংডম্ ।
অথ ত্রয়োদশস্সর্গঃ ।
পুনঃ প্রাপ্তে বসংতে তু পূর্ণস্সংবত্সরোঽভবত্ ।
প্রসবার্থং গতো যষ্টুং হযমেধেন বীর্যবান্ ॥ 1 ॥
অভিবাদ্য় বসিষ্ঠং চ ন্য়াযতঃ পরিপূজ্য় চ ।
অব্রবীত্প্রশ্রিতং বাক্য়ং প্রসবার্থং দ্বিজোত্তমম্ ॥ 2 ॥
যজ্ঞো মে ক্রিযতাং ব্রহ্মন্যথোক্তং মুনিপুংগব ।
যথা ন বিঘ্নঃ ক্রিযতে যজ্ঞাংগেষু বিধীযতাম্ ॥ 3 ॥
ভবান্ স্নিগ্ধস্সুহৃন্মহ্য়ং গুরুশ্চ পরমো মহান্ ।
ওঢব্য়ো ভবতা চৈব ভারো যজ্ঞস্য় চোদ্যতঃ ॥ 4 ॥
তথেতি চ স রাজানমব্রবীদ্দ্বিজসত্তমঃ ।
করিষ্য়ে সর্বমেবৈতদ্ভবতা যত্সমর্থিতম্ ॥ 5 ॥
ততোঽব্রবীদ্বিজান্বৃদ্ধান্যজ্ঞকর্মসু নিষ্ঠিতান্ ।
স্থাপত্য়ে নিষ্ঠিতাংশ্চৈব বৃদ্ধান্পরমধার্মিকান্ ॥ 6 ॥
কর্মাংতিকান্ শিল্পকরান্বর্ধকীন্ খনকানপি ।
গণকান্শিল্পিনশ্চৈব তথৈব নটনর্তকান্ ॥ 7 ॥
তথা শুচীন্শাস্ত্রবিদঃ পুরুষান্ সুবহুশ্রুতান্ ।
যজ্ঞকর্ম সমীহংতাং ভবংতো রাজশাসনাত্ ॥ 8 ॥
ইষ্টকা বহু সাহস্রাশ্শীঘ্রমানীযতামিতি ।
0 উপকার্য়াঃ ক্রিয়ংতাং চ রাজ্ঞাং বহুগুণান্বিতাঃ ॥ 9 ॥
ব্রাহ্মণাবসথাশ্চৈব কর্তব্য়াশ্শতশশ্শুভাঃ ।
ভক্ষ্য়ান্নপানৈর্বহুভিস্সমুপেতাস্সুনিষ্ঠিতাঃ ॥ 10 ॥
তথা পৌরজনস্য়াপি কর্তব্য়া বহুবিস্তরাঃ ।
আবাসা বহুভক্ষ্য়া বৈ সর্বকামৈরুপস্থিতাঃ ॥ 11 ॥
তথা জানপদস্য়াপি জনস্য় বহুশোভনম্ ।
দাতব্যমন্নং বিধিবত্সত্কৃত্য় ন তু লীলয়া ॥ 12 ॥
সর্বে বর্ণা যথা পূজাং প্রাপ্নুবংতি সুসত্কৃতাঃ ।
ন চাবজ্ঞা প্রয়োক্তব্য়া কামক্রোধবশাদপি ॥ 13 ॥
যজ্ঞকর্মসু যে ব্যগ্রাঃ পুরুষাশ্শিল্পিনস্তথা ।
তেষামপি বিশেষেণ পূজা কার্য়া যথাক্রমম্ ॥ 14 ॥
তে চ স্য়ুস্সংভৃতাস্সর্বে বসুভির্ভোজনেন চ ।
যথা সর্বং সুবিহিতং ন কিংচিত্পরিহীযতে ॥ 15 ॥
তথা ভবংতঃ কুর্বংতু প্রীতিস্নিগ্ধেন চেতসা ।
ততস্সর্বে সমাগম্য় বসিষ্ঠমিদমব্রুবন্ ॥ 16 ॥
যথোক্তং তত্সুবিহিতং ন কিংচিত্পরিহীযতে ।
যথোক্তং তত্করিষ্য়ামো ন কিংচিত্পরিহাস্যতে ॥ 17 ॥
ততস্সুমংত্রমানীয় বসিষ্ঠো বাক্যমব্রবীত্ ।
নিমংত্রযস্ব নৃপতীন্পৃথিব্য়াং যে চ ধার্মিকাঃ ॥ 18 ॥
ব্রাহ্মণান্ক্ষত্রিয়ান্বৈশ্য়াংছূদ্রাংশ্চৈব সহস্রশঃ ।
সমানযস্ব সত্কৃত্য় সর্বদেশেষু মানবান্ ॥ 19 ॥
মিথিলাধিপতিং শূরং জনকং সত্যবিক্রমম্ ।
নিষ্ঠিতং সর্বশাস্ত্রেষু তথা বেদেষু নিষ্ঠিতম্ ॥ 20 ॥
তমানয় মহাভাগং স্বযমেব সুসত্কৃতম্ ।
পূর্বসংবংধিনং জ্ঞাত্বা ততঃ পূর্বং ব্রবীমি তে ॥ 21 ॥
তথা কাশীপতিং স্নিগ্ধং সততং প্রিযবাদিনম্ ।
বযস্য়ং রাজসিংহস্য় স্বযমেবানযস্ব হ ॥ 22 ॥
তথা কেকযরাজানং বৃদ্ধং পরমধার্মিকম্ ।
শ্বশুরং রাজসিংহস্য় সপুত্রং ত্বমিহানয় ॥ 23 ॥
অংগেশ্বরং মহাভাগং রোমপাদং সুসত্কৃতম্ ।
বযস্য়ং রাজসিংহস্য় সমানয় যশস্বিনম্ ॥ 24 ॥
প্রাচীনান্সিংধু সৌবীরান্সৌরাষ্ট্রেয়াংশ্চ পার্থিবান্ ।
দাক্ষিণাত্য়ান্নরেংদ্রাংশ্চ সমস্তানানযস্ব হ ॥ 25 ॥
সংতি স্নিগ্ধাশ্চ যে চান্য়ে রাজানঃ পৃথিবীতলে ।
তানানয় যথাক্ষিপ্রং সানুগান্সহ বাংধবান্ ॥ 26 ॥
বসিষ্ঠবাক্য়ং তচ্ছ্রুত্বা সুমংত্রস্ত্বরিতস্তদা ।
ব্য়াদিশত্পুরুষাংস্তত্র রাজ্ঞামানযনে শুভান্ ॥ 27 ॥
স্বযমেব হি ধর্মাত্মা প্রযয়ৌ মুনিশাসনাত্ ।
সুমংত্রস্ত্বরিতো ভূত্বা সমানেতুং মহীক্ষিতঃ ॥ 28 ॥
তে চ কর্মাংতিকাস্সর্বে বসিষ্ঠায় চ ধীমতে ।
সর্বং নিবেদয়ংতি স্ম যজ্ঞে যদুপকল্পিতম্ ॥ 29 ॥
ততঃপ্রীতো দ্বিজশ্রেষ্ঠস্তান্ সর্বানিদমব্রবীত্ ।
অবজ্ঞয়া ন দাতব্য়ং কস্যচিল্লীলয়াঽপি বা ॥ 30 ॥
অবজ্ঞয়া কৃতং হন্য়াদ্দাতারং নাত্র সংশয়ঃ ।
28 ততঃ কৈশ্চিদহোরাত্রৈরুপয়াতা মহীক্ষিতঃ ॥ 31 ॥
বহূনি রত্নান্য়াদায় রাজ্ঞো দশরথস্য় বৈ ।
ততো বসিষ্ঠস্সুপ্রীতো রাজানমিদমব্রবীত্ ॥ 32 ॥
উপয়াতা নরব্য়াঘ্র রাজানস্তব শাসনাত্ ।
ময়াপি সত্কৃতাঃ সর্বে যথার্হং রাজসত্তমাঃ ॥ 33 ॥
যজ্ঞীয়ং চ কৃতং রাজন্ পুরুষৈস্সুসমাহিতৈঃ ।
নির্য়াতু চ ভবান্যষ্টুং যজ্ঞাযতনমংতিকাত্ ॥ 34 ॥
সর্বকামৈরুপহৃতৈরুপেতং চ সমংততঃ ।
দ্রষ্টুমর্হসি রাজেংদ্র মনসেব বিনির্মিতম্ ॥ 35 ॥
তথা বসিষ্ঠবচনাদৃশ্যশৃংগস্য় চোভয়োঃ ।
শুভে দিবসনক্ষত্রে নির্য়াতো জগতীপতিঃ ॥ 36 ॥
ততো বসিষ্ঠপ্রমুখাস্সর্ব এব দ্বিজোত্তমাঃ ।
ঋশ্যশৃংগং পুরস্কৃত্য় যজ্ঞকর্মারভন্ তদা ॥ 37 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে ত্রয়োদশস্সর্গঃ ॥
